“Er­nera sior­natigut oqaloqatigiuminar­tuugaluar­poq, maan­nali 16-iliinermi kingor­na uan­nut uin­nul­lu qanoq eq­qarsar­nera paasiuminaal­livoq. Inimini kisimiik­kumaneruler­poq qaqutigul­lu oqaluut­talerluta!” — MIRIAM, MEXICOMIU.

“Oqatsik­ka tamaasa meeq­qama qanga tusar­naarluar­tar­paat. Maan­na inuusut­tuaran­ngorlutik isumaqar­put silarsuaq inuuf­figisar­tik paasin­ngil­luin­nariga.” — SCOTT, AUSTRALIAMIU.

IL­LIT inuusut­tuaq­qamik er­neqaruit paneqarlutil­luun­niit aap­pariit taak­kua oqaasii paasil­luarsin­naas­sagunar­patit. Sior­natigut meeq­qavit oqaloqatiginera im­maqa ajor­naquteqan­ngitsumik aq­qusiner­tut il­luanut il­luanul­lu ingerlavis­salit­tut it­taraluar­poq. Maan­nak­kut aq­qusineq matuneqarsimasutut ip­poq. Anaanaq Italiamiu Angelamik atilik ima oqar­poq: “Er­nerma mikigal­larami apersor­tupilus­suusar­paanga. Maan­na oqaloqatigiiler­nis­saq uanga aal­lar­tit­tariaqar­para. Taamaaliun­ngik­kuma ul­lut arlal­lit ingerlasin­naap­put pingaar­tunik oqaloqatigiin­nata.”

Im­maqa Angelatut misigivutit, il­lit meeq­qat qanga am­masorujus­suusimasoq al­lan­ngorsimavoq inuusut­tuaran­ngorluni merser­nar­toq. Oqaloqatiginiarlugu qanoq ilior­nitit tamarmik, taamaal­laat naatsumik akineqar­tar­put. Er­nerit aperivat: “Ul­loq qanoq ingerlava?” Merser­narluni akivoq: “Ajun­ngilaq.” Paniit aperivat: “Atuarfim­mi ul­lumik­kut sunik misigisaqar­pit?” Tuini kiviimil­lugit akivoq: “Misigisaqan­ngilanga.” Oqaloqatigiin­neq aal­lar­tin­niarlugu aperiguit: “Sooq nipanger­pit?” nipaan­nersuaqalersar­poq.

Soorunami oqaluk­kusut­tunik inuusut­tuaraqar­poq. Oqaasiili tas­saaneq ajor­put angajoq­qaavisa tusarusutaat. Anaanaq Nigeriamiu Ednamik atilik ima oqalut­tuar­poq: “Arlaan­nik ikiulaaq­qugaangama panim­ma oqarfigiuaan­nar­paanga: ‘Akor­nusersor­nanga.’” Ramón Mexicomi najugalik er­nini 16-inik ukiulik pil­lugu aam­ma tamatumun­nga as­singusumik misigisaqar­tar­poq. Ima oqar­poq: “Ul­lut tamangajaasa oq­qat­tar­pugut. Arlaan­nik suliak­keraangan­ni er­niin­navik utoq­qatsis­sutis­sarsiuler­tar­poq.”

Inuusut­tuaq­qamik nipaarlum­mik oqaloqateqar­niar­neq angajoq­qaat naam­magit­tar­neran­nut misilin­neqaataasin­naavoq. Biibilimi eq­qorluar­tumik imatut al­las­simasoqar­poq: “Isumalioqatigiit­toqan­ngik­kaangat pilersaarutit asuliin­nar­tar­put.” (Us­satit 15:22) An­na, anaanaq aap­paqan­ngitsoq Ruslandimi najugalik, ima nas­suer­poq: “Er­nerma qanoq eq­qarsar­nera paasisin­naan­ngik­kaangak­ku ima paamitsatigisar­punga nil­liarusulersarlunga.” Sooruna inuusut­tuaq­qat taak­kualu angajoq­qaavi — pif­fis­sami tas­saner­piaq at­taveqaqatigiin­nerup pingaar­ner­paaf­fiani — at­taveqaqatigiis­sin­naajun­naar­tutut it­tar­tut?

Akornutaasut paasiniakkit

At­taveqaqatigiin­neq oqaloqatigiin­nerin­naan­ngilaq. Jiisusi ima oqar­poq: “Uum­matim­mi ulik­kaarutaanik qaneq oqalut­taraaq.” (Lukasi 6:45) Tas­sa at­taveqaqatigiil­luar­nik­kut al­lat ilin­niar­tar­pavut ilaatigul­lu im­minut paasitit­tarluta. Inuusut­tuaq­qat im­minut tun­ngasut eq­qar­tor­nis­saat ajor­nar­torsiutigisin­naavaat, meerarmi am­masorujus­suugaluar­toq inuusut­tun­nguler­neq pis­sutigalugu al­lan­ngorsin­naavoq inuusut­tuaraan­ngorluni nipaarloq  tunuarsimaar­torlu. Im­mik­kut ilisimasal­lit oqar­put inuusut­tuarar­pas­suit isigin­naar­tut piviusuun­ngitsut saan­ni qul­ler­nit qin­ngorsimaf­figineqarlutik isigin­naar­titsivim­miigin­navis­sutut misigisut. Inuusut­tuaq­qat it­toor­tut qul­ler­nit qin­ngorsimaf­figineqar­nermin­nik nuan­narin­nin­ngitsut im­maqa tip­pi am­mor­tis­savaal­lusooq, nam­min­neq silarsuarmin­nut mat­tul­lutik angajoq­qaanut inor­narsil­lutik.

At­taveqaqatigiin­nermut akor­nutaasin­naasoq al­la tas­saavoq inuusut­tuaq­qap nam­mineer­nis­samik kis­saateqar­nera. Taman­na avaq­qun­neqarsin­naan­ngilaq — qitor­nat inersimasun­nguler­poq, al­lan­nguler­nerup kingunerisa ilagaat er­ner­pit panip­pil­luun­niit inut­tut ineriar­tor­nera. Imaan­ngilarli qitor­nat angerlarsimaf­fim­minit nuun­nis­saminut piareer­toq. Er­ner­pit panip­pil­luun­niit inuusut­tuaq­qap as­sigiin­ngitsor­pas­suar­tigut aatsaat taama atorfis­saqar­titsigaatit. Nam­miniileriar­tuaar­toqaler­tar­porli inersimasun­ngor­neq ukior­paalun­nik sioq­qul­lugu. Inuusut­tuarar­pas­suit ineriar­tor­nermin­nut tun­ngatil­lugu eq­qarsaatitik al­lanut oqalut­tuaritin­nagit eq­qarsaatigin­nil­luaq­qaarusut­tar­put.

Nas­suerutigisariaqar­poq inuusut­tuaq­qat amerlaner­tigut kam­malaatimin­nut am­manerusar­nerat — taman­na Mexicomi anaanap Jes­sicamik atil­lip malugisimavaa. Taan­na ima oqalut­tuar­poq: “Panim­ma mikigal­larami ajor­nar­torsiutini pil­lugit oqaloqatigiuaan­nar­paanga. Maan­na ikin­ngutini oqaloqatigisar­pai.” Inuusut­tuaraatit taamatut pis­suseqalersimap­pat isumaqar­niaqinak ataatatut anaanatul­luun­niit “soraarsik­kaatit”. Misis­suiner­ni paasinarsivoq inuusut­tuaq­qat angajoq­qaamik siun­nersuutaat kam­malaatimik siun­nersuutaan­nit pingaar­tin­nerugaat aam­ma taman­na nas­suerutigerusun­ngik­kaluarlugu. At­taveqaqatigiit­tuar­nis­sarsi qanoq qulak­keersin­naaviuk?

Iluatsinnissamut matuersaat — akornummik peersisoq

Takorlooruk nunaan­naap aq­quser­natigut narlusuuin­nak­koorlutit ingerlasutit. Aquut sangutial­lalaagin­nar­tarlugu kilometerer­paaluit ingerlasimavutit. Tas­san­ngaan­narli aq­qusineq ingerlavigisat sangoriasaar­poq. Biili aq­qusinermiigin­nas­sap­pat sangupiloor­nis­sat kisiat periarfis­sarivat. Taman­na as­sersuun­neqarsin­naavoq qitor­navit inuusut­tuaran­nguler­neranut. Qitor­nan­nut at­taveqar­nerit im­maqa ukiuni amerlasuuni al­lan­ngor­tilaagin­nar­tus­saasimavat. Maan­nali er­ner­pit imaluun­niit panip­pit inuunermi ‘sangoriataarfis­saq’ tikis­simavaat, il­lil­lu ‘sanguf­fis­saq’ malit­tus­saavat at­taveqar­ner­pit naleq­qus­sar­neratigut. Apeq­qutinik tul­liut­tunik im­minut ima aperigit.

‘Ernera panigaluunniit oqalorusuppat oqaloqatigerusuppara?’ Biibilimi ima al­las­simavoq: “Puugutaasat sølviusut iipiliusar­taat­tut kuultiusutut ip­put oqaatsit oqaaserineqarfis­samik­kut oqaaserisat.” (Us­satit 25:111990) Soorlu al­las­simaf­fim­mi erser­toq pingaaruteqar­poq pif­fis­sap eq­qor­tuunis­saa. Ima as­sersuusior­toqarsin­naavoq: Naasoris­saasup katersuinis­sani siuar­tis­sin­naanaguluun­niit kinguar­tis­sin­naan­ngilaa. Katersuif­fis­san­ngor­pat pif­fis­saq atorluaan­nar­tariaqar­paa. Taamatut­taaq inuusut­tuaraatit im­maqa pif­fis­sap ilaatigut oqaluk­kumanerusar­poq. Periarfis­saqaler­pat atorluaruk. Australiami najugalik anaanaq kisimiit­toq Frances ima oqar­poq: “Paniga akut­tun­ngitsunik un­nuk­kut kingusis­suk­kut sinit­tarfin­nut iser­tar­poq, ilaan­ni nalunaaqut­tap akun­nera ataaseq isersimasar­poq. Piggar­tuujun­ngin­nama taman­na imaan­naan­ngilaq, un­nup­pas­suar­nili taak­kunani as­sigiin­ngitsor­pas­suit oqaluuserisar­pavut.”

UKU MISILIKKIT: Inuusut­tuaraatit oqaluk­kuman­ngip­pat taava arlaan­nik sam­misaqaqatigiigitsi — pisut­tuaritsi, pin­nguaatit arlaan­nik pin­nguaritsi, imaluun­niit il­lumi sulias­sanik suliaqaqatigiigitsi. Taamatut iliuuseqariar­taar­nerit inuusut­tuaq­qap am­mar­nis­saanut amerlaner­tigut iluaqutaasar­put.

‘Oqaatiginiakkap tunuliaqutaa paasivara?’ Jobi 12:11-mi al­las­simavoq: “Siutip oqaatsit anin­neqar­tut misis­sor­tus­saan­ngin­ner­pai soorlu oq­qap nerisas­sat ooqat­taar­tarai?” Pif­fis­sami tamatumani aatsaat taama pingaar­tigivoq er­ner­pit imaluun­niit panip­pit oqaasiisa ‘misis­sor­nis­saat’. As­sersuutigalugu er­nerit paniil­luun­niit im­maqa oqarsin­naavoq: “Il­lit tamatigut meeq­qatut pisar­parma!” imaluun­niit “Il­lit tusar­naanngisaannarparma!” Oqaaseq “tamatigut” aam­ma uiguut “-n­ngisaan­nar­poq” ilumut ilumoor­nersut eq­qarsaatigis­san­ngilatit aam­ma eq­qun­ngitsuuneras­san­ngilatit. Ilimanar­poq meeq­qat ingasaas­sisoq.  As­sersuutigalugu “Il­lit tamatigut meeq­qatut pisar­parma” isumaqarsin­naavoq “Misigivunga tatigin­ngik­kim­ma”, aam­ma “Il­lit tusar­naanngisaannarparma” im­maqa isumaqar­poq “Misigis­sutsin­nik ilorler­paanik oqalut­tuuk­kusup­pak­kit”. Oqaatiginiak­kap tunuliaqutaa paasiniar­niaruk.

UNA MISILIGUK: Inuusut­tuaraativit isum­mat sak­kor­tuut anip­pagit imatukan­neq oqarsin­naavutit: “Paasisin­naavara isumatsas­simasutit, oqaasererusut­tatit tusarusup­pak­ka. Oqalut­tuutin­nga qanoq pigaangak­kit meeq­qatut pineqarlutit misigisar­nersutit.” Oqalutsiin­naruk tusar­naarlugulu.

‘Pinngitsaaliillunga oqaaseqartitsiniarnikkut attaveqaqatigiinneq akornusertoortarpara?’

Biibilimi ima al­las­simavoq: “Iluar­neq eq­qis­sinermi siaruar­tik­kat inerititaraat, eq­qis­sisitsisul­lu pisas­saraat.” (Jaaku 3:18) ‘Eq­qis­sisitsisuugit’ oqaloriaatsik­kut pis­susilersor­nik­kul­lu, er­nerit paniil­luun­niit am­mar­nis­saminut kajumin­neruler­nias­sam­mat. Eq­qaamajuk meeraq tapersersus­sagak­ku. Tas­sa arlaan­nik oqaloqatigiis­suteqaraangas­si un­nerluus­sisutut ajor­tus­sarsior­niar­tutut nipaqar­naveersaar­tariaqar­putit. Koreami ataataq Ahn-imik atilik ima oqar­poq: “Ataataq imaluun­niit anaanaq silatooq ima oqar­neq ajor­poq ‘Qaquguuna inersimasun­ngor­niar­tutit?’ imaluun­niit ‘Qas­seriarlunga oqas­sagama . . .?’ Arlaleriarlunga taamatut kuk­koreerlunga malugivara nukap­piaraatima oqaloriaasera kisiat paamitsaatiginagu aam­mali oqaatsik­ka paamitsaatigisaraat.”

UNA MISILIGUK: Inuusut­tuaraatit aperineqarusun­ngip­pat al­latut misiliigit. Panip­pit ul­lua qanoq ingerlasimanersoq aperinagu, il­lit ul­lut qanoq ingerlasimanersoq oqalut­tuarisin­naavat qanorlu qisuariar­nersoq maluginiarlugu. Imaluun­niit arlaat qanoq isumaqarfigineraa paaserusuk­kuk­ku aperisin­naavat taan­na pingaar­nerutin­naveersaarlugu. Aperiuk ikin­ngutaata taman­na qanoq isumaqarfigineraa. Tamatumalu kingor­na aperisin­naavat ikin­ngutini qanoq siun­nersorusun­neraa.

Inuusut­tuaq­qanik oqaloqateqar­nis­saq ajor­nan­ngilaq. Oqaloqatigin­nin­nerit pisariaqar­titanut naleq­qus­saruk. Tamatumun­nga tun­ngatil­lugu angajoq­qaat al­lat angusaqarluarsimasut oqaloqatigik­kit. (Us­satit 11:14) Er­nerit paniil­luun­niit oqaloqatigiguk­ku taava ‘tusarasuarit, oqaluk­kumaataar­tuul­lutit, kamajaatsuul­lutil­lu’. (Jaaku 1:19) Pingaar­ner­paamil­lu inuusut­tuaraatitit “Jehovap ileq­qoreq­qusai oqaaq­qis­saarutaalu malil­lugit” perorsar­tuar­tak­kit. — Efesosimiut 6:4, NV.

IMMINUT IMA APERIGIT . . .

  • Meeq­qama inuusut­tuaran­ngor­nerminit suut al­lan­nguutigai?

  • Oqaloqatigiit­tar­ner­put pitsaanerulersin­niarlugu qanoq iliorsin­naavunga?