Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Marsi 2014

 SAMMISAQ PINGAARNEQ | TOQU KIKKUT TAMARMIK NAGGATISSARAAT?

Toqup kapuutaa

Toqup kapuutaa

Toqu oqaloqatigiissutigissallugu artornarsinnaavoq. Amerlanerit oqaloqatigiissutigerusunneq ajorpaat. Kisianni siusinnerusukkut kingusinnerusukkulluunniit toqusoqarnera sunnerneqaatigisussaavarput. Toqullu kapuutaa inngigillunilu anniartitsingaartarpoq.

Kialluunniit anaanatsinnik, ataatatsinnik, aappatsinnik qitornatsinnilluunniit annaasaqarnissatsinnut tamakkiisumik piareersarsinnaanngilaatigut. Tassanngaannaq imaluunniit piffissami sivisuumi alianartumik atugaqalersinnaavugut. Qanorluunniit ikkaluarpat toqup annernartua avaqqussinnaanngilarput, toqulu inunnut tamanut naggatissaanera isumatsannarsinnaavoq.

Antonio, aqqusinermi angalalluni ajunaartumik ataatalik, ima oqaluttuarpoq: “Allaanngilaq allap illorput parnaariarlugu matuersaatit igissimagai. Sivikitsunnguamilluunniit angerlarsimasoqarsinnaanngilaq. Eqqaamasalliuku kisimik. Tassa atugarineqartariaqalersut. Pisimasorlu — naapertuilluanngippasinera pissutigalugu — ilumuunnginnerarneqaraluartoq allamik iliuuseqartoqarsinnaanngilaq.”

Dorothy 47-nik ukioqarluni uillarninngorami toqu pillugu apeqqutigisartakkani akissutissarsiniarlugit aalajangerpoq. Sapaammi meeqqanik upperisarsiortitsisuugami isumaqanngilaq toqu kikkunnut tamanut naggatissaasoq. Ersarissunilli akissutissarsisimanngilaq. Tuluit ilagiivini palasi ima aperaa: “Toqugutta qanoq pisoqassava?” Taannalu ima akivoq: “Tamanna kialluunniit ilisimanngilaa. Toqugutta paasinarsiumaarpoq.”

Ilumoorpa tamanna siunissami ‘paasinarsiumaartoq’? Toqu kikkut tamarmik naggatissarineraat arlaatigut paasiniarsinnaavarput?