Imarisai

Imai

Jehovap Nalunaajaasui

Oqaatsit toqqakkit Kalaallisut

“Inuit taamaattut qujamasuutigisigit!”

“Inuit taamaattut qujamasuutigisigit!”

SIULERSUISOQATIGIIT ataatsimiititaliamin­ni ikior­tis­samin­nik utoq­qaaner­tanik misilit­tagalin­nik inersimal­luar­tunil­lu 1992-imiil­li toq­qaasarsimap­put. * Ikior­tit taak­ku, ‘savanut al­lanut’ ilaasut, Siulersuisoqatigiin­nik tapersersuil­luar­tuup­put. (Joh 10:16) Ataatsimiititaliaq ikior­tiuf­figisar­tik sapaatip-akun­neranut ataatsimiik­kaangat peqataasar­put. Pisariaqar­tunik paasis­sutis­siisar­tus­saal­lutil­lu siun­nersuuteqar­tar­tus­saap­put. Siulersuisoqatigiit inaarutaasumik aalajangiisar­put, ikior­til­lu aalajangik­kanik piviusun­ngor­titsinis­saq isumagisar­paat. Qatan­ngutit angutit taak­ku sulias­siis­sutigineqarsimasut suul­luun­niit kajumil­lutik suliarisar­paat. Siulersuisoqatigiin­nut ilaasor­tat ataatsimeersuar­ner­nut im­mik­kut it­tunut aam­ma nunanit tamalaanit peqataaf­figineqar­tunut angalaqatigisar­paat. Aam­ma qul­lersaqarfik sin­nerlugu im­mik­koor­tor­taqarfin­nut tikeraaq­quneqarsin­naap­put.

Qatan­ngut angut 1992-imiil­li ikior­titut kif­far­torsimasoq ima oqar­poq: “Uan­nut sulias­siis­sutigineqar­tut isumagigaangak­kit Siulersuisoqatigiit anersaak­kut it­tunik aal­lus­sil­luar­nerusin­naasar­put.” Qatan­ngut al­la ukiuni 20-ni ikior­tiusoq ima oqar­poq: “Takorloorsin­naasan­nit tamanit pisin­naatitaaf­fiuvoq an­ner­paaq.”

Siulersuisoqatigiit ikior­titik an­ner­tuunik akisus­saaf­filersimavaat qatan­ngutil­lu angutit ilumoorfigin­nit­tut taak­kua ilungersorlutik sulinerat pingaar­til­lugit. Tamat­ta “inuit taamaat­tut qujamasuutigisigit”! – 1 Kor 16:18.

^ par. 2 Siulersuisoqatigiit ataatsimiititaliaasa arfiniliusut suliarisar­tagaat pil­lugit ukunani paasis­sutis­saqar­poq: Atuagaq Guds rige hersker! kapitali 12-imi ungalusaq “Hvordan det Styrende Råd tager sig af Rigets interesser” aam­ma jw.org-imi al­laaserisaq “Jehovap Nalunaajaasuisa Siulersuisoqatigiivi sunik suliaqar­tar­pat?”