Imarisai

Saqqaata tullia

Jehovap Nalunaajaasui

Kalaallisut

Napasuliaq Alapernaarsuiffik  |  Apriili 2009

 Qitornatit ilinniartikkit

Samueli eqqortumik iliortuaannarpoq

Samueli eqqortumik iliortuaannarpoq

AL­LAT eq­qun­ngitsumik ilior­tut takunikuuigit? — * Samueli eq­qun­ngitsumik ilior­tunik takunikuuvoq. Peroriar­torfigisaani eq­qun­ngitsulior­toqar­nis­saa naatsorsuutigineqan­ngilaq, tas­sa tupermi naapeqatigiit­tarfim­mi Guutimik pal­lorfigin­nit­tarfim­mi, il­loqarfim­mi Silomi. Misis­soriar­tigu ukiut 3000-it matuma sior­na Samueli sooq tupermi naapeqatigiit­tarfim­miiler­nersoq.

Samueli suli inun­ngun­ngitsoq ar­naa, Han­na, qitor­nar­taarusut­torujus­suuvoq. Taman­na Han­nap tupermi naapeqatigiit­tarfim­miitil­luni qin­nutigaa. Nipaqan­ngitsumik qinugaluarluni qin­nutini ilungersuutigingaaramiuk qarlui aalap­put. Taamaat­tumik palasiunerup, Elip, aalakoorsoraa. Paasigamiul­li aalakoor­nani aliasungaar­toq pil­luaq­quaa ima oqarluni: “Israelip Guutiata qin­nutigisan­nik tunis­savaatit.” — 1 Samueli 1:17.

Tamatuma kingor­na Samueli inun­ngor­poq, Han­nalu nuan­naangaarami uiminut Elkanamut ima oqar­poq: ‘Samueli miluer­pat tupermut naapeqatigiit­tarfim­mukaatis­savara, tas­sani Guuti kif­far­torfiginias­sam­magu.’ Taamaalior­porlu! Taamani Samueli sisamanik tal­limanil­luun­niit ukioqarsimas­saaq.

Eli utoq­qalisimavoq, er­nerilu, Hofni Pinehasilu, Jehovamut eq­qor­tumik kif­far­tun­ngil­lat. Al­laat ar­nanik tupermi naapeqatigiit­tarfim­miit­tar­tunik inuunerloqateqar­tar­put! Angutaat qanoq ilior­tus­saagaluar­pa? Il­lit qanoq isumaqar­pit? — Aap, naveer­tus­saagaluar­pai eq­qun­ngitsumil­lu iliorun­naaq­qusariaqaraluarlugit.

Samueli tupermi naapeqatigiit­tarfim­mi peroriar­tor­poq, ilimanar­porlu Elip er­nerisa pis­susilut­tuunerat nalun­ngik­kaa. Taak­kua maligas­siuinerlun­nerat Samuelip malip­paa? — Naamik, angajoq­qaaminit ilin­niar­tin­neqar­nermisut eq­qor­tulior­tuaan­nar­poq.  Tupaal­lan­nan­ngilaq Jehovap Eli kamaam­magu. Jehovap al­laat pruf­fiiti aal­lar­tip­paa Eli oqalut­tuun­niarlugu ilaqutai, ingam­mik er­neri pikitsitsiumatuut, qanoq pil­lar­niar­nerlugit. — 1 Samueli 2:22-36.

Samuelip Elip tupermi naapeqatigiit­tarfim­mi kif­far­toqatiginera ingerlatiin­nar­paa. Un­nuit ilaan­ni Samuelip sinitsil­luni tusaaler­paa atini taaneqar­pal­lat­toq. Samueli tuaviin­naq Elimut iser­poq, Elil­li qaaq­qun­ngin­nerar­paa. Taama pisoqaq­qip­poq. Pingajus­saanik taama pisoqarmat, Elip Samueli oqarfigaa tul­liani ima oqas­sasoq: “[Jehova] oqalugit, kif­fat tusaavoq!” Samuelilu taama akim­mat, Jehovap oqaluf­figiler­paa. Nalun­ngiliuk Jehovap Samueli qanoq oqarfigigaa? —

Guutip Elip ilaqutaanik pil­laaniar­nerminik oqaatigeriik­kani Samuelimut oqaatigeq­qip­pai. Ul­laan­ngormat Samuelip Jehovap qanoq oqarsimanerata Elimut oqalut­tuarinis­saa siooragaa. Elil­li Samueli kimigiiserfigaa sumil­luun­niit iser­tuuteq­qunani. Naggataatigut Samuelip Eli oqalut­tuup­paa Jehova qanoq iliorumaar­nersoq, tas­sa Jehovap pruf­fiitiata Elimut oqaatigeriigaanik. Eli ima akivoq: ‘Jehova iluarisaminik iliorli.’ Kingusin­nerusuk­kut Hofni Pinehasilu toqutaap­put, aam­ma Eli toquvoq. — 1 Samueli 3:1-18.

Pif­fis­sami tamatumani “Samueli al­liar­tor­poq, [Jehoval­lu] najor­paa”. Ilimanar­poq tamatuma nalaani Samueli inuusut­tuaraasimas­sasoq, pif­fis­saq inuusut­tut inuuneran­ni pingaarutilerujus­suaq. Al­lat taamaalior­neq ajoraluar­tut isumaqar­pit Samuelimut eq­qor­tulior­tuaan­nar­nis­saq ajor­naatsuusimas­sasoq? — Taman­na saper­nar­taraluar­toq, Samueli inuunermi sin­nera aalajaal­luni Jehovamut kif­far­tor­tuar­poq. — 1 Samueli 3:19-21.

Il­lim­mi? Al­liguit Samuelitut eq­qor­tulior­tuaan­narusup­pit? Maleruar­tuarusup­pigit Biibilimi ajoqersuutit angajoq­qaan­nil­lu ilik­kak­katit? Taamaap­pat angajoq­qaatit Jehovalu nuan­naar­tis­savatit.

^ par. 3 Meeraq al­laaserisamik matuman­nga atuf­fak­kuk­ku, taava malugiuk unik­kal­lar­tar­nis­san­nik eq­qaasitsisumik apeq­qutit kingor­na kit­toraateqar­nera, meeraq akisin­naanias­sam­mat.