„[Jehovap] perorsaanera asigin­naqinagu.“ — USSATIT 3:11.

1. Sooq Guutip perorsaatis­siinera akuerisariaqar­par­put?

SALOMOP, itsaq Israelimi kun­ngiusup, Guutimit perorsaatis­sin­neqar­nerup akuerinis­saanut tamat­ta im­mik­kut pis­sutis­saqarluar­ner­put eq­qaavaa. Salomo ima al­lap­poq: „Er­nera, [Jehovap] perorsaanera asigin­naqinagu ilitsersuineralu [oqaaq­qis­saarineralu, NV] asis­sor­nagu. [Jehovam­mi] asasani anusin­ngorsar­tar­paa soorlu ataatap er­nini asasani taama iliorfigisaraa.“ (Us­satit 3:11, 12) Aap, Ataatavit qilam­miusup illit perorsaatis­sit­tar­paatit asagamisit.

2. ’Perorsaaneq’ isumasiorlugu qanoq nas­suiar­neqarsin­naava, aam­ma qanoq perorsaatis­sin­neqar­toqarsin­naava?

2 Oqaatsimi ’perorsaaneq’-mi ilin­niar­titsineq, ajoqersuineq, oqaaq­qis­saarineq naveersinerlu pineqar­put. Paulusi ima al­lap­poq: „Perorsagaaneq sunaluun­niit atuutsil­luni iluaaginar­tuusaraluar­poq nuan­nersor­taqar­nani, kingunerisar­paali eq­qis­sineq iluar­nerlu [naaper­tuil­luar­nerlu, NV].“ (Hebræerit 12:11) Guutimit perorsaatis­sin­neqar­nermik akuerin­nin­neq tamatumalu inuunin­ni ator­nera aq­qutik­kut naaper­tuil­luar­tuk­kut ingerlanis­samut taamaalil­lutil­lu Jehovamut, Guutitsin­nut il­ler­nar­tumut, qanil­linerunis­san­nut iluaqutigis­savat. (Tus­siaat 99:5) Up­peqatitit, kristumiut ataatsimiin­nerini ilik­kak­katit aam­ma Guutip oqaasianik atuagas­sianil­lu atuak­kanil­lu ’il­lumi pisor­taatitaasumit aalajaatsumeersunik’ atuaq­qis­saar­nerit aq­qutigalugit oqaaq­qis­saar­neqarsin­naavutit. (Lukasi 12:42-44, NV) Naq­qin­neqar­tariaqar­tunik taamatut paasitin­neqar­tar­ner­put qujamasuutigingaarsin­naavar­put! Ajor­tuliorujus­suarsimasoqar­til­luguli perorsaatis­siineq qanoq it­toq pisariaqarsin­naava?

Sooq ilaat ilaajunnaarsitaasartut

3. Qaquguk­kut ilagiin­nut ilaajun­naarsitsisoqar­tar­pa?

3 Guutip kif­faasa Biibili kristumiul­lu atuagas­siaataat atuagaataal­lu atuaq­qis­saar­tar­paat, taak­kualu ataatsimiin­nerini ataatsimeersuar­nerinilu  Jehovap najoq­qutas­siai pil­lugit ilin­niar­tin­neqar­tar­put. Taamaam­mat kristumiut Jehovamit qanoq piumaf­figineqar­nerlutik ilisimal­luar­paat. Ilagiin­nut ilaasor­taasoq aatsaat ilaajun­naarsin­neqar­tar­poq peqqissimissutiginngisaminik ingasat­tumik unioq­qutitsisimap­pat.

4, 5. Ilaajun­naarsitsineq pil­lugu Biibilimi oqalut­tuaq suna matumani eq­qaaneqar­pa, aam­ma sooq ilagiit kajumis­saar­neqar­pat angut ilan­ngutiteq­qeq­qul­lugu?

4 Ilaajun­naarsitaasoq pil­lugu Biibilimi oqalut­tuaq misis­soriar­tigu. Korinthimi ilagiit ’kinguaas­siuutitigut inuunerlut­toqar­nera al­laat Guutimik nalusuni ileq­qorineqan­ngitsumik, tas­sa ataatami nulianik inooqateqar­toqar­nera’ akueraat. Paulusip Korinthimiut kajumis­saar­pai ’inuk taan­na Saatanimut pisin­neqaq­qul­lugu uin­ngata nungutin­neqaatis­saanik anersaava [anersaaq, NV] an­naan­neqaq­qul­lugu’. (1 Korinthimiut 5:1-5) Ajor­tulior­toq ilaajun­naarsitaagami taamaalil­lunilu Saatanimut pisin­neqarluni Diaavulup silarsuaanut ilaaq­qiler­poq. (1 Johan­nesi 5:19) Taas­sumin­nga ilaajun­naarsitsinik­kut uinim­mut atasoq sun­niuteqapilut­toq ilagiin­nit peer­neqar­poq ilagiil­lu ’anersaavat’, imaluun­niit isigin­nit­taasiat, Guutimik mianerin­nit­toq pigiuar­neqarluni. — 2 Timotheusi 4:22; 1 Korinthimiut 5:11-13.

5 Kingusin­nerusuk­kut Paulusip kristumiut Korinthimiit­tut kajumis­saar­pai unioq­qutitsisoq ilagiin­nut ilan­ngutiteq­qeq­qul­lugu. Sooq? ’Saatanimit nakutin­neqaq­qunatik’, Paulusi al­lap­poq. Ajor­tulior­toq al­lamik isumataarsiman­nguatsiar­poq minguitsumil­lu inooq­qilersiman­nguatsiarluni. (2 Korinthimiut 2:8-11) Korinthimiut ajor­tulior­toq peq­qis­simisoq ilan­ngutiteq­qik­kuman­ngitsuup­pas­suk Saatanip nakutis­simas­sagaluar­pai, kis­saatigisamisut naak­kit­taatsigiler­nias­sam­mata isumak­keerfigin­nin­nis­samul­lu kajumis­suseqan­ngitsigiler­nias­sam­mata. Ilimanarluin­nar­poq angut peq­qis­simisoq ’isumak­keerfigipal­lal­lugulu tup­pal­lersar­niapal­las­simas­sagaat’. — 2 Korinthimiut 2:5-7.

6. Suna siuner­taralugu ilaajun­naarsitsisoqar­tar­pa?

6 Suna siuner­taralugu ilaajun­naarsitsisoqar­tar­pa? Jehovap aq­qa kan­ngunarsar­neqaq­qunagu in­nut­taasalu tusaamasaal­luar­nerat il­lersor­niarlugu. (1 Petrusi 1:14-16) Ajor­tulior­tumik peq­qis­simin­ngitsumik ilagiin­nut ilaajun­naarsitsineq Guutip naaper­tuil­luar­nermut najoq­qutas­siaanut ilagiil­lu anersaak­kut minguis­susian­nut il­lersuutaasar­poq. Aam­ma taman­na ajor­tulior­tumik silat­tuaqisitsisin­naavoq.

Sooq apustili Paulusip Korinthimiut ilaajunnaarsitsisarneq pillugu siunnersorlugit allaffigai?

Allamik isumataarneq pingaaruteqartorujussuuvoq

7. Daavip unioq­qutitsinerminik nas­suerutigin­nin­ngin­nera taas­sumun­nga qanoq sun­niuteqar­pa?

7 Ingasat­tumik unioq­qutitsisut amerlanersaat ilumoorlutik al­lamik isumataar­tar­put ilagiin­nul­lu ilaajun­naarsin­neqar­neq ajorlutik. Inuil­li ilaan­nut ilumoorluni peq­qis­siminis­saq imaan­naaneq ajor­poq. Israelimi kun­ngi Daavi, Tus­siaat 32-mik al­lat­toq, eq­qarsaatigeriaruk. Tus­siaam­mi erser­poq Daavip ajor­tuliani ingasat­tut, Batsebamut tun­ngas­suteqan­nguatsiar­tut, ingerlaan­naq nas­suerutigin­ngik­kai. Peq­qis­simingaar­nini pis­sutigalugu an­nikil­lioqalunilu nukis­saqar­pian­ngilaq, soorlu aasami kias­suup or­pik paner­tit­taraa. Daavip taman­na timik­kut misigis­sutsik­kul­lu atugarliuutigaa, ’unioq­qutitsininili an­ngiiaatigim­magit Jehovap isumak­keerfigaa’. (Tus­siaat 32:3-5) Taava Daavi ima erinarsor­poq: „Pil­luar­poq inuk [Jehovap] pisuus­suteqar­tutut oqaatigin­ngisaa.“ (Tus­siaat 32:1, 21990) Guutip nal­lit­tuinera misigigamiuk oqilial­laatigingaar­paa!

8, 9. Al­lamik isumataarsimaneq qanoq erser­tar­pa, taman­nalu ilaajun­naarsitaasimasup ilagiin­nut ilan­ngutiteq­qin­neqarsin­naanis­saanut qanoq pingaaruteqar­tigaa?

8 Tas­sa erseq­qip­poq ajor­tulior­toq nal­lit­tor­neqarumal­luni al­lamik isumataar­tariaqar­toq. Al­lamil­li isumataar­neq kan­ngusun­nerun­ngilaq ajor­tulial­luun­niit paasineqar­nis­saanik an­nilaangagin­nin­nerunani. Al­lamik isumataar­neq iliuuserisimasamik peq­qis­simis­sutigin­nin­ner­tut paasisariaqar­poq. Inuk al­lamik isumataar­toq ’peq­qis­simisumik ar­torsaateqangaar­tumil­lu uum­mateqar­poq’ ’kuk­kunerminil­lu aaq­qeerusul­luni’, tas­sa ajor­nan­ngip­pat iliuuserisimasaminik iluarseerusul­luni. — Tus­siaat 51:19; 2 Korinthimiut 7:11, NV.

9 Al­lamik isumataar­neq ilagiin­nut kristumiunut ilan­ngutiteq­qin­neqarsin­naajumal­luni pingaaruteqar­poq. Ilaajun­naarsitaasimasoq pif­fis­sap aalajangersimasup ingerlareersimanera pis­sutigiin­narlugu ilagiin­nut ilan­ngutiteq­qin­neqar­neq ajor­poq. Ilan­ngutiteq­qin­neqarsin­naas­saguni uum­mam­migut pis­sutsiminik al­lan­nguerujus­suar­tariaqar­poq. Ajor­tuliami ilungersunar­nera nas­suerutigisariaqar­paa aam­ma Jehovamik ilagiin­nil­lu qanoq kan­ngunarsaatigisimanini paasisariaqar­paa. Ajor­tulior­toq al­lamik isumataar­tariaqar­poq, isumak­keerfigineqar­nis­sani ilumoorluni qin­nutigisariaqarlugu Guutil­lu piumasaqaatai naaper­tuil­luar­tut naaper­torlugit  inuusariaqarluni. Ilan­ngutiteq­qin­neqar­nis­sani qin­nutigiguniuk al­lamik isumataarsimanini maan­nalu ’sulianik al­lamik isumataar­nerup piumasarisaanik suliaqar­nini’ up­per­narsarsin­naasariaqar­paa. — Apustilit Suliaat 26:20.

Sooq unioqqutitsisimaneq nassuerutigineqartariaqarpa?

10, 11. Sooq ajor­tuliaq iser­tor­niarsarineqar­tas­san­ngila?

10 Unioq­qutitsisoq ima tun­ngavilersuisin­naavoq: ’Ajor­tuliara al­lanut oqalut­tuariguk­ku imaas­sin­naavoq apeq­qutit peq­qusiileqinar­tut akisariaqalerik­ka, aam­ma ilaajun­naarsitaaratarsin­naavunga. Nipangiin­naruma tamak­ku pin­ngitsoorsin­naap­put, ilagiin­niit­tul­lu paasin­ngisaan­nas­savaat.’ Taamatut eq­qarsaraan­ni pingaarutil­lit eq­qarsaatigin­ngitsoor­neqarsimas­sap­put. Suut?

11 Jehova tas­saavoq „Guuti nal­lit­tuisoq, saam­maasoq, kamajasuun­ngitsoq, isumas­suingaar­toq un­neq­qaringaar­torlu; asan­nit­toq tusindilin­nut, ajor­tulianik unioq­qutitsiner­nil­lu isumak­kiisoq“. Taamaak­kaluar­torli in­nut­taminik perorsaatis­siisar­poq „naleq­qut­tumik“. (2 Mosesi 34:6, 71990; Jeremia 30:11, NV) Ajor­tuliorujus­suaraluaruit, taava Guutip qanoq nal­lit­torsin­naas­sagamisit iliuuserisimasatit iser­tor­niarsariguk­kit? Jehovap qanoq pisoqarsimanersoq nalun­ngil­luin­nar­paa, unioq­qutitsineril­lu isigin­ngitsuusaagin­nar­neq ajor­pai. — Us­satit 15:3; Habak­kuki 1:13.

12, 13. Unioq­qutitsinermik iser­tuiniarsarineq qanoq kinguneqarsin­naava?

12 Ajor­tuliorujus­suarsimaguit, tamatumin­nga nas­suerutigin­nin­nerit ilerasuuteqarun­naaq­qin­nis­san­nut iluaqutigis­savat. (1 Timotheusi 1:18-20) Nas­suerutigin­nin­ngik­kuil­li nalun­ngeqatigin­nis­sutit mingutsin­neqarsin­naavoq, taman­nalu suli al­lanik unioq­qutitsiner­nik kinguneqarsin­naavoq. Eq­qaamajuk inum­mut al­lamuin­naan­ngitsoq imaluun­niit ilagiin­nuin­naan­ngitsoq ajor­tulior­tutit. Guutimununa ajor­tulior­tutit. Tus­siaasior­toq ima erinarsor­poq: „Qilam­mi ip­poq [Jehovap] is­siavis­saarsua, isai nak­kutil­liip­put, isiger­nata inuit misis­suif­figai. [Jehovap] iluar­toq iluan­ngitsorlu misis­suif­figai.“ — Tus­siaat 11:4, 5.

13 Jehovap ilagiin­ni kristumiuni minguitsuniigin­narsin­naajumal­lutik ingasat­tumik ajor­tuliorsimanermin­nik iser­tuisut pil­luaq­qujuman­ngilai. (Jaaku 4:6) Taamaat­tumik ajor­tuliorsimaguit eq­qor­tumil­lu ilior­nis­sat kis­saatigiguk­ku, unioq­qutitsinin­nik ilumoorlutit nas­suerutigin­nin­nis­san­nut nangaaqinak. Taamaaliun­ngik­kuit qamuuna ilerasut­tas­saatit, ingam­mik pimoorusas­sat tamak­kua pil­lugit atuarlutil­luun­niit siun­nersuum­mik tusagaqaraangavit. Jehovam­mi anersaani ilin­nit peeraluar­pagu, soorlumi kun­ngi Saulimut taamatut iliorsimasoq? (1 Samueli 16:14) Guutip anersaavanit najor­neqar­nak suli ingasan­nerusunik ajor­tuliorsin­naavutit.

Qatanngutitit aalajaatsut tatigikkit

14. Sooq unioq­qutitsisup siun­nersuut Jaaku 5:14, 15-imiit­toq malit­tariaqar­paa?

14 Taamaam­mat ajor­tulior­toq peq­qis­simisoq qanoq ilior­tariaqar­pa? „Taas­suma ilagiit utoq­qaaner­taat qaaq­qus­savai, taak­kualu [Jehovap] aq­qani uuliamik tanis­savaat qin­nul­lugulu. Up­per­nik­kut qin­nutaasup nap­parsimasoq an­naatis­savaa, [Jehoval­lu] ajorun­naarsis­savaa.“ (Jaaku 5:14, 15) Ilaatigut utoq­qaaner­tanut saaf­figin­nin­nik­kut ’al­lamik isumataar­nermut naaper­tuut­tunik inerititaqar­toqarsin­naavoq’. (Mat­thæusi 3:8) Angutit aalajaal­lutil­lu asan­nit­tut taak­kua taan­na „[Jehovap] aq­qani uuliamik tanis­savaat qin­nul­lugulu“. Taak­ku siun­nersuutaat Biibilimeersut ilumoorluni al­lamik isumataar­tumut uuliatut ilorraal­laataasutut eq­qis­sial­lan­nas­sap­put. — Jeremia 8:22.

15, 16. Utoq­qaaner­tat kristumiut Guutip maligas­siaa Ezekieli 34:15, 16-imi al­laatigineqar­toq qanoq malit­tar­paat?

15 Paarsiser­put, Jehova, asan­nin­nermik taama it­tumik ersersitsivoq ukiumi 537-mi u.n.s. juutit Babylonimi aal­larus­saaq­qaneran­nit aniguisik­kamigit, aam­ma 1919-imi u.n.k. Israelik­kut anersaak­kut it­tut ’Babylonersuarmit’ aniguisik­kamigit. (Saq­qum­mersitat 17:3-5; Galatiamiut 6:16) Taamaalil­luni neriorsuutini una eq­quutitip­paa: „Savaatik­ka uanga nam­mineq paariumavak­ka aqupitil­lugil­lu . . . Savat tam­mar­tut ujas­savak­ka siam­mar­tul­lu katersorlugit, ikiligaasut mat­tuserlugit, san­ngiitsut nakus­satsil­lugit.“ — Ezekieli 34:15, 16.

16 Jehova savanik paarsisutut as­sersuutaasumik savaatiminik isumas­suil­luar­tutut ip­poq, ilaatigut taak­kunin­nga anersaak­kut inuus­sutis­sanik tunioraanermigut, aqupisitsisin­naanermigut tam­mar­tunil­lu ujaasisar­nermigut. Paarsisut­taaq kristumiut Guutip savaataasa anersaak­kut neril­luar­tarlutil­lu toq­qis­sisimanis­saat qulak­keer­tar­paat. Utoq­qaaner­tat savat ilagiin­nit qimagus­simasut ujar­tar­paat.  Nak­kutil­liisut Guutip ’ikiligaasunik mat­tusersuisar­neratut’ savanik al­lat oqaasiinit ikiler­neqarsimasunik nam­min­nerluun­niit iliuuserisimasatik pis­sutigalugit naal­liuuteqar­tunik ’mat­tusersuisar­put’. Aam­ma Guutip ’san­ngiitsunik nakus­satsitsisar­neratut’, utoq­qaaner­tat anersaak­kut nap­parsimalersimasunik, im­maqa nam­min­neq unioq­qutitsinitik pis­sutigalugit anersaak­kut nap­parsimalersimasunik, ikiuisar­put.

Paarsisut qanoq ikiuisartut

17. Sooq utoq­qaaner­tanut anersaak­kut ikior­tis­sarsior­nis­samut nangaas­san­ngilagut?

17 Utoq­qaaner­tat siun­nersuut una kajumil­lutik malip­paat: „Al­lat nal­lit­tus­savasi, kisian­ni ersinermik ilaqar­tumik [mianerin­nil­lusi, NV].“ (Judasi 23) Kristumiut ilaat kinguaas­siuutitigut inuunerlus­simap­put taamaalil­lutil­lu ingasat­tumik ajor­tuliorlutik. Ilumoorlutil­li al­lamik isumataarunik utoq­qaaner­tanit anersaak­kut ikiuerusungaar­tunit asan­nit­tumik pineqar­nis­sar­tik nal­lit­tor­neqar­nis­sar­til­lu naatsorsuutigisin­naavaat. Paulusi angutit taamaat­tut pil­lugit im­minul­lu pil­luni ima al­lap­poq: „Up­per­nis­sin­nut naalagaan­ngilagut nuan­naar­tuar­nis­sarsili suleqataaf­figaar­put.“ (2 Korinthimiut 1:24) Taamaam­mat qatan­ngutinut taak­kunun­nga anersaak­kut ikior­tis­sarsior­nis­san­nut nangaan­ngisaan­narit.

18. Utoq­qaaner­tat up­peqatit unioq­qutitsisimasut qanoq pisar­paat?

18 Ingasat­tumik ajor­tuliorsimaguit sooq utoq­qaaner­tat tatigisin­naavigit? Sulias­saat pingaar­neq tas­saam­mat Guutip savaataanik paarsisuunissaq. (1 Petrusi 5:1-4) Paarsisup asan­nit­tup savaaraq naalatsik­kuminar­toq naak­kinar­palut­tumik meer­tor­toq ajoqusersimanera pil­lugu pil­larlugu an­nersin­navian­ngilaa. Taamaam­mat utoq­qaaner­tat up­peqatit unioq­qutitsisimasut ikioraangamik­kik unioq­qutitsisup qanoq pil­lar­nis­saa sam­minagu, ajor­tuliorsimanera ajor­nan­ngip­pal­lu anersaak­kut peq­qis­seq­qin­nis­saa sam­misar­paat. (Jaaku 5:13-20) Utoq­qaaner­tat naaper­tuil­luar­tumik eq­qar­tuus­sisariaqar­put ’savar­pan­nil­lu qajas­suus­sisariaqarlutik’. (Apustilit Suliaat 20:29, 30; Esaja 32:1, 2) Kristumiut al­lat tamarmik pisar­nerat­tut, utoq­qaaner­tat ’naaper­tuil­luar­tumik ilior­tariaqar­put, ilumoorfigin­nil­luni tun­niusimaneq nuan­narisariaqar­paat, an­neruniajuil­lutil­lu Guuti saqeqatigisariaqarlugu’. (Mika 6:8, NV) Pis­suserineqar­tus­sat tamak­ku pingaaruteqar­tupilus­suup­put Jehovap ’savaataanut’ taak­kualu inuuneran­nut kif­far­tor­neran­nul­lu il­ler­nar­tumut tun­ngasunik aalajangiis­sagaan­ni. — Tus­siaat 100:3.

Itsaq savanik paarsisut pisarnerattut utoqqaanertat kristumiut Guutip savaatai ikilerneqarsimasut ’mattusersortarpaat’

19. Kristumiut utoq­qaaner­tat qanoq isigin­nit­taaseqarlutik unioq­qutitsisut ikior­niar­tar­paat?

19 Paarsisut kristumiut anersaamit il­ler­nar­tumit toq­qar­neqar­put, aam­ma tamatuman­nga siulersor­tin­niar­tar­put. ’Inuk misigin­ngitsoorluni pinerluk­kaluar­pat’ (1900/1961) — ajor­timit pakasar­neqarlunilusooq — angutit anersaak­kut pigin­naaneqarluar­tut ’qanilaarlutik iluarsinis­saanut ikior­nias­savaat’. (Galatiamiut 6:1; Apustilit Suliaat 20:28) Utoq­qaaner­tat qanilaarlutik, imaluun­niit saamal­lutik,  aalajangersimal­lutil­li Guutip najoq­qutas­siaanik maleruaal­lutik, unioq­qutitsisimasup eq­qarsar­taasia naq­qin­niarsaris­savaat eq­qor­tumik eq­qarsaleq­qin­nias­sam­mat. Taman­na as­sersuun­neqarsin­naavoq nakorsamut qajas­suus­sisumut saanermik napisimasumik mianersorluni inis­siisumut, ajoqusersimasoq pisariaqan­ngitsumik an­niar­tin­nagu. (Kolos­semiut 3:12) Utoq­qaaner­tat nal­lit­tuigaangamik tamatigut qinunik­kut Jehovamit siulersor­neqarumareer­nermik Biibilimilu najoq­qutas­sianik atuereer­nermik kingor­na nal­lit­tuisas­sap­put. Taamaam­mat aalajanger­nerat Guutip pis­sutsinut isigin­nit­taasianik ersersitsis­saaq. — Mat­thæusi 18:18.

20. Inuup aalajangersimasup oqaaq­qis­saar­neqarsimanera pil­lugu ilagiin­nut nalunaaruteqar­nis­saq qaquguk­kut pisariaqarsin­naava?

20 Ajor­tuliaq inup­pas­suar­nit ilisimaneqar­pat ilisimaneqaler­nis­saaluun­niit qular­nan­ngip­pat, ilagiit tusaamasaal­luar­nerat il­lersor­niarlugu ilagiin­nut nalunaaruteqar­toqar­tariaqarsin­naavoq. Aam­ma nalunaaruteqar­toqas­saaq ilagiit ilisimatin­neqar­tariaqar­pata. Inuk eq­qar­tuus­sisunik ataatsimiititaliamit oqaaq­qis­saar­neqarsimal­lunilu anersaak­kut peq­qis­siar­tor­toq inum­mut aq­qunar­titereermi kingunerisaanik sulisin­naan­ngik­kal­larluni aaq­qik­kiar­tor­tumut as­sersuun­neqarsin­naavoq. Qular­nan­ngitsumik pif­fis­sap ilaani ajor­tulior­tumut peq­qis­simisumut iluaqutaas­saaq ataatsimiin­ner­ni akinani tusar­naagin­nar­nis­saq. Utoq­qaaner­tat taas­suma Biibilimik atuaq­qis­saaqatigineqar­tar­nis­saa isumagisin­naavaat san­ngiis­sutiminik nakus­satsitsinis­saminut ’up­persutsimigul­lu peq­qis­seq­qin­nis­saminut’ ikior­neqar­nias­sam­mat. (Titusi 2:2) Tamak­ku tamarmik iliuuserineqar­tar­put asan­nin­nik­kut, iliuuserineqar­nerlu ajor­put unioq­qutitsisimasoq pil­lar­niarlugu.

21. Unioq­qutitsinerit qanoq sam­mineqarsin­naap­pat?

21 Utoq­qaaner­tat as­sigiin­ngitsutigut anersaak­kut ikiuisin­naap­put. As­sersuutigeriar­tigu qatan­ngut sior­natigut imigas­samik ajor­nar­torsiuteqarsimasoq kisimi angerlarsimatil­luni ataasiarluni marloriarluniluun­niit imer­pal­laarsimasoq. Im­maqaluun­niit inuk qangali tupator­tarun­naarsimasoq takuneqar­nani san­ngiil­liul­latsiar­nermini ataasiarluni marloriarluniluun­niit pujor­tar­toq. Jehovamut qinusimagaluaruniluun­niit isumak­keerfigineqarsimasorigaluaruniluun­niil­lu utoq­qaaner­tamut ikior­tis­sarsior­tariaqar­poq taamatut ajor­tulior­tar­neq ileq­quliutin­ngin­nias­sagamiuk. Utoq­qaaner­tap ataatsip utoq­qaaner­tal­luun­niit marluk pisimasoq sam­misin­naavaat. Taak­kuali nak­kutil­liisoq siulit­taasoq tamatumin­nga paasitis­savaat al­lanik tamatumun­nga tun­ngas­suteqar­toqarsin­naam­mat.

Jehovap perorsaatissiinera akueriuaannaruk

22, 23. Sooq Guutip perorsaatis­siinera akueriuar­tariaqar­piuk?

22 Kristumiut tamarmik im­mik­kut Guutimit akuerineqarsin­naajumal­lutik Jehovap perorsaatis­siinera eq­qumaf­figisariaqar­paat. (1 Timotheusi 5:20) Taamaat­tumik Biibilimik kristumiul­lu atuagas­siaataan­nik atuagaataan­nil­lu atuaq­qis­saar­tar­nitit ataatsimiin­neril­lu ataatsimeersuar­neril­lu Jehovap in­nut­tai peqatigalugit najuuf­figisar­tak­katit aq­qutigalugit oqaaq­qis­saar­neqar­nitit tamaviisa maniguul­lutit akuerisak­kit. Jehovap piumasaatut iliorlutit qulak­keer­nias­sagak­ku eq­qumajuarit. Taava Guutip perorsaatis­siinera ajor­tuliun­ngin­nis­samut il­lersuutaal­luar­tumik anersaak­kut it­tumik as­siaquteqar­tuar­nis­samut iluaqutigis­savat.

23 Guutimit perorsaatis­sin­neqar­neq akueriguk­ku taas­suma asan­nin­neraniit­tuin­narsin­naas­saatit. Ilumoor­poq inuit ilaat ilagiin­nut kristumiunut ilaajun­naarsin­neqarsimasut, taman­nali il­lit misigisariaqan­ngilat ’uum­matit paariguk­ku’ ’siuneqar­tutul­lu ilioruit’. (Us­satit 4:23; Efesosimiut 5:15) Maan­na il­lit ilaajun­naarsitaaq­qaguit, soormi ilan­ngutiteq­qin­neqar­nis­sat sulis­sutigiguk­ku? Guutip kis­saatigaa im­minut tun­niul­luin­narsimasut tamarmik aalajaal­lutik ’uum­matik­kul­lu kajumil­lutik’ im­minik pal­lorfigin­nis­sasut. (5 Mosesi 28:471900/1961) Il­lit naas­saan­ngitsumik taamaaliorsin­naavutit Jehovap perorsaatis­siinera tamatigut akuerisaruk­ku. — Tus­siaat 100:2.