Imarisai

Imai

Jehovap Nalunaajaasui

Oqaatsit toqqakkit Kalaallisut

Atuartartut apeqqutaat

Atuartartut apeqqutaat

Jeriko tiguar­neqarmat sivikitsuin­narmik unguneqarsimaneranut up­per­narsaatis­saqar­pa?

Josvamik al­lak­kat 6:10-15, 20-milu al­las­simavoq Israelik­kut sak­kutuuisa il­loqarfik Jeriko ul­luni arfinilin­ni ul­lormut ataasiarlutik kaajal­lat­taraat. Ul­lut arfineq-aap­pas­saan­ni il­loqarfik arfineq-marloriarlutik kaajal­lap­paat. Tamatuma kingor­na Jerikop qarmarsui Guutip up­pikaatim­magit Israelik­kut il­loqarfim­mik tiguaap­put. Biibilimi al­las­simasutut Jerikomik ungusinerup sivisun­ngin­neranut itsar­nisarsiuut up­per­narsaatis­sarsisimap­pat?

Itsaq saas­sus­sisut il­loqarfim­mik pal­lit­taalisalim­mik ungusisar­nerat nalingin­naavoq. Il­loqarfim­miut sivisuumik unguneqarsimasut pis­samaatimik amerlanersaat nerisar­paat. Sak­kutuut il­loqarfim­mik tiguaagaangamik suut tamaasa, aam­ma nerisas­sat sin­nerut­tut, tigusar­paat. Taamaat­tumik Palæstinami il­loqarfiit taamatut saas­sun­neqarsimasut qarmakuini itsar­nisarsiuut nerisas­sanik nas­saar­piar­neq ajorlutil­lu nas­saan­ngil­luin­nar­tar­put. Jerikol­li qarmakuinut tun­ngatil­lugu taamaan­ngilaq. Biblical Archaeology Review-imi ima al­las­simavoq: “Marrar­nit sanaat saniatigut qarmakuni nas­saarineqar­tut karrit amerlaner­paar­taraat.” Imalu nangip­poq: “Karrinik taama amerlatigisunik nas­saar­neq qaqutigoorluin­nar­poq.”

Biibilimi al­las­simavoq Israelik­kut Jehovap peq­qus­sutaanut naalal­lutik Jerikomi nerisas­sanik sunil­luun­niit tigusin­ngitsut. (Jos 6:17, 18) Aam­ma al­las­simavoq Israelik­kut uper­naak­kut – katersuif­fiup kingunin­ngua, il­loqarfim­mi karrer­pas­suaateqar­nerup nalaani – Jerikomik saas­sus­sisut. (Jos 3:15-17; 5:10) Taamaat­tumik Jerikop ungusaanerata kingor­na karrinik ulik­kaar­nera ungusinerup sivisun­ngin­neranut up­per­narsaataavoq, soorlu Biibilimi taamator­piaq al­las­simasoq.