Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Januaari 2012

Guutimuna pillaraatigut?

Guutimuna pillaraatigut?

“Ajunaar­nersuarmi ajunaar­tut nal­ligigaluarlugit isumaqar­punga ‘tembatsu’-usoq (Guutimit pil­laataasoq)”, Japanimi politikeri nuimasoq taama oqar­poq 2011-mi marsimi nunar­tik nunap sajun­neranit Richterip uut­tuutaa naaper­torlugu 9,0 sak­kor­tus­suseqar­tumit tsunamimil­lu eq­qor­neqareersoq.

Haitimi 2010-mi januaarimi nunap sajun­nerani inuit 220.000-it sin­nerlugit toqum­mata tv-k­kut ajoqersuisar­toq tusaamasaasoq oqar­poq taamaat­toqar­neranut pis­sutaasoq “Diaavulu angerfigeqatigisimagamik­ku . . . Guutimul­lu saas­simasariaqaraluarlutik”.

Manilami Filip­pineriniit­tuni inuit 79-it tul­laarineqarlutik toqutaam­mata palasi katuuliusoq oqar­poq “Guutip nalun­ngeqatigin­nis­suter­put misik­karlus­sisimasoq misik­karis­siseq­qik­kusuk­kaa”. Nunami tas­sani aviisimi al­las­simavoq ‘inersimasut 21 procentiisa up­perigaat Guuti kamam­mat nunap sisoor­tar­neranit, anorersuar­nit ajunaar­nersuar­nil­lu al­lanit nuna eq­qor­neqarajut­toq’.

AATSAAT Guutip ajunaar­nersuit atorlugit inun­nik ajor­tunik pil­laasar­neranik up­perin­nit­toqan­ngilaq. 1755-imi Lis­saboni Por­tugalimiit­toq nunap sajun­neranik, ikual­lan­nermik tsunamimil­lu eq­qor­neqar­neratigut inuit 60.000-it ajunaarmata isumaliutersor­tar­toq ilisimaneqarluar­toq Voltaire ima aperivoq: “Lis­saboni aserugaasoq Parisimit inuul­luataar­niuteqar­nerungaar­tumit san­ngiif­feqar­nerugami?” Aap, Guutip inuit pil­lar­niarlugit ajunaar­nersuit ator­tar­nerai inuit mil­lionil­lit eq­qarsaatigisar­paat. Nunar­pas­suar­ni ajunaar­nersuit taamaat­tut ‘Guutip piliaatut’ oqaatigineqar­tar­put.

Tamak­ku tamaasa eq­qarsaatigalugit aperisariaqar­pugut: Ilumut Guutip inuit pil­lar­niarlugit ajunaar­nersuit atorsimanerai? Kingul­ler­tigut ajunaar­ner­pas­suit Guutimit pil­laataap­pat?

Guutimik pisuutitsiniar­nermin­ni pin­ngor­titap nukinga atorlugu Guutip aseruineri Biibilimi oqalut­tuarineqar­tut ilaat tik­kuar­paat. (1 Mosesi 7:17-22; 18:20; 19:24, 25; 4 Mosesi 16:31-35) Biibilimi oqalut­tuanik misis­suinermi erser­poq pingasunik as­sigiis­suteqar­tut. Siul­lermik, pisimasuni tamani mianersoq­qus­suteqaq­qaar­tar­poq. Aap­pas­saanik, ul­lumik­kut pin­ngor­titap nukinganit aseruinermi inuit ajor­tut ajun­ngitsul­lu toqusar­tut, aseruiner­nili Guutimit pilersin­neqar­tuni Guuti ajor­tuin­nar­nik piuneerus­sisar­poq. Inuit ajor­niaan­nar­tut mianersoq­qus­sutinul­lu tusaajuman­ngitsut taamaal­laat suujun­naarsitaap­put. Pingajus­saanik, inuit pisuus­suteqan­ngitsut aniguisin­naaq­qul­lugit Guutip aq­qutis­siuut­tar­pai. — 1 Mosesi 7:1, 23; 19:15-17; 4 Mosesi 16:23-27.

Aseruinersuar­nut kil­leqan­ngitsunut ul­lumik­kut pisar­tunut inuit mil­lionil­lit inuuneran­nik naleqar­tunut Guutip pisuuneranut takus­sutis­saqan­ngilaq. Qaqugumul­luun­niit ajunaar­nersuaqar­tuas­sava? Qanoq ilil­luta ajunaar­nersuaqar­nis­samut piareersimasin­naavugut? Tamak­ku al­laaserisani tul­liut­tuni akis­sutis­sarsisin­naavatit.