Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Novembari 2013

Apeqqutit Biibilimut tunngasut

Apeqqutit Biibilimut tunngasut

Toqusunut neriuutis­saqar­pa?

Toqu sinin­ner­tut ip­poq, tas­sa toqusut sun­nguamil­luun­niit ilisimasaqaratik iliuuseqarsin­naan­ngil­lat. Kisian­nili inuunermik Pin­ngor­titsisup makititsinermigut toqusut uum­mar­teq­qis­sin­naavai. Tamatumun­nga up­per­narsaatitut Guutip Jiisusi toqusunik makititsinis­samut pis­saaneqar­tip­paa. — Oqaluus­sisar­tup oqaasii 9:5; Johan­nesi 11:11, 43, 44 atuak­kit.

Toqup sininnertut innera qanoq paasisariaqarpa?

Guuti neriorsuisimavoq pif­fis­saq aalajangik­kani nal­liup­pat toqusut eq­qaamasani silarsuas­sami nutaami naaper­tuil­luas­suseqarfiusumi makititaajumaar­tut. Guuti Ajugaqan­ngitsoq toqusut makitin­niarlugit pis­saanerminik atuinis­saminut qilanaar­poq. — Esaja 25:8 atuaruk.

Makititsinis­saq qanoq is­sava?

Inuit Guutimit makitin­neqar­tut kinaanerlutik nalus­san­ngilaat, aam­ma ikin­ngutitik ilaqut­tatil­lu ilisarisin­naas­savaat. Guutip makitin­neqar­tus­sat asiusimasumik timil­lit nutaamik timilerlugit makitis­savai. — 1 Korinthimiut 15:35, 38 atuak­kit.

Inuit amerlaval­laan­ngitsut qilam­mi makititaajumaar­put. (Saq­qum­mersitat 20:6) Makititaasus­sat amerlanerit nunami paratiisin­ngor­teq­qitaasumi uum­maq­qis­sap­put. Taak­ku aal­laq­qaataaniit aal­lar­teq­qin­nis­samut periarfis­saqas­sal­lutil­lu naas­saan­ngitsumik inuusin­naalis­sap­put. — Tus­siaat 37:29; Apustilit Suliaat 24:15 atuak­kit.