Imarisai

Imai

Jehovap Nalunaajaasui

Oqaatsit toqqakkit Kalaallisut

 SAMMISAQ PINGAARNEQ

Aliasuttunik tuppallersaaneq

Aliasuttunik tuppallersaaneq

Qanigisat asasaminik toquk­kut an­naasaqar­toq ikiorsin­naanagu misiginikuuit? Ilaan­nik­kut qanoq oqas­sanerluta ilius­sanerlutaluun­niit nalor­nis­sutigileraangatsigu oqaaseqar­natalu iliuuseqar­neq ajor­pugut. Iluaqutaasumil­li iliuuseqarsin­naavugut.

Amerlaner­tigut najuun­nis­sat misigin­neqataanis­sal­lu taamaal­laat pisariaqar­tar­put. Kulturini amerlasuuni inuup aliasut­tup pak­kun­neratigut taliatigul­lu at­tulaar­neratigut misigin­neqatigin­nin­neq ersersin­neqar­tar­poq. Qimagaasoq oqaluk­kusup­pat misigin­neqataal­lutit tusar­naarit. Pingaar­ner­tul­lu, ilaqutaasoq toquk­kut an­naasaqar­toq piumap­pat sulias­sanut im­maqa isumagisin­naan­ngisaanut tun­ngatil­lugu ikioruk, soorlu iganik­kut, meeq­qanik paarsinik­kut ilisinermul­luun­niit tun­ngatil­lugu ikiuun­nik­kut. Iliuutsit taamaat­tut oqaatsinit sun­niuteqarluar­nerusar­put.

Pif­fis­sap ingerlanerani toqusoq pil­lugu, im­maqa pis­susiinik misigisaanil­luun­niit nuan­nersunik, eq­qar­tuerusulersin­naavutit. Taamatut oqaloqatigiin­neq im­maqa al­laat qimagaasup qungujus­sutigisin­naavaa. As­sersuutigalugu Pam uini Ian, ukiut arfinil­lit matuma sior­na toqusoq, pil­lugu ima oqar­poq: “Ianip iliuuserisimasai nuan­nersut  tusar­nikuun­ngisak­ka pil­lugit oqalut­tuun­neqaraangama qamuuna nuan­naajum­mer­tar­punga.”

Ilisimatuut paasisimavaat qimagaasor­pas­suit aal­laq­qaam­mut ikior­neqangaariarlutik ikin­ngutaasut inuunermin­ni ulap­puteqaq­qileraangamik pisariaqar­titaat puior­neqar­tar­tut. Taamaat­tumik ikin­ngutit qimagaasoq toqusoor­nerata kingor­na at­taviginiarlugu iliuuseqar­tarit. * Taman­na aliasut­tor­pas­suit misigis­sutsimin­nik aniatitsinis­samin­nut atorluar­tar­paat.

Kaori, ar­naq inuusut­toq Japanimiu anaanami toquneranik tamatumalu qaam­matit 15-it kingor­na angajumi toquneranik aliasuutigin­ningaar­toq, pil­lugu oqalut­tuaq eq­qarsaatigiuk. Qujanar­tumik ikin­ngutiminit ilumoorfigin­nit­tunit isumas­sor­neqar­tuar­poq. Taak­kua ilaata Ritsukomik atil­lip, Kaorimit angajul­liunerungaatsiar­tup ikin­ngutaal­luar­nis­sani neqeroorutigaa. Kaori oqar­poq: “Ilumoorlunga oqas­saguma taman­na nuan­narival­laan­ngilara. Anaanama kimil­luun­niit taarser­neqar­nis­saa nuan­narin­ngilara. Ritsukol­li uan­nik ajun­ngitsumik pin­nit­tar­nera pis­sutigalugu qanigisariler­para. Sapaatit-akun­neri tamaasa oqaluus­seqatigiit­tarlutalu kristumiut ataatsimiin­nerinut najuut­tar­pugut. Tiitoriaq­qusar­paanga, nerisas­sanik pajut­tar­paanga arlaleriarlunilu al­lak­kanik nas­sil­lunga. Ritsukop nuan­nersumik isigin­nit­taaseqar­nera uan­nut sun­niuteqarluar­poq.”

Maan­na Kaorip ar­naata toqunerata kingor­na ukiut aq­qaneq-marluk qaangiutereersut Kaori uinilu pif­fis­saq tamaat oqaluus­sisar­tuup­put. Kaori ima oqalut­tuar­poq: “Ritsukop isumas­sor­tuar­paanga. Il­loqarfim­mut peroriar­torfin­nut tikeraaraangama pulaar­tuaan­nar­para nuan­nisaqatigisarlugulu.”

Polip, Cyper­nimi Jehovamik Nalunaajaasup, aam­ma isumas­sor­neqar­tuar­nini iluaqutigaa. Polip uia, Sozos, inus­siar­nersuuvoq iliarsun­nik uil­lar­ner­nil­lu neriar­toq­qusisar­nermigut kristumiutut paarsisutut maligas­saal­luar­toq. (Jaaku 1:27) Ajoraluar­tumik Sozosip 53-inik ukioqarluni qaratsamigut tinumasoqar­nini toq­qutigaa. Poli ima oqalut­tuar­poq: “Uiga ilumoorfigin­nit­toq ukiuni 33-ni aap­parisara toquk­kut an­naavara.”

Aliasut­tut ikiorneri­sigut tuppal­lersartakkit

Ilisaanerata kingor­na Poli er­nini nukarleq, Daniel, 15-inik ukiulik ilagalugu Canadamut nuup­poq. Taavani Jehovap Nalunaajaasuisa ilagiiviniit­tut ilagisar­paat. Poli oqalut­tuar­poq: “Nuuf­fitsin­ni ilagiin­niit­tut ikin­ngutit­ta nalaas­simasavut erloqisimaner­pul­lu ilisiman­ngilaat. Taman­nali ikin­ngutigiler­nis­satsin­nut oqaatsitigut iliuutsitigul­lu tup­pal­lersar­nis­satsin­nut tunuarsimaas­sutigin­ngilaat. Er­nerma ingam­mik ataataqar­nis­saminik pisariaqar­titsif­fiani taman­na as­sut iluaqutaavoq! Ilagiin­ni siut­tuusut Danielimik soqutigin­nin­nermik ersersitsiuar­put. Ingam­mik aalajangersimasup Danielip ikin­ngutinik peqateqar­tar­nis­saa arsariaqataasar­nis­saalu qulak­keer­tuaan­nar­paa.” Ul­lumik­kut Poli Danielilu ajun­ngil­lat.

Aliasut­tut as­sigiin­ngitsor­pas­suar­tigut ikiorsin­naal­lugil­lu tup­pal­lersarsin­naavavut. Siunis­samut neriuut nuan­nersoq Biibilimi eq­qar­tor­neqar­toq aam­ma tup­pal­lersaataavoq.

^ par. 6 Ilaasa eq­qaasitsis­sutitut ul­loq toqusoorfik – qimagaasup tup­pal­lersar­neqar­nis­samik pisariaqar­titsiner­paaf­fia – qaam­matisiutimin­ni nalunaaq­qutser­tar­paat.