Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Decembari 2013

Eqqaamavigit?

Eqqaamavigit?

Atuagassiaativut saqqummertut kingulliit atuaqqissaarnikuuigit? Apeqqutit tulliuttut uku akisinnaanerlugit misilissinnaavat:

Jiisusi “anersaanut parnaarussaasunut” qanga oqaluussiva? (1 Petr 3:19)

Jiisusip anersaapiluit naapertuilluartumik pillarneqarnissaat makititaanermi kingorna taakkununnga nalunaarutigisimassagunarpaa. — 15/6, qupp. 23.

Qaqugu Jiisusip inuit savatut savaasatulluunniit eqqartuutissavai? (Matt 25:32)

Jiisusi taamaaliussaaq annikilliornartussarsuarmi upperisarsiornerup eqqunngitsup piuneerunneqarnerata kingorna tikiukkuni inuit eqqartuukkumallugit. — 15/7, qupp. 6-7.

Qaqugu ‘inatsisinik unioqqutitsisut’ qajuusiassat naasupiluillu pillugit assersuusiami eqqartorneqartut qiallutillu qorsaqqortarumaarpat? (Matt 13:36, 41, 42)

Annikilliornartussarsuarmi aniguisinneqarsinnaanatik paasigunikku taamaaliussapput. — 15/7, qupp. 13.

Jiisusip inussiaq aalajaallunilu silatooq pillugu oqaasii qanga eqquutitinneqalerpat? (Matt 24:45-47, NW)

Jiisusip oqaasii taakku ukiumi 33-mi piinsip ulluani eqquutitinneqaleratik 1914-ip kingorna eqquutitinneqalerput. 1919-imi inussiaq kiffanut, kristumiunut tamanut anersaakkut nerisinneqartartunut, paarsisunngortinneqarpoq. — 15/7, qupp. 21-23.

Qaqugu Jiisusip inussiaq aalajaallunilu silatooq pigisaminut tamanut paarsisunngortissavaa?

Siunissami annikilliornartussarsuarmi inussiaq aalajaallunilu silatooq qilammiinnissamik akissarsisinneqarpat taamaaliussaaq. — 15/7, qupp. 25.

Nalunaajaasut 230-t Guutimit nakussatsinneqarnermik saniatigut Sachsenhausenimi tigusanut inissiarsuarmit ingerlaarnermit aniguinissaminnut suna iluaqutigaat?

Napparsimanertik kaannertillu pissutigalugit sanngiikkaluaqalutik pinertusaarnissamut kajumissaaqatigiittuaramik ingerlarsortuarsinnaapput. — 15/8, qupp. 18.

Qanoq pornografiip nigaanit aniguisoqarsinnaava?

Ajornartorsiummit aniguinissamut iliuuserineqarsinnaasut inuppassuarnit iluaqutigineqarsimasut ukuupput: Guutimut qinugit; allanit ikiorneqartigit (Jaak 5:16); paasiniaruk suut eqqunngitsumik iliuuseqarusulissutigisarnerlugit ingalassimaniarlugillu (Matt 5:29); Guutimut attaveqarnerit nakussatsiguk. — 1/9, qupp. 7.

Aappaneqqittut aappariilluarnissaannut unamminiarnartut pingasut suuppat?

Tassaapput: Aappap siulliup maannakkut aapparisamit initunnginnerunissaanik ilungersuutiginninnerit; ikinngutitoqqanik maannakkut aappannik ilisarisimanninngitsunik peqateqartarnerit; aapparisimasat allasiorsimammat maannakkut aapparisannik tatigiuminaatsitsinerit. — 1/9, qupp. 9-10.

Sooq Israelikkut nunamik neriorsuutigisamik tiguaaniarlutik kuussuup Jordanip ikaarnerannik oqaluttuaq qiimmassaatigisinnaavarput?

Jehovap innuttani ikaarsinnaaqqullugit kuussuaq qarsutsisimasoq kuukkunnaartippaa. Tamanna uppernikkut nakussatsissutigisimassavaat Jehovamillu tatiginninnerulissutigisimassallugu. Uaguttaaq oqaluttuaq tamanna qiimmassaatigisinnaavarput. — 15/9, qupp. 16.

Qanoq nalunngilarput Biibilimi oqaatsit tamarmik piulernerannik oqaluttuaq ilumoortuusoq?

Itsarnitsat oqaatsit allanneqarsimasut pisoqaassusaannit suminngaanneernerannillu, oqaatsit naggueqatigiit assigiinngilluinnarnerannit itsarlu oqaatsit ajornakusoornerannit erserpoq Babelimi qanoq pisoqarsimaneranik oqaluttuaq Biibilimiittoq tutsuiginarluinnartuusoq. — 1/11, qupp. 13-15.

Savanik paarsisut inunnullu naalagaanerit pillugit siulittuut Mikap allagaani 5:4-mi eqqaaneqartoq ullumikkut qanoq eqquuppa?

Paasivarput ‘savanik paarsisut arfineq-marluk inunnullu naalagaanerit arfineq-pingasut’ Mikap allagaani 5:4-mi eqqaaneqartut tassaasut ilagiinni utoqqaanertat Guutip innuttaanik siunissami saassunneqarnissap anigornissaanut nakussassaasut. — 15/11, qupp. 20.