Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Juuli 2013

 QITOR­NATIT ILIN­NIAR­TIK­KIT

Pinerluttumik oqaluttuaq qanoq ilinniutigisinnaavarput?

Pinerluttumik oqaluttuaq qanoq ilinniutigisinnaavarput?

As­silis­sami takusin­naavat Jiisusip pinerlut­toq pineqar­toq oqaluuk­kaa. Pinerlut­tup ajor­tuliani aliasuutigai. Taas­suma Jiisusi ima oqarfigaa: “Naalagaaf­fin­nut piguit eq­qaaginga.” Maan­na, as­simi takusin­naasat­tut, Jiisusip pinerlut­toq oqaluup­paa. Nalun­ngiliuk Jiisusip taan­na qanoq oqarfigigaa?  * Jiisusip ima neriorsor­paa: “Paratiisimeeqatigiumaar­parma.”

Paratiisi taan­na qanormita is­sava? — Eq­qor­tumik akiumal­luta Guutip paratiisi Adamimut Evamul­lu pin­ngor­titaa sam­mitigu. Paratiisi taan­na sumiip­pa? Qilam­mi imaluun­niit nunarsuarmi? 

Oqaruit nunami taava eq­qor­tumik akivutit. Pinerlut­tup ‘paratiisimiin­nis­saa’ takorlooruk — nunarsuaq paratiisin­ngor­tin­neqareer­pat maani nunarsuarmi inuus­saaq. Paratiisi taan­na qanoq is­sava? — Paasiniariar­tigu.

Biibilimi al­las­simavoq Jehovap Guutip inuit siul­liit Adami Evalu pin­ngor­tereeramigit maani nunarsuarmi paratiisimut pisik­kai. Paratiisi ‘Edenimi naatsiivim­mik’ taaneqar­poq. Takorloorsin­naaviuk ‘Edenimi naatsiivik’ taan­na qanoq kusanar­tigisimanersoq? — Inuuf­figalugu ul­lumik­kut takusimasatsin­nit nuan­ner­nerul­lunilu alianaan­ner­paasimas­saaq!

Qanoq isumaqar­pit? Jiisusi maaniis­sava nunarsuarmi pinerlut­toq ajor­tuliaminik aliasuutigin­nit­toq ilagalugu? — Naamik, Jiisusi qilam­miis­saaq nunarsuarmut paratiisiusumut kun­ngiul­luni. Tas­sa Jiisusip pinerlut­toq paratiisimeeqatigis­savaa ima paasil­lugu toqusunit makitil­lugu nunarsuarmilu paratiisiusumi isumagineqar­til­lugu.  Kisian­ni sooq Jiisusip pinerlut­toq paratiisimi inuutis­savaa? — Sam­meriar­tigu.

Ilumoor­poq pinerlut­toq ajor­torujus­suar­nik iliorsimasoq. Nunarsuarmili inuit inuusimasut mil­liardil­lit aam­ma taamaaliorsimap­put. Taak­kuali ilar­pas­suisa Jehova taas­sumalu qanoq ilioq­qugaatsik nalugamik­ku ajor­tuliorsimap­put.

Inuit taak­kunatut it­tut, aam­ma pinerlut­toq Jiisusip nap­pak­kami oqaloqatigisaa, paratiisimi nunarsuarmi maani inuusus­satut makititaas­sap­put. Guutip piumasaa suunersoq ilin­nias­savaat. Taava Jehovamik asan­nin­ner­tik ersersis­savaat.

Nalun­ngiliuk Jehova asal­lugu qanoq ersersis­sin­naagaat? — Guutimut naalal­lutik. Taamanik­kus­samut inuit Jehovamik inoqatimin­nil­lu asan­nit­tut ul­lut tamaasa ilagisas­sagatsigit paratiisimi inuuneq nuan­nerunaq, ilaa!

Biibilin­ni atuak­kit

  • Lukasi 23:32-43

  • 1 Mosesi 2:7-9

  • Saq­qum­mersitat 21:3-5

^ par. 3 Meeraq atuaqatigiguk­ku apeq­qutip kingor­na kit­toraateqaraangat meeraq akinis­saanut pif­fis­saqar­tit­taruk.