Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Marsi 2013

 GUUTIMUT QANIL­LIGIT

‘Inuusut Guutigaat’

‘Inuusut Guutigaat’

Toqu Guutimit pis­saaneqar­nerua? Naamerluin­naq! Toqu — imaluun­niit ‘akeraq’ kinaluun­niit — ‘Guutimit Ajugaqan­ngitsumit’ pis­saaneqar­nerusin­naagami? (1 Korinthimiut 15:26; 2 Mosesi 6:3) Guutip makititsinermigut toqu atorun­naarsis­sin­naavaa, silarsuas­saminilu nutaami taamaalior­niarluni neriorsuisimavoq. * Neriorsuut taman­na up­perisin­naavar­put? Tamatumun­nga Guutip er­nerata, Jiisusip, nas­suiaataa uum­matitsigut neriuuteqalis­sutigisin­naavar­put. — Atuak­kit Mat­thæusi 22:31, 32.

Saddukiiarit, makititsisoqarumaar­neranik up­perin­nin­ngitsut, Jiisusip ima oqarfigai: “[Toqusut] makin­nis­saat pil­lugu Guutimit ilis­sin­nut oqaaserisaq imaat­toq atuarsiman­ngilisiuk: ‘Uanga tas­saavunga Aaperaap Guutia Iisaal­lu Guutia Jaakul­lu Guutia’? Guuti toqusut Guutigin­ngilaat inuusul­li Guutigaat.” Matumani ukiut 3500-t mis­siliorlugit tamatuma sior­na pisoq, Guutip Mosesimik or­pik­kap ikualasup eq­qaani oqaloqateqar­nera, Jiisusip in­nersuus­sutigaa. (2 Mosesi 3:1-6) Jiisusi naaper­torlugu Jehovap Mosesimut oqaasii —  “Uanga tas­saavunga Aaperaap Guutia Iisaal­lu Guutia Jaakul­lu Guutia” — makititsinis­samik neriorsuutip pin­ngitsoorani eq­quuk­kumaar­neranik ersersitsip­put. Qanoq?

Jiisusip oqaasiinut pis­sutaasut sam­meriar­tigit. Jehovap Mosesi oqaluum­magu ataataaner­paat Aaperaat, Iisaaq Jaakulu ukior­pas­suar­ni — Aaperaat ukiuni 329-ni, Iisaaq ukiuni 224-ni Jaakulu ukiuni 197-ini — toqungareersimap­put. Taamaak­kaluar­torli Jehova oqan­ngilaq “uanga tas­saasimavunga”, oqar­porli “uanga tas­saavunga” taak­kua Guutiat. Jehovap ataataaner­paat taak­ku pingasut toqusiman­ngitsutut eq­qar­tor­pai. Sooq?

Jiisusi ima nas­suiaavoq: “Guuti [Jehova] toqusut Guutigin­ngilaat inuusul­li Guutigaat.” Jiisusip oqaasiisa qanoq isumaqar­nerat eq­qarsaatigiuk. Makititsisoqar­tus­saasiman­ngitsuup­pat Aaperaat, Iisaaq Jaakulu naas­saan­ngitsumik toqungajuarsimasus­saasimas­sagaluar­put, Jehovalu toqusut Guutigisimas­sagaluar­paat. Taamaap­pal­lu Jehova toqumit san­ngiin­nerusimas­sagaluar­poq — tas­sa Jehovap kif­fani aalajaatsut toqumit aniguisis­sin­naasimas­san­ngik­kaluar­pai.

Qanormi Jehovamut kif­faasunut aalajaatsunut toqusimasunut soorlu Aaperaamut, Iisaamut Jaakumul­lu tun­ngatil­lugu isum­mersin­naavugut? Jiisusi up­per­nik­kut nakus­satsin­nar­tumik ima oqar­poq: ‘Taas­sumun­nga tamarmik inuup­put.’ (Lukasi 20:38) Jehovap kif­faminik aalajaatsunik toqusimasunik makititsiniarluni neriorsuutiminik eq­quutitsiumanini aalajangiusimal­luin­naramiuk toqusiman­ngitsutut isigai. (Romamiut 4:16, 17) Jehovap toqumit makititsinis­sami tungaanut kif­fani kil­leqan­ngitsumik eq­qaaman­nis­sin­naas­suserminiitis­savai.

Jehova toqumit pissaaneqarnerujussuuvoq

Nalunagu asasavut toqusimasut siunis­sami takoq­qis­sin­naal­lugit nuan­neq, ilaa? Eq­qaamajuk Jehova toqumit pis­saaneqar­nerujus­suum­mat. Toqusunik makititsinis­saminik neriorsuutaata piviusun­ngor­nis­saanut sunaluun­niit akor­nutaasin­naan­ngilaq. Neriorsuut taman­na Guutilu neriorsuum­mik tamatumin­nga piviusun­ngor­titsisus­saq pil­lugit paasisaqar­nerorusup­pit? Tamak­kunin­nga paasisaqar­nerunerit Jehovamik, ‘inuusut Guutian­nik’, qanin­nerusumik at­taveqalis­sutigis­savat.

Biibilimik atuagas­satut siun­nersuut

Mat­thæusi 22-mit Markusi 8-mut

^ par. 3 Guutip silarsuas­sami nutaami naaper­tuil­luas­suseqarfiusumi makititsiniarluni neriorsuutaa pil­lugu paasis­sutis­sat amerlanerusut atuak­kami Biibilimi sor­piaat ajoqersuutigineqar­pat?-mi kapitalimi 7-imi atuar­neqarsin­naap­put. Jehovap Nalunaajaasuinit saq­qum­mersin­neqar­toq.