Atuagassiaq nutaaq qupperaangakku qasseriarlutit taama eqqarsartarpit allanulluunniit taama oqarlutit? Assiliartat kusanartut suliareqqissaakkat siunertaqarput. Eqqarsalersinniarluta misigissuseqartinniarlutalu ilinniartitsinermi atugassiaapput. Ingammik iluaqutaasarput Napasuliaq Alapernaarsuiffik-mik atuaqqissaaqatigiinnissamut piareersaraangatta atuaqqissaarnermilu peqataagaangatta.

Assersuutigalugu atuaqqissaaqatigiissutissat aallaqqaataanni assiliartaqartarpoq. Allaaserisami piareersakkanni sooq assiliartaq taannarpiaq toqqarneqarsimanersoq eqqarsaatigiuk. Suna assiliartaritinneqarpa? Allaaserisap qulequtaanut allassimaffimmullu najoqqutarineqartumut qanoq attuumassuteqarpa? Eqqarsaatigiuk assiliartai allat allaaserineqartumut ilinnullu qanoq attuumassuteqarnersut.

Napasuliaq Alapernaarsuiffik-mik atuaqqissaaqatigiinnermi aqutsisup ilagiinniittut periarfississavai assiliartat pillugit oqaaseqarnissamut — allaaserisap ilinniutissartaanut qanoq naapertuunnersut qanorlu sunnertissutigisimaneraat. Ilaannikkut assiliartap allagartaani allassimasarpoq assiliartaq immikkoortumut sorlermut attuumassuteqartoq, allassimanngippallu aqutsisup aalajangissavaa immikkoortumut sorlermut atatillugu assiliartaq eqqartorneqassanersoq. Taamaaliornikkut Guutip oqaasianit ilinniagassat takorlooruminarsarneqarnerat najuuttut tamarmik iluaqutigilluassavaat.

Qatanngutip angutip tamanna ima oqaatigaa: “Allaaserisaq allataalluartoq atuareerlugu assiliartat allaaserisamik nuannarinninnerulersitsisarput.”