Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Septembari 2012

Eqqissineq ukiuni tusindini — naassaanngitsumillu!

Eqqissineq ukiuni tusindini — naassaanngitsumillu!

“Guuti tamani tamarsooq­qul­lugu.” — 1 KORINTHIMIUT 15:28.

1. ‘Amerlangaar­tut’ pis­sanganar­tunik sunik misigisaqas­sap­pat?

TAKORLUUK­KIT naalak­kersuisut pis­saanilis­suit asan­nit­tumik naaper­tuil­luar­tumil­lu kun­ngil­lit ukiuni 1000-ini inun­nut iliuuserisin­naasaat nuan­ningaar­tut. ‘Amerlangaar­tut’ nuan­nersunik taamaat­tunik misigisaqas­sap­put. Taak­kuup­put “an­nikil­lior­titaangaar­nermit”, pis­sutsit aaq­qis­suus­saaneran­nik ajor­tunik maan­na atuut­tunik suujun­naarsitsil­luin­nar­nermit, aniguisus­sat. — Saq­qum­mersitat 7:9, 14.

2. Ukiuni 6000-ini qaangiut­tuni inuit suut paasisimavaat?

2 Ukiuni 6000-ini qaangiut­tuni inuit nam­mineerlutik naalak­kersuinerat inun­nut naal­liuuter­pas­suar­nik erloqinar­tor­pas­suar­nil­lu kinguneqarsimavoq. Qangarsuarli Biibilimi ima al­las­simasoqar­poq: “Inuit ilaat ataaseq inoqatiminut ajoqutaasumik pis­saaneqar­pal­laar­tar­poq.” (Oqaluus­sisar­tup oqaasii 8:9) Ul­lumik­kut pis­sutsit qanoq ip­pat? Sorsuut­toqar­tarlunilu pikitsitsisoqar­tar­poq. Piitsuuneq, nap­paatit, avatangiisinik mingutsitsineq, silap pis­susiata al­lan­ngor­nera al­lal­lu ajor­nar­torsiutaap­put. Oqar­tus­saasuni atorfil­lit mianersoq­qusip­put oqarlutik al­lan­nguin­ngik­kut­ta nunarsuarmil­lu mingutsitsiun­naan­ngik­kut­ta ajor­torujus­suarmik kinguneqas­sasoq.

3. Ukiuni 1000-ini naalak­kersuinerup ingerlanerani susoqas­sava?

3 Jiisusip, Guutip kun­ngiutitaata mis­siarsiusup, naalak­kersueqatis­saasalu 144.000-iusut, naalak­kersuineran­ni Guutip naalagaaf­fiata inun­nut nunarsuarmul­lu ajoqusiinerit aaq­qis­savai. Ukiut 1000-it ingerlaneran­ni Jehovap Guutip neriorsuutaa tup­pal­ler­nar­toq una piviusun­ngus­saaq: “Qilak nutaaq nunalu nutaaq pin­ngor­tis­savak­ka; pereersut eq­qaamaneerutis­sap­put eq­qaaq­qin­neqar­natil­lu.” (Esaja 65:17) Qanoq-una tupin­nangaar­tunik, suli ‘takus­saan­ngitsuusunik’,  pisoqar­tus­saasoq? Guutip oqaasii siulit­tuutaasut iluaqutigalugit tamak­ku paasisin­naavavut. — 2 Korinthimiut 4:18.

‘ILLULIORUMAARPUT VIINNEQUTINILLU IKKUSSUILLUTIK’

4. Ul­lumik­kut inis­saqar­niar­neq qanoq ip­pa?

4 Kik­kut tamarmik angerlarsimaf­feqarusup­put, nam­min­neq ilaqutamil­lu toq­qis­sisimanarisaan­nik. Ul­lumik­kul­li silarsuatsin­ni inis­saqar­niar­neq ajor­nakusoorsin­naavoq. Inuit il­loqarfin­ni inoqareeqisuni tat­torliuup­put. Im­maqa il­lupalaan­nguaqar­put inis­sianiluun­niit piitsoqarfiusuni ineqarlutik. Inuit il­lutaarusut­tut ilar­pas­sui takorluuiin­nar­tariaqar­tar­put.

5, 6. (a) Esaja 65:21 aam­ma Mika 4:4 qanoq piviusun­ngus­sap­pat? (b) Qanoq ilil­luta taman­na pil­luaq­qus­sutisiarisin­naavar­put?

5 Guutip naalagaaf­fia nunarsuarmut naalak­kersuiler­pat kik­kut tamarmik angerlarsimaf­fit­taas­sap­put. Esaja ima siulit­tuivoq: “Il­luliorumaar­put nam­min­neq inigisas­samin­nik viin­nequtinil­lu ik­kus­suil­lutik inerititaat nerisas­samin­nik.” (Esaja 65:21) Al­lamil­li aam­ma qilanaarutis­saqar­put. Ul­lumik­kum­mi inup­pas­suit angerlarsimaf­feqaraluarlutik ilaal­lu il­lorujus­suaqaraluarlutik an­naanis­saa isumakuluutigisar­paat, aningaasaqar­nik­kut al­lan­ngor­neq til­lin­niar­toqar­nera ajor­nerusumil­luun­niit pisoqarsin­naanera pis­sutigalugu. Guutip naalagaaf­fia atuutiler­pat tamak­ku tamaasa isumakuluutigiun­naas­savaat. Pruf­fiiti Mika ima al­lap­poq: “Tamarmik eq­qis­sil­lutik inuus­sap­put viin­nequtaatimik figenequtaatimil­lu ataan­ni kimil­luun­niit peersin­neqar­natik.” — Mika 4:4.

6 Guutip naalagaaf­fiata atuun­nerani inoorusuk­kut­ta susariaqar­pugut? Soorunami tamat­ta inis­saqar­neq pisariaqar­tip­par­put. Angerlarsimaf­fil­li pilerigisaq maan­nak­kut akiligas­sar­pas­suaqalerluta piniarsaris­san­ngilar­put. Jehovap neriorsuutaa pingaar­nerutik­kutsigu silatusaas­saagut. Jiisusi nam­mineq ima oqar­poq: “Terian­niat siseqar­tar­put qilaal­lu tim­miai ul­loqar­tarlutik, Inuul­li Er­nera niaq­quminut iigarfis­saqan­ngilarluun­niit.” (Lukasi 9:58) Jiisusi pitsaaner­paamik il­luliorsin­naasimagaluar­poq pisisin­naasimagaluarluniluun­niit. Sooq taamaaliun­ngila? Jiisusi Guutip naalagaaf­fianik sal­liutitsinermini sumil­luun­niit akor­nuser­tik­kusun­ngin­nami. Maligas­siuinera malil­lugu iser­put tap­pis­suutis­sin­naavar­put — nunap piinik al­lamut saasaateqar­nata isumakuluuteqar­natalu? — Mat­thæusi 6:33, 34.

“AMAROQ SAVAARARLU IVIGARTOQATIGIISSAPPUT”

7. Jehovap aal­laq­qaam­mut siuner­taa naaper­torlugu inuit uumasul­lu qanoq at­taveqatigiis­sap­pat?

7 Jehova pin­ngor­titsigami inuk kingul­liul­lugu pin­ngor­tip­paa nunarsuarmiit­tut pingaar­nersaat­tut. Sooq inuit pin­ngor­tin­nerlugit Jiisusimut ima oqar­poq: “Inun­nik pin­ngor­titsisa im­mitsin­nik as­silil­luta uatsitut it­tus­sanik! Naalagaas­sap­put aalisak­kanut im­mamiit­tunut qilaal­lu tim­miaanut nersutaatinul­lu nersutinul­lu nujuar­tanut tamanut paarmor­tunul­lu nunami ingerlasar­tunut tamanut.” (1 Mosesi 1:26) Guutip Adami Evalu, kinguaas­saal­lu tamaasa, peq­quai uumasut paaralugil­lu naalagaaf­figis­sagaat.

8. Ul­lumik­kut uumasut qanoq pis­susilersor­tar­pat?

8 Inuit uumasut tamaasa naalagaaf­figiitigalugit eq­qis­seqatigisin­naavaat? Inup­pas­suit nuan­naril­luin­nak­kamin­nik uumasuuteqar­put, soorlu qim­minik qitsun­nil­lu. Uumasum­mi nujuar­tat? Ilisimatuut uumasunik nujuar­tanik ilisimatusar­tut ilisimatusarfigisatik qanil­lugit inuusimasut paasisimavaat uumasut miluumasut misigis­suseqar­tut. Nalun­ngilar­put uumasut navianar­torsior­tutut misigisut qunutul­lutil­lu qaasut­tuusar­tut, tun­nius­simas­suseqarsin­naap­pal­li?  Ilisimatuut oqar­tar­put uumasut miluumasut piaq­qamin­nik al­lisaasut qanilaas­suseqangaar­nermik ersersitsisar­tut.

9. Uumasut siunis­sami pis­sutsimik­kut qanoq al­laanerulis­sap­pat?

9 Taamaat­tumik tupaal­las­san­ngilagut Biibilimi al­las­simam­mat inuit uumasul­lu eq­qis­seqatigiis­sin­naasut. (Atuakkit Esaja 11:6-9; 65:25). Sooq? Eq­qaamajuk Noa ilaqutaalu ulersuup kingor­na umiarsuarmit anim­mata Jehovap taak­ku ima oqarfigigai: “[Uumasut] tamarmik ersigalusilu siooragis­savaasi.” Ul­lumik­kut uumasor­pas­suit im­min­nut il­lersor­niarlutik inun­nit qimaasar­put. (1 Mosesi 9:2, 3) Jehoval­li siooran­ngin­nerulersis­sin­naavai, inuit uumasul­lu at­taveqatigiin­nerat aal­laq­qaam­mul­li peq­qusinermisut ilersil­lugit. (Hosea 2:20) Nunarsuarmiit­tunut tamanut nuan­nerunas­susia!

‘QULLIIT TAMAASA ALLARTERUMAARPAI’

10. Sooq inuit qiasar­pat?

10 Salomop takuaa nunarsuarmi ajor­tor­pas­suar­nik iliuuseqar­toqar­toq inup­pas­suil­lu ikior­tis­saqan­ngitsut. Taamaat­tumik aliasungaarluni ima oqar­poq: “Takuak­ka qunutitaasut qul­lii, tup­pal­lersar­neqan­ngil­lal­lu.” (Oqaluus­sisar­tup oqaasii 4:1) Ul­lumik­kut pis­sutsit aam­ma taamaap­put, ajor­nerun­ngik­kunik. Kina arlar­put arlaan­nik pis­suteqarluni qiasiman­ngila? Ilaan­nik­kut nuan­naar­nerup pianik qiasar­pugut, amerlaner­tigul­li aliasungaar­nermik qiasar­pugut.

11. Oqalut­tuaq Biibilimeersoq sorleq kil­litsis­sutiginer­paaviuk?

11 Inuit qiasut pil­lugit oqalut­tuar­pas­suit Biibilimeersut eq­qarsaatigik­kit. Sara 127-nik ukioqarluni toqum­mat ‘Aaperaap upik­kiar­tor­paa’. (1 Mosesi 23:1, 2) No’omi ukus­sani marluk, marluul­lutik uil­lar­nerusut, im­min­nut inuul­luaq­qugamik “qis­saser­put”. (Ruthi 1:9, 14) Kun­ngi Hizkija toq­qutigisin­naasaminik nap­parsimalerami Guutimut qinuutigaluni “nipituumik qiavoq”. Qul­lilisoq Jehovap takugamiuk ajorun­naarsip­paa. (2 Kun­ngit 20:1-5) Apustilil­lu Petrusip Jiisusi miserratigim­magu qanoq pisoqar­nera tamat­ta kil­litsis­sutigaar­put. Petrusip kuk­kukooq qarlor­toq tusaramiuk “anil­luni qiangaaler­poq”. — Mat­thæusi 26:75.

12. Ukiuni 1000-ini naalak­kersuineq qanoq ilil­luni inun­nut iluaal­las­sutaas­sava?

12 Inuit alianar­tor­pas­suar­nik misigisaqar­taramik tup­pal­lersar­neqar­nis­saq iluaal­latsitsinis­sarlu pisariaqar­tit­tar­paat. Taamaat­tumik ukiuni 1000-ini Kristusip naalak­kersuinerani tas­sani in­nut­taasut una misigis­savaat: ‘[Guutip] qul­liit tamaasa isaan­nit al­lar­terumaar­pai, toqulu peeruk­kumaar­poq, aliasut­toqarun­naarlunilu nil­liasoqarun­naarlunilu an­niar­toqarun­naas­saaq’. (Saq­qum­mersitat 21:4) An­niar­toqarun­naarlunilu naal­liun­nar­toqarun­naar­nis­saa eq­qarsaatigalugu nuan­ningaar­poq. Sulili nuan­ner­neruvoq Guutip toqumik peerutsitsinis­samik neriorsuutaa. Taman­na qanoq pis­sava?

“ILIVERMIITTUT TAMARMIK” MAKITITAASSAPPUT

13. Adami ajor­tuliormal­li ajor­ti inun­nut qanoq sun­niuteqar­pa?

13 Adami ajor­tuliormal­li toqu “kun­ngitut” inun­nut naalak­katut ilivoq. Taan­na tas­saasimavoq akeraq iluatsit­tumik akior­neqarsin­naan­ngitsoq. Inuup ajor­til­lip kialuun­niit anigorsin­naan­ngilaa, aliasuutaangaarsimavorlu. (Romamiut 5:12, 14) Inuit mil­lionilip­pas­suit toqunis­sar­tik siooragigamik­ku ‘inuuner­tik tamaat inus­siatut qunutitaap­put’. — Hebræerit 2:15.

14. Toqup suujun­naarsitaanera qanoq kinguneqas­sava?

14 Biibilimi siulit­tuutigineqar­poq ‘akeq­qani kingul­lersaal­luni toqu suujun­naarsitaas­sasoq’. (1 Korinthimiut 15:26) Taman­na  marlutsigut iluaqutaas­saaq. ‘Amerlangaar­tut’ ul­lumik­kut inuusut aniguisin­naap­put silarsuas­samilu nutaami neriorsuutigisami naas­saan­ngitsumik inuunis­samik periarfis­saqas­sal­lutik. Aam­ma inuit mil­liardil­lit toqusimasut makititaasin­naap­put. Takorloorsin­naaviuk qanoq nuan­ner­tigalunilu pis­sanganar­tigis­sasoq ‘amerlangaar­tut’ toqusunit makititaasunik tikil­luaq­qusip­pata? Inuit makititaasimasut pil­lugit oqalut­tuat Biibilimeersut misis­sor­nerugutsigit siunis­sami inuit makititaanis­saat takorlooruminar­tin­nerus­savar­put. — Atuakkit Markusi 5:38-42; Lukasi 7:11-17.

15. Asasat toquk­kut an­naasat makititaasoq takuguk­ku qanoq misigis­sasoraat?

15 Oqaatsit ‘tupigusun­nermik paatsiveerul­luin­nar­put’ aam­ma ‘Guuti un­nersiutigaat’ eq­qarsaatigik­kit. Inuit makititaasut taak­ku makititaam­mata najuus­simasuuguit im­maqa aam­ma il­lit taama misigis­sagaluar­putit. Asasavut toquk­kut an­naasimasavut makititaap­pata nuan­naangaarlutalu pil­luangaas­saagut. Tupin­nas­saqaaq! Jiisusi ima oqar­poq: ‘Pif­fis­saq nal­liuk­kumaar­poq ilivermiit­tut tamarmik taas­suma nipaanik tusarumaarfis­saat iliver­nil­lu aniumaarfis­saat.’ (Johan­nesi 5:28, 29) Arlaan­nar­pul­luun­niit makititaasumik takun­nis­siman­ngilaq, taamaak­kaluar­toq qularutigin­ngilar­put pisus­sanit ‘takus­saan­ngitsunit’ taman­na tupin­nar­ner­paat ilagiumaaraat.

‘GUUTI TAMANI TAMARSUUSSAAQ’

16. (a) Sooq pil­luaq­qus­sutisias­sat suli misigin­ngisavut qiimasumik oqalut­tuarisas­savavut? (b) Paulusi kristumiut Korinthimiit­tut kajumis­saar­niarlugit qanoq oqar­pa?

16 Ul­luni an­nikil­lior­nar­torsiorfiusuni mak­kunani inuit Jehovamut aalajaat­tuar­tut nuan­ningaar­tumik siunis­saqar­put. Pil­luaq­qus­sutisias­sat suli takus­saan­ngik­kaluar­tut takorloorluar­tarutsigit pingaaruteqavis­sut  isiginiar­nerulersin­naas­savavut silarsuarmilu matumaniit­tut al­lamut saasaarutiginagit. (Lukasi 21:34; 1 Timotheusi 6:17-19) Ilaqutariit­tut atuaq­qis­saaqatigiik­kaangat­ta aam­ma anersaak­kut qatan­ngutivut, Biibilimik atuaq­qis­saaqatigisar­tak­kavut soqutigin­nit­tul­lu oqaloqatigigaangatsigit neriuuter­put qiimasumik oqalut­tuarisar­tigu. Taamaalior­tarut­ta neriuuter­put takorlooruminar­tis­savar­put. Apustilip Paulusip kristumioqatini taamaalioq­qul­lugit kajumis­saar­pai. Kristusip ukiuni 1000-ini naalak­kersuinerata naanerani pisus­sat taak­kunun­nga eq­qarsaatigitin­niar­pai. Paulusip Korinthimiunut allagai siullit 15:24, 25, 28-mi oqaasii eq­quup­pata qanoq pisoqas­sanersoq takorloor­niarsariuk. — Atuakkit.

17, 18. (a) Jehova inuit oqalut­tuarisaanerisa aal­laq­qaataani ‘tamani tamarsuusoq’ qanoq paasisariaqar­pa? (b) Eq­qis­seqatigiin­neq ataasius­suseqar­nerlu Jiisusip qanoq pilerseq­qis­savaa?

17 Ukiut 1000-it naaneran­ni ‘Guuti tamani tamarsuus­saaq’. Taman­na qanoq isumaqar­pa? Edenimi Adamip Eval­lu Jehovap ilaqutariis­suinut eq­qis­seqatigiit­tunut ilaanerisa nalaat eq­qarsaatigiuk. Jehova qilam­mi nunamilu Kisimi Oqar­tus­saasoq pin­ngor­titaminut tamanut, qilam­miit­tunut nunamiit­tunul­lu, toq­qaan­nar­tumik naalak­kersuivoq. Adamip Eval­lu Jehova oqaloqatigisin­naavaat, pal­lorfigisin­naavaat taas­suman­ngalu pil­luaq­quneqarsin­naal­lutik. ‘Guuti tamani tamarsuuvoq.’

Jiisusip kunngitut suliassani naammassereeruniuk maniguulluni Naalagaaffik Ataataminut tunniutissavaa

18 Taamatut eq­qis­seqatigiin­nerat ajoquser­neqar­poq Saatanip sun­niineratigut inuit Jehovamut pikitsitsim­mata. Guutil­li naalagaaf­fia 1914-imiil­li eq­qis­seqatigiilersitseq­qiiniarluni ataasius­suseqatigiilersitseq­qiiniarlunilu iliuuseqaler­poq. (Efesosimiut 1:9, 10) Ukiuni 1000-ini naalak­kersuinerup ingerlanerani tupin­nangaar­tut ul­lumik­kut ‘takus­saan­ngitsut’ piviusun­ngus­sap­put. Taava ‘naggatis­saq’, tas­sa Kristusip ukiuni 1000-ini naalak­kersuinerata naanera, nal­liutis­saaq. Taava susoqas­sava? Naak Jiisusi ‘qilam­mi nunamilu pis­saanermik tamanik’ tunineqarsimagaluarluni Jehova inanger­niarsarin­ngilaa. Maniguul­luni ‘Naalagaaf­fik Guutimut Ataatamut tun­niup­paa’. Im­mik­kut inis­sisimaf­fim­minik pis­saanerminil­lu atuinera ‘Guutimut Ataatamut ataq­qinaataas­saaq’. — Mat­thæusi 28:18; Filip­pimiut 2:9-11.

19, 20. (a) Guutip naalagaaf­fiani in­nut­taasut tamarmik qanoq ersersis­savaat Jehovap kisimi oqar­tus­saanera akueralugu? (b) Siunis­sami nuan­ningaar­tut suut nuan­naarutigisin­naavavut?

19 Taamanik­kus­samut nunarsuarmi Guutip naalagaaf­fiani inuusut tamarmik naam­mal­luin­nar­tuus­sap­put. Taak­ku Jiisusip maligas­siaa malil­lugu maniguul­lutik kajumil­lutil­lu Jehovap kisimi oqar­tus­saanera akueris­savaat. Taamaak­kusun­ner­til­lu up­per­narsarsin­naavaat inaarutaasumik misilin­neqar­nermin­ni. (Saq­qum­mersitat 20:7-10) Tamatuma kingor­na pikitsitsisut tamarmik, in­ngilit inuil­lu, naas­saan­ngitsumik piuneerus­saas­sap­put. Nuan­nerunas­susia! Jehovap ilaqutariis­suisa tamarmik, qilam­miit­tut nunamiit­tul­lu, taan­na un­nersiutigis­savaat. Jehovalu ‘tamani tamarsuus­saaq’. — Atuakkit Tussiaat 99:1-3.

20 Guutip naalagaaf­fiata qanit­tuk­kut pilersitas­saanik nuan­ningaar­tunik ilisiman­nin­nerit Jehovap piumasaatut iliuuseqar­nis­san­nut kajumis­sis­sutigaajuk? Saatanip silarsuaata isumal­luarsaarinerigalui tup­pal­lersaanerigaluilu piviusuun­ngitsut al­lamut saasaarutiginaveersaak­kit? Jehovap kisimi oqar­tus­saaneranik tapersersuil­lutil­lu il­lersuinis­sat aalajangiusimaviuk? Iliuuseqar­nik­kut ersersiguk naas­saan­ngitsumut taamaaliorusul­lutit. Taava nuan­naarutigisin­naas­savatit eq­qis­sineq ingerlal­luar­nerlu ukiuni 1000-ini — naas­saan­ngitsumil­lu!