Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Nr. 6 2016

Ungasorsuaq

Qilaat timmiaannit ilinniagassat

Qilaat timmiaannit ilinniagassat

‘Apererias­sagitit qilaat tim­miai – taak­kua ajoqersuutis­savaatsit. Tamak­kua tamarluin­narmik nalun­ngilaat Naalak­kap as­saata tamaat pin­ngor­tis­simagaa.’ – Jobi 12:7, 9.

UKIUT 3000-t matuma sior­na ataataaner­paap Jobip paasivaa tim­mis­sat Guuti pil­lugu ilin­niarfigisin­naagivut. Aam­ma tim­mis­sat pis­susilersor­tar­nerat as­sersuusiarisas­saq­qip­put. Biibilimi tim­mis­sat eq­qaaneqaraangata amerlaner­tigut taak­ku inuuneq Guutimul­lu at­taveqar­ner­put pil­lugit pingaarutilin­nik ilin­niarfigisin­naasar­pavut. Ilaat misis­soriar­tigit.

TULUGAR­NAT UL­LULIORFII

Tulugarnaq

Jerusalemimiut nalun­ngilaat tulugar­nat il­lut qaliaasa aniinganer­taan­ni ul­luliorajut­tut. Ilaasalu Salomop naalaf­fia ineqarfigisimavaat. Tulugar­nat ukiut tamaasa naalaf­fim­mi ul­lulior­tar­tut akor­nusersor­neqaratik taman­na piaq­qiorfigis­sal­lugu toq­qis­sisimanarisimas­savaat.

Tus­siaat 84-imik tus­siaasior­tup – Korap er­nerisa ilaata qaam­matit arfinilik­kuutaarlugit sapaatip-akun­nerani ataatsimi naalaf­fim­mi kif­far­tor­tar­tup – naalaf­fim­mi tim­mis­sat inaat taak­ku malugisimavai. Tulugar­natut Jehovap il­luani ineqarusungaarami ima ap­pip­poq: “Ineqarfip­pit nuan­ningaas­susia, Katersaarsuit Naalagaat! Tar­niga tuman­ngusimagaluar­poq kiperif­figalugit Naalak­kap silarliutai.” Imalu nangip­poq: “Al­laam­mi qupaloraarsuk najugas­sarsivoq tulugar­narlu ineqarfis­sarsil­luni piaq­qif­fis­saminik, pil­liiviutin­ni, Katersaarsuit Naalagaat, kun­ngiga Guutigalu.” (Tus­siaat 84:2-4) Uagum­mi? Meerar­tavul­lu Guutip in­nut­taasa ilagiivi qujamasuutigalugil­lu peqatigerusungaar­tar­pavut? – Tus­siaat 26:8, 12.

UNGASORSUUP TAK­KUF­FIS­SANI NALUN­NGILAA

Pruf­fiiti Jeremia al­lap­poq ‘ungasorsuup aal­larfis­sani tikif­fis­sanilu nalusan­ngik­kai’. Jeremiap ungasorsuit nunamik neriorsuutigisamik aq­qusaarisar­nerat ilisimal­luarsimagunar­paa. Ataatsimik uper­naak­kut ungasorsuit 300.000-t Jordanip Qoorua aq­qusaarlugu Afrikamiit Europap avan­naanut ingerlaar­tut takuneqarsimap­put. Aasap qanoq in­nerani piaq­qif­figisar­tak­kamin­nut utis­sanerlutik nalor­nisigisan­ngilaat. Tim­mis­satut ingerlaar­tar­tutut al­latul­li “tak­kuf­fis­sar­tik eq­qorlugu tak­kut­tar­put”. – Jeremia 8:7.

“Tupin­nar­ner­paavoq ingerlaar­tar­neq eq­qarsaatigeq­qaagaan­ngitsumik iliuusiusarmat,” Col­lins Atlas of Bird Migration-imi al­las­simavoq. Jehovap Guutip tim­mis­sat ingerlaar­tar­tut ‘aal­larfis­sanut tikif­fis­sanul­lu’ tun­ngatil­lugu program­meerer­pai, inuil­li pif­fis­samik paasin­nis­sin­naaq­qul­lugit eq­qarsarsin­naas­suseqar­tip­pai. (Lukasi 12:54-56) Guutimik ilisimasaqaraan­ni pif­fis­sap inuuf­figisat­ta pingaaruteqar­nera paasineqarsin­naavoq. Jeremiap nalaani Israelik­kut pif­fis­sap nukingin­nas­susia eq­qumaf­figin­ngilaat. Guutip ajor­nar­torsium­mut pis­sutaasoq ima nas­suiar­paa: “Naalak­kap oqaasii asigin­naramik­kit  ilisimas­suser­tik sumut iluaqutigis­savaat?” – Jeremia 8:9.

Biibilimi ‘ul­lus­sanik kingul­ler­nik’ taaneqar­tuni ul­lumik­kut inuunitsin­nut up­per­narsaatis­sar­pas­suaqar­poq. (2 Timotheusi 3:1-5) Ungasorsuaq ilaarlugu pif­fis­saq eq­qumaf­figaajuk?

NAT­TORALIK UNGASIS­SORSUARMUT TAKUN­NIS­SIN­NAASAR­POQ

Nattoralik

Biibilimi nat­toral­lit arlaleriarlutik eq­qaaneqar­put nunamilu neriorsuutigisami nalingin­naal­lutik. Nat­toralik ul­luminiit in­naarsum­mi qutsis­sumiit “nerisas­saminik qinaasisar­poq, ungasis­sorsuarmut al­laat takun­nis­sin­naasar­poq”. (Jobi 39:27-29) Tap­pingaarami kaniina 1 kilometerisut ungasitsigisumiit­toq takusin­naavaa.

Nat­toralit­tul­li ‘ungasis­sorsuarmut takun­nis­sin­naasutul­li’ Jehovap siunis­sami ungasis­sumi pisus­sat takusin­naagamiuk ima nalunaar­poq: “Pileq­qaar­neran­nit qanoq pisoqar­nis­saa nalunaarutigaara, itsaanil­li suli pin­ngitsut oqaatigaak­ka.” (Esaja 46:10) Jehovap siun­nersuutaanik maleruaanik­kut ilisimas­susia pisus­sanil­lu siumut isigin­nis­sin­naas­susia as­seqan­ngitsut iluaqutigisin­naavavut. – Esaja 48:17, 18.

Biibilimi Guutimik tatigin­nit­tut aam­ma nat­toralin­nut ima as­sersuun­neqar­put: “Naalak­kamik neriuf­figin­nit­tut nutaanik nukinis­sap­put, sulunis­sap­put nat­toralit­tut.” (Esaja 40:31) Nat­toralik anori kis­sar­toq qum­mukaar­toq iluaqutigalugu qutsis­sisar­tar­poq. Anori taamaat­toq nas­saarigaangamiuk taan­na isumal­luutigalugu kaavioraarfigilerlugu suluni siaar­tar­pai, nam­minerlu nukersor­nani qutsis­seriarluni ungasis­sumut aarsaaler­tar­poq. Taamatul­li Jehovamik tatigin­nit­tut ‘pis­saanermik as­seqan­ngitsumik’ tunisisin­naasoq neriuf­figaat. – 2 Korinthimiut 4:7, 8.

‘KUK­KUKUUP PIAQ­QANI SULUM­MI ATAAN­NUT KATERSOR­TAR­PAI’

Kukkukooq kukkukuuaqqallu

Jiisusi toqus­si ul­lualun­nik sioq­qul­lugu juutit il­loqarfiisa pingaar­nersaat isigiitigalugu oqar­poq: “Jerusalemi, Jerusalemi! Pruf­fiitinik toqutsisutit ilin­nul­lu aal­lar­titat ujaq­qanik mil­loorlugit. Qas­seriarlungamitaava qitor­natit katersor­niar­taraluar­pak­ka, soorlu kuk­kukuup piaq­qani sulum­mi ataan­nut katersor­tarai, piuman­ngilasili.” – Mat­thæusi 23:37.

Tim­mis­sat piaq­qamin­nik ser­nis­suerusungaar­tar­put. Tim­mis­sat nunap qaani ul­lulior­tar­tut, as­sersuutigalugu kuk­kukuut, navianar­toqarsin­naanera eq­qumaf­figeq­qis­saar­tar­paat. Kis­savim­mik qulimin­ni kaaviiaar­tumik takusaqaraangamik mianersoq­qusil­lutik nil­leraangata kuk­kukuuaq­qat anaanamik suluisa ataan­nut pipal­lat­tar­put. Aam­ma kuk­kukuuaq­qat mikisut seqinermut sialus­suarmul­lu kuk­kukuup suluisa ataan­ni il­lersorfis­sarsisar­put. Taamatul­li Jiisusip Jerusalemimiut anersaak­kut il­lersorfis­saqarusutsip­pai. Ul­lumik­kut naner­tuuteqar­tarlutalu isumakuluuteqangaar­tar­pugut, Jiisusil­li nukis­saqar­tik­kumal­luta ser­nis­sorumal­lutalu im­minukaq­quaatigut. – Mat­thæusi 11:28, 29.

Pin­ngor­titat sulul­lit ilin­niarfigingaarsin­naavavut. Pis­susilersor­neri malugigaangak­kit Biibilimi as­sersuutigineqar­neri eq­qaamasak­kit. Qanor­toq tulugar­naq eq­qaas­sutigisarlugu Jehovap il­luani pal­lorfigin­nin­neq qujamasuutigisaruk. Qanor­toq nat­toralit­tut anori iluaqutigalugu qul­larsar­tar­tutut Guuti neriuutis­sarsiorfigisaruk. Qanor­toq kuk­kukuup suluisa ataan­niit­tutul­lusooq Jiisusimut or­nigul­lutit anersaak­kut sal­lusuis­sutit ser­nis­sor­tigisak­kit. Qanor­torlu ungasorsuaq eq­qaas­sutigisarlugu silarsuarmi pisut pingaaruteqar­neran­nut ersiutaasut eq­qumaf­figiuak­kit.