Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Aggusti 2015

Ilimasul­lutit utaq­qigit!

Ilimasul­lutit utaq­qigit!

“Nal­liutiaan­ngik­kaluar­pat utaq­qiin­narina.” – HAB 2:3.

ERINARSUUTIT: 32, 45

1, 2. Jehovap kif­fai qanoq isigin­nit­taaseqar­pat?

JEHOVAP kif­faasa siulit­tuutit eq­quun­nis­saat erinitsajuil­lutik utaq­qisarsimavaat. As­sersuutigalugu Jeremiap naatsorsuutigaa Judap Babylonimiunit piuneerus­saanis­saa, taamatul­lu Kr.in.si. ukiumi 607-imi pisoqar­poq. (Jer 25:8-11) Esajap siulit­tuutigaa Jehovap juutit aal­larus­saaq­qasut Judamut uter­tis­sagai imalu oqarluni: “Pil­luar­put tamarmik taas­sumun­nga erinisut­tut!” (Es 30:18) Aam­ma Mikap qularin­ngilaa Jehovap neriorsuutini eq­quutitik­kumaarai ima oqarluni: “Uanga Naalagaq alaatsinaas­savara.” (Mika 7:7) Ukiunilu hundredilik­kuutaani Guutip kif­faasa Mis­siarsip, Kristusip, neriorsuutigisap tikiun­nis­saa up­peril­luin­nar­paat. – Luk 3:15; 1 Petr 1:10-12. *

2 Aam­ma uagut ul­lumik­kut Jehovap naalagaaf­fia pil­lugu siulit­tuutit eq­quun­nis­saat utaq­qivavut. Jiisusip, naalagaaf­fim­mi tamatumani kun­ngiusup, Guutip kif­fai silarsuarmit navianar­tumit matuman­nga qanit­tuk­kut an­naatis­savai. Inuit ajor­tut piuneerutitis­savai naal­liuutil­lu tamaasa  atuuk­kun­naarsil­lugit. (1 Joh 5:19) Taamaat­tumik Jehovap ul­lus­saata nal­liuteriaan­naanera ilimagiuar­tariaqar­par­put sapin­ngisatsin­nil­lu piareersimaf­figalugu.

3. Naggatis­saq sivisuumik utaq­qisimagutsigu qanoq eq­qarsalersimasin­naavugut?

3 Guutip piumasaata nunami pinis­saa qilanaaringaar­par­put. (Mat­t 6:10) Ukior­pas­suar­nili naggatis­saq utaq­qisimagutsigu im­maqa ima eq­qarsalersin­naavugut: ‘Naggatis­sap nal­liutingajaler­nerata up­perinis­saanut suli pis­sutis­saqarluar­pugut?’

SOOQ QULAR­NATA UTAQ­QIUAR­PUGUT?

4. Sooq ‘eq­qumajuar­nis­sar­put’ uagutsin­nut pingaaruteqar­pa?

4 Jiisusip ajoqersuk­kani ima peq­quai: “Eq­qumajuar­niaritsi.” Taamaat­tumik naggatis­sap nal­liutingajaler­nerata qular­nata utaq­qiuar­nis­sar­put pingaaruteqar­poq. (Luk 21:34-36; Mat­t 24:42) Aam­ma Jehovap peqatigiis­sor­taan­nit eq­qaasin­neqar­tuar­pugut “Guutip ul­lus­saata nal­liun­nis­saa” utaq­qil­lugulu eq­qarsaatigiuas­sagip­put, silarsuar­taas­sarlu Jehovap neriorsuutigisaa tunaaris­sagip­put. – 2 Petrusi 3:11-13 atuak­kit.

5. Jehovap ul­lus­saata ilimasul­luta utaq­qinis­saanut sumik al­lamik pis­sutis­saqar­pugut?

5 Jiisusip ajoqersugai siul­liit Jehovap ul­lus­saa qularinagu utaq­qiuar­tariaqarsimap­pas­suk, taava ul­lumik­kut uagut taamaalior­nis­sar­put pingaaruteqar­nerungaar­poq. Sooq? Jiisusip najuun­nis­saminut ilisar­naataasus­saaneragaa taas­suma Guutip naalagaaf­fiani 1914-imiil­li kun­ngiulersimaneranut ul­lus­sanilu kingul­ler­ni inuunitsin­nut up­per­narsaataam­mat. As­sersuutigalugu, Jiisusip siulit­tuineratorluin­naq, silarsuarmi pis­sutsit ajorsigalut­tuin­nar­put, Guutil­lu naalagaaf­fia pil­lugu nutaarsias­saq nuan­nersoq nunarsuaq tamak­kerlugu oqaluus­sis­sutigineqar­poq. (Mat­t 24:3, 7-14) Jiisusip ‘pis­sutsit aaq­qis­suus­saanerata naggataatungaa’, tas­sa ul­lus­sat kingul­liit, qanoq sivisutigis­sanersut oqaatigin­ngilaa, taamaat­tumik naggatis­saq nal­liuteriaan­naasoq piareersimaf­figisariaqar­par­put.

6. Qanoq nalun­ngilar­put naggatis­sap qanil­liar­tor­nerani pis­sutsit ajorsigalut­tuin­nas­sasut?

6 ‘Pis­sutsit aaq­qis­suus­saanerata naggataatungaa’ tas­saasin­naava siunis­sami silarsuup maan­namiit suli ajor­nerulerfis­saa? Biibilimi al­las­simavoq “ul­lus­sani kingul­ler­ni” inuit ajor­tumut nak­kaak­kiar­tuin­nas­sasut. (2 Tim 3:1, 13; Mat­t 24:21; Saq­q 12:12) Tas­sa maan­na pis­sutsit taama ajor­tigereeraluar­tut suli ajor­nerulis­sap­put.

7. Ul­lus­sani kingul­ler­ni silarsuarmi pis­sutsit pil­lugit Mat­thæusip iivangkiiliua 24:37-39 qanoq ilin­niarfigaavut?

7 Isumaqar­toqarsin­naavoq an­nikil­lior­nar­torsuaq sioq­qul­lugu nunani tamani sorsuut­toqarlunilu inuit amerlanerit nap­parsiman­ngik­kunik kaat­tuaan­nas­sasut. (Saq­q 7:14) Taamaat­tus­saas­sagaluar­pal­li inuit tamarmik, al­laat Biibilimik soqutigin­nin­ngitsut, Biibilimi siulit­tuutit eq­quus­sor­tut takusin­naas­sagaluar­paat. Eq­qaamajuk Jiisusi oqar­toq ul­lus­sani kingul­ler­ni inuit amerlanerit malugisaqaratik inuunermi nalingin­naasut sam­misaris­sagaat, Jehoval­lu ul­lus­saa nal­liup­pat uis­suum­mis­sal­lutik. (Mat­thæusi 24:37-39 atuak­kit). Tas­sa ilimagis­san­ngilar­put an­nikil­lior­nar­torsuaq sioq­qul­lugu silarsuarmi pis­sutsit amiilaar­narsingaarmata inuit naggatis­sap nal­liutiler­nera up­perilis­sagaat. – Luk 17:20; 2 Petr 3:3, 4.

Up­peril­luin­nar­par­put ‘ul­lus­sani kingul­ler­ni’ inuul­luta

8. Nalunaaqut Jiisusip oqaatigisaa eq­qumaf­figigatsigu suna up­peril­luin­nar­par­put?

 8 Nalunaaqut katitigaasoq Jiisusip oqaatigigamiuk siuner­taraa ajoqersuk­kami ul­lus­sani kingul­ler­ni inuusut nalunaaqutip tamatuma eq­quun­nis­saa maluginiaq­qis­saas­sagaat. Jiisusip ajoqersugai eq­qumap­put. (Mat­t 24:27, 42) 1914-imiil­li Jiisusip nalunaaqutaasus­saaneragaata ilai as­sigiin­ngitsut eq­quus­sor­put. Up­peril­luin­nar­par­put ul­lus­sani kingul­ler­ni, ‘pis­sutsit aaq­qis­suus­saanerata naggataatungaani’, inuul­luta. Jehovap qaqugu Saatanip silarsuaanik suujun­naarsitsinis­sani aalajangereer­paa.

9. Sooq naggatis­sap nal­liutingajaler­nera up­peril­luin­nar­tariaqar­par­put?

9 Taavami sooq naggatis­sap nal­liutingajaler­nera up­peril­luin­nar­tariaqar­par­put? Jiisusi Kristusi naalak­katsigu. Aam­ma ul­lus­sat kingul­liit pil­lugit Jiisusip siulit­tuutigisaasa eq­quun­nerat takusin­naagatsigu. Naggatis­saq nal­liutilersoq up­perivar­put, imaan­ngitsoq up­per­tik­kuminar­tuugat­ta, siulit­tuutil­li Biibilimeersut maan­nak­kut eq­quun­nerat up­peril­luin­naratsigu. Eq­qumajuar­tariaqar­pugut naggatis­sal­lu nal­liun­nis­saanut piareersimasariaqarluta.

QANOQ SIVISUTIGISUMIK UTAQ­QIS­SAAGUT?

10, 11. (a) Sooq Jiisusip ajoqersuk­kani ‘eq­qumaq­quai’? (b) Ajoqersuk­kat naggatis­sap nal­liun­nis­saa ilimagisamin­nit sivisunerusumik utaq­qisariaqarunik­ku qanoq ilioq­quneqar­pat? (Al­laaserisap aal­laq­qaataani as­siliaq takuuk).

10 Ilar­pas­suavut ukior­pas­suar­ni aalajaal­lutik Jehovamut kif­far­torsimap­put taas­sumalu ul­lus­saata nal­liun­nis­saa qilanaarlutik utaq­qisimal­lugu. Qanorluun­niil­li sivisutigisumik utaq­qisimagaluarut­ta ul­lus­sap tamatuma nal­liutingajaler­nera up­periun­naan­ngisaan­nas­savar­put. Saatanip silarsuaa suujun­naarsis­sal­lugu Jiisusip tikiuf­fis­saa piareersimaf­figisariaqar­par­put. Jiisusip ajoqersuk­kaminut oqaasii uku eq­qaamak­kit: “Mianersoritsi! Eq­qumagitsi! Naluarsimi taamaalif­fis­saa qaqugu nal­liuk­kumaar­toq. As­sigaa inuup nunamut al­lamut aal­lar­tus­sap il­luni qimas­sagamiuk kif­fani pisus­saaf­filerai tamaasa im­mik­kut sulias­sil­lugit iser­tarfiul­lu paarsisaa peq­qugaa eq­qumas­sasoq. Taamaat­tumik eq­qumagitsi nalugas­siuk il­lup naalagaa qaqugu tikiuk­kumaar­nersoq – un­nuk­kul­luun­niit un­nuaqeq­qar­neraniluun­niit kuk­kukuul­luun­niit angutivis­sap qarlorfiani ul­laan­nguler­neraniluun­niit – tas­san­ngaan­narmi tikiul­luni sinit­tusi naam­mat­tooqinavaasi. Ilis­sin­nut oqaaserisara una tamanut oqaaseraara: Eq­qumagitsi!” – Mark 13:33-37.

Up­perisarsior­neq eq­qun­ngitsoq saas­sun­neqariaan­naavoq

11 Jiisusip ajoqersugaasa taan­na 1914-imi kun­ngisut naalak­kersuilersimasoq paasigamik­ku naggatis­saq nal­liuteriaan­naasoq paasivaat. Taamaat­tumik oqaluus­sinerunermik­kut piareersar­put. Jiisusi oqar­poq tikiun­nis­sani kingusin­nerusin­naasoq, tas­sa ‘ul­laan­nguler­nerani’ tikius­sin­naal­luni. Taamaas­sap­pat ajoqersugai susariaqar­pat? Jiisusi ima oqar­poq: “Eq­qumagitsi!” Tas­sa misigigaluarut­taluun­niit sivisuumik utaq­qisimal­luta imaan­ngilaq naggatis­saq  nal­liutingajalin­ngitsoq nalitsin­niluun­niit nal­liutis­san­ngitsoq.

12. Habak­kukip Jehova qanoq aperivaa, Jehovalu qanoq akiva?

12 Pruf­fiiti Habak­kuki Jerusalemip piuneerus­saanis­saa oqaluus­sis­sutigiitigalugu erinitsajuil­luni utaq­qivoq. Aam­ma Habak­kuki sioq­qul­lugu pruf­fiitit al­lat taman­na ukior­pas­suar­ni oqaluus­sis­sutigaat. Habak­kukip taamani takusin­naagamiuk sior­natigor­nit ajus­suseqar­nerul­lunilu naaper­tuil­luan­ngitsoqar­nerusoq ilungersorluni Jehovamut ima qinuvoq: “Qanoq sivisutigisumik kap­pialas­saner­punga?” Naggatis­saq qaqugu nal­liutis­sasoq oqaatigin­ngik­kaluarlugu Jehova oqar­poq ‘piviusun­ngorumaar­toq [kingusinaar­navian­ngitsoq, NW]’. Aam­ma Habak­kuki oqarfigaa ilimasul­luni utaq­qiin­nas­sasoq. – Habak­kuki 1:1-4; 2:3 atuak­kit.

13. Habak­kuki qanoq eq­qarsarsimasin­naagaluar­pa, taman­nalu sooq navianarsimas­sagaluar­pa?

13 Takorlooruk Habak­kukip naggatis­saq utaq­qikatal­lugu ima oqar­toq: ‘Jerusalemip piuneerus­saanis­saa ukior­pas­suar­ni tusar­tar­para. Naggatis­saq nal­liuk­kal­lar­navian­ngilaq. Oqaluus­sis­sutigiuar­tariaqan­ngilara. Al­lat taamaaliorlit.’ Taamatut eq­qarsarsimasuup­pat susoqarsimas­sagaluar­pa? Jehovamit iluarisaajun­naarsimas­sagaluar­poq. Taamanilu naggatis­saq nal­lium­mat piareersimasiman­ngik­kuni toqusimas­sagaluar­poq.

14. Sooq qularin­ngilar­put ‘eqiingal­luta’ naggatis­saq utaq­qiuarutsigu pakatsis­san­ngitsugut?

14 Takorlooruk silarsuar­taas­samiil­lutit pereersut eq­qarsaatigigitit. Ul­lus­sani kingul­ler­ni pisus­satut siulit­tuutigineqar­tut Jehovap oqar­neratorluin­naq tamarmik eq­quus­simap­put. Jehova suli tatiginerulersimavat, neriorsuutinilu al­lat tamaasa aam­ma eq­quutitik­kumaarai suli up­perinerulersimavat. (Josva 23:14 atuaruk). Jehovap pif­fis­saq eq­qorlugu naggatis­saq nal­liutitim­magu in­nut­tanilu ‘eqiingal­lutik’ utaq­qinis­saan­nik oqaaq­qis­saarsimam­magit qujamasungaar­putit. – ApS 1:7; 1 Petr 4:7.

UTAQ­QITIL­LUTA OQALUUS­SIUAR­TA

Aal­lus­sil­luarlutit nutaarsias­saq nuan­nersoq oqaluus­sis­sutigaajuk? (Im­mik­koor­toq 15 takuuk)

15, 16. Sooq naggatis­sap nalaani maan­nak­kut sapin­ngisatsin­nik oqaluus­sisariaqar­pugut?

15 Jehovamut kif­far­tor­ner­put inuunitsin­ni pingaar­nerutis­sagip­put Jehovap peqatigiis­sor­taanit eq­qaasin­neqar­tuar­pugut. Eq­qaasitsis­sutit tamak­ku Guutimut  kif­far­tor­nermi ulap­puteqar­tuar­nis­samut tusarlius­sal­lu nukingin­nar­nerata puiun­ngin­nis­saan­nut iluaqutigaavut. Nalunaaqutip Jiisusip oqaatigisaata maan­nak­kut eq­quun­nera naggatis­sal­lu nal­liutiliivin­nera up­peril­luin­nar­par­put. Taamaat­tumik Jehova inuunitsin­ni sal­liutip­par­put naalagaaf­fim­mil­lu nutaarsias­saq nuan­nersoq oqaluus­sis­sutigiuarlugu. – Mat­t 6:33; Mark 13:10.

16 Inuit al­lat Saatanip silarsuaata suujun­naarsin­neqangajaler­neranit aniguisin­naaq­qul­lugit nutaarsias­saq nuan­nersoq oqaluus­sis­sutigisar­par­put. Imaatigut ajunaar­nersuit ajor­ner­paat ilaat 1945-mi pivoq umiarsuaq Wilhelm Gustlof­f umium­mat. Inuit tuusintilik­kuutaat ajunaar­put. Qatan­ngutip ar­nap uinilu umiarsuarmit an­naan­neqar­tup eq­qaamavaa umiarsuaq kiviar­toraluar­toq ar­naq ima nil­liasoq: “Kuf­fer­tik­ka! Kuf­fer­tik­ka! Pin­nersaatik­ka! Pin­nersaatik­ka tamarmik umiarsuup initaaniip­put. Suut tamaasa an­naavak­ka!” Ilaasul­li al­lat suna pingaar­ner­paanersoq nalun­ngin­namik­ku inuit an­naan­niarlugit ilungersor­put. Ul­lumik­kut­taaq inuit navianar­torsior­put. Umiarsuarmut umiusumut ilaasut nam­minis­sarsiun­ngitsut as­sigerusup­pavut oqaluus­siner­pul­lu nukingin­nar­toq pingaar­tik­kusul­lugu. Inuit silarsuup  naggatis­saanit aniguisin­naaq­qul­lugit sapin­ngisatsin­nik ikiorusup­pavut.

Silatusaar­tumik aalajangiigit, oqaluus­sinerul­lu nukingin­nangaar­nera eq­qumaf­figiuaruk (Im­mik­koor­toq 17 takuuk)

17. Sooq naggatis­sap nal­liuteriaan­naanera up­perisin­naavar­put?

17 Biibilimi siulit­tuutit maan­nak­kut eq­quut­tut silarsuul­lu ajor­tup naggatis­saa qanit­tuararsuusoq erseq­qip­poq. ‘Nas­suit qulit nersutil­lu’ up­perisarsior­nermik eq­qun­ngitsumik, Babylonersuarmik, saas­sus­sinis­saat utaq­qivar­put. (Saq­q 17:16) Isumaqas­san­ngilagul­li sivisoorujus­suarmik utaq­qis­sagip­put. Eq­qaamas­savar­put up­perisarsior­nermik eq­qun­ngitsumik saas­sus­sineq Guutip ‘nas­sun­nut qulinut nersum­mul­lu naam­mas­sitis­sagaa’ taak­kualu saas­sus­seriaan­naasut! (Saq­q 17:17) Saatanip silarsuaata ajor­tup naggatis­saa nal­liutingajaler­poq. Taamaat­tumik Jiisusip peq­qus­sutaa una naalat­tariaqar­par­put: “Mianersoritsi uum­matisi malus­sarlersitaaq­qunagit aalakoor­nermit imerajun­nermil­lu inuunerul­lu matuma piinik isumakuluutinit, pakasar­teq­qunasi ul­lup taas­suma tas­san­ngaan­naq tikiun­neranit nigar­tuutitut il­luni.” (Luk 21:34, 35; Saq­q 16:15) Eq­qumajuarlutalu Jehovamut kif­far­tor­nermut tun­ngasunik ulap­puteqar­tuar­ta qularinagu Guuti ‘im­minik neriuf­figin­nit­tunik’ ikiuisar­toq. – Es 64:3.

18. Al­laaserisami tul­liut­tumi apeq­qut suna akineqar­pa?

18 Silarsuup ajor­tup matuma naggatis­saa utaq­qitil­lutigu ajoqersuk­kap Judasip siun­nersuutaa una maluginiar­tariaqar­par­put: “Ilis­sili asasak­ka, up­perisarsi il­ler­nar­toq tun­ngavigalugu im­mis­sin­nut ineriar­tor­tin­niaritsi qinusarlusilu Anersaak­kut Il­ler­nar­tuk­kut. Guutip asan­nin­neraniit­tuin­naritsi Naalak­kat­ta Jiisusi-Kristusip nal­lit­tuinerata ilis­sin­nik inuunermut naas­saan­ngitsumut pisitsinis­saa utaq­qitil­lugu.” (Jud 20, 21) Qanorli ersersis­sin­naavar­put Guutip silarsuar­taas­saa qanit­tuk­kut nal­liutis­sasoq up­peril­luin­narlugulu qilanaarigip­put? Al­laaserisami tul­liut­tumi taman­na sam­mis­savar­put.

^ par. 1 Mis­siarsi pil­lugu Biibilimi siulit­tuutit eq­quunerisa ilaat al­las­simap­put uani: Biibilimi sorpiaat ajoqersuutigineqarpat?, qupp. 200.