Imarisai

Imai

Jehovap Nalunaajaasui

Oqaatsit toqqakkit Kalaallisut

Apeqqut 1: Inuunera siunertaqarpa?

Apeqqut 1: Inuunera siunertaqarpa?

ROSALIND Tuluit Nunaan­ni peroriar­tor­toq paasisaqarusut­tupilus­suuvoq inun­nil­lu ikiuerusul­luni. Angerlarsimaf­feqan­ngitsunik, timik­kut in­narluutilin­nik ilik­karuminaatsitaqar­tunil­lu ikiuisar­poq. Ilin­niagaqar­nermi kingor­na qaf­fasis­sumik sulif­fit­taar­poq. Nalerisimaar­nar­tumik sulif­feqaraluarluni pigis­saar­tuugaluarlunilu ima oqar­poq: “Ukior­pas­suar­ni eq­qarsar­tar­punga: ‘Sooruna inuusugut?’ aam­ma ‘inuunerup suna siuner­taraa?’”

Sooq tamanna apeqqutigineqartarpa?

Inuit uumasunit eq­qarsarsin­naan­ngitsunit al­laanerup­put. Pisimasut ilin­niarfigisin­naavavut, siunis­samut pilersaarusiorsin­naal­luta inuunerul­lu siuner­taanik paasiniaasin­naavugut.

Inuit ilaasa suna akissutaasoraat?

Inup­pas­suit isumaqar­put inuunermut siuner­taasoq pingaar­neq pil­lualis­sutaasar­torlu tas­saasoq pisuun­ngor­neq tusaamasan­ngor­nerlu.

Suna tunngavigalugu taamatut isummerpat?

Inuunermi suut pingaar­ner­paajutis­sanerlutigit nam­mineq aalajanger­taratsigu Guutip piumasaa kis­saatigisatsin­nit pingaan­ngin­nerutit­tar­par­put.

Biibilimi suna ajoqersuutigineqarpa?

Kun­ngi Salomo pigisar­pas­suar­nik katersivoq, aam­ma nuan­naar­niutit pingaar­tingaar­pai. Paasivaali taak­ku ataavar­tumik inuunermik siuner­taqalersitsineq ajor­tut. Inuunerup siuner­tavia pil­lugu ima al­lap­poq: “Tamaasa tusareeruk­kit ima ataatsimut katin­neqar­tis­savatit: Guuti mianeruuk inatsisaalu maleruarlugit, inuit tamarmik taamaalior­tus­saap­put!” (Oqaluus­sisar­tup oqaasii 12:13) Guutip  inatsisaanik maleruaaniarut­ta qanoq ilior­tariaqar­pugut?

Guutip uagutsin­nut siuner­taasa ilaat tas­saavoq inuuneq nuan­naarutigis­sagip­put. Salomo ima al­lap­poq: “Inuk iluanaar­nerus­sagaluar­poq neril­lunilu imeruni suleruloor­nermini pis­sarsiani inuul­luutigalugit. Paasivarali aam­ma tamak­ku Guutimit pisuusut.” — Oqaluus­sisar­tup oqaasii 2:24.

Guutip aam­ma kis­saatigaa ilaqut­tavut isumas­sorlugil­lu asas­sagivut. Ilaqutariin­niit­tunut tamanut siun­nersuutit atoriaan­naasut uku maluginiak­kit:

  • “Uiusut nuliatik asas­savaat nam­min­neq timimit­tut.” — Efesosimiut 5:28.

  • ‘Nuliaasup uini mianerisus­saavaa [ataq­qingaas­savaa, NW].’ — Efesosimiut 5:33.

  • “Qitor­naasusi, angajoq­qaasi naalas­sigit.” — Efesosimiut 6:1.

Najoq­qutas­siat Biibilimeersut taak­ku maleruarutsigit pil­luar­nerulerlutalu nalerisimaar­nerulersin­naavugut. Iliuuserisin­naasat­tali pingaar­nersaat tas­saavoq Pin­ngor­titsiser­put pil­lugu sapin­ngisar­put tamaat ilin­niar­nis­sar­put taavalu taan­na ikin­ngutitut qanil­lil­lugu. Biibilimi kajumis­saar­neqar­pugut ‘Guuti qanil­lis­sagip­put’, neriorsor­neqar­pugul­lu taamaaliorut­ta ‘taan­na uagutsin­nut qanil­liumaar­toq’. (Jaaku 4:8) Il­lit kajumis­saarut nuan­nersoq taan­na malik­kuk­ku inuunerit siuner­taqarlualis­saaq.