IL­LIT Jehovap aq­qanik paasiniaanin­ni taas­sumun­ngalu qanit­tumik at­taveqaler­niar­nin­ni akor­nusersuerusut­toqar­poq. Akeraq ajor­toq taan­na kinaava? Biibilimi ima nas­suiar­neqar­poq: “Silarsuum­mi matuma guutiata taak­kua [up­pin­ngitsut] eq­qarsaataat tap­piil­lisip­pai.” Saatani Diaavulu silarsuup guutiitsup matuma guutigaa. Taas­suma taar­tumiitik­kusup­paatit il­lit uum­matit ‘Guutip naalan­nas­susia’ pil­lugu ilisimasaqaleq­qunagu. Saatanip kis­saatigin­ngilaa il­lit Jehovamik ilisarisiman­niler­nis­sat. Qanorli ilil­luni inuit eq­qarsaataan­nik tap­piil­lisitsisar­pa? — 2 Korinthimiut 4:4-6.

Saatanip inuit Guutimik ilisarisiman­niler­niar­neran­ni akor­nusersor­niarlugit up­perisarsior­neq eq­qun­ngitsoq atorsimavaa. As­sersuutigalugu itsaq juutit ilaasa ileq­qutoq­qat Guutip aq­qanik atuinaveersaar­nis­samik ilal­lit al­lak­kanit isumas­sarsiarititaasunin­ngar­nit pingaar­nerutip­paat. Ukiuni hundredelin­ni siul­ler­ni Kristusip inun­ngor­nerata kingor­na juutit synagogini atuaasar­tut peq­quneqarsimagunar­put Guutip aq­qa Al­lak­kani Hebræerisuuni al­las­simaneratut atuar­taq­qunagu, oqaatsimil­li ’Adhonajʹ-imik, “Naalagaq”-mik isumaqar­tumik, taarser­taq­qul­lugu. Taamaalior­tar­neq inuit Guutimit ungasil­lineran­nut qular­nan­ngitsumik pis­sutaaqataavoq. Inup­pas­suit taamaalil­lutik taas­sumun­nga qanit­tumik at­taveqar­nerup iluaqutis­sar­taat misigin­ngitsoor­paat. Jiisusimum­mi tun­ngatil­lugu? Taan­na Jehovap aq­qanut qanoq isigin­nit­taaseqar­pa?

Jiisusi ajoqersugaalu Guutip aqqanik nalunaajaatiginnipput

Jiisusi Ataataminut qinutil­luni ima oqar­poq: “[Aq­qit] . . . ilisimalersip­para ilisimalersik­kumaarlugulu.” (Johan­nesi 17:26) Jiisusip qular­nan­ngitsumik Al­lak­kat Hebræerisuut ilaan­nit, atermik tamatumin­nga pingaarutilim­mik al­las­simasor­talin­nit, atuarluniluun­niit is­suaal­luniluun­niit taak­kunin­nga nas­suiaagaangami Guutip aq­qa taasarsimas­savaa. Jiisusip taamaalil­luni Guutip aq­qa pruf­fiitit tamarmik pisarsimanerat­tul­li atoriaan­naatigisarsimas­savaa. Jiisusip nalaaniil­li juuteqarsimap­pat Guutip aq­qanik atuinaveersaar­tunik, Jiisusi taak­kua ileq­quan­nik qular­nan­ngil­luin­nar­tumik malin­nis­simas­san­ngilaq. Taas­suma up­perisarsior­nik­kut siut­tut sak­kor­tuumik isor­nar­torsior­pai ima oqarfigigamigit: “Guutip oqaasii atorun­naarsip­pasi kingor­nus­sarsiasi [tas­sa ileq­qutoq­qat] pil­lugit.” — Mat­thæusi 15:6.

Jiisusi Guutip aqqanik nalunaajaatiginninnermut tunngatillugu maligassaavoq

Jiisusip ajoqersugai aalajaatsut Jiisusip toqunerata makititaaneratalu kingor­na Guutip aq­qanik nalunaajaatigin­nit­tuar­put. (Takuuk ungalusaq  “Kristumiut siul­liit Guutip aq­qa ator­tar­paat?”). Ukiumi 33-mi piinsip ul­luani, ul­lormi ilagiit kristumiut pilersin­neqarfian­ni, apustili Petrusi juuter­pas­suar­nut juutil­lu up­perisaan­nut ilan­ngus­simasor­pas­suar­nut oqaluk­kami Joelip siulit­tuutaanit ima is­suaavoq: “Kinaluun­niil­lu [Jehovap, NV] aq­qanik torlorfigin­nit­toq an­naan­neqas­saaq.” (Apustilit Suliaat 2:21; Joeli 3:5) Kristumiut siul­liit inuit inuiaqatigiin­nit as­sigiin­ngitsor­pas­suar­neersut Jehovamik  ilisarisiman­niler­nis­saan­nut aq­qatalu isumaanik paasin­nin­nis­saan­nut ikior­paat. Taamaat­tumik Jerusalemimi apustilit utoq­qaaner­tal­lu ataatsimiin­neran­ni ajoqersugaq Jaaku ima oqar­poq: “Guuti Guutimik nalusunik aterminut in­nut­tas­sarsereersimasoq.” — Apustilit Suliaat 15:14.

Guutil­li aq­qanut akeraasoq uniin­nan­ngilaq. Apustili kingul­leq toquniariar­toq Saatani tunus­sinermik siuarsaaler­poq. (Mat­thæusi 13:38, 39; 2 Petrusi 2:1) As­sersuutigalugu kristumius­sutsimik al­laaserin­nit­tar­tup Justinusip Mar­tyrip, apustilip kingul­liup Johan­nesip toqunerata nalaani inun­ngor­tup, al­lak­kamini suut tamarmik Pilerfiat arlaleriarluni tas­saanerar­tar­paa “Guuti taas­suma nam­mineq ativia atorlugu torlorfigineqarsin­naan­ngitsoq”.

Kristumiut tunus­sisut Kristumiut Al­lagaataat Grækerisuut as­silil­lugit al­lak­kamik­kit nalunan­ngitsumik Jehovap nam­mineq aq­qa al­lak­kanit peer­paat Kyʹrios-imil­lu, grækerit oqaasian­nik “Naalagaq”-mik isumalim­mik, taarserlugu. Al­lak­kanut Hebræerisuunut tun­ngatil­lugu tamatumun­nga as­singusumik pisoqar­poq. Al­lak­kanik ilisimasut juutiusut tunus­sisut  Guutip aq­qa nipituumik atuar­tarun­naar­paat, aterlu as­siliil­lutik al­lak­kamin­ni 130-nit amerlanerusunik ’Adhonajʹ-imik taarser­paat. Aam­ma Biibilimi latiinerisut nutsik­kami pingaarutilim­mi ukiumi 405-imi Hieronymusimit naam­mas­sineqar­tumi kingusin­nerusuk­kul­lu Vulgata-mik taaneqar­talersumi Guutip nam­mineq aq­qa ator­neqan­ngilaq.

Ullumikkut Guutip aqqanik atuiunnaarsitseriaraluarneq

Ilagiit Guutip aqqa Biibilimit peersimavaat juutit ileqqutoqaat pissutigalugit imaluunniit allaat iluanaarnerujumallutik

Ul­lumik­kut ilisimatuut nalun­ngilaat Jehovap nam­mineq aq­qa Biibilimi 7000-it mis­siliorlugit ator­neqar­toq. Taamaat­tumik nutsik­kani ator­neqar­tupilus­suar­ni, soorlu katuul­lit The Jerusalem Bible-ian­ni (tulut­tut), La Biblia Latinoamérica-mi katuul­lit ator­tagaan­ni (Spaniamiutut) Reina-Valeramilu (Spaniamiutut) pigiumaneqarluar­tumi Guutip nam­mineq aq­qa ator­neqarluar­poq. Nutsik­kat ilaan­ni Guutip aq­qa “Jahve”-mik al­lan­neqar­tar­poq.

Ajoraluar­tumik ilagiit Biibilinik nutserinermut aningaasatigut tapersiisar­tut ilar­pas­suisa ilisimatuut Guutip aq­qanik Biibilimik nutsik­kamin­ni ilan­ngus­seq­qunagit tatisar­paat. As­sersuutigalugu Vatikani juunip 29-an­ni 2008-mi katuul­lit biskop­piisa ataatsimeersuar­neran­ni præsidentiusunut al­lak­kami ima nalunaaruteqar­poq: “Ukiuni kingul­ler­ni Israelip Guutiata ativianik taasineq ileq­qun­ngoriar­tuaarsimavoq.” Al­lak­kami erseq­qis­sumik ima peq­qus­suteqar­poq: “Guutip aq­qa . . . ator­neqaq­qusaananilu taaneqaq­qusaan­ngilaq.” Aam­mat­taaq eq­qaaneqar­poq “oqaatsinut ul­lumik­kut ator­neqar­tunut Biibilimik nutsik­kani . . . [Guutip aq­qanik] tetragrammi nutser­neqar­tas­sasoq Adonajimut/Kyriosimut: ‘Naalak­kamut’ as­singusumik.” Vatikanimit taamatut peq­qus­suteqar­toqar­neranut siuner­tarineqar­toq erseq­qis­sumik tas­saavoq Guutip aq­qata ator­neqar­tarun­naar­nis­saa.

Naaggaar­tut Jehovap aq­qanik taamatul­li ataq­qin­nin­ngitsigisimap­put. Biibilimik nutsik­kamik New International Version-imik, ilagiin­nit naaggaar­tunit aningaasalersor­neqar­tumik 1978-imilu tulut­tut saq­qum­mer­tumik, nutserinermi oqaaseqar­tar­toq ima al­lap­poq: “Jehova Guutip kisimi ateraa, eq­qarsaatigil­luaraan­nilu ator­tariaqarsimagaluar­par­put. Dol­laril­li 2,25 mil­lionit nutsik­kamut tamatumun­nga ator­pavut, aningaasal­lu maangaan­nar­tin­nis­saat qulak­keersimas­sagaluar­par­put as­sersuutigalugu Tus­siaat 23 ima nutsersimasuugutsigu: ‘Jahve paarsisigaara.’ Nutseriner­put ingerlaan­naq asuliin­nar­tis­simas­sagaluar­par­put. Ator­neqarsimas­san­ngik­kaluar­poq.”

Aam­mat­taaq ilagiit ilaasa Latinamerikamiut Guutimik ilisarisiman­niler­niar­neran­ni akor­nusersor­paat. Steven Voth, United Bible Societies-imi (Biibilimik Naqiterisitsisarfiit Kat­tuf­fian­ni) nutserinermi siun­nersor­taasoq, ima al­lap­poq: “Naaggaar­tut Latinamerikamiut ilaan­nit oqal­lisigineqar­tuar­tut ilaat atermik Jehová-mik atuinermut tun­ngavoq . . . Soqutiginar­tumik piinsisior­tut ilagiivisa ilaasor­tar­pas­sual­lit ilaasor­taqar­nerujar­tuin­nar­tul­lu nutaat ilaat oqar­put . . . nutsigaq Reina-Valera 1960-imeersoq nam­min­neq pigerusul­lugu, aterli  Jehová tas­san­nga peerlugu. Taas­sumun­nga taarsiul­lugu oqaaseq Señor [Naalagaq] atorusup­paat.” Steven Voth naaper­torlugu United Bible Societies aal­laq­qaam­mut qin­nuteqaam­mik tamatumin­nga itigar­titsip­put, kingusin­nerusuk­kul­li akuersiin­nar­put Biibilimil­lu Reina-Valera-mik “oqaatsimik Jehová-mik atuiner­taqan­ngitsumik” saq­qum­mersitsil­lutik.

Guutip aq­qa taas­suma oqaasianit al­lan­neqarsimasumit peeraan­ni “Naalagaq”-mil­lu taarseraan­ni, ilumoor­tumik atuar­tut Guutip kinar­piaaneranik paasin­nin­niar­neran­ni akor­nuser­neqar­tar­put. Taamatut al­lan­ngor­titsineq paatsiveerus­sutaasar­poq. Atuar­tup im­maqa naluler­tar­paa oqaaseq “Naalagaq” Jehovamut taas­sumaluun­niit er­neranut, Jiisusimut, tun­ngatin­neqar­nersoq. Al­las­simaf­fik apustilip Petrusip Apustilit Suliaat 2:34-mi (NV) Daavimik ima is­suaaf­figisaa: “Jehovap Naalagara [Jiisusi makititaasimasoq] ima oqarfigaa: ‘Taler­pim­ma tungaanut ingin­niarit’” Biibilimik nutsik­kat ilar­pas­suini, ilaatigut Biibilimi kalaal­lisuumi 2000-imi ator­tus­san­ngor­titaasumi, ima nutser­neqar­poq: “Naalagaq naalak­kan­nut oqar­poq.” (Apustilit Suliaat 2:34) Aam­mat­taaq David Clines “Jahve kristumiul­lu ajoqersuutaasa Guutiat” pil­lugu al­laatigisamini ima uparuaavoq: “Jahvep kristumiut sianis­susian­ni amigaataanerata kingunerisaanik Kristusi pingaar­tin­neqar­neroq­qajaalersimavoq.” Taamaat­tumik naalagiar­tar­tor­pas­suit nalus­savaat Guuti ilumoor­toq Jiisusip qin­nuigisaa kinaas­susiliusoq atilik — tas­sa Jehovaasoq.

Saatani inuit eq­qarsaataan­nik tap­piil­lisitsiniarluni taak­kulu Jehovamit ungasil­lisin­niarlugit iliuuseqangaatsiarsimavoq. Taamaak­kaluar­torli il­lit Jehovamut qanit­tumik at­taveqalersin­naavutit.

Jehova ilisarisimalersinnaavat aqqatalu qanoq isumaqarnera paasisinnaallugu

Saatani erseq­qis­sumik Guutip aq­qanut sorsus­simavoq, tamatumun­ngalu tun­ngatil­lugu up­perisarsior­neq eq­qun­ngitsoq peq­qusersusaarluni atorsimavaa. Naalagaq kisimi oqar­tus­saasoq Jehova im­minut tun­ngatil­lugu inun­nul­lu aalajaatsunut siuner­tani nuan­ningaar­toq pil­lugu sal­lusuis­sum­mik paasin­nik­kumasunut aterminik ilisimalersitsiniaatil­lugu pis­saanil­lip suul­luun­niit qilam­miit­tup nunarsuarmiit­tul­luun­niit akor­nusersin­naan­ngilaa.

Jehovap Nalunaajaasuisa ikiorusup­paatsit il­lit Biibilimik atuaq­qis­saar­nik­kut qanoq ilil­lutit Guutimut qanil­lisin­naanin­nik paasin­nin­nis­san­nut. Taak­kua Jiisusi Guutimut ima oqar­toq ilaar­paat: “[Aq­qit] taak­kunun­nga ilisimalersip­para.” (Johan­nesi 17:26) Al­las­simaf­fiit Jehovap inuiaat iluaqutis­saan­nut suliariumasaanut as­sigiin­ngitsunut tun­ngasut eq­qarsaatigeq­qis­saaraangak­kit kinaas­susiata nuan­nersor­tar­pas­sui pil­lugit paasisaqar­tas­saatit.

Ataataaner­paaq Jobi Guutimut qanit­tumik at­taveqar­poq, uagut­taaq taas­sumun­nga qanit­tumik at­taveqarsin­naavugut. (Jobi 29:4) Guutip oqaasianeersunik ilisimasaqaleruit Jehova ilisarisimal­lualersin­naal­lugulu taas­suma aq­qata isumaanik paasin­nis­sin­naas­saatit. Tamak­kunin­nga ilisimasaqaleruit up­perilis­savat Jehova atermi isumaanut naaper­tuut­tumik iliuuseqarumaar­toq — tas­sa ‘iluarisani naaper­torlugu qanorluun­niit iliumaar­toq’. (2 Mosesi 3:14, Rotherham) Tas­sa taas­suma inuian­nut neriorsuutini nuan­nersut tamaasa qular­nan­ngil­luin­nar­tumik eq­quutitik­kumaar­pai.