Imarisai

Imai

Jehovap Nalunaajaasui

Oqaatsit toqqakkit Kalaallisut

Apeqqutit Biibilimut tunngasut

Apeqqutit Biibilimut tunngasut

Sooq Jiisusi Guutip er­neranik taaneqar­tar­pa?

Guuti kinguaas­sioqatigisaminik nuliaqan­ngilaq. Uumas­susilin­nim­mi tamanik Pin­ngor­titsisuuvoq. Inuit Guutip pis­susiinik ilaarsisin­naan­ngorlugit pin­ngor­tin­neqar­put. Taam­maat­tumik inuk siul­leq Guutip pin­ngor­titaraa, Adami, ‘Guutip er­neranik’ taaneqar­poq. Taamatut­taaq Jiisusi ataatamisut pis­suseqarluni pin­ngor­tin­neqarami ‘Guutip er­neranik’ taaneqar­poq. — Lukasi 3:38; Johan­nesi 1:14, 49 atuak­kit.

Jiisusi qanga pin­ngor­tin­neqar­pa?

Guutip Adamimik pin­ngor­titsin­ngin­nermini Jiisusi pin­ngor­tip­paa. Guutip Jiisusi pin­ngor­teq­qaar­paa taas­sumuunalu suut tamaasa, in­ngilit ilan­ngul­lugit, pin­ngor­til­lugit. Taamaat­tumik Biibilimi Jiisusi ‘pin­ngor­titat tamarmik er­niusut siul­lersaat­tut’ taaneqar­poq. — Kolos­semiut 1:15, 16 atuak­kit.

Betlehemimi inun­ngun­ngin­nermini Jiisusi qilam­mi in­ngiliuvoq. Pif­fis­san­ngormat Guutip qilam­mit Jiisusip inuunera Mariap il­liaanut nuutsip­paa inut­tut inun­ngorsin­naaq­qul­lugu. — Lukasi 1:30-32; Johan­nesi 6:38; 8:23 atuak­kit.

Sooq Guutip Jiisusi nunami inun­ngor­tip­paa? Jiisusip suliaq im­mik­kut it­toq suna naam­mas­sivaa? Apeq­qutit taak­ku Biibilimi akis­sutis­sarsisin­naavatit, taamaalioruil­lu Jehovap Jiisusil­lu il­lit pil­lutit iliuuserisimasaan­nik paasin­nin­nerulersin­naal­lutil­lu pingaar­titsinerulersin­naavutit.