• UKIOQ INUUIA: 1953

  • INUN­NGORFIA: AUSTRALIA

  • OQALUT­TUAS­SAR­TAA: POR­NOGRAFIIMIK ISIGIN­NAAKULASAR­TOQ

INUUNIN­NI PEREERSUT:

Ataataga 1949-mi Tysklandimiit Australiamut nunasivoq. Aatsitas­sarsiorfin­ni nukis­siorfin­nilu sulisaler­poq Victoriamilu avin­ngarusimasumi najugas­sil­luni. Tas­sani anaanagalu katip­put, 1953-imilu inun­ngor­punga.

Ukiualuit qaangium­mata anaanaga Jehovap Nalunaajaasuinit Biibilimik atuaq­qis­saaqatigineqar­taler­poq, taamaat­tumik meeraal­lunga Biibilimi ajoqersuutit ilik­kak­kama ilaat suli eq­qaamasin­naavak­ka. Ataatagali up­perisarsior­nermut akerliul­luin­nar­poq. Nakuuser­tarlunilu qunusaarisarmat anaanama ersigil­luin­nar­paa. Anaanaga iser­torluni Biibilimik atuaq­qis­saar­tar­poq ilik­kak­kanilu nuan­narilerlugit. Ataataga angerlarsiman­ngik­kaangat ilik­kak­kaminik najagalu oqalut­tuut­tar­paatigut. Nunarsuup paratiisin­ngor­nis­saanik ileq­qoris­saar­nerlu pil­lugu Biibilimi najoq­qutas­sianik maleruaanerup pil­lualersitsisar­neranik oqalut­tuut­tar­paatigut. – Tus­siaat 37:10, 29; Esaja 48:17.

18-inik ukioqarlunga ataatama nakuuser­tar­nera pis­sutigalugu nuut­tariaqar­tutut misigivunga. Anaanama Biibilimit ilin­niar­titsis­sutigisai up­perigaluarlugit pingaar­tin­ngin­nak­kit maleruan­ngilak­ka. Aamarsuarsiorfim­mi in­naal­lagis­serisutut sulisaler­punga. 20-nik ukioqarlunga katip­punga. Ukiut pingasut qaangium­mata panip­put angajul­leq inun­ngormat inuunin­ni suut pingaar­tin­nerlugit eq­qarsaatigeq­qiler­para. Biibili ilaqutariit­tut iluaqutigisin­naal­lutigu nalun­ngin­nak­ku Jehovamik Nalunaajaasut Biibilimik atuaq­qis­saaqatigisaler­pak­ka. Nuliarali Nalunaajaasunik akerlilersuisuuvoq. Ataatsimiin­nerisa ilaan­ni najuuk­kama marlun­nik periarfis­sip­paanga – Biibilimik atuar­tarun­naas­sasunga ilaqut­tak­kaluun­niit qimas­sagik­ka. Soriarsin­naan­ngitsutut misigigama Nalunaajaasut at­taveqarfigisarun­naar­pak­ka. Kingusin­nerusuk­kut taman­na peq­qis­simis­sutigisar­para.

Suleqatima taamaal­lutik por­nografiimut tun­ngasut takutitaat alutorigaluarlugit maajugigak­kit ilerasungaaler­punga. Biibilimi tamak­ku as­suarineqar­tut nalun­ngin­nak­ku Guutimit pil­lar­neqar­nis­sara takorloor­tar­para. As­sinil­li kan­ngunar­tunik isigin­naal­lat­taar­talerama por­nografiimut isigin­nit­taasera al­lan­ngoriar­tor­poq. Pif­fis­sap ingerlanerani isigin­naan­ngitsoorsin­naajun­naar­pak­ka.

 Ukiut 20-t tul­liut­tut anaanama ilin­niar­titsis­sutaanit al­laanerusumik inooriaaseqaler­punga. Eq­qarsaatigisar­tak­kak­ka pis­susilersor­nin­nut sun­niuteqar­put. Taqas­sinar­tumik oqalut­tarlungalu kinguaas­siuutitigut inuunerlun­neq pil­lugu quiasaarutit nuan­naraak­ka. Atoqatigiin­neq eq­qun­ngitsumik isigin­nit­taaseqarfigiler­para. Nuliara inooqatigigaluarlugu ar­nanik al­lanik sam­misaqar­tar­punga. Pif­fis­sap ingerlanerani im­minut nuan­nariun­naar­punga. Im­minut ataq­qiun­naarlunga maajugiler­punga.

Nuliaralu avik­kat­ta inuunera sus­saan­ngilaq. Taava qaman­nga pisumik Jehovamut qinuvunga. Ukiut 20-t ingerlareeraluar­tut Biibilimik atuaq­qis­saaq­qit­taler­punga. Taamani ataataga toqoreer­poq anaanagalu Jehovap Nalunaajaasuisa ilaat­tut kuisereerluni.

BIIBILI QANOQ AL­LAN­NGUS­SUTIGIGIGA:

Biibilimi najoq­qutas­sianut qutsis­sunut akerliul­luin­nar­tumik inuuneqar­punga. Isumak­kul­li eq­qis­sinerup Biibilimi neriorsuutigineqar­tup angunis­saa aalajangiusimavara. Ajor­tumik oqaloriaaseqarun­naar­nis­sara, kamajajun­naar­nis­sara, kinguaas­siuutitigut inuunerlut­tarun­naar­nis­sara, aningaasanoor­tarun­naar­nis­sara, imer­tarun­naar­nis­sara sulisitsisun­nil­lu til­lit­tarun­naar­nis­sara aalajangiup­pak­ka.

Inuunin­nik al­lan­nguiniar­nera suleqatima paasisin­naan­ngilaat. Ukiuni pingasuni ajor­tumik pis­suseqalerseq­qin­niarlunga kamas­saar­tar­paan­nga. Arlaatigut nak­kar­tuulaaraangama, soorlu kamaam­meraangama oqaasipiluk­kaangamaluun­niit, ajugaasimaapilul­lutik oqar­tar­put: “Ha! Ilisar­narseq­qip­poq!” Oqaatsit taak­ku an­ner­naqaat. Iluatsis­sin­naan­ngitsutut misigisaqaanga.

Sulif­figa por­nografiimut tun­ngasunik ulik­kaar­poq. Siusin­nerusuk­kut pisar­nit­tut suleqatima as­sit qarasaasiak­kut akulikitsumik nas­sius­suut­tar­paat. Tamak­kunin­nga isigin­naar­tarun­naar­niarlunga aalajanger­nikuugaluar­tunga nak­kar­tin­niarsarisar­paan­nga. Uan­nik Biibilimik atuaq­qis­saaqatigin­nit­tar­toq ikioq­qul­lunga saaf­figaara. Kamagit­tarluni tusar­naar­paanga. Biibili atorlugu tamak­kunin­nga qanoq isigin­naar­tarun­naarsin­naasunga paasitil­lungalu ikioq­qul­lunga Jehovamut qinujuar­nis­san­nik kajumis­saar­paanga. – Tus­siaat 119:37.

Taamaal­lunga suleqatik­ka katersuutitip­pak­ka. Oqarfigaak­ka suleqativut angutit imerajut­tut marluk baajamik tuneq­qul­lugit. Akerliliil­lutik nil­ler­put: “Qanoq-aam­ma! Pin­ngitsuuisin­naan­ngin­nermik akiugaqar­put!” Akivak­ka: “Aam­ma uanga.” Ul­loq taan­na aal­lar­nerfigalugu por­nografiimik isigin­naarusun­ngin­nera paasivaat ajor­tumil­lu ilior­nis­samut tatiniar­tarun­naarlunga.

Jehovap ikiuingaar­neratigut por­nografiimik isigin­naar­tarun­naar­punga. 1999-imi Jehovap Nalunaajaasuatut kuisik­kama ileq­qoril­lunga pil­luarlungalu inuunis­samut aap­pas­saanik periarfis­sin­neqar­nera qujamasuutigeqaara.

Maan­na paasivara sivisuumik nuan­narinikuusak­ka Jehovap sooq uumiginerai. Ataatatut asan­nik­kami por­nografiip in­narliisar­neranut il­lersorusup­paanga. Us­satit 3:5, 6-imilu oqaatsit uku ilumoor­put: “Naalagaq tatigiuk uum­matik­kut iluun­ngarlutit, nam­minerlu paasisimasaqas­sutsit tatigeqinagu! Eq­qarsaatigiuar­taruk sumiik­kaluaraangavil­luun­niit, taava ingerlavis­satit nalim­matsis­savai.” Biibilimi najoq­qutas­siat il­lersuutaagin­naratik iluatsin­nis­samut qulak­keerutaap­put. – Tus­siaat 1:1-3.

QANOQ ILUAQUTIGIGIGA:

Taamani im­minut maajugisar­punga, maan­nali im­minut ataq­qil­lungalu qamuuna eq­qis­sivunga. Minguitsumik inooriaaseqarlungalu Jehovamit isumak­keerfigineqar­tutut tapersersor­neqar­tutul­lu misigivunga. 2000-mi kristumiu ar­naq pin­nersoq Karolin, uat­tut Jehovamik asan­nit­toq, katip­para. Angerlarsimaf­fip­put eq­qis­sisimanar­tuuvoq. Nunarsuaq tamak­kerlugu qatan­ngutigiis­suar­nut minguitsunut asan­nit­tunul­lu ilaaner­put im­mik­kut pisin­naatitaaf­fit­tut isigaar­put.