Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Decembari 2012

Pilittaavutit tatigisaq!

Pilittaavutit tatigisaq!

“Im­mis­sin­nik pigin­ngilasi.” — 1 KORINTHIMIUT 6:19.

1. Inus­siat pil­lugit inuit qanoq eq­qarsar­tar­pat?

UKIUT 2.500-t mis­siliorlugit matuma sior­na atuak­kior­toq grækereq oqarsimavoq kialuun­niit inus­sian­ngor­nis­sani nam­mineq aalajanger­neq ajoraa. Ul­lumik­kut inuit amerlanersaat aam­ma taamatut isumaqar­put. Inus­siat eq­qaaneqaraangata inup­pas­suit takorloor­tar­paat taak­ku pin­ngitsaalisaal­lutik sulisitaasut peq­qar­niitsumil­lu pineqar­tar­tut. Aam­ma eq­qarsar­tar­put inuit taak­ku suliaan­nik iluaqutigin­nit­tut pigin­nit­tuul­lutil­lu naalagarsior­titsisuusut.

2, 3. (a) Kristusimut inus­siaataasut qanoq pineqar­tar­pat? (b) Al­laaserisami matumani apeq­qutit suut sam­mis­savavut?

2 Jiisusi oqar­poq ajoqersuk­kani kif­far­tor­tuus­sasut, imaluun­niit inus­siaas­sasut, maniguut­tut. Kristumiul­li ilumoor­tut inus­siatut nikanarsagaanatil­luun­niit peq­qar­niitsumik pineqas­san­ngil­lat. Tatigineqas­sap­put ataq­qineqas­sal­lutil­lu. As­sersuutigalugu Jiisusip “inus­siaq” aalajangersimasoq pil­lugu oqaasii eq­qarsaatigeriak­kit. Kristusi toqus­si sioq­qutitsiarlugu oqar­poq “inus­siaq aalajaal­lunilu silatooq” pisus­saaf­filerumaarlugu. — Mat­thæusi 24:45-47, NW.

3 Soqutiginar­poq Lukasip al­lagaani tamatumun­nga as­singusumi inus­siaq aam­ma ‘pilit­taasutut’ eq­qaaneqarmat. (Atuakkit Lukasi 12:42-44). Ul­lumik­kut kristumiut ilumoor­tut amerlanersaat ‘inus­siamut aalajaatsumut’ Jiisusip eq­qaasaanut ilaan­ngil­lat. Biibilimili ersersin­neqar­poq Guutimut kif­far­tor­tut tamarmik pilit­taasutut oqaatigineqarsin­naasut. Guutimut kif­far­tor­nitsin­ni sunik akisus­saaf­feqar­pugut? Akisus­saaf­feqar­ner­put qanoq isigisariaqar­par­put? Taak­ku akis­sutis­sarsisin­naajumal­lugit pilit­tat Biibilip nalaani sunik suliaqar­tar­nersut sam­mis­savar­put.

 PILITTAT AKISUSSAAFFII

4, 5. Biibilip nalaani pilit­tat sunik akisus­saaf­feqar­pat? As­sersuuteqarit.

4 Biibilip nalaani pilit­taasoq amerlaner­tigut inus­siaataasar­poq naalak­kaminit tatigisaasoq naalak­kamilu il­luanik sulif­feqarfiutaanil­lu nak­kutil­liisuusoq. Naalak­kami pigisaanik aningaasaataanil­lu nak­kutil­liisuusar­poq inus­sianul­lu al­lanut oqar­tus­saas­suseqar­tarluni. Eliezerimut Aaperaap pigisar­pas­suinut akisus­saatin­neqar­tumut tun­ngatil­lugu aam­ma taamaap­poq. Al­laat taan­na Aaperaap er­nini Iisaaq nulias­sarsiuuk­kiar­tor­til­lugu Mesopotamiamukar­tis­simagunar­paa. Pingaaruteqar­torujus­suarmik sulias­sin­neqar­poq! — 1 Mosesi 13:2; 15:2; 24:2-4.

5 Aaperaap er­nutaq­qiutaa Josefi Potifarip il­luani pilit­taavoq. (1 Mosesi 39:1, 2, 4) Biibilimi al­las­simavoq Josefi kingusin­nerusuk­kut nam­mineq ‘il­lumini pisor­taatitaqalersoq’, imaluun­niit pilit­taatitaqalersoq. Pilit­tap taas­suma Josefip qatan­ngutai qulit inoroorsaarfigai, taan­nalu ermutsimik sølviusumik Josefip qatan­ngutini misililermagit pingaarutilim­mik inis­sisimavoq. Tamatuman­nga erser­poq pilit­tat naalak­kamin­nit tatigineqangaar­nerat. — 1 Mosesi 43:19-25; 44:1-12.

6. Utoq­qaaner­tat sunik akisus­saaf­feqar­pat?

6 Ukiut 1800-t mis­siliorlugit tamatuma kingor­na apustili Paulusi al­lap­poq utoq­qaaner­tat Guutimit pilit­taatitaasut. (Titusi 1:7) Utoq­qaaner­tat “Guutip savaataanik” paarsisuugamik ilagiin­nik siulersuisar­put. (1 Petrusi 5:1, 2) Soorunami utoq­qaaner­tat Guutip peqatigiis­sor­taani as­sigiin­ngitsunik akisus­saaf­feqar­tar­put. As­sersuutigalugu ul­lumik­kut utoq­qaaner­tat ilagiit ataaseq kif­far­torfigisar­paat. Nak­kutil­liisut angalasar­tut ilagiit arlal­lit nak­kutigisar­paat. Im­mik­koor­tor­taqarfin­nilu ataatsimiititalianut ilaasor­taasut nunani akisus­saaf­figisamin­niit­tut ilagiit nak­kutigisar­paat. Utoq­qaaner­tal­li tamarmik sulias­samin­nik sapin­ngisamik pitsaaner­paamik naam­mas­sin­nit­tar­nis­saat piumasarineqar­poq. Tamarmil­lu Guutimut ‘akisus­saatitaas­sap­put’. — Hebræerit 13:17.

7. Qanoq ilil­luta nalun­ngilar­put kristumiut tamarmik pilit­taasut?

7 Qanoq nalun­ngilar­put kristumior­pas­suit aalajaatsut utoq­qaaner­taan­ngitsut pilit­taasut? Apustili Petrusi kristumiunut tamanut al­lap­poq imalu oqarluni: “Guutip saam­maan­neranut [ajun­ngisaar­neranut pisas­sarin­ngisaraluamut, NW] as­sigiin­ngeqisunik ersiuteqar­tar­tumut pilit­taal­luar­tutut kif­far­tuuteqatigiigitsi, tamas­si im­mik­kut saam­maan­nermit tunis­sutisiarsi naaper­torlugu.” (1 Petrusi 1:1; 4:10) Guutip tamat­ta ajun­ngisaarfigisar­paatigut qatan­ngutitsin­nik ikiuinis­satsin­nut iluaqutigisin­naasatsin­nik tunis­sutinik, pigin­naaner­nik pik­korif­fin­nil­lu tunil­luta. Taamaat­tumik Guutimut kif­far­tor­tut tamarmik pilit­taap­put, pilit­taasutul­lu suliaqaramik ataq­qineqarlutil­lu tatigineqarlutil­lu akisus­saaf­feqar­put.

GUUTIMIT PIGINEQARPUGUT

8. Pilit­tatut suna eq­qarsaatigisariaqar­par­put?

8 Najoq­qutas­siat pingasut kristumiut pilit­taasut tamarmik eq­qarsaatigisariaqagaat sam­meriar­tigit. Siul­leq tas­saavoq: Tamatta Guutimit pigineqarpugut taassumanngalu iluarineqartariaqarluta. Paulusi ima al­lap­poq: “Im­mis­sin­nik pigin­ngilasi, pisiarineqar­pusimi akisuumik.” Kristusi ajor­tivut pil­lugit im­minut pil­liutigim­mat akisuumik pisiarineqar­pugut. (1 Korinthimiut 6:19, 20) Jehovap pigigamisigut peq­qus­sutiminik ar­tor­nar­tuun­ngitsunik maleruaanis­sar­put piumasaraa. (Romamiut 14:8; 1 Johan­nesi 5:3) Aam­ma Kristusimut inus­siaataavugut. (Filip­pimiut 1:1) Biibilip nalaani pilit­taasutul­li kif­faan­ngis­suseqar­torujus­suuvugut. Piumasaan­natsin­nil­li ilior­tus­saan­ngilagut. Ilitsersuutit malit­tariaqar­pavut. Guutip peqatigiis­sor­taani qanorluun­niit akisus­saaf­feqaraluarut­ta tamat­ta Guutimut Kristusimul­lu kif­faavugut.

9. Naalagaasup taas­sumalu inus­siaataata at­taveqatigiit­tar­nerat pil­lugu Jiisusi qanoq as­sersuusior­pa?

 9 Naalagaasup taas­sumalu inus­siaataata im­min­nut qanoq at­taveqatigiit­tar­neran­nik Jiisusip paasin­nis­sin­naalersip­paatigut. Jiisusip inus­siaq ul­loq naal­lugu sulereerluni angerlar­toq pil­lugu ajoqersuk­kani oqalut­tuup­pai. Naalagaasup inus­siaq ima oqarfigis­savaa: “Nerrivim­mut inis­sik­kiar­torasuar­niarit”? Naamik. Inus­siamut ima oqar­poq: “Nerisas­siuutin­nga, qiteruseriarlutil­lu saqis­sutin­nga neritil­lunga imer­til­lungalu. Taamaalioreeruit nam­mineq neril­lutil­lu imerumaar­putit.” Jiisusip ajoqersuk­kani sumik ilin­niar­tin­niar­pai? Ima nas­suiaavoq: “Taamat­taaq ilis­si ilis­sin­nut suliareq­qusat tamaasa suliarereerus­sigit ima oqas­saasi: Kif­faavugut atun­ngitsut. Pisus­saas­suser­put malil­lugu iliuin­nar­pugut.” — Lukasi 17:7-10.

10. Jehovap im­minut kif­far­tor­nitsin­ni iliuuserisavut suul­luun­niit qujamasuutigisarai sumit erser­pa?

10 Soorunami Jehovap im­minut kif­far­tor­nitsin­ni iliuuserisavut suul­luun­niit qujamasuutigisar­pai. Biibilimi ima neriorsoq­qis­saar­neqar­pugut: “[Guutip] iluaatsuun­ngin­nami puiorsiman­ngilai suliasi asan­nin­nersilu aq­qanut takutis­simasarsi.” (Hebræerit 6:10) Jehovap uagutsin­nut piumasaqaatai ingasaas­sisuun­ngil­lat. Piumasaqaatai tamarmik uagutsin­nut iluaqutaal­lutil­lu ar­tor­nar­tuun­ngisaan­nar­put. Jiisusil­li oqar­neratut inus­siaq im­minut iluarusutsit­tus­saan­ngilaq. Naalak­kami piumasaa sal­liutit­tar­paa. Taamatut­taaq Guutimut tun­niul­luin­narat­ta taas­suma piumasaa inuunitsin­ni sal­liun­niarlugu aalajanger­pugut, ilaa?

JEHOVAP PIUMAFFIGAATIGUT

11, 12. Pilit­tatut pis­suseq suna ersersit­tariaqar­par­put sunalu pinaveersaar­tariaqar­par­put?

11 Najoq­qutas­siat aap­paat tas­saavoq: Pilittatut najoqqutassiat tunngaviusut assigiit malippavut. Ilumoor­poq akisus­saaf­fiit ilaat kristumiut ilagiivini ikit­tuin­nar­nut tun­niun­neqar­tar­nerat. Tamat­tali as­sigiim­mik akisus­saaf­feqar­pugut. As­sersuutigalugu Jehovamut kif­faasut tamarmik asaqatigiit­tus­saap­put. Jiisusi oqar­poq asaqatigiik­kut­ta im­minut ajoqersugaaner­put inun­nit ilisimaneqalis­sasoq. (Johan­nesi 13:35) Qatan­ngutivul­li kisiisa asan­ngilavut. Aam­ma Nalunaajaasuun­ngitsut sapin­ngisatsin­nik asan­nit­tuliorfiginiar­tar­pavut. Tamat­ta asan­nit­tuliorsin­naal­lutalu asan­nit­tulior­tariaqar­pugut.

12 Aam­ma ileq­qoris­suunis­satsin­nik Guutip piumaf­figaatigut, taamaat­tumil­lu Biibilimi iner­teq­qutigineqar­tumik ileq­qoqar­naveersaar­tariaqar­pugut. Paulusi ima oqar­poq: “Kinguaas­siuutitigut inuunerlut­tut guutipilus­sior­tul­luun­niit, al­lasior­tut anguteqatimin­noor­tar­tul­luun­niit, til­lit­tut piumatuul­luun­niit, imerajut­tut mitaatil­liisul­luun­niit piiaasul­luun­niit Guutip naalagaaf­fia kingor­nus­sarsiaris­san­ngilaat.” (1 Korinthimiut 6:9, 10) Guutip najoq­qutas­siaasa naaper­tuil­luar­tut maleruar­nis­saat ilungersunarsin­naasar­poq. As­sigiin­ngitsor­pas­suar­tigul­li iluaqutaasar­poq, as­sersuutigalugu peq­qin­nerulersin­naavugut aam­ma al­lanut Guutimul­lu at­taveqarluar­nerulersin­naal­luta. — Atuakkit Esaja 48:17, 18.

13, 14. Kristumiut tamarmik Guutimit sumik sulias­sin­neqarsimap­pat, sulias­sarlu taman­na qanoq isigisariaqar­par­put?

13 Eq­qaamas­savat­taaq pilit­taq sulias­saqar­toq naam­mas­sisas­saminik. Uagut­taaq sulias­saqar­pugut. Guutip sal­lusuis­sum­mik ilin­niar­til­luta tunis­sum­mik erlin­nar­tumik tunivaatigut. Sal­lusuis­sul­lu taan­na al­lanut ilin­niar­titsis­sutigis­sagip­put kis­saatigaa. (Mat­thæusi 28:19, 20) Paulusi al­lap­poq kristumiut Kristusimut kif­faasut ‘Guutil­lu anngigisaanut pilittaasut’. (1 Korinthimiut 4:1) Paulusip nalun­ngilaa Naalak­kami, Jiisusip Kristusip, peq­qusineratut ‘an­ngigisat’, imaluun­niit sal­lusuis­sutit Biibilimiit­tut, akisus­saaf­figalugit al­lanul­lu ilin­niar­titsis­sutigis­sal­lugit. — 1 Korinthimiut 9:16.

14 Al­lanik sal­lusuis­sum­mik ilin­niar­titsigaangat­ta asan­nit­tuliorfigisar­pavut­taaq. Soorunami tamat­ta pis­sutsit atuk­kavut as­sigiin­ngim­mata oqaluus­sinermi as­sigiim­mik  iliuuseqarsin­naan­ngilagut. Taman­na Jehovap nalun­ngil­luin­nar­paa. Pingaaruteqar­torli tas­saavoq sapin­ngisar­put tamaat nam­mineq iliuuseqar­nis­sar­put. Taamaalil­luta Guutimik inoqatitsin­nil­lu nam­minis­sarsiun­ngitsumik asan­nis­saagut.

Akisussaaffivut ajunnginnerpaamik naammassiniartuartigit

ILUMOORTUUNISSAP PINGAARUTEQASSUSIA

15-17. (a) Sooq pilit­tap ilumoor­tuunis­saa taama pingaaruteqar­tigaa? (b) Ilumoor­tuun­ngik­kut­ta qanoq kinguneqas­sanersoq Jiisusip qanoq ersersip­paa?

15 Najoq­qutas­sat pingajuat eq­qarsaatigisariaqagar­put tas­saavoq: Naalannitsigut ilumoortuunerput ersersittariaqaripput. Pilit­taq ajun­ngitsunik pis­suser­pas­suaqarsin­naal­lunilu pik­korif­fip­pas­suaqarsin­naavoq, naalan­ngik­kunili akisus­saaf­finilu sumigin­narunigit pis­susii pik­korif­fiilu iluaqutaas­san­ngil­lat. Eq­qaamas­savat Paulusi ima al­lam­mat: ‘Pilit­tat piumaf­figineqar­tar­put ilumuus­sasut.’ — 1 Korinthimiut 4:21936.

16 Ilumoor­tuugut­ta Guutimit akis­sarsisin­neqar­nis­sar­put qulak­keersin­naavar­put. Ilumoor­tuun­ngik­kut­tali Guutimit iluarisaajun­naas­saagut. Taman­na Jiisusip talentit pil­lugit oqalut­tuaanit ersersin­neqar­poq. Inus­siat ilumoor­tut naalak­kamik aningaasaataanik ‘nioq­qutigin­nik­kiar­tor­tut’ taas­suman­nga nersualaar­neqarlutil­lu akis­sarsisin­neqangaar­put. Inus­siarli naalan­ngitsoq ajor­tuunerar­neqarlunilu eqiasut­tuunerar­neqarlunilu atorsin­naan­ngitsuunerar­neqar­poq. Inus­siaq taan­na naalak­kaminit aningaasanik arsaar­neqar­poq anisin­neqarlunilu. — Atuakkit Matthæusi 25:14-18, 23, 26, 28-30.

17 Ilumuun­ngik­kut­ta qanoq kinguneqas­sanersoq Jiisusip ima oqar­nermigut erseq­qis­saq­qip­paa: “Angut pisooq pisor­taatitaqar­poq. Taan­na pil­lugu tusagaqar­poq pigisani tas­sunga paarititani nungulus­sin­narai. Taava taan­na qaaq­quaa aperalugulu: Qanoq-una tusarik­kit? Ilin­nut paarititak­ka naatsorsuusior­niak­kit pisor­taasin­naajun­naaravit.”  (Lukasi 16:1, 2) Pilit­tap naalak­kami pigisai atulus­sin­naramigit naalak­kaminit soraarsin­neqar­poq. Al­las­simaf­fin­nit taak­kunan­nga pingaarutilim­mik ilik­kagaqar­pugut. Guutip sunil­luun­niit piumaf­figigaangatigut sapin­ngisatsin­nik iliuuseqar­nitsigut ilumoor­tuujuarusup­pugut.

ALLANUT SANILLIUTTARNEQ SILATUSAARNERUA?

18. Sooq al­lanut sanil­liut­tas­san­ngilagut?

18 Tamat­ta im­minut ima aperisin­naavugut: “Pilit­tatut sulias­sara qanoq isigaara?” Al­lanul­li sanil­liut­tar­neq silatusaar­nerus­san­ngilaq. Biibilimi ima al­las­simasoqar­poq: “Kialuun­niit nam­mineq suliani misilis­savaa, sulianilu nam­miniin­naq usorsisimaarutigis­savai al­lanut naleq­qiun­nagit.” (Galatiamiut 6:4) Al­lanut sanil­liun­nani nam­mineq iliuuserisin­naasat eq­qarsaatigineqar­tariaqar­put. Taamaaliorut­ta pingaar­nialer­natalu nikal­lus­san­ngilagut. Aam­ma atuk­kavut al­lan­ngorsin­naap­put. Imaas­sin­naavoq peq­qiil­lior­ner­put, utoq­qaliner­put al­lanil­luun­niit pisus­saaf­feqar­ner­put pis­sutigalugu sior­natigutut iliuuseqar­tigisin­naajun­naar­tugut. Imaas­sin­naavorluun­niit iliuuseqar­nerunis­satsin­nut periarfis­saqalersugut. Taamaap­pat soormi periarfis­sat atorluar­niaruk­ku?

19. Sooq aalajangersimasumik akisus­saaf­filer­neqan­ngik­kut­ta pakatsisariaqan­ngilagut?

19 Aam­ma ilagiin­ni akisus­saaf­feqar­neq qanoq isiginerlutigu eq­qarsaatigisariaqar­par­put. As­sersuutigalugu im­maqa qatan­ngut angut ilagiin­ni utoq­qaaner­tatut kif­far­torusup­poq ataatsimeersuar­nermiluun­niit oqalugiarusup­poq. Taamatut akisus­saaf­feqaler­niarluni piumasaqaatinik eq­qor­titsil­luar­niar­tuar­neq iluaqutaajuaan­nar­poq. Ingerlaan­narli akisus­saaf­filer­neqan­ngik­kut­ta pakatsisariaqan­ngilagut. Imaas­sin­naavoq paasiuminaatsis­sin­naasatsin­nik arlaan­nik pis­suteqar­tumik naatsorsuutigisamit sivisunerujus­suarmik utaq­qisariaqar­tugut. Eq­qaamajuk Mosesi Israelik­kut Egyptenimit aniguisin­neqar­nis­saan­ni siulersuinis­saminut piareersimasorisoq ukiuni 40-ni utaq­qisariaqarsimasoq. Utaq­qinermini inuit uteriitsut pikitsitsiumatuul­lu siulersor­nis­saan­nut pis­suserisariaqak­kaminik ineriar­tor­titsisin­naasimavoq. — Apustilit Suliaat 7:22-25, 30-34.

20. Jonatanip maligas­siaa qanoq ilin­niarfigisin­naaviuk?

20 Imaas­sin­naavoq akisus­saaf­filer­neqan­ngisaan­nar­tugut. Jonatani akisus­saaf­filer­neqan­ngilaq. Saulip er­nerim­mani Israelimut tamarmut kun­ngin­ngor­tus­saagaluar­poq. Guutil­li Daavi, Jonatanimit inuusun­nerungaar­toq, kun­ngin­ngor­tus­satut toq­qar­paa. Jonatani qanoq periar­pa? Guutip aalajangiinera akueraa al­laal­lu Daavi ikior­niarlugu inuunini navianar­torsior­til­lugu. Daavimut ima oqar­poq: “Israelimi kun­ngin­ngorumaar­putit, uangalu tul­lersor­taas­saanga.” (1 Samueli 23:17) Jonatanip maligas­siaa qanoq ilin­niarfigisin­naaviuk? Naam­magit­taal­liun­ngilaq ataatamisul­lu Daavi sin­ngagiler­nagu. Al­lat akisus­saaf­filer­neqar­nerat sin­ngaginagu uagut tamat­ta akisus­saaf­fit­ta ajun­ngin­ner­paamik naam­mas­sinis­saat eq­qarsaatigisariaqar­par­put. Qularutigin­ngil­luin­narsin­naavar­put silarsuas­sami nutaami Jehovap kif­fami kis­saataan­nik eq­qor­tunik tamanik piviusun­ngor­titsis­sasoq.

21. Guutimut kif­far­tor­ner­put qanoq isigisariaqar­par­put?

21 Eq­qaamajuar­tariaqar­par­put Guutimut pilit­taasutut tas­saan­ngin­nat­ta inus­siat naalak­kamut peq­qar­niitsumut pin­ngitsaalisaal­lutik kif­far­tor­titaasut. Jehoval­li tatigaatigut sulias­samil­lu pingaarutilim­mik, soorlu ul­luni kingul­ler­ni nutaarsias­samik nuan­nersumik oqaluus­sis­sutigin­nin­nis­samik siunis­samilu suliareq­qin­neqaq­qin­ngisaan­nar­tus­samik, sulias­sil­luta ataq­qingaar­paatigut. Uagutsin­nul­lu akisus­saaf­figititaminik isumagin­nin­nis­satsin­nut an­ner­tuumik kif­faan­ngis­suseqar­tip­paatigut. Taamaat­tumik pilit­taasa ilumoor­tuul­luta Jehovamul­lu, nunami qilam­milu qutsin­ner­paamut, kif­faaner­put im­mik­kut pisin­naatitaaf­fiusoq pingaar­tit­tuar­tigu.