Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Novembari 2012

Sooq akilersilluni peqquserluttoqartuarpa?

Sooq akilersilluni peqquserluttoqartuarpa?

“Inuit ilaat ataaseq inoqatiminut ajoqutaasumik pis­saaneqar­pal­laar­tar­poq.” — OQALUUS­SISAR­TUP OQAASII 8:9.

TAMAN­NA inuit oqalut­tuarisaanermi naalak­kersueriaaserisarsimasaan­nik eq­qorluar­tumik al­laatigin­nin­neruvoq. Inuit naalak­kersueriaasiat naal­liuutaangaar­tarlunilu atugarliuutaangaar­tar­poq. Inuit ajun­ngitsunik siuner­taqarlutik inuiaqatigiin­nik naaper­tuil­luar­tunik pilersitsiniar­tar­nerat piumatus­suseq akilersil­lunilu peq­quserlut­tar­neq pis­sutigalugit iluatsin­ngisaan­narsimap­put. Sooq taamaap­pa? Sooq akilersil­luni peq­quserlut­toqar­tuar­pa? Tamatumun­nga sun­niutit ajor­tut pingasut pis­sutaasut sam­mis­savavut.

1. Ajortip sunniuteqarnera.

Biibilimi erseq­qis­sumik al­las­simavoq ‘tamat­ta ajor­tip ataaniit­tugut’. (Romamiut 3:9) Ajor­ti nap­paatitut kingor­nus­satut katsorsar­neqarsin­naan­ngitsutut ‘ilutsin­niip­poq’. Ukiuni 1000-ilin­ni ajor­ti inuian­nut kun­ngitut ‘naalagaavoq’ ‘inatsisaalu’ ilutsin­nut sun­niuteqar­tuar­put. Ajor­tulioq­qajaasar­neq pis­sutigalugu inup­pas­suit al­lanut ajoqutaasumik nam­min­neq soqutigisatik sal­liutit­tar­paat amerlanerusunil­luun­niit pigisaqaler­niar­tarlutil­lu pis­saaneqaler­niar­tar­put. — Romamiut 5:21; 7:17, 20, 23, 25.

2. Silarsuup ajortup sunniuteqarnera.

Piumatus­suseq nam­minis­sarsior­nerlu silarsuup matuma ilisar­naatigai. Taamaam­mat inuit inoqatimin­nit al­laanerunis­sar­tik saper­nar­tit­tar­paat. Nam­minis­sarsior­tuugamik pis­saaneqarumatuun­ngor­tar­put. Pisariaqar­titamin­nit amerlanerusunik aningaasanik pigisanil­lu katersinis­saq kis­saatigineruler­tar­paat. Ajoraluar­tumik anguniak­katik tamak­ku angujumal­lugit un­neq­qaserlut­toorusup­put. Inuit taamaat­tut ajor­tumik sun­ner­tin­naveersaar­natik ‘amerlanerusut ilior­neran­nut ajor­tumut maleruutiin­nar­tar­put’. — 2 Mosesi 23:2.

3. Saatanip Diaavulup sunniuteqarnera.

Saatani, pin­ngor­titaq anersaajusoq pikitsitsiumatooq, ‘silarsuarmik tamarmik tam­mar­titsiniar­tuuvoq’. (Saq­qum­mersitat 12:9) Taas­suma inun­nik uukapaatitsinis­sani nuan­narisar­paa. Inuup nalingin­naasumik pigis­saar­nis­samik aningaasaqar­nik­kul­lu toq­qis­sisimasuunis­samik kis­saateqar­nera ator­nerlus­sin­naasar­paa al­laat inuk sal­loqit­taagajut­tun­ngor­tit­tarlugu.

Imaap­pa Saatanimit aqun­neqarlutalu taas­sumun­nga naalat­tariaqar­tugut? Taman­na al­laaserisami tul­liut­tumi nas­suiar­neqas­saaq.