Imarisai

Imai

Jehovap Nalunaajaasui

Oqaatsit toqqakkit Kalaallisut

 Guutip oqaasia ilinniarfigiuk

Guuti silarsuarmi naalakkersuisussamik ivertitsissava?

Guuti silarsuarmi naalakkersuisussamik ivertitsissava?

Al­laaserisami matumani im­maqa apeq­qutit eq­qarsaatiginikuusatit taak­kualu akis­sutaat il­lit nam­mineq Biibilin­ni sumi takusin­naaneritit sam­mineqas­sap­put. Akis­sutis­sarsior­nin­ni Jehovap Nalunaajaasuisa ikiorusup­paatsit.

1. Sooq inuit ataatsimik naalakkersuisoqarnissaq pisariaqartippaat?

Ul­lumik­kut silarsuaq tamak­kerlugu inuit ajor­nar­torsiuteqar­tuar­put. Nunat ilaan­ni inuit piitsuul­lutil­lu naqisimaneqar­put. Nunanilu al­lani inuit piisaar­pal­laar­tar­put. Silarsuarmi ataasiin­narmik aqutsisoqar­pat aatsaat nunarsuarmi pisuus­sutit naaper­tuil­luar­tumik agguataar­neqarsin­naap­put. — Atuaruk Oqaluussisartup oqaasii 4:1.

2. Kina silarsuarmi naalakkersuisussatut tatigineqarsinnaava?

Angutip ar­nal­luun­niit kisimiil­luni silarsuarmi pitsaasumik naalak­kersuisin­naan­ngin­nera pis­sutigalugu silarsuarmi ataasiin­narmik naalak­kersuisoqar­nis­saq kajunger­neqar­neq ajor­poq. Inuk kinaluun­niit tamanit akuerineqalersin­naan­ngilaq. Kinami pis­saaneqar­nerup peq­quserlutsitsisar­neranit nigorsimasin­naava? Aam­mami inuk ataaseq naak­kit­taatsumik silarsuarmi naalak­kersuilis­sap­pat kiap nuan­naris­sagamiuk. — Atuakkit Ussatit 29:2; Oqaluussisartup oqaasii 8:9.

Jehovap er­nini, Jiisusi, inuian­nut tamanut naas­saan­ngitsumik naalak­kersuisus­satut toq­qarsimavaa. (Lukasi 1:32, 33) Jiisusi nunarsuarmi inuunermik misilit­tagaqar­poq. Nunarsuarmiin­nermini nap­parsimasunik ajorun­naarsitsisar­poq, qanilaar­tuunis­samik ajoqersuivoq meeq­qanil­lu peqateqar­tar­poq. (Markusi 1:40-42; 6:34; 10:13-16) Taamaat­tumik Jiisusi naalak­kersuisus­satut piuk­kun­nar­ner­paavoq. — Atuaruk Johannesi 1:14.

  3. Silarsuarmi ataatsimik naalakkersuisoqarneq piviusunngortinneqarsinnaava?

Guutip er­nini qilam­mit nunarsuarmut naalak­kersuisus­satut toq­qarsimavaa. (Danieli 7:13, 14) Soorlu inuk naalak­kersuisoq il­loqarfin­ni naalak­kersuif­fim­mini tamani najuut­tariaqan­ngitsoq, taamatut­taaq Jiisusi inun­nut naalak­kersuileruni nunani tamani najuut­tariaqan­ngilaq. — Atuakkit Matthæusi 8:5-9, 13.

Inuit tamarmik Jiisusi naalak­kersuisus­satut akueris­savaat? Naamik. Inuit ajun­ngitsumik nuan­narisaqar­tut kisimik akueris­savaat. Jehovap inuit asan­nit­tumik iluar­tumil­lu naalak­kersuisus­satut toq­qar­neqarsimasumik akuersin­ngitsut nunarsuarmit piias­savai. — Atuakkit Matthæusi 25:31-33, 46.

4. Silarsuarmut naalakkersuisoq sunik naammassisaqassava?

Soorlu savanik paarsisoq savaatiminik katersuisar­neratut Jiisusip inuit inuian­nit tamaneersut qanilaar­tut katersulereer­pai Guutil­lu asan­nin­neranik ilin­niar­til­lugit. (Johan­nesi 10:16; 13:34) Inuit taamaat­tut Jiisusimik taas­sumalu kun­ngeqarfianik tapersersuisun­ngor­tar­put ilumoorfigin­nit­tut. (Tus­siaat 72:8; Mat­thæusi 4:19, 20) Jiisusip in­nut­tai aalajaatsut ataasius­suseqarlutik taas­suma kun­ngin­ngoreer­nera nunarsuaq tamak­kerlugu nalunaajaatigisar­paat. — Atuaruk Matthæusi 24:14.

Qanit­tumi Jiisusip inuit naalagaaf­fin­nit peq­quserlut­tunit aniguisis­savai. Taas­suma ajoqersuk­kani aalajaatsut ilaat qilam­mit kun­ngitut nunarsuarmut naalak­kersueqatis­samisut toq­qarsimavai. (Danieli 2:44; 7:27) Jiisusip naalak­kersuinermini inuit tamarmik Jehovamik ilisiman­niler­nis­saat isumagiumaar­paa inuil­lu oqalut­tuarisaanerata aal­laq­qaataani paratiisi an­naaneqarsimasoq pilerseq­qil­lugu. — Atuakkit Esaja 11:3, 9; Matthæusi 19:28.