Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Nr. 5 2016

 SAMMISAQ PINGAARNEQ

Guuti qanoq tuppallersaasartoq

Guuti qanoq tuppallersaasartoq

Apustilip Paulusip Jehova * tas­saanerar­paa ‘Guuti tuppallersaa­juartoq, an­nikil­liuuteqar­nitsin­ni tamani uatsin­nik tup­pal­lersaasar­toq’. (2 Korinthimiut 1:3, 4) Tas­sa Biibilimi neriorsor­neqar­pugut inoqan­ngitsoq Guutip ikiorsin­naan­ngisaanik ajunaar­nersuarmil­lu qanorluun­niit an­ner­tutigisumik nalaataqaraluarut­ta Ataatat­ta qilam­miusup tup­pal­lersarsin­naagaatigut.

Soorunami Guutimit tup­pal­lersar­neqarusuk­kut­ta iliuuseqar­tariaqar­pugut. Nakorsiar­tan­ngik­kut­ta nakorsap qanoq ikiorsin­naavaatigut? Pruf­fiiti Amosi ima aperivoq: “Inuit marluk ingerlaqatigiit­tar­ner­pat isumaqatigiis­sutigeq­qaar­nagu?” (Amosi 3:3) Imami kajumis­saar­neqar­pugut: “Guuti qanin­niarsiuk, taava taan­na ilis­sin­nut qanil­lis­saaq.” – Jaaku 4:8.

Qanoq up­perisin­naavar­put Guutip qanil­lis­sagaatigut? Siul­lermik, ikiorusul­luta oqarfigiuarmatigut. ( Ungalusaq takuuk). Aam­mami, inuit nalitsin­ni itsarlu inuusimasut Guutimit tup­pal­lersar­neqarsimal­lutik oqalut­tuaat up­per­narsaatigisin­naagatsigit.

Itsaq kun­ngi Daavi alianangaar­tunik misigisaqar­tar­poq Guutimul­lu ikior­tis­sarsior­tarluni. “Tusaruk kimigiiser­nera ikioq­qul­lunga torlulaf­figisaraangak­kit,” Jehovamut qinuvoq. Guuti akiva? Aap. Daavi ima nangip­poq: “Ikior­neqarama qiim­mat­tar­poq uum­matiga.” – Tus­siaat 28:2, 7.

JIISUSIP ALIASUTTUNIK TAMANIK TUPPALLERSAAQATAANERA

Guutip piumasaraa Jiisusi tup­pal­lersaanermi pingaaruteqas­sasoq. Guutip Jiisusimut sulias­siis­sutaasa ilagaat ‘nakorsaanis­saq aserorsimasumik uum­matilin­nik’ aam­ma ‘aliasut­tunik tamanik tup­pal­lersaanis­saq’. (Esaja 61:1, 2) Siulit­tuutigineqar­tutut Jiisusip ‘sulerulut­tut naner­tugaasul­lu’ im­mik­kut isumas­sor­pai. – Mat­thæusi 11:28-30.

Jiisusi pitsaasunik siun­nersuinermigut, inus­siar­nersuunermigut al­laal­lu ilaan­nik­kut nap­parsimasunik ajorun­naarsitsisar­nermigut tup­pal­lersaasar­poq. Ilaan­ni pupis­sup Jiisusi ilungersorluni ima qin­nuigaa: “Piumaguit minguk­kun­naarsis­sin­naavarma.” Jiisusip nal­ligalugu ima oqarfigaa: “Piumavunga, minguk­kun­naarit!” (Markusi 1:40, 41) Pupeerup­porlu.

 Ul­lumik­kut Guutip er­nerata nunarsuarmiin­ngin­nami tikil­luta tup­pal­lersar­neq ajor­paatigut. Ataataatali Jehovap ‘Guutip tup­pal­lersaajuar­tup’ pisariaqar­titsisut ikior­tuar­pai. (2 Korinthimiut 1:3) Tup­pal­lersaanermini ator­tagai pingaar­nerit sisamat malugik­kit.

  • Biibili. ‘Sior­natigut al­lagaasut tamarmik al­las­simap­put uatsin­nut ilin­niutis­saal­lutik, nikal­lujuil­luta Al­lak­kal­lu tunis­sutaat tup­pal­lersaatigalugit neriuuter­put aalajangius­sin­naaq­qul­lugu.’ – Romamiut 15:4.

  • Guutip anersaava illernartoq. Jiisusip toqunerata kingunin­ngua ilagiit kristumiut tamarmik eq­qis­sisimaler­put. Sooq? ‘Naalagaq mianeralugu inuugamik’ aam­ma ‘anersaaq il­ler­nar­toq il­lersor­tigigamik­ku’. (Apustilit Suliaat 9:31, tastamantitâĸ) Anersaaq il­ler­nar­toq, Guutip nukinga sulisoq, sun­niiner­tungaar­poq. Guutip anersaani kimil­luun­niit pis­sutsinilu qanorluun­niit it­tuni tup­pal­lersaanermi atorsin­naavaa.

  • Qinuneq. “Sumil­luun­niit isumakuluuteqar­naveeritsi, kis­saatigisasili qanoq it­tuk­kul­luun­niit Guutimut saq­qum­miut­tarsigit ... Taava eq­qis­sinerup Guutimit pisup siuneqas­suser­nit tamanit an­nerungaar­tup uum­matisi eq­qarsaatisilu ser­nigis­savai.” – Filip­pimiut 4:6, 7.

  • Uppeqatit kristumiut ikin­ngutaal­luarsin­naap­put ajor­nar­torsior­nermi tup­pal­lersaasigisin­naasat. Apustilip Paulusip ‘naal­liungaar­nermi an­nikil­liungaar­nermilu’ up­peqatini ‘im­minut tup­pal­liutaasar­tunik’ taavai. – Kolos­semiut 4:11; 1 Thes­salonikamiut 3:7.

Im­maqali eq­qarsaatigivat tamak­ku tamarmik qanoq ilumut tup­pal­lersaataasar­nersut. Al­laaserisami siul­lermi inuit ajor­nar­torsior­tut sam­misat­ta misigisaat sam­mineroriar­tigit, taak­kunatul­li il­lit­taaq up­per­narsisin­naavat Guutip neriorsuutini qamuuna at­tor­tin­nar­toq una eq­quutitit­tuaraa: “Soorlu anaanaasup qitor­nani tup­pal­lersar­taraa, taamatut uanga tup­pal­lersas­savas­si.” – Esaja 66:13.

^ par. 3 Biibili naaper­torlugu Guuti Jehovamik, imaluun­niit Jahvemik, ateqar­poq.