“Guuti tas­sa qimar­nguf­fip­put nakuus­suter­pul­lu, tamatigut ikiuiser­put an­nikil­lior­nar­tuni.” — TUS­SIAAT 46:2.

1, 2. Inup­pas­suit suut erloqis­sutigisar­paat, tamat­talu suna kis­saatigaar­put?

UL­LUNI erloqinar­torsiorfiusuni inuuvugut. Nunarsuatsin­ni ajunaar­nersuit imaagin­navip­put. Nunap sajut­tar­neri, tsunamit, or­pip­pas­suit ikual­lan­neri, qarsutsinersuit, qaq­qat in­nermik anitsineri, anorersuit kaavit­tulior­tut, anoraasuarsuit anorersuarujus­suil­lu pis­sutigalugit inuit naal­liuuteqangaar­put. Ilaqutariit­tut inut­tul­lu ataasiak­kaatut ajor­nar­torsiutit pis­sutigalugit inup­pas­suit siooral­lutil­lu naal­liuuteqar­put. Soorlu Biibilimi ersersin­neqar­toq tamat­ta ‘nalaatsor­nik­kut pisar­tunit’ eq­qor­neqar­tar­pugut. — Oqaluus­sisar­tup oqaasii 9:111990.

2 Tamak­ku erloqis­sutigigaluarlugit Guutip kif­fai taas­sumun­nga nikal­lujuil­lutik kif­far­tor­tuar­put. Pis­sutsit aaq­qis­suus­saanerata matuma naggatis­saa qanil­liar­tor­til­lugu ajor­nar­torsiutaasin­naasut tamat­ta piner­tusaarluta ator­nis­saan­nut piareersimarusup­pugut. Erloqinar­tunik nalaataqar­til­luta qanoq ilil­luta Guuti nikal­lujuil­luta kif­far­torfigiuarsin­naavar­put? Nikal­lujuit­tuar­nis­satsin­nut suut iluaqutigisin­naavavut?

NIKALLUJUITTUARSIMASUT ILINNIARFIGIKKIT

3. Romamiut 15:4 naaper­torlugu ajor­nar­torsiuteqar­til­luta suna tup­pal­lersaatigisin­naavar­put?

3 Ul­lutsin­ni inuit aatsaat taama amerlatigisut ajor­nar­torsiuteqaraluar­tut inuit oqalut­tuarisaaneran­ni ajor­nar­torsiutit atugaajuarsimap­put. Maan­na sam­mis­savar­put itsaq Guutip kif­fai ar­tor­nar­torsioraluarlutik nikal­lujuit­tuar­tut qanoq ilin­niarfigisin­naanerlutigit. — Romamiut 15:4.

4. Daavi sunik erloqis­suteqarsimava, sunalu iluaqutigisimavaa?

4 Daavip erloqis­sutigisimasaasa ilaat eq­qarsaatigilaariak­kit. Kun­ngimit Saulimit toqun­niar­neqar­poq, akeraasalu malersor­paat al­laal­lu nuliai aal­larul­lugit. Sak­kutuuisa, ilaqutaasa ikin­ngutaasalu ilaasa kil­luutigaat. Ilaan­nik­kul­lu nikal­lungarujus­suar­tar­poq. (1 Samueli 18:8, 9; 30:1-5; 2 Samueli 17:1-3; 24:15, 17; Tus­siaat 38:5-9) Biibilimi  ersersin­neqar­poq ajor­nar­torsiutit tamak­ku pis­sutigalugit Daavi qanoq naal­liutsigisimasoq. Taamaak­kaluar­torli Jehova tatigil­luin­narlugu up­peril­luin­narlugulu ima oqar­poq: “Naalagaq inuunin­nut ser­nis­sor­tigigak­ku kina qunugis­savara?” — Tus­siaat 27:1; atuakkit Tussiaat 27:5, 10.

5. Aaperaap Saral­lu erloqinar­torsioraluarlutik nikal­lujuit­tuar­nis­samin­nut suna iluaqutigaat?

5 Aaperaat Saralu inuunermik an­nersaa nunani al­lani takor­nar­taal­lutik tupermi najugaqarsimap­put. Inuunerat oqitsuin­naasiman­ngilaq. As­sersuutigalugu kaan­nersuaqalermat inuian­nil­lu akeq­qersimaarfigineqaleramik erloqinar­torsioraluarlutik nikal­lujuit­tuarlutil­lu piner­tusaar­tuar­put. (1 Mosesi 12:10; 14:14-16) Suna piner­tusaas­sutigaat? Guutip oqaasiani al­las­simavoq Aaperaap utaq­qigaa “il­loqarfik aalajaatsunik toq­qavilik sanasua pin­ngor­titsisualu tas­saasoq Guuti”. (Hebræerit 11:8-10) Aaperaap Saral­lu ajor­nar­torsiutitik nikal­luutiginagit Guutip neriorsuutigisimasaa eq­qarsaatigiuar­paat.

6. Jobi qanoq ilaarsin­naavar­put?

6 Jobi naal­liuuter­pas­suaqar­poq. Takorlooriaruk Jobi atugarlior­nermini qanoq misigisimasimas­sasoq. (Jobi 3:3, 11) Sulilu erloqineruler­poq ajor­nar­torsiutiminut suna pis­sutaasoq nalugamiuk. Taamaak­kaluar­torli as­suar­naat­tuarlunilu Guutimut up­per­tuar­poq. (Atuakkit Jobi 27:5, 6). Uagutsin­nut maligas­saal­luangaarami!

7. Paulusi Guutimut kif­far­tor­nermini sunik nalaataqar­tarsimava, qanorlu ilil­luni nikal­lujuit­tuar­pa?

7 Aam­ma apustilip Paulusip maligas­siaa eq­qarsaatigilaariaruk. Taan­na al­lap­poq ‘il­loqarfin­ni, inoqajuitsumi imaan­narsuarmilu’ navianar­torsior­tarluni. ‘Perlilersarsimanini, qilalersarsimanini, qiiasarsimanini atisas­saarut­tarsimaninilu’ eq­qar­tor­pai. Paulusip aam­ma eq­qaavaa arlaleriarluni umiusimal­luni ataasiarlunilu ‘ul­loq un­nuarlu imaan­narsuarmi tis­sukarsimal­luni’. (2 Korinthimiut 11:23-27) Navianar­torsior­taraluarluni isumal­luar­tuar­poq. Toqutaangajareerluni oqar­poq taamatut pisoqar­toq ‘im­minut tatigiun­naaq­qul­luta Guutili toqusunik makititsisoq tatigeq­qul­lutigu. Taan­naavoq uatsin­nik aniguisitsisoq navianar­torsiungaaler­nermilu aniguisitsiumaar­toq’. (2 Korinthimiut 1:8-10) Ikit­tuin­naat Paulusitul­li navianar­torsiutiginikuup­put. Amerlanersat­tali takorloorsin­naavaat qanoq misigisarsimas­sasoq. Taamaat­tumik nikal­lujuit­tuar­nera tup­pal­lersaatigisin­naavar­put.

AJORNARTORSIUTIT NIKALLUUTIGEQINAGIT

8. Ul­lutsin­ni ajor­nar­torsiutit pis­sutigalugit qanoq misigisarsin­naavugut? As­sersuuteqarit.

8 Inup­pas­suit nalitsin­ni ajunaar­nersuit ajor­nar­torsiutitil­lu amerlangaarmata sapilersutut misigisar­put. Al­laat Guutip kif­faasa ilaat taamatut misigisimap­put. Lani * paasitin­neqarmat iviangimigut kræfteqarluni taan­na uinilu Australiami pioneriup­put. Tusagar­til­lu tupas­sutigeqaat. Ima oqar­poq: “Katsorsar­neqalerama nap­parsimasorujus­suan­ngor­punga naleqan­ngil­luin­nar­tutul­lu misigalunga.” Nap­parsimatil­lunilu uini qitermigut suliaritis­simasoq paaq­qutarisariaqar­paa. Taamatut nalaataqarut­ta qanoq iliorsin­naavugut?

9, 10. (a) Ajor­nar­torsiuteqaraangat­ta suna eq­qaamasariaqar­par­put? (b) Apustilit Suliaat 14:22-mi ‘naal­liun­nar­tor­pas­suit’ eq­qaaneqar­tut qanoq isigis­savavut?

9 Eq­qaamasariaqar­par­put Saatanip an­nikil­liuutivut up­perun­naarsin­niar­niarluta nuan­naarun­naarsin­niarlutalu ator­niar­tarai. Taamatul­li ilioraangat nak­kaan­nar­tas­san­ngilagut. Us­satit 24:10-mi ima al­las­simavoq: “Ul­lormi an­nikil­liorfiusumi sapiis­suseeruk­kuit taava nukitit an­nikil­lis­sap­put.” Erloqinar­torsior­til­luta oqalut­tuat Biibilimiit­tut eq­qaariik­kavut eq­qarsaatigeq­qis­saar­tarutsigit nikal­lujuit­tuar­nis­satsin­nut iluaqutigis­savavut.

10 Nalitsin­nili ajor­nar­torsiutit ilaasa pin­ngitsoor­tin­neqarsin­naan­ngin­nerata eq­qaamanis­saa pingaaruteqar­poq. Ajor­nar­torsiuteqar­taral­lar­nis­sar­put naatsorsuutigis­savar­put. (2 Timotheusi 3:12) Apustilit Suliaat 14:22-mi ima al­las­simavoq: “Naal­liun­nar­tor­pas­suit atoq­qaarlugit Guutip naalagaaf­fianut isis­saagut.”  Ajor­nar­torsiutit nikal­luutiginagit Guutip ilin­nik ikiuisin­naaneranik up­perin­nin­ner­pit ersersin­nis­saanut periarfis­satut isigisin­naavatit.

11. Qanoq iliorsin­naavugut ajor­nar­torsiutivut nikal­luutigerusun­ngik­kutsigit?

11 Inuunitsin­ni nuan­nersut eq­qarsaatiginerusariaqar­pavut. Guutip oqaasiani ima al­las­simavoq: “Uum­matik­kut nuan­naar­nerup kiinaq saamasun­ngor­tit­tar­paa, uum­matik­kul­li aliasun­nerup nikal­lunganeq ilagisar­paa.” (Us­satit 15:13) Nakorsaatinik misis­sueq­qis­saar­tar­tut qangali up­per­narsisimavaat nuan­nersunik eqqarsaateqartarneq peq­qis­sutsimut iluaqutaasar­toq. Inuk nap­parsimasoq iisar­tak­kanik nakorsaatitaqan­ngitsunik iisiguni upperalugulu iisar­tak­kat iluaqutigis­sal­lugit taava aam­ma amerlaner­tigut peq­qin­nerusutut misigiler­tar­poq. Inuul­li peq­qiil­lior­neruler­nerminut iisar­tak­kani pisuutik­kunigit peq­qiin­nerulersutut misigisar­poq. Tamatuman­nga ersersin­neqar­poq inuunitsin­ni al­lan­ngor­tis­sin­naan­ngisavut eq­qarsaatigiuarutsigit nikal­lunganeruler­tar­tugut. Jehovap iluaqutaasumik uagutsin­nik ikiuisar­nera qujamasuutigaar­put. Al­laat ajunaar­nersuaqar­til­lugu oqaatsimigut tup­pal­lersar­tar­paatigut, qatan­ngutivut aq­qutigalugit tapersersor­tarluta anersaarlu il­ler­nar­toq atorlugu nukis­saqalersit­tarluta. Taak­ku eq­qarsaatigiuarutsigit nuan­naar­nerus­saagut. Ajor­nar­torsiutitit iliuuseqarfigisin­naasatit iliuuseqarfigisak­kit atuk­katil­lu nuan­nersut, nuan­niitsut pin­nagit, eq­qarsaatigisarlugit. — Us­satit 17:22.

12, 13. (a) Guutip kif­faasa ajunaar­nersuaqar­til­lugu piner­tusaar­nis­samin­nut suut iluaqutigisimavaat? As­sersuuteqarit. (b) Ajunaar­nersuaqar­til­lugu suup pingaar­ner­paanera paasinarsisar­pa?

12 Ukiuni kingul­ler­ni nunat ilaan­ni an­ner­tuunik ajunaar­nersuaqar­tarsimavoq. Qatan­ngutit­ta ajunaar­nersuaqar­til­lugu ar­tor­nar­torsioraluarlutik piner­tusaar­tarsimanerat ilin­niutigisin­naavar­put. Februaarimi 2010-mi Chilemi nuna sajorujus­suarmat tsunameqarlunilu qatan­nguter­pas­suavut angerlarsimaf­feerup­put pigisatil­lu an­naal­lugit ilaal­lu sulif­fis­saarul­lutik. Qatan­ngutit taamatut atugaqaraluarlutik Jehovamut kif­far­tor­tuar­put. Samuel angerlarsimaf­feerut­toq ima oqar­poq: “Nuliaralu erloqinar­torsioraluarluta ataatsimiigiar­tuar­tar­pugut oqaluus­seqataajuarlutalu. Qularutigin­ngilaralu taamaalior­tuar­tar­nivut neriuutaarus­sutigin­ngik­kivut.” Taak­ku qatan­nguter­pas­suil­lu al­lat ajunaar­nersuaqar­nera nikal­luutiginagu Jehovamut aalajaal­lutik kif­far­tor­tuar­put.

13 Septembarimi 2009-mi Filip­pinerini sial­lerujus­suarmat il­loqarfiup Manilap an­nersaani qarsutsinersuaqar­poq. Angut pisooq pigisar­pas­suarminik an­naasaqar­toq oqar­poq inuit tamarmik qarsutsinersuaqar­neranit eq­qor­neqar­tut “inuil­lu pisuut piitsul­lu tamarmik ajor­nar­torsiuteqalersut naal­liuuteqalerlutil­lu”. Taman­na Jiisusip siun­nersuutaanik pingaarutilim­mik uumin­nga eq­qaasitsivoq: “[Qilam­mi] katersigitsi erlin­nar­tuutinik, tas­sanimi qil­laalaat oquil­lu aseruis­san­ngim­mata, til­lin­nial­lu nakuuserlutik il­lumut iserlutik til­lis­san­ngim­mata.” (Mat­thæusi 6:20) Aningaasat pigisal­lu an­naaneqariaan­naasin­naap­put taamaat­tumik inuit taak­kunin­nga sal­liutitsisut pakatsigajup­put. Jehovamik sal­liutitsiuar­neq silatusaar­nerus­saaq qanorluun­niim­mi pisoqaraluar­pat Jehovamik ikin­nguteqar­tuarsin­naagat­ta. — Atuakkit Hebræerit 13:5, 6.

SOOQ NIKALLUJUITTUARSINNAASUGUT

14. Sooq nikal­lujuit­tuarsin­naavugut?

14 Jiisusip ajoqersuk­kani oqarfigai najuun­nis­samini ajor­nar­torsiuteqar­toqar­tarumaar­toq, imali nangip­poq: “An­nilaarutigeqinasigit.” (Lukasi 21:9) Kun­ngit­ta Jiisusip Kristusip aam­ma Jehovap, qilam­mik nunarsuarmil­lu Pin­ngor­titsisup, ikior­tarmatigut nikal­lujuit­tuar­nis­satsin­nut tun­ngavis­saqarluar­pugut. Paulusip Timotheusi qiim­mas­saataasumik ima al­laf­figaa: “[Guutip] tunin­ngilaatigut anersaamik qunutuumik, kisian­ni tunivaatigut anersaamik nakuus­suseqar­tumik asan­nis­suseqar­tumil­lu silatus­suseqar­tumil­lu.” — 2 Timotheusi 1:7.

15. Guutip kif­fai taas­sumin­nga tatigin­nil­luar­tut ilaat qanoq oqarsimap­pat, uagul­lu taak­kunatut qanoq nikal­lujuit­tuarsin­naavugut?

 15 Maluginiak­kit Guutip kif­faasa ilaasa taas­sumin­nga tatigin­nil­luin­nar­tut oqaasii Biibilimi al­laatigineqar­tut. As­sersuutigalugu Daavi ima al­lap­poq: “Naalagaq, nakuus­sutiga, eq­qor­tin­naveeq­qutiga, taan­na uum­matima tatigaa. Ikior­neqarama qiim­mat­tar­poq uum­matiga.” (Tus­siaat 28:7) Paulusi ima al­lap­poq: “[Tamak­ku] tamaasa ator­taraluarlugit asasitsigut taas­sumuuna ajugaal­luin­naqaagut.” (Romamiut 8:37) Jiisusip paasigamiuk tigusaangajalerluni toqutaangajalerlunilu oqaasiisigut paasinarsivoq Guutimut at­taveqarluar­toq. Ajoqersuk­kani ima oqarfigai: “Kisimiin­ngilanga Ataatap najormanga.” (Johan­nesi 16:32) Guutimut kif­faasut taak­ku oqaatsimik­kut suna ersersip­paat? Tamarmik Jehovamik tatigin­nil­luin­nar­put. Uagut­taaq taak­kunatut Guutimik tatigin­nil­luin­narut­ta erloqinar­tunik sunil­luun­niit nalaataqar­til­luta nikal­lujuit­tuarsin­naavugut. — Atuakkit Tussiaat 46:2-4.

GUUTIP ILUAQUTISSATUT TUNNIUSSAI ATORLUAKKIT

16. Sooq Guutip oqaasiata atuaq­qis­saar­tar­nis­saa pingaaruteqar­pa?

16 Nikal­lujuin­ner­put im­minut tatiginitsin­nik pis­suteqan­ngilaq, Guutimil­li tatigin­nin­nitsin­nik pis­suteqar­poq. Biibili atuaq­qis­saar­tuar­tarutsigu nikal­lujuit­tuarsin­naavugut, aam­ma Guuti ilisarisimalis­sal­lugulu tatigilis­savar­put. Qatan­ngut ar­naq isumatsarujus­suaq­qasar­toq oqalut­tuar­poq al­las­simaf­fiit Biibilimiit­tut qiim­maal­lan­nar­tut atuaq­qeqat­taaraangamigit pitsan­ngual­lat­tarluni. Inus­siap aalajaal­lunilu silatuup siun­nersuineratut sapaatip-akun­neri tamaasa ilaqutariit­tut atuaq­qis­saaqatigiit­tar­pugut? Guutip oqaasianik atuaq­qis­saar­tar­ner­put tus­siaasior­tutut isigin­nit­taaseqaler­nis­satsin­nut iluaqutigisin­naavar­put, taan­na ima al­lap­poq: “Ilami inatsisitit nuan­nareqaak­ka, eq­qarsaatin­niip­put ul­loq tamaat.” — Tus­siaat 119:97.

17. (a) Nikal­lujuit­tuar­nias­sagat­ta Jehovap aam­ma qanoq ikior­tar­paatigut? (b) Atuagas­siaatitsin­ni atuagaatitsin­nilu misigisalik­kersaarutit qanoq il­lit iluaqutigisimavigit?

17 Aam­ma Jehovap nikal­lujuit­tuaq­qul­luta atuagas­siat atuak­kal­lu aq­qutigalugit oqaatsini pil­lugit ilin­niar­tit­tar­paatigut im­minul­lu tatigin­nin­nerulersit­tarluta. As­sersuutigalugu misigisalik­kersaarutit atuagas­siaatitsin­niit­tut amerlasoor­pas­suar­nit iluaqutigineqarsimap­put. Asiami qatan­ngut ar­naq isumatsarujus­suar­tar­nermik, aam­ma maniodepres­sivimik taaneqar­tar­tumik, nap­paateqar­toq qiim­maal­las­simavoq qatan­ngutip angutip ajoqersuiar­tor­titaasimasup im­minermisut nap­paateqaraluarluni Guutimut kif­far­tor­tuar­tup misigisalik­kersaarutaa atuaramiuk. Ar­naq misigisalik­kersaarut pil­lugu ima al­lap­poq: “Ajor­nar­torsiutima paasil­luar­nis­saanut iluaqutigaara neriuuteqalis­sutigalugulu.”

Erloqinartorsioraangavit Jehovap iluaqutissatut tunniussai atorluartakkit

18. Sooq qinukulasariaqar­pugut?

18 Aam­ma qinugaangat­ta Jehovap ikior­tar­paatigut. Sunil­luun­niit nalaataqaraluarut­ta qinuneq  iluaqutigisin­naavar­put. Apustilip Paulusip qinunerup pingaaruteqas­susia erseq­qis­sar­paa ima al­lak­kami: “Sumil­luun­niit isumakuluuteqar­naveeritsi, kis­saatigisasili qanoq it­tuk­kul­luun­niit Guutimut saq­qum­miut­tarsigit qinul­lusi torlulal­lusilu qujal­lusilu. Taava eq­qis­sinerup Guutimit pisup siuneqas­suser­nit tamanit an­nerungaar­tup uum­matisi eq­qarsaatisilu ser­nigis­savai Kristusi-Jiisusimi.” (Filip­pimiut 4:6, 7) Erloqinar­torsior­til­luta piner­tusaarsin­naanias­sagat­ta qinukulasar­pugut? Alexip Tuluit Nunaan­neersup pif­fis­sami sivisuumi isumatsarujus­suar­tar­nermik nap­paateqarsimasup “qinunik­kut Jehovamik oqaloqateqar­tar­nini taas­sumalu oqaasianik atuar­tar­nermigut taas­suman­nga akineqar­tar­nini” iluaqutiginer­paasimanerar­paa.

19. Sooq kristumiut ataatsimiin­nerinut najuut­tar­nis­saq pingaaruteqar­pa?

19 Jehovap aam­ma ataatsimiin­nerit aq­qutigalugit ikior­tar­paatigut. Tus­siaasior­toq ima al­lap­poq: “Tar­niga tuman­ngusimagaluar­poq kiperif­figalugit Naalak­kap silarliutai, maan­nali uum­matima timimalu torlulaf­figaat Guuti uumasoq.” (Tus­siaat 84:3) Uagut­taaq tus­siaasior­tutut misigisar­pugut? Lanip eq­qaaneqareersup eq­qaavaa ataatsimiin­ner­nut tamanut najuut­tar­nis­sani qatan­ngutinil­lu peqateqar­tar­nis­sani pingaar­tit­torujus­suul­lugu. Ima oqar­poq: “Nalun­ngilara Jehovamit ikior­neqas­saguma ataatsimiigiar­tariaqar­tarlunga.”

20. Oqaluus­sinermik ulap­putigin­nit­tuar­ner­put qanoq iluaqutigisin­naavar­put?

20 Oqaluus­sinermik ulap­putigin­nin­ner­put nikal­lujuit­tuar­nis­satsin­nut aam­ma iluaqutigisin­naavar­put. (1 Timotheusi 4:16) Qatan­ngut ar­naq Australiamiu inuunermini ajor­nar­torsiuter­pas­suaqarsimasoq ima oqar­poq: “Oqaluus­sinis­sara kajungerin­ngil­luin­nar­tarsimagaluar­para utoq­qaaner­tal­li oqaluus­seqatigiumam­manga akuersivunga. Jehovap ikior­tarsimas­savaanga oqaluus­seqataagaangamami as­sut nuan­naalersarama.” (Us­satit 16:20) Nalunaajaasor­pas­suit paasisimavaat al­lat Jehovamik up­perin­niler­nis­saan­nut ikioraangamik­kit nam­min­neq up­per­ner­tik nakus­satsit­tarlugu. Al­lat ikioraangamik­kit nam­min­neq ajor­nar­torsiutitik eq­qarsaatigiun­naar­tar­paat pingaaruteqar­nerusul­lu eq­qarsaatigilersarlugit. — Filip­pimiut 1:10, 11.

21. Ajor­nar­torsiuteqaraluarluta suna qularutigin­ngil­luin­narsin­naavar­put?

21 Ajor­nar­torsiuteqar­til­luta piner­tusaarsin­naanias­sagat­ta Jehovap iluaqutis­sar­pas­suatsin­nik tunisimavaatigut. Iluaqutis­savut taak­ku atorluarutsigit ajor­nar­torsiuteqaraluarluta pil­luarsin­naavugut. Aam­ma Guutip kif­faasa maligas­siuil­luar­neri eq­qarsaatigeq­qis­saar­tarlugil­lu ilaar­niar­tarutsigit nikal­lujuit­tuar­nis­saq ilik­kariar­tulersin­naavar­put. Pis­sutsil­li aaq­qis­suus­saanerata naggatis­saa qanil­liar­tor­til­lugu ajor­nar­torsiutivut amerliar­torsin­naap­put. Paulusitul­li ima oqarsin­naavugut: “Orlutitaasar­pugut suujun­naarsitaanatali. . . . Nikal­lun­ngilagut.” (2 Korinthimiut 4:9, 16) Jehovap ikiuineratigut ul­luni erloqinar­torsiorfiusuni nikal­lujuit­tuarsin­naavugut. — Atuakkit 2 Korinthimiut 4:17, 18.

^ par. 8 Atit ilaat al­lan­ngor­titaap­put.