Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Nr. 2 2017

Tetragrammi, Guutip atia illernartoq, Jehova, hebræerisut naqinnerit talerpimmit saamimmut atuarneqartartut atorlugit allataq

Hebræerisut naqinnermit minnerpaamit uppernarsaat

Hebræerisut naqinnermit minnerpaamit uppernarsaat

Guutip neriorsuutaasa tamarmik eq­quuk­kumaar­nerat qularin­ngil­luin­narsin­naavar­put? Jiisusip taman­na qularin­ngilaa, ilin­niar­titsinermigul­lu tusar­naar­tini up­per­nik­kut ineriar­tor­tit­tar­pai. Qaq­qami oqaluutsimini as­sersuusiaa eq­qarsaatigiuk: “Ilumut oqarfigaas­si: Qilak nunalu nungutsin­nagit al­lan­neq min­ner­paaq titar­nin­nguarluun­niit ataaseq inatsisinit peer­neqas­san­ngilaq, pisus­sat tamarmik pereersin­nagit.” – Mat­thæusi 5:18.

Hebræerisut naqin­nerit min­nersaat tas­saavoq י (jōdh), taan­nalu tetragram­mip, Guutip atiata il­ler­nar­tup, Jehovap, naqin­nerisa siul­lersaraat. * Al­lak­kanik ilisimasut farisiiaril­lu Guutip inatsisaani oqaatsit naqin­neril­lu al­laq­qasut pingaar­tiin­nar­nagit titar­nin­nguit ataasiak­kaat tamaasa pingaarutilerujus­suar­tut isigaat.

Jiisusi oqar­poq qilaap nunal­lu nungun­nis­saat Inatsisit min­nersaasa ilaan­naasalun­niit eq­quutin­ngitsoor­nis­saan­nit ilimanar­nerusoq. Qilaal­li nunal­lu naas­saan­ngitsumik atanis­saan­nik Al­lak­kani Il­ler­nar­tuni neriorsoq­qis­saar­neqar­pugut. (Tus­siaat 78:69) Jiisusip taamatut maluginiar­nar­tumik oqar­nermigut ersersip­paa al­laat Inatsisit min­nersaat eq­quutin­ngitsoor­navian­ngitsoq.

Jehovap Guutip an­nikitsualuit pingaar­tip­pai? Aap, pingaar­til­luin­nar­pai. Una eq­qarsaatigiuk: Itsaq Israelik­kut peq­quneqar­put savaaq­qap poorskisiutis­sap saar­ngi suul­luun­niit nal­lus­san­ngik­kaat. (2 Mosesi 12:46) Taman­na soqutaar­pasin­ngik­kaluar­poq, aam­ma Israelik­kut tamatumun­nga pis­sutaasoq paasigunan­ngilaat. Jehoval­li Guutip nalun­ngilaa taman­na Mis­siarsip nap­pak­kami an­niar­titaaf­fim­mi toquguni saar­ngisa suul­luun­niit nal­lor­neqan­ngin­nis­saan­nut siulit­tuutaasoq. – Tus­siaat 34:21; Johan­nesi 19:31-33, 36.

Jiisusip oqaasii qanoq ilin­niarfigisin­naavavut? Uagut­taaq Jehovap Guutip neriorsuutaasa, aam­ma an­nikitsualut­tor­tai ilan­ngul­lugit, eq­quuk­kumaar­nerat qularin­ngil­luin­narsin­naavar­put. Hebræerisut naqin­nermit min­ner­paamit up­per­narsaat nakus­satsin­nangaarami!

^ par. 3 Grækerit naqinnerisa minnersaat iōʹta hebræerit naqinnerannut uunga assingugunarpoq: י (jōdh). Mosesip inatsisai hebræerisut allanneqarlutillu ingerlateqqinneqartarmata Jiisusip naqinneq hebræerisooq innersuussutigigunarpaa.