Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Juuli 2016

“Siooraqinak, ikiortigaarma”

“Siooraqinak, ikiortigaarma”

TAKORLOORUK un­nuk­kut aq­qusinik­kut pisut­tutit. Paasileriataar­pat malersor­neqarlutit. Unik­kaangavit malersuisoq unit­tar­poq. Suk­katsik­kaangavit aam­ma taan­na suk­katsit­tar­poq. Ikin­ngutivit il­luanut qanit­tumiit­tumut ar­paler­putit. Ikin­ngutivit am­maal­lutit iseq­qum­matit isuman­naatsumiileravit an­nak­kuum­mer­putit.

Im­maqa tamatumun­nga as­singusumik misigisaqarsiman­ngilatit. Ilimanar­porli al­lanik isumakuluuteqar­tutit eq­qis­sisimajun­naarutigisan­nik. As­sersuutigalugu san­ngiif­feqar­pit akior­taraluarlugu nak­karfigisar­tak­kan­nik ajugaaf­figerusutan­nik? Sulif­fis­sarsior­tuaraluarlutit sivisuumik sulif­feqarsiman­ngilatit? Utoq­qalinis­sat siunis­samilu peq­qiil­liuler­nis­sat er­numagaajuk? Al­lanil­luun­niit isumakuluuteqar­pit?

Qanorluun­niit ajor­nar­torsiuteqaraluaruit isumakuluutin­nik oqalut­tuus­sin­naasan­nik ikiuerusut­tumil­lu ikin­nguteqar­neq pingaaruteqar­poq. Taama it­tumik qanigisan­nik ikin­nguteqar­pit? Aap! Jehova ilin­nut ikin­ngutaavoq taamaat­toq. Aam­ma Aaperaamut aalajaatsumut ikin­ngutaavoq, taman­nalu Esajap al­lagaani kapitali 41-mi al­laatigineqar­poq. (Es 41:8-13) Versi 10-mi 13-imilu Jehovap tamat­ta im­mik­kut ima neriorsor­paatigut: “Siooraqinak ilagigak­kit, erseqinak, uangaagama il­lit Guutit. Nakus­satsip­pak­kit ikiorlutil­lu, as­san­nik [taler­pin­nik, tastamantitoĸaĸ] ajugaasar­tumik najum­mivak­kit. Uangami tas­saagama Naalagaq Guutit taler­pik­kut tigus­savak­kit oqarfigalutil­lu: Siooraqinak, ikior­tigaarma.”

“NAJUM­MIVAK­KIT”

Jehovap oqaasii tup­pal­ler­nangaar­put. Qanor­piaq neriorsoraatigut takorloor­niarsariuk. Versini taak­kunani al­las­siman­ngilaq tasiorlutit Jehova sanin­ni pisut­toq. Sanileriil­lusi pisuk­kus­si Jehovap taler­pim­minik saamik­kut tasius­savaatit. Jehoval­li ‘as­sani ajugaasar­toq’, tas­sa taler­pini, ilin­nut isaal­lugu “taler­pik­kut” tiguaatit. Ajor­nar­torsiutin­nit nusul­lutil­lusooq nakus­satsil­lutit ima oqar­poq: “Siooraqinak, ikior­tigaarma.”

Jehova il­lit Ataatat­tut Ikin­ngutit­tul­lu asan­nit­tutut isigaajuk? Ajor­nar­torsioraangavit ikior­tas­sagaatit up­peraajuk? Jehovap ilumut soqutigaatit ikiorusul­lutil­lu. Ajor­nar­torsior­nin­ni er­numas­san­ngitsutit Jehovap kis­saatigaa. Sooq? Asangaaramisit. Ilumum­mi taan­na tas­saavoq “tamatigut ikiuiser­put an­nikil­lior­nar­tuni”. – Tus­s 46:2.

SIOR­NATIGUT KUK­KUS­SUTIGISAT ILERASUUTIGIGAAN­NI

Inuit ilaasa sior­natigut kuk­kus­sutigisimasatik eq­qarsaatigiuar­tar­paat Guutimil­lu isumak­keerfigineqarsimanerlutik isumaliuutigisarlugu. Taamatut misigiguit angut aalajaatsoq Jobi eq­qarsaatigiuk. Inuusun­nermini ajor­tuliorsimal­luni  nas­suerutigaa. (Job 13:26) Tus­siaasior­tup Daavip aam­ma Jobitut misigaluni Jehova ima kimigiiserfigaa: “Puiguk­kit inuusun­nin­ni ajor­tuliak­ka unioq­qutitsisar­nik­kalu.” (Tus­s 25:7) Naam­mal­luin­nan­ngitsuugat­ta ‘tamat­ta ajor­tulior­pugut Guutimit naalan­nas­suseq pigiun­naarlugu’. – Rom 3:23.

Esajap al­lagaani kapitali 41-mi oqaatsit tup­pal­ler­nar­tut Israelik­kun­nut al­lataap­put. Ingasat­tumik ajor­tuliorsimam­mata Jehovap oqarfigai pil­larlugit Babylonimut aal­larus­saatis­sal­lugit. (Es 39:6, 7) Neriorsor­paali peq­qis­simil­lutik im­minut uter­tut aniguisik­kumaarlugit! (Es 41:8, 9; 49:8) Aam­ma ul­lumik­kut Jehovap qaman­nga pisumik peq­qis­simisut im­minil­lu iluarisaarusut­tut taamatut asan­nit­tuliorfigalugil­lu nal­lit­tor­pai. – Tus­s 51:3.

Takuyap, * por­nografiimik isigin­naar­tarlunilu im­minut iner­tit­tar­nermik ileq­qopalaaqarsimasup, misigisaa eq­qarsaatigiuk. Arlaleriarujus­suarluni ileq­qupalaani nak­karfigisar­paa. Qanoq misigisimava? “Ajuk­kutingaar­punga, ilungersorlungali qinunik­kut Jehovamut isumak­keerfigeq­qugaangama nak­kaq­qasunga nikuitit­tar­paanga.” Jehova qanoq taamaalior­tar­pa? Utoq­qaaner­tat Takuyap ilagiiviniit­tut taan­na oqarfigaat ileq­qupalaani nak­karfigigaangamiuk qanoq ilisuk­kul­luun­niit sianerfigisas­sagaatsik. Ima nas­suer­poq: “Sianer­niar­neq ilungersunaqaaq, sianeraangamali nakus­satsit­tar­punga.” Taava utoq­qaaner­tat Takuya ilagiin­nik nak­kutil­liisumit angalasar­tumit pulaar­neqar­nis­saa isumagaat. Nak­kutil­liisup ima oqarfigaa: “Naalaatsor­nerin­nak­kut maaniin­ngilanga, maaniip­punga utoq­qaaner­tat maaniin­nis­sara kis­saatigim­mas­suk. Il­lit paarsisumit pulaar­neqar­tus­satut toq­qar­paatsit.” Takuya ima oqar­poq: “Uanga ajor­tulior­tuuvunga, ikior­niarlungali Jehovap, utoq­qaaner­tat aq­qutigalugit, as­sani isaap­paa.” Takuyal­lu siumukarami ileq­qupalaani unitsip­pai, pionerin­ngor­poq maan­nalu im­mik­koor­tor­taqarfim­mi kif­far­torluni. Guutip qatan­ngum­mik taas­suman­nga ikiuinermisul­li il­lit kuk­kus­suteqaraangavit ikior­tas­savaatit.

INUUS­SUTIS­SAQAR­NIAR­NEQ ISUMAKULUUTIGIGAAN­NI

Inuit ilaasa sulif­feerun­ner­tik al­lamil­lu sulif­fit­taarsin­naan­ngin­ner­tik isumakuluutigisar­paat. Sulif­fis­sarsior­tuaraluarluni itigar­tuaan­nar­neq qanoq nuan­niitsigisoq takorlooruk. Ilaasa taama atugaqar­ner­tik naleqan­ngitsutut misigilis­sutigisar­paat. Jehovap qanoq ikiorsin­naavaatit? Im­maqa ingerlaan­naq nuan­nersumik sulif­fit­taar­tis­san­ngilaatit, Daavil­li oqaasiinik eq­qaaman­nin­nis­san­nut ikiorsin­naavaatit: “Inuusut­tuusimavunga utoq­qalisimal­lungalu maan­na, takusiman­ngisaan­nar­pungali iluar­tumik qimagaasumik qitor­naanil­luun­niit nerisas­sanik qin­nuuloor­tunik.” (Tus­s 37:25) Jehovap pingaar­tip­paatit, ‘as­sam­minil­lu ajugaasar­tumik’ ikius­savaatit taan­na kif­far­torfigiuarsin­naaq­qul­lugu pisariaqar­titan­nik amigaateqaq­qunak.

Suliffiit annaagukku Jehovap qanoq ikior­sinnaa­vaatit?

Sarap, Colombiami najugal­lip, Jehova im­minik qanoq ikiuisoq misigaa. Sulif­fim­mi ilisimaneqarluar­tumi ul­loq naal­lugu aningaasarsiorluarluni  sulisar­poq. Jehovamul­li kif­far­tor­nermi iliuuseqar­nerorusuk­kami sulif­fim­minit soraarluni pionerin­ngor­poq. Ul­lul­li ilaan­naani sulif­fis­saqar­niar­neq ajor­nakusoor­poq. Sikuer­niarfin­nguaq am­mar­paa aningaasaataaruk­kamili matusariaqarlugu. Ima oqar­poq: “Ukiut pingasorsuit ingerlap­put, Jehovaqaral­lar­til­luguli piner­tusaarsin­naavunga.” Sarap suut pisariaqar­tivin­nerlugit aqagus­sarlu pil­lugu isumakulun­ngin­nis­saq ilik­kar­pai. (Mat­t 6:33, 34) Sulif­figisimasaminilu it­torisimasaata sianerfigaa atorfigisimasaminut utersin­naanerarlugu. Sara oqar­poq aatsaat ul­lup ilaan­naa aam­ma ataatsimiigiar­nis­saminut ataatsimeersuar­nis­saminul­lu freer­tarsin­naaguni akuersisin­naal­luni. Ul­lumik­kut Sara sior­natigutul­li aningaasarsior­tigin­ngilaq, pioneriuninili ingerlatiin­narsin­naavaa. Oqar­poq pif­fis­sami imaan­naan­ngitsumi Jehovap as­saa asan­nit­toq malugisarlugu.

UTOQ­QALINEQ ISUMAKULUUTIGIGAAN­NI

Inup­pas­suit utoq­qaliner­tik soraar­nin­nguler­ner­til­lu eq­qis­sisimajun­naarutigisar­paat. Ilorrisimaar­nar­tumik inuunis­samut naam­mat­tumik akis­saqas­sanerlutik eq­qarsaatigisar­paat. Aam­ma siunis­sami peq­qiil­liutigilersin­naasatik isumakuluutigisar­paat. Jehovamut ilungersorluni ima qinusoq ilimanarluin­nar­poq Daaviusoq: “Ilin­nit igeqinanga utoq­qaliguma, qimaqinanga nukeerutileruma.” – Tus­s 71:9, 18.

Utoq­qaat siunis­sar­tik qanoq isumal­luarfigisin­naavaat? Guutimut up­per­ner­tik nakus­satsit­tuar­tariaqar­paat pisariaqar­titamin­nil­lu tamanik isumagiumaaraatik tatigalugu. Ilaal­li aningaasaateqar­nerugal­laramik piisaarlutik inuusaramik piisaar­pal­laarani inuuneq tamatumalu naam­magalugu ator­nis­saa ilin­niar­tariaqar­tar­paat. Im­maqa paasivaat ‘naatitanik nerineq’ iluarusun­nar­nerusin­naasoq “us­sim­mik pual­larsak­kamik” nerinermit al­laal­lu peq­qin­nar­nerusin­naasoq! (Us­s 15:17) Jehovamut kif­far­tor­neq pingaar­nerutik­kuk­ku utoq­qaliguit pisariaqar­titan­nik tamanik isumagiumaar­paatit.

José Roselu aamma Tony Wendylu

José aam­ma Rose, ukiuni 65-inik amerlanerusuni pif­fis­saq tamaat Jehovamut kif­far­torsimasut, eq­qarsaatigik­kit. Ukiuni tamak­kunani unam­miniagar­pas­suaqarsimap­put. Rosep angutaa, ul­loq un­nuarlu ikior­tarialik, paaraat. Aam­ma José kræfterami pilatsil­lunilu kemor­tip­poq. Jehovap taler­pini aap­pariin­nut aalajaatsunut taak­kunun­nga qanoq isaap­paa? Aap­pariit al­lat Tony aam­ma Wendy ator­pai. Taak­ku inis­siaateqar­put akeqan­ngitsumik pionerinut ator­tik­kusutamin­nik. Tonyp eq­qaamavaa an­ner­ni atuar­tuugal­larami José Roselu oqaluus­sisut igalaak­kut takusarlugit. Tony taak­kua aal­lus­sil­luar­nerat nuan­naraa as­sul­lu qamuuna at­tor­tis­sutigalugu. Josép Rosel­lu inuuner­tik tamaat Jehovamut kif­far­tor­nermut atormas­suk Tonyp Wendyl­lu inis­siaater­tik taak­kunun­nga ator­tik­kusup­paat. Ukiuni 15-ini kingul­ler­ni José Roselu, maan­na 85-it mis­saan­nik ukioqar­tut, ikior­paat. José Roselu misigip­put Tony Wendylu Jehovamit tunis­sutaasut.

Jehovap ima neriorsor­paatit: “Siooraqinak, ikior­tigaarma.” Taas­suma ‘as­sani ajugaasar­toq’ aam­ma ilin­nut isaap­paa. Tigus­saviuk?

^ par. 11 Atit ilaat al­lan­ngor­titaap­put.