Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Nr. 4 2016

 SAM­MISAQ PINGAAR­NEQ

Biibilip piujuarneranut pissutaasoq

Biibilip piujuarneranut pissutaasoq

Biibili piujuar­poq. Taamaat­tumik pis­sarsiarisin­naal­lugulu atuarsin­naavat. Al­lak­kanil­lu Il­ler­nar­tunik nutsigaq pitsaasoq toq­qaruk­ku qularin­ngis­sin­naavat nutsigaq tutsuiginar­toq al­las­simaq­qaarfin­nut naaper­tuut­toq atuarlugu. Taamaat­torli sooq Biibili asiun­n­ngila, nungutin­neqan­ngila imaluun­niit tusarlius­saa al­lan­ngor­tin­neqan­ngila tupin­naan­nar­tumil­lu piujuarluni? Atuak­kap suna im­mik­kuul­laris­sutigigamiuk?

“Maan­na Biibilip Guutimit tunis­sutaanera qularin­ngilara”

Biibilimik atuaq­qis­saar­tar­tut amerlasuut apustilitut Paulusitut ima iner­niliip­put: ‘Al­lak­kat tamarmik Guutimit anersaarfigineqar­put.’ (2 Timotheusi 3:16) Biibili Guutip oqaaserim­magu nalis­saqan­ngitsoq Guutil­lu nalitsin­nut tam­matsaalim­magu Biibilip piujuarsin­naanera up­peraat. Faizal, al­laaserisami siul­lermi is­suar­neqar­toq, Biibilimik atuaq­qis­saar­tar­nermigut Biibili al­lan­ngorsimanersoq misis­sor­niarlugu aalajanger­poq. Paasisani tupaal­laatigai. Biibilimi ilin­niar­titsis­sutigineqar­tut amerlasuut kristumiuunerar­tut ajoqersuutaan­nit nalingin­naasunit al­laanerunerat paasivaa. Aam­ma Guutip nunarsuarmut siuner­taa oqaasiani atuar­neqarsin­naasoq kil­litsis­sutigaa.

Ima oqar­poq: “Maan­na Biibilip Guutimit tunis­sutaanera qularin­ngilara. Guutimi qilam­mik nunamil­lu pin­ngor­titsisin­naaguni atuagas­satsin­nik tunisinis­samut piujuar­titsinis­samul­lu pis­saaneqarsimas­saaq. Al­latut oqarut­ta Guutip pis­saanera kil­lilis­savar­put! Uanga kinaagama Ajugaqan­ngitsup pis­saanera kil­lilis­savara?” – Esaja 40:8.