‘Guutip saam­maan­neranik iivangkiiliumik nalunaajaatigin­nigitsi.’ – APS 20:24.

ERINARSUUTIT: 10, 84

1, 2. Apustilip Paulusip Guutip saam­maan­neranik qujamasuutigin­nin­nini qanoq ersersip­paa?

APUSTILI PAULUSI un­neq­qaril­luni ima oqarsin­naavoq: ‘Uan­nik Guutip saam­maas­sinera asuliin­narsiman­ngilaq.’ (1 Korinthimiut 15:9, 10 atuak­kit). Paulusip kristumiunik malersuisuusimasup nalun­ngil­luin­nar­paa Guutip saam­maan­nera angingaar­toq pisas­sarin­ngik­kaluarlugu.

2 Paulusi toqus­si qanil­lisoq Timotheusimut ima al­lap­poq: “Qutsavigaara taan­na uan­nik nakus­satsitsisoq, Kristusi-Jiisusi Naalagar­put, tatigalunga im­minut kif­far­tor­tun­ngor­tim­manga.” (1 Tim 1:12-14) Kif­far­tor­neq suna pineqar­pa? Paulusip Efesosimi ilagiit utoq­qaaner­taat ima oqarfigai: ‘Uanga nam­mineq inuunera pingaar­tin­ngilara naam­magalugu naam­mas­sisin­naaguk­kit ar­pan­nera kif­far­tuul­lu Naalak­kamit Jiisusimit pisara, tas­sa Guutip saam­maan­neranik iivangkiiliumik nalunaajaatigin­nin­neq.’ – ApS 20:24.

3. Kif­far­tor­neq im­mik­kut it­toq suna Paulusimut kif­far­tuutigeq­quneqar­pa? (Al­laaserisap aal­laq­qaataani as­siliaq takuuk).

 3 ‘Iivangkiiliu’ suna Jehovap saam­maan­neranik ersersitsisoq Paulusip oqaluus­sis­sutigaa? Paulusi kristumiunut Efesosimiit­tunut ima al­lap­poq: ‘Tusareer­parsi Guutip saam­maan­nerminit kif­far­tuutigititaa ilis­si pil­lusi.’ (Ef 3:1, 2) Jiisusip Paulusi juutiun­ngitsunut nutaarsias­samik nuan­nersumik oqaluus­sis­sutigin­neq­qusimavaa. Maan­na Guutimik nalusut Naalagaaf­fim­mik Mis­siarsimit aqun­neqar­tumik kingor­nus­seqataalersin­naap­put. (Efesosimiut 3:5-8 atuak­kit). Paulusi aal­lus­sil­luarluni oqaluus­sivoq ul­lumik­kul­lu kristumiunut maligas­saal­luarluni. Taamaalil­lunilu ersersip­paa Guutip im­minik saam­maas­sinera ‘asuliin­narsiman­ngitsoq’, tas­sa maangaan­nar­tis­siman­ngik­kini.

GUUTIP SAAM­MAAN­NERA KAJUMIS­SIS­SUTIGAAJUK?

4, 5. Sooq oqarsin­naavugut ‘Naalagaaf­fim­mik iivangkiiliu’ tas­saasoq ‘Guutip saam­maan­neranik iivangkiiliu’?

4 Naggatis­sap nalaani Jehovap in­nut­taasa ‘Naalagaaf­fim­mik iivangkiiliu silarsuarmi tamarmi oqaluus­sis­sutigisus­saavaat inuian­nut tamanut nalujun­naarsil­lugu’. (Mat­t 24:14) Naalagaaf­fim­mik iivangkiiliu aam­ma tas­saavoq ‘Guutip saam­maan­neranik iivangkiiliu’. Qanoq ilil­luni? Guutip naalagaaf­fianit pil­luaq­qus­sutisias­savut tamarmik Jehovap ajun­ngisaar­neranit pip­put. (Ef 1:3) Paulusip Jehovap saam­maan­neranik qujamasuutigin­nin­nini aal­lus­sil­luarluni oqaluus­sinik­kut ersersip­paa. Paulusi ilaar­par­put? – Romamiut 1:14-16 atuak­kit.

5 Al­laaserisap matuma siuliani sam­mivar­put uagut ajor­tiliusugut Jehovap saam­maan­nera as­sigiin­ngitsor­pas­suar­tigut qanoq iluaqutigigip­put. Taamaat­tumik Jehovap asan­nin­nerminik ersersitsisar­nera al­lanut iluaqutaaq­qul­lugu ilin­niar­titsinis­saq akisus­saaf­figaar­put. Al­lat Guutip saam­maan­neranik qujamasuutigin­nileq­qul­lugit sutigut ikiorsin­naavavut?

UTER­TITSIS­SUTITUT PIL­LIUT OQALUUS­SIS­SUTIGIUK

6, 7. Sooq oqarsin­naavugut uter­titsis­sut al­lanut nas­suiaraangatsigu Guutip saam­maan­nera pil­lugu nutaarsias­saq nuan­nersoq oqaluus­sis­sutigisarip­put?

6 Ul­lumik­kut inup­pas­suit ajor­tulioraangamik ilerasun­neq ajor­put, taamaat­tumik inuit uter­titsis­sum­mik pisariaqar­titsinerat paasisin­naan­ngilaat. Inuil­li amerliar­tuin­nar­tut paasisimavaat inooriaaser­tik pil­lualis­sutiginagu. Aatsaal­lu Jehovap Nalunaajaasui oqaloqatigigaangamik­kit paasisar­paat ajor­ti suunersoq, ajor­tip qanoq sun­ner­tar­neraatigut tamatuman­ngalu inus­siaataajun­naarumal­luta qanoq ilior­tariaqar­tugut. Inuit eq­qor­tuliorusut­tut qujamasut­tar­put ajor­timit toqumil­lu aniguisin­niarluta Jehovap er­ni nunarsuarmut aal­lar­tis­simagaa paasigaangamik­ku. Jehovap asan­ningaar­nini saam­maan­ninilu pis­sutigalugit taamaalior­poq. – 1 Joh 4:9, 10.

7 Paulusi Jehovap er­ni asasani pil­lugu qanoq al­lat­toq malugiuk: “Taas­sumani uter­titaavugut aavatigut, ajor­titsin­nik isumak­keerfigineqarluta Guutip saam­maan­neragut angingaar­tuk­kut.” (Ef 1:7) Kristusip uter­titsis­sutitut pil­liutaa Guutip uagutsin­nik asan­nin­neranut  up­per­narsaataavoq an­ner­paaq saam­maan­neranul­lu angingaar­tumut ersiutaal­luni. Jiisusip pil­liutaanik up­perin­nin­nik­kut ajor­titsin­nik isumak­keerfigineqarlutalu ilerasuutaarus­sin­naasugut paasil­lugu oqilial­lan­naqaaq! (Hebr 9:14) Ilumut nutaarsias­saavoq nuan­nersoq al­lanut oqalut­tuarineqar­tus­saq!

AL­LAT GUUTIMUT IKIN­NGUTAALEQ­QUL­LUGIT IKIUK­KIT

8. Sooq inuit ajor­tiliusut Guutimit saam­maan­neqar­tariaqar­pat?

8 Jiisusip pil­liutaanik up­perin­nin­ngitsut Guutip akeq­qamisut isigai. Taamaat­tumik Guutimut ikin­ngutaalersin­naasut oqalut­tuun­nis­saat akisus­saaf­figaar­put. Apustili Johan­nesi ima al­lap­poq: “Er­nermut up­per­toq naas­saan­ngitsumik inuuneqar­poq; Er­nermut naalas­seriitsup inuuneq takus­san­ngilaa, Guutil­li kaman­nerata qulangersimajuas­savaa.” (Joh 3:36) Kristusip pil­liutaa pis­sutigalugu Guutimut ikin­ngutaalersin­naaner­put nuan­naarutigaar­put. Paulusip taman­na ima al­laatigaa: “Ilis­sis­saaq sior­natigut takor­nar­taagaluar­tusi iluaatsumil­lu suliaqar­nis­sigut isumas­sigut akeq­qersimasuul­lusi, maan­na Kristusip timik­kut toquneratigut Guutip im­minut saam­maan­nar­tip­paasi.” – Kol 1:21, 22.

Inuit Guutimut ikin­ngutaalersin­naasut oqalut­tuutis­sal­lugit akisus­saaf­figaar­put

9, 10. (a) Kristusip qatan­ngutini tanitat qanoq akisus­saaf­filer­pai? (b) ‘Savat al­lat’ tanitanik qanoq ikiuip­pat?

9 Kristusi qatan­ngutiminik tanitanik nunarsuarmiit­tunik ‘saam­maan­nar­titaanerup piinik kif­far­tuuteqar­titsisimavoq’. Taman­na nas­suiarlugu Paulusip tanitat ima al­laf­figai: “[Tamak­ku] tamarmik pip­put Guutimit Kristusik­kut uatsin­nik im­minut saam­maan­nar­titsisumit saam­maan­nar­titaanerul­lu piinik uatsin­nik kif­far­tuuteqar­titsisumit. Tas­samiuna Guuti Kristusimi silarsuarmik saam­maan­nar­titsisoq unioq­qutitsinerinil­lu pisuutin­nagit, tatigalutali saam­maan­nar­titaanermik oqaaseq uatsin­niitilerlugu. Taamaat­tumik Kristusi sin­nerlugu oqariar­tor­titaavugut Guuti uatsigut oqaaq­qis­saarim­mat. Kristusi sin­nerlugu qin­nuigaas­si: Guutimut saam­maan­nar­tigitsi!” – 2 Kor 5:18-20.

10 Kif­far­tor­nermi tamatumani tanitanik ikiuineq ‘savat al­lat’ im­mik­kut pisin­naatitaaf­figaat. (Joh 10:16) Tanitat Kristusi sin­nerlugu oqariar­tor­titaasut tapersersorlugit ‘savat al­lat’ inuit sal­lusuis­sum­mik ilin­niar­til­lugil­lu taak­ku Jehovamut qanit­tumik at­taveqaleq­qul­lugit ikiuil­lutik oqaluus­sinerup an­ner­paar­taa suliaraat. Taman­na Guutip saam­maan­nera pil­lugu nutaarsias­samik nuan­nersumik oqaluus­sinerup ilagaa pingaarutilik.

GUUTIP QIN­NUTINIK TUSAR­TAR­TUUNERA ILIN­NIAR­TITSIS­SUTIGIUK

11, 12. Sooq Jehovamut qinusin­naanerup paasinera inun­nut nutaarsias­saava nuan­nersoq?

11 Inup­pas­suit Guutimut qinusar­put iluarusuutigisaramik­ku, Guutil­li qin­nutimin­nut tusar­naar­tar­nera up­perer­pian­ngilaat. Paasisariaqar­paat Jehova tas­saasoq  ‘qin­nutinik tusar­tar­toq’. Tus­siaasior­toq Daavi ima al­lap­poq: ‘Ilin­nut qin­nutitsin­nik tusar­tar­putit. Inuit tamarmik or­nis­savaatsit ajor­tuliatik pil­lugit. Unioq­qutitsinivut ar­tor­narsival­laar­put, kisian­ni isumak­keerfigaatsigut.’ – Tus­s 65:3, 4.

Inuit qanoq qinusas­sanersut ilin­niar­tik­kaangatsigit Jehovamut ikin­ngutaaleq­qul­lugit ikior­tar­pavut

12 Jiisusip ajoqersuk­kani ima oqarfigai: “Ataataq uanga atik­kut sumik qin­nuigigus­siuk qin­nutigisas­sin­nik tunis­savaasi.” (Joh 16:23) Soorunami qin­nutiginiagar­put sunaluun­niit Jehovap piumasaanut naaper­tuut­tariaqar­poq. Johan­nesi ima al­lap­poq: “Man­naavorlu taas­suma saavani nakiman­ngis­sutigisar­put: Piumasaminut naaper­tuut­tumik qin­nuigigutsin­ni tusarumaaraatigut.” (1 Joh 5:14) Qinuneq tas­saagin­narani iluarusun­nar­toq aam­ma tas­saavoq Jehovap is­siavis­saarsuanut “saam­maan­nerup is­siavis­saarsuanut” sas­sariaaseq. Inuit tamatumin­nga paasin­nis­sin­naaq­qul­lugit ikiuineq nuan­neqaaq! (Hebr 4:16) Inuit qanoq eq­qor­tumik qinoriaaseqar­nis­saan­nik, kimut qinusar­nis­saan­nik eq­qor­tunil­lu qin­nuteqar­tar­nis­saan­nik ilin­niar­tik­kaangatsigit Jehovamut ikin­ngutaaler­nis­saan­nik naal­liuk­kaangamil­lu tup­pal­lersar­neqar­nis­saan­nik ikior­tar­pavut. – Tus­s 4:2; 145:18.

SILARSUAR­TAAS­SAMI SAAM­MAAN­NEQAR­NEQ

13, 14. (a) Siunis­sami tanitat tupin­nar­tut suut pisin­naatitaaf­figilis­savaat? (b) Tanitat inuiaqatigiit pil­lugit nuan­ningaar­tumik sumik sulias­saqar­pat?

13 Jehovap saam­maan­nini “piumaar­tus­sani” suli an­nerusumik ersersis­savaa. Qanoq? Guutip 144.000-t Kristusip qilam­mi naalak­kersueqatis­sai tupin­nar­tumik im­mik­kut pisin­naatitaaf­filis­savai. Paulusip taman­na ima nas­suiar­paa: “[Guutip] naak­kin­nin­nersuarmigut uatsin­nil­lu asan­ningaar­nermigut uagut unioq­qutitsinitsin­ni toqusimagaluar­tugut Kristusimut ilagitil­luta uum­mar­tip­paatigut – saam­maan­nik­kut an­naan­neqar­pusi – makitip­paatigul­lu taas­sumun­nga ilagitil­luta taan­nalu ilagalugu qilam­mut pisil­luta Kristusi-Jiisusimi, piumaar­tus­sani takutik­kumagamigit saam­maan­nini angingaar­toq uatsin­nul­lu ajun­ngis­sutsi Kristusi-Jiisusimi.” – Ef 2:4-7.

14 Kristumiut tanitat qilam­mi Kristusi naalak­kersueqatigiler­pas­suk Jehovap taak­kunun­nga piareersaas­sutigisimasai nuan­ningaar­tut takorlooruminaap­put. (Luk 22:28-30; Fil 3:20, 21; 1 Joh 3:2) Jehovap “saam­maan­nini angingaar­toq” tanitanut im­mik­kut it­tumik takutis­savaa. Tanitat tas­saalis­sap­put “Jerusalemi nutaaq”, Kristusip nuliar­taava. (Saq­q 3:12; 17:14; 21:2, 9, 10) ‘Inuiaqatigiin­nik katsorsaanermi’ Jiisusi suleqatigis­savaat. Inuit ajor­tip toqul­lu ar­torsar­titsineran­nik aniguisitaaq­qul­lugit naam­mal­luin­nar­tun­ngoq­qul­lugil­lu ikiorumaar­paat. – Saq­qum­mersitat 22:1, 2, 17 atuak­kit.

15, 16. Jehovap saam­maan­nini ‘savanut al­lanut’ siunis­sami qanoq ersersis­savaa?

15 Efesosimiunut al­lak­kat 2:7-imi al­las­simavoq Guutip “piumaar­tus­sani”  saam­maan­nini takutik­kumaaraa. Silarsuar­taas­sami nunarsuarmiut tamarmik Guutip ‘saam­maan­nera angingaar­toq’ misigis­savaat. (Luk 18:29, 30) Jehovap saam­maan­neranik nunarsuarmi ersersitseriaasis­saata an­ner­paar­taasa ilaat tas­saas­saaq ‘toqusut inaan­niit­tunik’ makititsineq. (Job 14:13-15; Joh 5:28, 29) Kik­kut makititaas­sap­pat? Angutit ar­nal­lu Kristusip toqunerata sior­na aalajaal­lutik toqusut aam­ma ‘savat al­lat’ ul­luni kingul­ler­ni Jehovamut aalajaal­lutik toqusut. Aalajaatsut taak­ku tamarmik Jehovamut kif­far­tor­nermin­nik ingerlatitseq­qileq­qul­lugit uum­mar­titaaq­qis­sap­put.

16 Aam­ma inuit mil­lionil­lit Guuti ilisarisimanagu toqusut makititaas­sap­put. Johan­nesi ima al­lap­poq: “[Takuak­ka] toqusimasut, angisuut mikisul­lu, is­siavis­saarsuup sioraani qeqar­tut, map­persak­kal­lu map­per­neqar­put. Map­persagarlu al­la map­per­neqar­poq, tas­saal­luni inuunerup map­persagaa, toqusimasul­lu eq­qar­tuun­neqar­put suliatik naaper­torlugit, map­persak­kani al­las­simasut malil­lugit. Im­mal­lu toqusimasut im­miniit­tut uter­tip­pai, taamatut­taaq toqup toqusul­lu inaata toqusimasor­tatik, tamarmil­lu eq­qar­tuun­neqar­put suliatik naaper­torlugit.” (Saq­q 20:12, 13) Makititaasut Jehova pil­lugu ilin­niar­nis­samin­nut taas­sumalu naalak­kersuinerata akuerinis­saanut periarfis­saqas­sap­put. Najoq­qutas­siat Biibilimiit­tut ilitsersuutil­lu nutaat “map­persak­kani” al­las­simasut ilin­niarlugil­lu maleruar­tariaqas­savaat. Ilitsersuutit nutaat taak­ku tas­saas­sap­put Jehovap  saam­maan­nerminik al­latut ersersitseriaasia.

NUTAARSIAS­SAQ NUAN­NERSOQ OQALUUS­SIS­SUTIGIUARUK

17. Nalunaajaatil­luta suna eq­qaamas­savar­put?

17 Naggatis­saq qanil­lim­mat Naalagaaf­fim­mik nutaarsias­sap nuan­nersup oqaluus­sis­sutiginis­saa aatsaat taama pingaaruteqar­tigaaq! (Mark 13:10) Oqaluus­sinit­ta Jehovamut ataq­qinaataanis­saa siuner­taralutigu eq­qaamasariaqar­par­put. Silarsuar­taas­sami pil­luaq­qus­sutisias­sat­ta tamarmik Jehovap saam­maas­sineratiguin­naq pisin­naanerisa inun­nut oqalut­tuarinerisigut oqaluus­siner­put Jehovamut ataq­qinaataatis­sin­naavar­put.

‘Guutip saam­maan­neranut pilit­taalluar­tutut’ kif­fartorit. – 1 Petr 4:10 (Immikkoortut 17-19 takukkit)

18, 19. Jehovap saam­maan­nera pil­lugu qanoq un­nersiutigisar­par­put?

18 Inun­nut oqaluus­sigaangat­ta nas­suiarsin­naavar­put Kristusip naalagaaf­fia nunarsuarmut naalak­kersuiler­pat uter­titsis­sutip iluaqutis­sar­tai tamaasa inuit iluaqutigilis­sagaat naam­mal­luin­nar­tun­ngoriar­tuaas­sal­lutil­lu. Biibilimi al­las­simavoq “pin­ngor­titat­taaq nam­min­neq aniguisitaajumaar­tut nungujas­susermi inus­siaataanermit kif­faan­ngis­suseq Guutip qitor­naasa naalan­narsif­fis­sami pisas­saat pigilerlugu”. (Rom 8:21) Taman­na Jehovap saam­maan­neratiguin­naq pisin­naavoq.

19 Neriorsuutip nuan­ningaar­tup inun­nut tamanut oqalut­tuarinis­saa im­mik­kut pisin­naatitaaf­figaar­put: ‘Guutip qul­liit tamaasa isaan­nit al­lar­terumaar­pai, toqulu peeruk­kumaar­poq, aliasut­toqarun­naarlunilu nil­liasoqarun­naarlunilu an­niar­toqarun­naas­saaq siul­liit peermata. Is­siavis­saarsuarmilu is­siasoq oqar­poq: “Takuat, suut tamaasa nutaan­ngor­tip­pak­ka!” Oqar­porlu: “Al­lagit, oqaatsit tamak­ku up­per­narlutil­lu ilumoormata.”’ (Saq­q 21:4, 5) Nutaarsias­saq nuan­nersoq taman­na pil­lugu aal­lus­sil­luarluta oqaluus­sigaangat­ta Jehovap saam­maan­nera pil­lugu taan­na un­nersiutigisar­par­put!