Imarisai

Imai

Jehovap Nalunaajaasui

Oqaatsit toqqakkit Kalaallisut

 SAM­MISAQ PINGAAR­NEQ: MOSESI QANOQ ILIN­NIARFIGIGIP­PUT

Mosesi kinaava?

Mosesi kinaava?

Ateq Mosesi tusaraangak­ku suna eq­qarsaatigisar­piuk? Eq­qarsaatigisar­piuk . . .

  • naalungiaq anaanaminit kuus­suarmi Nilenimi koorimut toq­qor­neqar­toq?

  • nukap­piaraq Egyptenimi Faraop paniani amigaateqar­nani peroriar­tor­toq — Israelik­kuunerminik puiuin­ngisaan­nar­toq?

  • angut ukiuni 40-ni Midjanimi savanik paarsisuusoq?

  • angut or­pik­kap ikual­lat­tup saavani Jehovamik * oqaloqateqar­toq?

  • angut sapiil­luni Israelik­kut inus­siaataanermit aniguisin­neqaq­qul­lugit Egyptenip kun­ngianut sas­sar­toq?

  • angut, Guutip peq­qusineratigut, kun­ngi Guutimik ilumoor­tumik akerliliip­pat Egyptenimi perluit qulit atuutiler­nis­saan­nik nalunaarutigin­nit­toq?

  • angut tupin­nar­tulior­nik­kut Israelik­kut Egyptenimit aniguisin­neqar­neran­ni siulersuisoq?

  • angut Im­mamik Aap­palaar­tumik avis­saar­titsinermut ator­neqar­toq?

  • angut inatsisinik qulinik Guutimeersunik Israelik­kun­nut saq­qum­mius­sisoq?

MOSESIP tamak­ku tamaasa, al­laal­lumi amerlanerusut, misiginikuuai. Taamaat­tumik angut aalajaatsoq taan­na kristumiunit, juutinit musliiminil­lu ataq­qineqangaar­nera tupin­nan­ngilaq!

Qular­nata oqarsin­naavugut Mosesi pruf­fiitiusoq ‘an­nilaar­nangaaqisunik iliuuseqar­tar­toq’. (5 Mosesi 34:10-12) Guutimit im­mik­korluin­naq it­tumik ator­neqar­nis­saminut kajumip­poq. Taamaak­kaluar­torli Mosesi inut­tul­li al­latut it­tuuvoq. Mosesi pruf­fiititut Eliatut, Jiisusip nunarsuarmi kif­far­tor­nerani Mosesip eq­qaani qeqar­toq takorruuinik­kut takuneqar­tutut, ‘uatsitut misigisaqar­tar­poq’. (Jaaku 5:171936; Mat­thæusi 17:1-9) Mosesi uagutsitul­li ajor­nar­torsiuteqar­tar­poq, ajor­nar­torsiutinilu iluatsil­luar­tumik aaq­qit­tar­pai.

Qanoq taamaalior­tar­nersoq paaserusup­piuk? Mosesip pis­suserisai pitsaasut pingasut taas­sumalu maligas­siuil­luar­nera sam­meriar­tigit.

^ par. 7 Biibili naapertorlugu Guuti Jehovamik, imaluunniit Jahvemik, ateqarpoq.