Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Novembari 2013

Naalliuutit qanittukkut atuukkunnaassapput!

Naalliuutit qanittukkut atuukkunnaassapput!

Takorlooruk nunarsuarmi naal­liut­toqarfiun­ngitsumi — pinerlut­toqarfiun­ngitsumi, sorsut­toqarfiun­ngitsumi, nap­parsimasoqarfiun­ngitsumi pin­ngor­titamilu ajunaar­nersuaqarfiun­ngitsumi — inuul­lutit. Takorlooruk ul­laat tamaasa as­sigiin­ngisitsisar­nerit, naqisiman­nit­tar­nerit aningaasaqar­nik­kul­luun­niit ajor­nar­torsiutit pil­lugit isumakuluuteqar­nak iter­tarlutit. Taman­na up­periuminaap­pal­laar­pa? Inuit imaluun­niit peqatigiif­fiit inun­nit pilersin­neqarsimasut pis­sutsinik taamaat­tunik atuutilersitsisin­naan­ngin­nerat ilumoor­poq. Guutili naal­liuutinik tamanik, al­laaserisap matuma siuliini al­laatigineqar­tut ilan­ngul­lugit, atuuk­kun­naarsitsiniarluni neriorsuisimavoq. Guutip oqaasiani, Biibilimi, neriorsuutit tul­liut­tut maluginiak­kit:

NAALAK­KERSUERIAASEQ PITSAASOQ

“Qilaap Guutiata naalagaaf­fik qaqugumul­luun­niit atasus­saq pilersik­kumaar­paa, kingor­nalu inuiaat al­lat kun­ngius­sutsimik pilersitsisin­naas­san­ngil­lat. Guutip naalagaaf­fiata kun­ngeqarfiit al­lat tamaasa aseror­tis­savai suujun­naarsil­lugil­lu, nam­minerli soraajuitsumik atas­saaq.” — Danieli 2:44.

Guutip naalagaaf­fia naalagaaf­fiuvoq qilam­miit­toq. Tas­sani naalak­kersuisus­satut toq­qagaq, Jiisusi Kristusi, naalagaaf­fiit nunarsuarmiit­tut taarserlugit naalak­kersuilis­saaq taas­sumalu Guutip piumasaa qilam­mi nunarsuarmilu pinis­saa qulak­kiis­savaa. (Mat­thæusi 6:9, 10) Naalagaaf­fik taan­na naalagaaf­fin­nit nunarsuarmiit­tunit taarser­neqas­san­ngilaq ‘Naalak­kat­ta an­naas­sisit­talu Jiisusip Kristusip naalagaaf­fia it­tuin­nar­tuum­mat’. Eq­qis­sineqar­tuar­nis­saa qulak­keer­neqas­saaq. — 2 Petrusi 1:11.

UP­PERISARSIOR­NEQ EQ­QUN­NGITSOQ SUUJUN­NAARSIN­NEQAS­SAAQ

“Saatani nam­mineq qaamasumut in­ngiliunerar­poq. Taamaat­tumik eq­qumiigisas­saan­ngilaq taas­suma kif­farisaat­taaq kif­fatut iluar­tutut pis­suseqar­tuusaar­tarmata. Taak­ku qanoq ilior­nermin­nut naaper­tuut­tumik pineqarumaar­put [suliatil­li naaper­torlugit naggateqarumaar­put, 1936]!” — 2 Korinthimiut 11:14, 15.

Up­perisarsior­neq eq­qun­ngitsoq Diaavulumeersuusutut qulaar­neqas­sal­lunilu nunarsuarmit peer­neqas­saaq. Up­perisarsior­nik­kut ilumoor­tuusaar­toqarun­naarlunilu toqoraat­toqarun­naas­saaq. ‘Guutimik uumasumik Guutiviusumil­lu’ asan­nit­tut tamarmik ‘up­perisami ataatsimi’ ataasioqatigiis­sal­lutil­lu taan­na “anersaak­kut ilumoor­nik­kul­lu” pal­lorfigis­savaat. Taman­na eq­qis­sisitsis­sal­lunilu ataasioqatigiisitsis­saaq! — 1 Thes­salonikamiut 1:9; Efesosimiut 4:5; Johan­nesi 4:23.

INUIT NAAM­MAL­LUIN­NAR­TUN­NGUS­SAP­PUT

“[Guuti] nam­mineq taak­kunaniik­kumaar­poq. Qul­liil­lu tamaasa isaan­nit al­lar­terumaar­pai, toqulu peeruk­kumaar­poq, aliasut­toqarun­naarlunilu nil­liasoqarun­naarlunilu an­niar­toqarun­naas­saaq siul­liit peermata.” — Saq­qum­mersitat 21:3, 4.

 Jehovap Guutip er­nini Jiisusi, uagut pil­luta inuunerminik pil­liutigin­nit­toq, aq­qutigalugu taman­na eq­quutitik­kumaar­paa. (Johan­nesi 3:16) Jiisusip siulersuinerani inuit naam­mal­luin­nar­tun­ngus­sap­put. ‘Guuti nam­mineq taak­kunaniik­kumaarmat’ taas­sumalu ‘qul­liit tamaasa isaan­nit al­lar­terumaarmagit’ naal­liun­nar­toqarun­naas­saaq. Inuit qanit­tuk­kut naam­mal­luin­nar­tun­ngus­sal­lutil­lu naal­liut­tarun­naas­sap­put; “iluar­tut nuna kingor­nutis­savaat najugaqas­sal­lutil­lu tas­sani naas­saan­ngitsumik.” — Tus­siaat 37:29.

ANERSAAPILUIT SUN­NIISIN­NAAJUN­NAAS­SAP­PUT

“[Jiisusip] tiguaa uumasorujuk, taan­na pulateriaarsutoqaq, tas­saasoq Diaavulu Saatanilu, qilersor­paalu ukiuni 1000-ini atasus­samik itinersuarmul­lu nak­kar­til­lugu, tas­sungalu par­naarup­paa matualu naqis­suserlugu inuiaqatigiin­nik tam­mar­titsis­saaq­qul­lugu.” — Saq­qum­mersitat 20:2, 3.

Saatani taas­sumalu in­ngilipilui qilersor­neqarlutil­lu ‘itinersuarmut’ nak­kar­tin­neqar­pata, tas­sa susin­naajun­naarsin­neqar­pata, inun­nut ajor­tumik sun­niisin­naajun­naas­sap­put. Nunarsuarmi Saatanimit anersaapiluinil­lu sun­ner­neqarfiun­ngitsumi inuunis­sap nuan­nerunas­susia!

‘UL­LUT KINGUL­LIIT’ NAAS­SAP­PUT

Jiisusip oqar­neratut ‘ul­lut kingul­liit’ ‘naal­liun­nar­toqangaar­nermik’ naggaser­neqas­sap­put. Ima oqar­poq: “[Taamaan­nerani] naal­liun­nar­toqangaas­saaq silarsuup pileq­qaar­neraniit maan­namut as­seqan­ngitsumik nal­liuteq­qin­ngisaan­nas­sasumil­lu.” — Mat­thæusi 24:21.

Inuiaat oqalut­tuarisaaneran­ni aatsaat taama an­ner­tutigisumik ajunaar­nersuaqar­tar­neratigut “naal­liun­nar­toqangaas­saaq”. Tamatumanilu “Guutip Ajugaqan­ngitsup ul­lus­sarsuani”, Harmagedonimik taaneqar­tar­tumi, ajunaar­nersuit sak­kor­tuner­paaf­fis­sar­tik kil­lis­savaat. — Saq­qum­mersitat 16:14, 16.

Inuit sumi tamaneersut ajun­ngitsunik nuan­narisal­lit silarsuarmi pis­sutsit aaq­qis­suus­saanerat ajor­tup matuma naggatis­saa qilanaaraat. Guutip naalagaaf­fiata aqutsinerani taak­kua pil­luaq­qus­sutisias­saasa ilaat eq­qarsaatigik­kit.

GUUTI ILIUUSEQAR­NERUS­SAAQ

‘Inup­pas­suit amerlangaar­tut’ aniguis­sal­lutil­lu silarsuas­sami nutaami eq­qis­sineqarfiusumi naas­saan­ngitsumik inuus­sap­put: Guutip oqaasiani al­las­simavoq ‘inup­pas­suit amerlangaar­tut kisin­neqarsin­naan­ngitsut’ ‘an­nikil­lior­titaangaar­nermit aniguis­sasut’ silarsuas­samilu nutaami naaper­tuil­luas­suseqarfiusumi inuunis­samut an­naan­neqas­sasut. (Saq­qum­mersitat 7:9, 10, 14; 2 Petrusi 3:13) Taak­ku nalus­san­ngilaat Jiisusimit, ‘Guutip savaaraanit silarsuup ajor­taanik’ peersisumit, an­naan­neqarlutik. — Johan­nesi 1:29.

Guutimit ilin­niar­tin­neqar­neq pil­luaq­qus­sutaangaas­saaq: Silarsuas­sami nutaami Jehovamik ‘ilisimasaqar­nerup nuna tamak­kerumaar­paa’. (Esaja 11:9) Inuit eq­qis­seqatigiil­lutik avatangiisinul­lu naaper­tuut­tumik inuunis­samut ilitsersor­neqar­nis­saat ilin­niar­tin­neqar­nermut tamatumun­nga ilaap­put. Jehova Guuti ima neriorsuivoq: “Uanga tas­sa Naalagaq, Guutit, iluaqutaasunik ilin­nik ajoqersuisoq, il­lit ingerlavigisas­sak­kut ingerlatitsisoq.” — Esaja 48:17.

Asasavut toquk­kut an­naasimasavut makitin­neqas­sap­put: Jiisusip nunarsuarmiin­nermini ikin­ngutini Lazarusi toqusunit makitip­paa. (Johan­nesi 11:1, 5, 38-44) Taamaalior­nermigut ersersip­paa Guutip naalagaaf­fiata aqutsinerani suli an­nerungaar­tumik qanoq iliorumaarluni. — Johan­nesi 5:28, 29.

Naas­saan­ngitsumik eq­qis­sineqarlunilu naaper­tuil­luar­neqas­saaq: Kristusip aqutsinerani inatsisaatsulior­toqar­tarun­naas­saaq. Taman­na qanoq nalun­ngilar­put? Taman­na nalun­ngilar­put Jiisusip inuit uum­mam­miunik takun­nis­sin­naas­sutsini atorlugu naaper­tuil­luar­tut naaper­tuil­luan­ngitsul­lu im­mik­koor­titis­sam­magit. Ajor­tumik inooriaaseqarun­naaruman­ngitsut Guutip silarsuas­saani nutaami inuusin­naas­san­ngil­lat. — Tus­siaat 37:9, 10; Esaja 11:3, 4; 65:20; Mat­thæusi 9:4.

Siunis­sami pisus­sat nuan­nersut Biibilimi siulit­tuutigineqar­tor­pas­suit ilaminin­ngui sam­meq­qam­mer­pavut. Guutip naalagaaf­fia nunarsuarmut naalak­kersuiler­pat naas­saan­ngitsumik eq­qis­sineqangaas­saaq. (Tus­siaat 37:11, 29) Aliasuutit naal­liuutil­lu inuian­nut erloqis­sutaasut tamarmik atuuk­kun­naarsin­neqas­sap­put. Taman­na up­peril­luin­narsin­naavar­put Guuti ima oqarsimam­mat: ‘Takuat, suut tamaasa nutaan­ngor­tip­pak­ka! ... Oqaatsit tamak­ku up­per­narlutil­lu ilumoor­put.’ — Saq­qum­mersitat 21:5.