Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Juuli 2016

Guutip saammaanneranik pissarsisut qujamasuttut

Guutip saammaanneranik pissarsisut qujamasuttut

“Tamat­ta pis­sarsivugut saam­maan­nermik soraarfeqan­ngitsumik.” – JOH 1:16.

ERINARSUUTIT: 1, 13

1, 2. (a) Jiisusip viin­nequteqarfiutilim­mik as­sersuusiaa nas­suiaruk. (b) Ajun­ngisaar­nerup saam­maan­nerul­lu qanoq paasisariaqar­neran­nik as­sersuusiaq sumik ersersitsiva?

UL­LAARALAAK­KUT viin­nequteqarfiutilik niueriar­tor­tarfim­mut sulisus­sarsior­poq. Ul­lormul­lu akis­sarsias­satut oqaatigisaa akueralugu sulisus­sat suliler­put. Sulisus­sanil­li suli amigaateqarami ul­lup ingerlanerani arlaleriarluni niueriar­tor­tarfim­mut sulisus­sarsior­poq. Sulisorilik­kanilu tamaasa naleq­qut­tumik akis­sarsitik­kumavai. Ul­lup naanerani viin­nequteqarfiutil­lip sulisut akis­sarsisin­niarlugit katersor­tip­pai. Ul­lorlu naal­lugu nalunaaqut­tap-akun­neraluun­niit ataasiin­naq sulisimanersut apeq­qutaatin­nagu tamaasa as­sigiim­mik akis­sarsisip­pai. Ul­laamiil­li sulilersimasut oqalorujulermata viin­nequteqarfiutil­lip ima oqarfigai: ‘Qanoq akiler­niarlusi neqeroorama akuersin­ngin­ner­pisi? Sulisuk­ka uanga nam­mineq piumasan­nik iliorfigisin­naan­ngin­ner­pak­ka? Isiginerlup­pisinga ajun­ngisaarama?’ – Mat­t 20:1-15.

2 Jehovap “saam­maan­nera” pil­lugu Jiisusip as­sersuusiaa  pingaarutilim­mik ilin­niarfigaar­put. [1] (2 Korinthimiut 6:1 atuaruk). Qanoq? Isumaqar­toqar­poq ul­loq naal­lugu sulisut al­lanit akis­sarsinerusariaqar­tut. Sulisitsisul­li ul­lup ilaan­naani sulisut pisas­sarin­ngisaraluan­nik ajun­ngisaarfigai. Biibilimik ilisimatooq oqaaseq “saam­maan­neq” pil­lugu ima al­lap­poq: “Oqaatsimi tamatumani pineqar­poq ajun­ngisaarum­mik pisas­sarin­ngisaraluamil­lu tunisin­neq, akis­sarsiarineqarsin­naananilu piumasarineqarsin­naan­ngitsumik tunisin­neq.”

JEHOVAP TUK­KUSUUP TUNIS­SUTAA

3, 4. Sooq qanorlu Jehova inun­nik tamanik saam­maas­siva?

3 Biibilimi al­las­simavoq Guutip saam­maan­nera ‘tunis­sutaasoq’. (Ef 3:7) Jehova naalaq­qis­saarsin­naan­ngin­natsigu taas­suman­nga ajun­ngisaarfigineqar­tus­saan­ngik­kaluar­pugut. Aap, toqusus­saagaluar­pugut. Kun­ngi Salomo ima al­lap­poq: “Nunami ima iluas­suseqar­tigisumik inoqan­ngilaq ajun­ngitsuliuin­navil­luni ajor­tuliun­ngisaan­narlunilu inuusumik.” (Oqal 7:20) Kingusin­nerusuk­kut apustili Paulusi ima al­lap­poq: ‘Tamarmik ajor­tulior­put Guutimit naalan­nas­suseq pigiun­naarlugu’ aam­ma ‘ajor­tip akis­sarsiarititaa tas­sa toqu’. – Rom 3:23; 6:23a.

4 Jehovap inuit asangaaramigit “er­nituani” uagut pil­lugu toqusus­satut aal­lar­tip­paa. Taman­na saam­maas­sil­luni iliuusiuvoq an­ner­paaq. (Joh 3:16) Paulusi al­lap­poq Jiisusi “an­niar­titaanini toquninilu pis­sutigalugit ataq­qinaam­mik naalan­naam­mil­lu niaqoruser­neqarsimasoq, tas­sa toqumik misigisaqar­nera Guutip saam­maan­neratigut tamanut iluaqutaasus­saam­mat”. (Hebr 2:9) Aap, Guutip “saam­maan­nermit tunis­sutaa tas­saavoq inuuneq naas­saan­ngitsoq Kristusi-Jiisusimi Naalak­katsin­ni”. – Rom 6:23b.

5, 6. (a) Ajor­timit aqun­neqarut­ta qanoq kinguneqas­sava? (b) Saam­maan­nermit aqun­neqarut­ta qanoq kinguneqas­sava?

5 Sooq ajor­tiliul­lutalu toqusar­pugut? Biibilimi al­las­simavoq ‘inuup ataatsip unioq­qutitsinera pis­sutigalugu toqu naalagaalersoq’. Tas­sa Adamip kinguaarim­matigut naam­mal­luin­nan­ngitsuul­lutalu toqusar­pugut. (Rom 5:12, 14, 17) Taamaak­kaluar­toq ajor­ti naalagariun­naar­niarlugu, tas­sa taas­suman­nga aqun­neqarun­naar­niarluta, aalajangersin­naavugut. Qanoq taamaalior­toqarsin­naagami? Kristusip uter­titsis­sutitut pil­liutaa up­perigutsigu Jehovap saam­maas­sinera iluaqutigis­savar­put. Imaap­pormi: ‘Ajor­ti an­nerulermat saam­maan­neq suli an­neruler­poq, ajor­tip toquk­kut naalagaasimaneratut saam­maan­neq iluar­nik­kut naalagaaleq­qul­lugu naas­saan­ngitsumik inuunis­samut Jiisusi-Kristusik­kut Naalak­katsigut.’ – Rom 5:20, 21.

6 Sulili ajor­tiliugaluarluta ajor­ti uagutsin­nut naalagaatit­tariaqan­ngilar­put. Taamaat­tumik ajor­tulioraangat­ta Jehovamut isumak­keerfigeq­qusar­pugut. Paulusip ima mianersoq­quaatigut: “Ajor­ti ilis­sin­nut naalagaalis­san­ngilaq inatsisit ataan­niin­nasi saam­maan­nerup ataaniik­kas­si.” (Rom 6:14) Taavami Guutip saam­maan­nera qanoq iluaqutigisin­naavar­put? Paulusi ima nas­suiaavoq: ‘Guutip saam­maan­neratigut perorsar­neqar­pugut naaggaarsin­naas­sal­luta iluaatsuus­susermut silarsuarmiul­lu  kajungerisaan­nut, silatusaarluta peq­qusersuil­lutalu Guutimil­lu mianerin­nit­tuul­luta silarsuarmi matumani inuusin­naaq­qul­luta.’ – Tit 2:11, 12.

SAAM­MAAN­NEQ ‘AS­SIGIIN­NGEQISUTIGUT ERSER­TOQ’

7, 8. Jehovap saam­maan­nera as­sigiin­ngeqisunik ersiuteqar­toq qanoq paasisariaqar­pa? (Al­laaserisap aal­laq­qaataani as­sit takuk­kit).

7 Apustili Petrusi ima al­lap­poq: “Guutip saam­maan­neranut as­sigiin­ngeqisunik ersiuteqar­tar­tumut pilit­taal­luar­tutut kif­far­tuuteqatigiigitsi, tamas­si im­mik­kut saam­maan­nermit tunis­sutisiarsi naaper­torlugu.” (1 Petr 4:10) Taman­na qanoq isumaqar­pa? Isumaqar­poq inuunitsin­ni qanorluun­niit ajor­nar­torsioraluarut­ta Jehovap piner­tusaarsin­naan­ngor­tis­sin­naagaatigut. (1 Petr 1:6) Misilin­neqar­nerit tamaasa anigor­nis­saan­nut pisariaqar­tin­ner­paasatsin­nik tuniuas­savaatigut.

Misilin­neqar­nerit tamaasa anigorsin­naaq­qul­lugit pisariaqar­tin­ner­paasatsin­nik Jehovap tuniuas­savaatigut

8 Apustili Johan­nesi ima al­lap­poq: “Peqangaar­neranit tamat­ta pis­sarsivugut saam­maan­nermik soraarfeqan­ngitsumik.” (Joh 1:16) Jehovap as­sigiin­ngitsor­pas­suar­tigut saam­maam­matigut pil­luaq­qus­sutisiar­pas­suaqar­pugut. Taak­kua ilaat sam­meriar­tigit.

9. Jehovap saam­maan­nera qanoq iluaqutigisin­naavar­put, qujamasun­ner­pul­lu qanoq ersersis­sin­naavar­put?

9 Jehovap ajor­titsin­nik isumak­keerfigisar­paatigut. Jehovap saam­maan­nera pis­sutigalugu ajor­titsin­nik isumak­keerfigineqarsin­naavugut. Aatsaal­li peq­qis­simigut­ta ajor­tulioq­qajaaner­pul­lu akior­tuarutsigu isumak­keerfigis­savaatigut. (1 Johan­nesi 1:8, 9 atuak­kit). Jehova ajor­tinik qanoq isumak­keerfigin­nit­tar­toq Paulusip nalimini kristumiunut tanitanut ima nas­suiar­paa: “Taar­tup pis­saaneranit [Guutip] aniguisip­paatigut er­nermilu asasami naalagaaf­fianut nuutsil­luta. Taas­sumuuna uter­titaavugut, tas­sa ajor­tit isumak­kiigaanerisigut.” (Kol 1:13, 14) Guutip nal­lit­tuinera qujamasuutigeqigatsigu un­nersiutigerusup­par­put. Aam­mami Jehovap ajor­titsin­nik isumak­keerfigisarmatigut nuan­nersor­pas­suar­nik al­lanik pil­luaq­qus­sutisisin­naavugut.

10. Guutip saam­maan­nera pis­sutigalugu susin­naavugut?

10 Guutimut ikin­ngutaasin­naavugut. Naam­mal­luin­nan­ngitsuugat­ta inun­ngorat­tali Guutimut akeraavugut. Paulusili ima al­lap­poq: “Guutimut akeraatil­luta er­nerata toquagut saam­maan­nar­titaavugut.” (Rom 5:10) Uter­titsis­sut pis­sutigalugu Guutimut saam­maan­nar­titaasin­naavugut, tas­sa Guutimik eq­qis­seqateqarsin­naal­lutalu taas­sumun­nga ikin­ngutaalersin­naavugut. Paulusip taman­na Jehovap saam­maas­sineranut qanoq at­tuumas­suteqar­nersoq nas­suiar­paa qatan­ngutiminut tanitanut ima al­lak­kami: “Up­per­nik­kut iluar­tuutitaagat­ta Guuti eq­qis­seqatigaar­put Naalak­katsigut Jiisusi-Kristusik­kut. Taan­na up­per­nik­kut  or­nigus­sin­naan­nguutigaar­put saam­maan­nermiin­nitsin­nut.” (Rom 5:1, 2) Jehovamik eq­qis­sinar­tumik ikin­nguteqar­ner­put qujamasuutigingaar­par­put!

Guutip saam­maan­nerata ersiutai: Nutaar­siassap nuan­nersup tusarnera (Immikkoortoq 11 takuuk)

11. ‘Savat al­lat’ naaper­tuil­luar­tuutitaaq­qul­lugit tanitanit qanoq ikior­neqar­pat?

11 Guutimit naaper­tuil­luar­tuutitaasin­naavugut. Pruf­fiiti Danieli al­lap­poq naggatis­sap nalaani ‘paasisimasar­tuut’, tas­sa tanitat, ‘amerlasuunik iluar­nermut’ un­nersuus­siumaar­tut. (Danieli 12:3 atuaruk). Tanitat qanoq taamaalior­tar­pat? Nutaarsias­saq nuan­nersoq oqaluus­sis­sutigisar­paat ‘saval­lu al­lat’ mil­lionil­lit Jehovap inatsisaanik ilin­niar­tit­tarlugit. (Joh 10:16) Guutimit naaper­tuil­luar­tuutitaaq­qul­lugit ikior­tar­paat, taman­nalu Jehovap saam­maas­sineratiguin­naq pisin­naavoq. Paulusi ima nas­suiaavoq: “Taama pineqar­tus­saan­ngik­kaluarlutik Guutip saam­maan­neranit iluar­tuutitaap­put Kristusi-Jiisusik­kut aniguisitaagamik.” – Rom 3:23, 24.

Qinusin­naaneq (Immikkoortoq 12 takuuk)

12. Qinuneq Guutip saam­maan­neranut qanoq at­tuumas­suteqar­pa?

12 Qinunik­kut Guutimut qanil­lisin­naavugut. Jehovap saam­maan­nera pis­sutigalugu taas­sumun­nga qinusin­naavugut. Paulusip Jehovap is­siavis­saarsua ‘saam­maan­nerup is­siavis­saarsuanik’ taal­lugu kajumis­saar­paatigut “nakimanata” sas­sarfigeq­qul­lugu. (Hebr 4:16a) Qaquguk­kul­luun­niit Jiisusi aq­qutigalugu Jehovamut qinusin­naavugut. Taman­nalu im­mik­kut pisin­naatitaaf­ferujus­suuvoq! Paulusi ima al­lap­poq: ‘Siooranata tatigin­nil­lutalu pal­ligus­sin­naan­ngor­pugut, up­perfigigatsigu.’ – Ef 3:12, tastamantitâĸ 1961-imi naqitigaq.

Piffissaq eq­qorlugu ikior­neqarneq (Immikkoortoq 13 takuuk)

13. Guutip saam­maan­nera pis­sutigalugu “pif­fis­saq eq­qorlugu” qanoq ikior­neqarsin­naavugut?

 13 Pif­fis­saq eq­qorlugu ikior­tis­sarsisin­naavugut. Pisariaqar­titsinerit tamaasa Paulusip Jehovamut qinusaq­quaatigut “nal­lit­tor­neqaq­qul­luta saam­maan­neqaq­qul­lutalu pif­fis­saq eq­qorlugu ikior­neqaatis­satsin­nik”. (Hebr 4:16b) Misilin­neqaraangat­ta ajor­nar­torsioraangat­talu ikioq­qul­luta Jehovamut ilungersorluta qinusin­naavugut. Qin­nutivul­lu akisariaqan­ngik­kaluarlugit akisar­pai. Akigaangamisigul­lu qatan­ngutivut atorajup­pai. Jehovap qin­nutivut akisarmagit “nakimanata oqarsin­naavugut: Naalagaq ikior­tigaara, siooras­san­ngilanga, inuup qanoq iliorfigisin­naagaminga?” – Hebr 13:6.

14. Jehovap saam­maan­nera misigis­sutsik­kut qanoq iluaqutigaar­put?

14 Uum­matik­kut tup­pal­lersar­neqarsin­naavugut. Misigis­sutsik­kut ar­torsaateqaraangat­ta Jehovap tup­pal­lersaasar­nera pil­luaq­qus­suterujus­suuvoq. (Tus­s 51:19) Kristumiut Thes­salonikamiit­tut malersugaasut Paulusip ima al­laf­figai: “Naalak­kat­ta Jiisusi-Kristusip Guutil­lu Ataatat­ta uatsin­nik asan­nit­tup saam­maan­nerminil­lu tup­pal­lersaatis­samik soraajuitsumik neriun­nermil­lu ajun­ngitsumik uatsin­nut tun­nius­sisup uum­matisi tup­pal­lersarligit nakus­satsil­lusilu!” (2 Th 2:16, 17) Jehovap saam­maas­sinini tun­ngavigalugu asagaatigut isumas­soraatigul­lu nalunagu tup­pal­ler­nas­susia!

15. Guutip saam­maam­matigut suna neriuutigaar­put?

15 Naas­saan­ngitsumik inuunis­saq neriuutigaar­put. Ajor­tiliugat­ta Jehovap ikiun­ngip­patigut neriuutis­saqan­ngilagut. (Tus­siaat 49:8, 9 atuak­kit). Jehoval­li nuan­ningaar­tumik neriuutis­sip­paatigut. Sumik? Jiisusi ima oqar­poq: “Ataatamami piumasaraa Er­nermik takun­nit­toq up­perfigin­nit­torlu kinaluun­niit naas­saan­ngitsumik inuuneqas­sasoq.” (Joh 6:40) Jehovap saam­maan­nera pis­sutigalugu naas­saan­ngitsumik inuunis­samik neriuuteqar­pugut. Paulusi ima al­lap­poq: ‘Guutip saam­maan­nera saq­qum­miun­neqarsimavoq inun­nut tamanut an­nas­sutis­saal­luni.’ – Tit 2:11.

GUUTIP SAAM­MAAN­NERA ATOR­NERLOQINAGU

16. Kristumiut siul­liit ilaasa Guutip saam­maan­nera qanoq ator­nerlup­paat?

16 Jehovap saam­maam­matigut pil­luaq­qus­sutisiar­pas­suaqar­pugut. Ajun­ngisaar­nerali ator­nerlus­san­ngilar­put, tas­sa ajor­tulior­nermut utoq­qatsis­sutigis­san­ngilar­put. Kristumiut siul­liit ilaasa ‘Guutimit saam­maan­nersiar­tik ator­nerlup­paat soq­qusaas­susin­ngor­tin­niarlugu’. (Jud 4) Kristumiut ilumoorun­naar­tut taak­ku isumaqarunar­put ajor­tuliorsin­naal­lutik Jehoval­lu isumak­keerfigiuas­sagaatik. Al­laat qatan­ngutitik ajor­tulioqatiginiarsarigaluar­paat. Ul­lumik­kut­taaq kinaluun­niit taamaalior­toq ‘saam­maan­nerup anersaavanik mital­liisuuvoq’. – Hebr 10:29.

17. Petrusi pimoorus­sas­samik qanoq siun­nersuiva?

17 Saatanip ul­lumik­kut kristumiut ilaat tam­mar­til­lugit isumaqalersip­pai ajor­tuliorsin­naasut Jehoval­lu ingerlaan­naq isumak­keerfigis­sagaatik. Ilumoor­poq Jehovap ajor­tulior­tut peq­qis­simisut isumak­keerfigerusut­tarai; piumasaraali ajor­tulioq­qajaanivut akius­sagivut.  Jehovap Petrusi isumas­sarsisil­lugu ima al­latsip­paa: “Asasak­ka, tamak­ku ilisimareeras­sigit mianersoritsi soq­qusaatsut tam­mar­tar­nerini peqataaq­qunasi tun­ngavis­sin­nil­lu kataq­qunasi, ineriar­toritsili saam­maan­nermi Naalak­katsin­nik an­naas­sisitsin­nil­lu Jiisusi-Kristusimik ilisarsinermi.” – 2 Petr 3:17, 18.

SAAM­MAAN­NEQAR­NEQ AKISUS­SAAF­FIT­TAQAR­POQ

18. Jehovap saam­maam­matigut suut akisus­saaf­figaavut?

18 Jehovap saam­maan­nera qujamasuutigingaar­par­put. Taamaat­tumik tunis­sutisiavut Jehovamut ataq­qinaataasumik atorlugil­lu al­lanik ikiuinermut ator­tariaqar­pavut. Tunis­sutit tamak­ku qanoq atorsin­naavavut? Paulusi ima al­lap­poq: “Saam­maan­nermit tunis­sutinik as­sigiin­ngitsunik pigisaqar­pugut saam­maan­nermut pigilersimasatsin­nut naaper­tuut­tumik: ... kif­far­tor­tus­saq kif­far­torli; ajoqersuisus­saq ajoqersuili; oqaaq­qis­saarisus­saq oqaaq­qis­saarili [kajumis­saarisoq kajumis­saarili, NW]; ... nal­lit­tuisus­sarlu kajumil­luni taamaaliorli.” (Rom 12:6-8) Tas­sa Jehovap saam­maan­nera pis­sutigalugu oqaluus­seqataal­luta kif­far­torluar­neq, al­lanik Biibilimik ajoqersuineq, up­peqatitsin­nik kajumis­saarineq uatsin­nil­lu ajual­latsitsisumik kimil­luun­niit isumak­keerfigin­nin­nis­saq akisus­saaf­figaavut.

19. Al­laaserisami tul­liut­tumi akisus­saaf­fit­ta ilaat suna sam­mis­savar­put?

19 Guutip saam­maan­neranik pis­sarsiner­put qujamasuutigigatsigu sapin­ngisatsin­nik ‘Guutip saam­maan­neranik iivangkiiliu nalunaajaatigisariaqar­par­put’. (ApS 20:24) Al­laaserisami tul­liut­tumi akisus­saaf­fik taman­na sam­mis­savar­put.

^ [1] (im­mik­koor­toq 2) Al­laaserisami matumani tul­lianilu oqariar­taaseq ‘Guutip saam­maan­nera’ eq­qaaneqaraangat pineqar­tar­poq ‘Guutip ajun­ngisaar­nera pisas­sarin­ngisaraluaq’.