Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Decembari 2012

Guuti aperisinnaavarput?

Guuti aperisinnaavarput?

INUIT ilaat oqar­tar­put Guutimut aperineq eq­qun­ngitsulior­nerusoq. Imaas­sin­naavoq isumaqar­tut Guutip pisut aalajangersimasut pisar­neri sooq akuerinerai imaluun­niit akuerin­ngin­nerai pil­lugu aperineq taas­sumun­nga ataq­qin­nin­ngitsulior­nerusoq. Il­lit isumaqataavit?

Taamaap­pat inuit naaper­tuil­luar­tor­pas­suit Guutimut apeq­quteqarsimanerat paasiguk­ku im­maqa tupigusuutigis­savat. Guutimut apeq­qutigisimasaasa ilaat uku maluginiak­kit:

Angut aalajaatsoq Jobi: “Sooq iluaatsut inuuginnartarpat, allaat utoqqalinerminni nukittuujusarput peqqissuusarlutillu?” — Jobi 21:7.

Biibilimi al­lat­tut ilaat pruf­fiiti Habak­kuki: “Qanoq ilillutit ilumuunngitsuliortut isiginnaaginnarsinnaavigit, nipangiinnarlutit ilumuunngitsut iluartunik nungutitsigaangata?” — Habak­kuki 1:13.

Jiisusi Kristusi: “Guutiga, Guutiga! Sooq qimappinga?” — Mat­thæusi 27:46.

Al­las­simaf­fiit is­suar­neqar­tut ataqatigiin­neri atuaruk­kit paasis­savat taamatut aperineq Jehovap * Guutip mamiatsaatigisiman­ngik­kaa. Taman­nalu tupin­nan­ngilaq. As­sersuutigalugu Guuti timik­kut peq­qis­suuniarluta pisariaqar­titatsin­nik matus­suseeq­qul­lugu qin­nuigigaangatsin­ni taman­na ajual­laatigineq ajor­paa. Kajumil­luni pisariaqar­titatsin­nik tunisar­paatigut. (Mat­thæusi 6:11, 33) Taamatut­taarlu isumak­kut misigis­sutsik­kul­lu peq­qis­suunias­sagat­ta kajumil­luni paasis­sutis­sanik tunisar­paatigut. (Filip­pimiut 4:6, 7) Jiisusip ajoqersuk­kani ima oqarfigai: “Qinugitsi, tunineqas­saasi taava; ujarleritsi, nanisis­saasi taava.” (Mat­thæusi 7:7) Versit ataqatigiin­nerinit erser­poq Jiisusip timik­kut pisariaqar­titat kisiisa pin­ngik­kai aam­mali anersaak­kut pisariaqar­titat pigai.

Guuti aperisin­naasuuguk­ku apeq­qutit ukua ilaat sorleq apeq­qutigis­sagaluar­piuk?

  • Inuunera siuner­taqar­pa?

  • Toquguma qanoq pisoqas­sava?

  • Sooq naal­liun­nera akueraajuk?

Biibili Guutimit ‘anersaarfigineqarmat’ Guutip akis­sutai tas­sani atuarsin­naavatit. (2 Timotheusi 3:16) Sooq inuit ilaasa apeq­qutit qulaaniit­tut eq­qarsaatigisimaneraat Biibilimilu qanoq akineqar­nersut sam­meriar­tigu.

^ par. 7 Biibili naapertorlugu Guuti Jehovamik, imaluunniit Jahvemik, ateqarpoq.