Nap­parsimal­latsiar­nikuuit? Im­maqa peq­qis­sipal­lan­nerit pis­sutigalugu nap­parsimasimanerit puioreer­pat. Aliasun­nermut tun­ngatil­lugu taamaan­ngilaq. Dr. Alan Wolfelt atuak­kiamini ima al­lap­poq: “Aliasun­neq ‘qaanger­neqarsin­naan­ngilaq’.” Imali nangip­poq: “Pif­fis­sap ingerlanerani al­lanit ikior­neqar­nik­kut aliasuk­kun­naamisin­naavutit.” – Healing a Spouse’s Grieving Heart.

As­sersuutigalugu ataataaner­paap Aaperaap nuliami toqunera qanoq sun­ner­tis­sutigigaa eq­qarsaatigiuk. Biibilimi al­las­simavoq ‘Aaperaap Sara upik­kiar­toraa’. Sivisuumik aliasus­simagunar­poq. * Aam­ma Jaaku, er­nermi Josefip uumasumit qaasut­tumit toqun­neqarsimaneranik sal­loqit­tar­neqar­toq, as­sersuutigineqarsin­naavoq. ‘Sivisuumik aliasup­poq’ ilaqut­taminil­lu tup­pal­lersagas­saanani. Ukior­pas­suit qaangium­mata Josefip toqunera suli as­sut isumatsaq­qas­sutigaa. – 1 Mosesi 23:2; 37:34, 35; 42:36; 45:28.

Aaperaap asasami Sarap toqunera aliasuutigaa

Ul­lumik­kut qanigisamin­nik toquk­kut an­naasaqar­tut aam­ma taamatut misigisar­put. Uku marluk eq­qarsaatigik­kit.

  • “Uiga Rober­t 2008-mi juulip 9-an­ni toquvoq. Ul­laaq taan­na ajunaarfia ul­lunit al­lanit al­laanerun­ngilaq. Ul­laak­korsior­nit­ta kingor­na pisar­nitsitut suliar­tulermat kunip­pugut, pak­kup­pugut asanerarlutalu. Ukiut arfinil­lit qaangiutereersut suli uum­matik­kut an­niaatigaara. Uima toqunera qaangersin­naagunan­ngilara.” – Gail, 60-inik ukiulik.

  • “Nuliara ukiut 18-it sin­nerlugit qaangium­mata toqoreeraluar­toq suli maqaasisar­para qimagus­simaneralu aliasuutigisarlugu. Pin­ngor­titami alutor­nar­tunik takusaqaraangama nuliarigaluara eq­qaasar­para, takusamalu takul­lugit qanoq nuan­naar­tigis­sagaluar­nersoq eq­qarsaatiginan­ngitsoor­neq ajor­poq.” – Etien­ne, 84-inik ukiulik.

Sivisuumik misigis­sutsik­kut an­niaateqar­nerup nalingin­naanera ersarip­poq. Inuit tamarmik aliasoriaasii as­sigiin­ngitsuusarmata inum­mik al­lamik alianar­tumik nalaataqar­tumik eq­qar­tuus­sineq silatusaar­nerus­san­ngilaq. Tamatuma saniatigut toquk­kut an­naasaqar­nitsin­nik aliasuutigin­ningaar­ner­put pil­lugu im­minut eq­qar­tuun­naveersaas­saagut. Aliasun­neq qanoq naam­magalugu atorsin­naavar­put?

^ par. 4 Aaperaap er­nera Iisaaq aam­ma sivisuumik aliasup­poq. Atuagas­siami matumani al­laaserisami “Up­persusiat maliguk”-mi maluginiak­katsitut Iisaaq anaanami, Sarap, toqunerata kingor­na ukiuni pingasuni aliasup­poq. – 1 Mosesi 24:67.