“Tul­lit ilit­tut asas­savat.” – MAT­T 22:39.

ERINARSUUTIT: 25, 36

1, 2. Asan­nin­nerup pingaaruteqas­susia Biibilimi qanoq erseq­qis­sar­neqar­pa?

ASAN­NIN­NEQ Jehovap pis­susiisa pingaar­nersaraat. (1 Joh 4:16) Pin­ngor­titaasa siul­lersaata, Jiisusip, ukiuni mil­liardilin­ni qilam­mi Ataatani najorsimavaa Jehovalu qanoq asan­nitsigisoq ilisimalersimal­lugu. (Kol 1:15) Aam­ma Jiisusip inuunini tamaat, qilam­mi nunamilu, asan­nin­neq taamaat­toq takutis­simavaa. Taamaat­tumik Jehovap Jiisusil­lu asan­nit­tumik aqutsiuaan­nar­nis­saat up­peril­luin­nar­par­put.

2 Jiisusi inas­sut suna inatsisini an­nerunersoq aperineqarami ima akivoq: “‘Naalagaq Guutit asas­savat uum­matik­kut iluun­ngarlutit tar­nik­kul­lu iluun­ngarlutit isumak­kul­lu iluun­ngarlutit.’ Tas­sa inas­sutit an­nersaat siul­lersaal­lu, aap­paatali taamaaqatigaa: ‘Tul­lit ilit­tut asas­savat.’” – Mat­t 22:37-39.

3. Kina ‘tul­leraar­put’?

3 Asan­nin­nermik ersersitsinis­saq tamatigut pingaaruteqarluin­nar­poq. Jiisusi oqar­poq Jehova tul­ler­pul­lu asas­sagivut. Kinali ‘tul­leraar­put’? Katis­simagut­ta aap­par­put tul­leraar­put  qanin­ner­paaq. Tul­livut aam­ma tas­saap­put ilagiin­ni qatan­ngutivut kiisalu inuit oqaluus­sif­figisar­tak­kavut. Tul­lermut asan­nin­nermik qanoq ersersitsisin­naasugut al­laaserisami matumani ilin­nias­savar­put.

AAP­PAT ASAS­SAVAT

4. Aap­pariit naam­mal­luin­nan­ngitsuugaluarlutik qanoq aap­pariil­luarsin­naap­pat?

4 Jehovap Adami Evalu pin­ngor­tip­pai aap­pariilersil­lugil­lu. Tas­sa aap­pariin­neq siul­ler­paaq. Pil­luarlutik aap­pariin­nis­saat nunarsuul­lu taak­kua kinguaavinit ulik­kaar­neqar­nis­saa Guutip kis­saatigaa. (1 Mos 1:27, 28) Ajoraluar­tumik Jehovamut naalan­ngin­nermik­kut aap­pariil­luar­nerat in­narler­neqar­poq, taamaalior­nermik­kul­lu ajor­timik toqumil­lu kingor­nus­sisus­san­ngor­tip­paatigut. (Rom 5:12) Taamaak­kaluar­torli ul­lumik­kut aap­pariil­luar­toqarsin­naavoq. Jehova, aap­pariin­nermik pilersitsisoq, aap­pariin­nut siun­nersuutitsialan­nik pitsaaner­paanik Biibilimi al­latsitsisimavoq. – 2 Timotheusi 3:16, 17 atuak­kit.

Uiusut ilaqutariin­ni aqutsinermin­ni asan­nit­tuunis­saat Jehovap piumasaraa

5. Aap­pariin­nermi asan­nin­neq qanoq pingaaruteqar­tigaa?

5 Biibili naaper­torlugu ikin­ngutigiil­luar­nermi qaman­nga pisumik asaqatigiin­neq pingaaruteqarluin­nar­poq. Aap­pariin­nermi aam­ma taamaap­poq. Apustilip Paulusip asan­nin­neq ilumoor­toq ima al­laatigaa: “Asan­nin­neq kamagit­tar­tuuvoq, asan­nin­neq saamasuuvoq, asan­nin­neq sin­ngasarin­ngilaq; pingaakujut­tar­nanilu perroor­tarin­ngilaq. Kan­ngunar­tulior­tarin­ngilaq, nam­minis­sarsior­tarin­ngilaq; puf­fas­sar­tarin­ngilaq put­tarsisaqar­tar­nanilu. Iluaan­neq nuan­narisarinagu sal­lusuis­sut tipaatsuutigisar­paa. Tamatigut naam­magit­tar­tuuvoq, tamatigut up­per­tar­poq, tamatigut neriut­tar­poq, tamatigut ilalaar­tar­poq. Asan­nin­neq soraan­ngisaan­nas­saaq.” (1 Kor 13:4-8) Paulusip al­latai eq­qarsaatigil­luar­tarutsigit maleruarlugil­lu pil­luarluta aap­pariis­sin­naavugut.

Biibilimi ersersinneqarpoq qanoq aappariilluartoqarsinnaasoq (Immikkoortut 6 aamma 7 takukkit)

6, 7. (a) Ilaqutariin­ni it­tuusoq pil­lugu Biibilimi qanoq al­las­simasoqar­pa? (b) Uiusup kristumiup nuliani qanoq pis­suseqarfigis­savaa?

6 Jehovap ilaqutariin­ni kina it­tuus­sasoq aalajanger­paa. Paulusi ima nas­suiaavoq: “[Ilisimaq­quara] angutip kialuun­niit Kristusi niaqorim­magu, ar­nap angut niaqorim­magu, Kristusil­lu niaqua Guutium­mat.” (1 Kor 11:3) Jehovap piumasaraa uiusut naak­kit­taatsuunatik ilaqutariin­ni aqutsinermin­ni asan­nit­tuus­sasut. Jehova aqutsisutut inus­siar­nersuuvoq nam­minis­sarsior­tuunanilu. Taamaat­tumik Jiisusip Jehovap asan­nit­tumik oqar­tus­saas­susia ataq­qivaa, imalu oqar­poq: ‘Ataataq asavara.’ (Joh 14:31) Jehovap peq­qar­niitsumik pisimagaluar­pani Jiisusi taama misigisimas­san­ngik­kaluar­poq.

7 Uiusoq nuliaminut niaquuvoq, taamaak­kaluar­torli Biibilimi al­las­simavoq nuliani ataq­qin­nin­nermik ersersitsivigis­sagaa. (1 Petr 3:7) Uiusoq qanoq taamaliorsin­naava? Nuliami pisariaqar­titai  eq­qumaf­figisin­naavai kis­saatigisaalu ataq­qil­lugit. Biibilimi ima al­las­simavoq: “Angutit, nuliasi asas­savasi soorlu Kristusip ilagiit asagai im­minul­lu tun­niul­luni taak­ku pil­lugit.” (Ef 5:25) Aap, Jiisusip ajoqersuk­kani pil­lugit al­laat inuunini tun­niup­paa. Uiusoq Jiisusitut asan­nit­tumik it­tuup­pat nuliata asajumanerul­lugulu ataq­qiumanerus­savaa aalajangiineranilu isumaqatigiumanerus­sal­lugu. – Titusi 2:3-5 atuak­kit.

UP­PEQATITIT ASAK­KIT

8. Up­peqativut qanoq misigis­suseqarfigis­savavut?

8 Ul­lumik­kut nunarsuaq tamak­kerlugu inuit mil­lionil­lit Jehova pal­lorfigaat. Up­peqativut qanoq misigis­suseqarfigis­savavut? Biibilimi ima al­las­simavoq: “Tamanut ajun­ngitsulior­niar­ta, pingaar­tumik up­peqatitsin­nut.” (Gal 6:10; Romamiut 12:10 atuaruk). Apustili Petrusi al­lap­poq ‘sal­lusuis­sum­mut naalan­nerup’ kinguneris­sagaa ‘qatan­ngutigiit­tut ilumoor­tumik asaqatigiin­neq’. Petrusi aam­ma kristumioqatiminut ima al­lap­poq: “Tamanit pingaar­nerusumik qaman­nga pisumik asaqatigiigitsi.” – 1 Petr 1:22; 4:8NW.

9, 10. Sooq Guutip in­nut­tai ataasius­suseqar­pat?

9 Guutip nunarsuaq tamak­kerlugu  in­nut­tai as­seqan­ngil­luin­nar­tuup­put. Sooq? Anersaak­kut qatan­ngutivut ilumoor­tumik asagatsigit. Pingaar­nerusumil­lu, Jehovamik asan­nin­ner­put inatsisaanul­lu naalan­ner­put pis­sutigalugit Jehovap anersaani il­ler­nar­toq, nukik silarsuarmi sak­kor­tuner­paaq, atorlugu tapersersor­tarmatigut. Guutip anersaava il­ler­nar­toq nunarsuaq tamak­kerlugu qatan­ngutigiis­suar­tut ataasius­suseqar­nitsin­nut iluaqutigaar­put. – 1 Johan­nesi 4:20, 21 atuak­kit.

10 Kristumiut asaqatigiin­nis­saata pisariaqas­susia Paulusip ima erseq­qis­sar­paa: “Atiniarsigit nal­lit­tuingaar­neq, ajun­ngis­suseq, nikanar­tin­neq, qanilaar­neq naam­magit­tas­suserlu. Kamageqatigiigitsi isumak­keerfigeqatigiit­tarlusilu arlas­sin­nut as­suarliutis­saqaraangas­si. Soorlu Naalak­kap isumak­keerfigigaasi taamatut­taaq ilis­si ilius­saasi. Tamak­kuali tamarmik qaavatigut atiniarsiuk asan­nin­neq, tas­saam­mat naam­mal­luin­nas­sutsip qilerutaa [ataasius­sutsip qilerutaa naam­mal­luin­nar­toq, NW].” (Kol 3:12-14) Sumin­ngaan­neeraluarut­taluun­niit akor­natsin­ni asan­nin­neq, “ataasius­sutsip qilerutaa naam­mal­luin­nar­toq”, misigisin­naasaratsigu qujamasuutigeqaar­put!

Jehovap Nalunaajaasuisa asaqatigiin­neq ataasius­suseqar­nerlu ilisar­naatigaat

11. Jehovap in­nut­taasa suna ilisar­naatigaat?

11 Jehovap kif­faasa ilumoor­tumik asaqatigiin­nerat ataasius­suseqar­neral­lu up­perisarsior­nermik eq­qor­tumik maleruaaneran­nut ilisar­naataavoq. Jiisusi ima oqar­poq: “Asaqatigiik­kus­si tamatumuuna tamarmik paasis­savaat ajoqersugarigis­si.” (Joh 13:34, 35) Apustililu Johan­nesi ima al­lap­poq: “Matumuuna erseq­qis­sivoq kik­kut Guutip qitor­narigai kik­kul­lu Diaavulup qitor­narigai: Kinaluun­niit iluar­tumik iliun­ngitsoq Guutimit pisuun­ngilaq, soorlut­taaq qatan­ngum­minik asan­nit­tuun­ngitsoq Guutimit pisuusin­naan­ngitsoq. Tusarlius­sarmi una tas­saavoq pileq­qaar­neran­niil­li tusarsimasarsi: Asaqatigiis­saagut.” (1 Joh 3:10, 11) Jehovap Nalunaajaasuisa Kristusip ajoqersugaasut ilumoor­tutut, nunarsuaq tamak­kerlugu Naalagaaf­fim­mik Guutip oqariar­tor­titaasut, asaqatigiin­neq ataasius­suseqar­nerlu ilisar­naatigaat. – Mat­t 24:14.

“INUP­PAS­SUIT” KATERSOR­NEQAR­TUT

12, 13. ‘Inup­pas­suar­nut’ ilaasut ul­lumik­kut qanoq ilior­pat, qanit­tuk­kul­lu suna misigis­savaat?

12 Ul­lumik­kut Jehovap kif­faasa amerlanersaat ‘inup­pas­suar­nut inuiaqatigiin­nit tamanit pisunut’ ilaap­put Naalagaaf­fim­mil­lu tapersersuisuul­lutik. Taak­ku ‘tas­saap­put an­nikil­lior­titaangaar­nermit aniguisus­sat’ Jiisusil­lu uter­titsis­sutitut pil­liutaanik up­perin­nin­nermik­kut ‘atisamin­nik Savaaq­qap aavanut eq­qiaasimasut qaqor­titil­lugit’. “Inup­pas­suit” taak­kua Jehova Er­neralu asavaat Jehovalu “ul­luk­kut un­nuak­kul­lu” kif­far­torfigisarlugu. – Saq­q 7:9, 14, 15.

13 Guutip silarsuaq man­na ajor­toq ‘naal­liun­nar­toqangaar­nermi’ qanit­tuk­kut piuneerutis­savaa. (Mat­t 24:21; Jeremia 25:32, 33 atuak­kit). Jehoval­li kif­fani asagamigit il­lersorlugil­lu silarsuas­samut  nutaamut siulersus­savai. Ukiut 2000-ngajaat matuma sior­na neriorsuinermisut ‘qul­liit tamaasa isaan­nit al­lar­terumaar­pai, toqulu peeruk­kumaar­poq, aliasut­toqarun­naarlunilu nil­liasoqarun­naarlunilu an­niar­toqarun­naas­saaq’. Ajus­suseq, naal­liuutit toqulu atuuk­kun­naar­pata Paratiisimi inuunis­saq qilanaaraajuk? – Saq­qum­mersitat 21:4.

14. “Inup­pas­suit” qanoq amerlatigilersimap­pat?

14 1914-imi ul­lut kingul­liit aal­lar­tim­mata Guutip kif­fai 5000-t mis­saan­naaniis­simap­put. Tul­lermik asan­nin­ner­tik kajumis­sis­sutigalugu Guutil­lu anersaava il­ler­nar­toq iluaqutigalugu tanitat qilaliar­nis­samik neriugisal­lit ikit­tun­nguit taak­kua Naalagaaf­fim­mik nutaarsias­saq nuan­nersoq piner­tusaarlutik oqaluus­sis­sutigisimavaat. Qanoq kinguneqar­pa? Inup­pas­suit nunarsuarmi naas­saan­ngitsumik inuunis­samik neriugisal­lit katersor­neqaler­neran­nik kinguneqar­poq. Ul­lumik­kut Jehovap Nalunaajaasui nunarsuaq tamak­kerlugu ilagiin­ni 115.400-nit amerlanerusuni 8.000.000-up­put sulilu amerliar­torlutik. As­sersuutigalugu ukiumi kif­far­torfiusumi 2014-imi 275.500-t sin­nerlugit kuisis­simap­put. Tas­sa sapaatip-akun­neri tamaasa 5300-t mis­saat kuisit­tar­put.

15. Ul­lumik­kut inup­pas­suit suut aq­qutigalugit nutaarsias­saq nuan­nersoq tusar­tar­paat?

15 Naalagaaf­fim­mik nutaarsias­samik nuan­nersumik tusarsimasut amerlangaar­nerat tupin­naqaaq. Ul­lumik­kut Biibililersaarutivut oqaatsini 700-nit amerlanerusuni saq­qum­mersin­neqar­tar­put. Napasuliaq Alaper­naarsuif­fik atuagas­siaavoq nunarsuaq tamak­kerlugu siam­marsimaner­paaq. Oqaatsini 247-ni qaam­mam­mut 52.000.000-t sin­nerlugit naqiter­neqar­tar­poq. Atuagarlu Biibilimik atuaq­qis­saarutis­saq Biibilimi sor­piaat ajoqersuutigineqar­pat? oqaatsinut 250-init amerlanerusunut nutser­neqarsimavoq. Man­na tikil­lugu taan­na 200.000.000-t sin­nerlugit naqiter­neqarsimavoq.

16. Sooq Guutip kif­fai amerliar­tor­tuar­pat?

16 Guuti taas­sumalu Oqaasia, Biibili, up­perigamik­kit Guutip kif­fai amerliar­tor­tuar­put. (1 Th 2:13) Saatanimit uumigineqaraluarluta akerlilersor­neqaraluarlutalu Jehovap pil­luaq­qusinera nuan­naarutigiuar­par­put. – 2 Kor 4:4.

AL­LAT ASAJUAK­KIT

17, 18. Guutip kif­faasa up­peqatigin­ngisatik qanoq isigin­nit­taaseqarfigis­savaat?

17 Inuit oqaluus­siner­put as­sigiin­ngitsutigut qisuariarfigisar­paat. Ilaasa tusar­naar­tar­paatigut, al­lal­li oqariar­tuuter­put uumigisar­paat. Uagul­li up­peqatigin­ngisavut qanoq pis­susilersorfigis­sagivut Jehovap oqaatsimini ilin­niar­tip­paatigut. Inuit oqariar­tuutitsin­nut qanorluun­niit qisuariaraluar­pata siun­nersuut Biibilimiit­toq maleruas­savar­put. Ima al­las­simavoq: “Tamatigut oqalut­tas­saasi inus­siar­nersumik tarajulim­mil­lu, ilisimaq­qul­lugu kik­kut tamaasa qanoq akisariaqar­tas­sagisi.” (Kol 4:6) Tul­ler­put asagatsigu ‘qanilaarluta mianerin­nit­tuul­lutalu’ up­perisar­put il­lersorusut­tar­par­put. – 1 Petr 3:15, 16.

18 Al­laat inuit kamal­lutil­lu tusaajuman­ngik­kaluar­pataluun­niit Jiisusi ilaarlugu tul­lermut asan­nin­ner­put ersersit­tar­par­put. Jiisusi “oqaasipiluun­neqarami oqaasipiluum­mik akis­suteqan­ngilaq, an­niar­titaanermini sioorasaarin­ngilaq”.  Jiisusim­mi Jehova tatigiuar­paa. (1 Petr 2:23) Taamaat­tumik maniguul­luta siun­nersuut una tamatigut maleruar­niar­tar­par­put: “Ajor­toq ajor­toqataanik akilis­san­ngilarsi, oqaasipilul­luun­niit oqaasipiloqataanik; pil­luaq­qusisaritsili.” – 1 Petr 3:8, 9.

Guutimut kif­faagat­ta qanorluun­niit pineqaraluarut­ta akerar­tor­tivut asas­savavut

19. Akerar­tor­tivut qanoq pis­suseqarfigis­savavut?

19 Maniguun­neq Jiisusip najoq­qutas­siaanut pingaarutilim­mut naalan­nis­samut iluaqutigis­savar­put. Ima nas­suiaavoq: “Tusar­parsi oqar­toqarsimasoq: ‘Tul­lit asas­savat akeq­qal­lu uumis­sorlugu.’ Uangali oqarfigaas­si: Akeq­qasi asasigit, ilis­sin­nil­lu qinugin­nit­tut qin­nus­sigit Ataatas­sin­nut qilan­niit­tumut qitor­naaq­qul­lusi; taas­sumam­mi seqer­ni ajor­tunut ajun­ngitsunul­lu nueq­qusar­paa sial­lersitsisarlunilu iluar­tunut iluaatsunul­lu.” (Mat­t 5:43-45) Guutimut kif­faagat­ta qanorluun­niit pineqaraluarut­ta akerar­tor­tivut asas­savavut.

20. Nunarsuaq tamarmi Guutimik tul­lermil­lu asan­nin­nermik ulik­kaarumaar­toq qanoq nalun­ngilar­put? (Al­laaserisap aal­laq­qaataani as­siliaq takuuk).

20 Jehovamut tul­litsin­nul­lu asan­nin­ner­put sutigut tamatigut ersersit­tuar­tariaqar­par­put. Al­laat inuit oqariar­tuutitsin­nik uagutsin­nil­lu akerlilersuisut pisariaqar­titsiler­pata ikior­tariaqar­pavut. Apustili Paulusi ima al­lap­poq: “Pisas­saqarfigitin­naveeritsi asaqatigiin­nerun­ngitsumik. Inoqatiminim­mi asan­nit­toq inatsisinik naam­mas­sin­nit­tuuvoq. Inas­sutit uku: ‘Al­lasius­san­ngilatit, inuas­san­ngilatit, til­lis­san­ngilatit, pileritsas­san­ngilatit’ inas­sutil­lu al­lat tamarmik ataatsimut eqin­neqar­put inas­sum­mi matumani: ‘Tul­lit ilit­tut asas­savat.’ Asan­nit­tup tul­lini ajor­tuliorfigineq ajor­paa. Taamaat­tumik asan­nin­neq tas­saavoq inatsisit naam­mas­sis­sutaat.” (Rom 13:8-10) Silarsuarmi ajor­tumi matumani Saatanip pis­saaneqarfigisaani avis­saar­tuuf­fiusumi nakuuserfiusumilu Guutip kif­faasa tul­lermin­nut asan­nin­ner­tik ersersit­tar­paat. (1 Joh 5:19) Jehovap Saatani anersaapiluilu silarsuarlu ajor­toq man­na piuneerutereer­pagit nunarsuaq tamarmi asan­nin­nermik ulik­kaas­saaq. Nunarsuarmi inuit tamarmik Jehovamik tul­lermil­lu asan­nin­neqaler­pata ila qanoq nuan­ner­tigis­sava!