Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Nr. 1 2016

 SAMMISAQ PINGAARNEQ | GUUTIP SORSUNNEQ QANOQ ISIGINNITTAASEQARFIGAA?

Guutip sorsunneq pillugu itsaq isiginnittaasia

Guutip sorsunneq pillugu itsaq isiginnittaasia

Inuiaqatigiit naqisimaneqar­put. Aniguiseq­qul­lutik Guuti qin­nuigiuar­paat, ingerlaan­narli aniguisin­neqan­ngil­lat. Inuiaqatigiit tas­saap­put Israelik­kut, itsaq Guutip in­nut­tai. Naqisiman­nit­tut tas­saap­put Egyptenimiut pis­sarsuit. (2 Mosesi 1:13, 14) Israelik­kut ukior­pas­suar­ni Egyptenimiut pin­ngitsaaliil­lutik sulisitsineran­nit Guutimit aniguisin­neqar­nis­sar­tik utaq­qisimavaat. Kiisami Guutip pif­fis­saq iliuuseqarfis­saa nal­liup­poq. (2 Mosesi 3:7-10) Biibilimi al­las­simavoq Guuti nam­mineq Egyptenimiunut sorsut­toq. Perluit ajorluin­nar­tut Egyptenimi atugaatip­pai Egyptenil­lu kun­ngia sak­kutuuilu Im­mami Ivis­suar­tuumi suujun­naarsil­lugit. (Tus­siaat 136:15) Jehovap Guutip in­nut­tani sin­nerlugit pis­sarsuar­tut ‘sorsut­tar­tuunini’ ersersip­paa. – 2 Mosesi 15:3, 4.

Guutip sorsun­nerit tamarluin­naasa akerlerin­ngik­kai Egyptenimiunik saas­sus­sineranit erser­poq. Ilaan­nik­kut Israelik­kut sorsun­nis­samut pigin­naatit­tar­pai. As­sersuutigalugu Kana’anik­kun­nut, ajorluin­nar­tunut, sorsugiaq­quai. (5 Mosesi 9:5; 20:17, 18) Israelik­kut kun­ngiat, Daavi, filisterinut naqisiman­nit­tunut sorsugiaq­quaa. Al­laat Guutip Daavi ajugaanias­sam­mat qanoq ilior­nis­saanik ilitsersuup­paa. – 2 Samueli 5:17-25.

Biibilimi oqalut­tuanit erser­poq Israelik­kut ajus­sutsimit naqisiman­nin­nermil­lu aalajangersimasunit navianar­torsior­tin­neqaraangata in­nut­tani pal­lorfigin­nin­nerlu ilumoor­toq il­lersor­niarlugit Guuti sorsun­nis­samut pigin­naas­susiliisar­toq. Sorsun­neril­li Guutimit akuerineqarsimasut pil­lugit im­mik­koor­tut pingasut pingaarutil­lit uku maluginiak­kit.

  1.  GUUTIP KISIMI AALAJANGERTARPAA KIKKUT SORSUGIASSANERSUT. Taamaal­luni Guutip Israelik­kut ima oqarfigai: “Tamatumuuna ilis­si sorsut­tus­saas­san­ngilasi.” Suna pis­sutigalugu? Nam­mineq in­nut­tani il­lersorlugit sorsun­niarami. (2 Nalunaarsuutit 20:17; 32:7, 8) Arlaleriarluni taamaalior­poq, soorlu al­laaserisap aal­laq­qaataani taman­na eq­qaaneqar­toq. Ilaan­nik­kut Guutip itsaq Israelimi in­nut­tani sorsun­ner­ni akuerisimasamini akiuuteq­qusar­pai. Sorsun­nerit taak­ku amerlaner­tigut nunap neriorsuutigisap toq­qis­sisimanar­tuutin­nis­saanut il­lersor­nis­saanul­lu at­tuumas­suteqar­tar­put. – 5 Mosesi 7:1, 2; Josva 10:40.

  2.  GUUTIP KISIMI QAQUGUKKUT SORSUTTOQASSASOQ AALAJANGERTARPAA. Guutip in­nut­taasa inuiaqatigiin­nut eq­qamin­niit­tunut naqisiman­nit­tunut  ajor­tunul­lu sorsugiar­nis­samin­nut Guutip pif­fis­sarititaa erinitsajuil­lutik utaq­qisariaqar­tar­paat. Taman­na nal­liutserlugu nam­min­neerlutik sorsugiaq­qusaaneq ajor­put. Taamaalioraangamik Guutimit iluarisaajun­naar­tar­put. Biibilimit ersersin­neqar­poq Israelik­kut Guutimit pigin­naatin­neqar­natik sorsugiar­tar­nerat ajorluin­nar­tumik kinguneqarajut­tar­toq. *

  3. Kana’anikkunnut sorsukkaluarluni taakkua ilaat, soorlu Rahabi ilaqutaalu, Guutip asattuuppai

     GUUTIP INUIT, AAMMA INUIT AJORTUT, TOQUNERAT ILUARINNGILAA. Jehova Guuti tas­saavoq inuunerup puilaf­fia inuian­nil­lu Pin­ngor­titsisoq. (Tus­siaat 36:10) Taamaat­tumik inuit toqunerat iluarin­ngilaa. Ajoraluar­tumil­li inuit ilaasa inoqatimin­nik naqisiman­nin­nis­sar­tik al­laal­lu toqutsinis­sar­tik pilersaarusior­tar­paat. (Tus­siaat 37:12, 14) Guutip ajus­suseq taamaat­toq unitsin­niarlugu ilaan­nik­kut inuit ajor­tut saas­sun­neqar­nis­saat akuerisar­paa. Israelik­kul­li taamatut sorsugiaq­qusaral­laramigit Israelik­kun­nik naqisiman­nit­tunut “naak­kin­nit­tuul­lunilu” ‘kamajaatsuuvoq’. (Tus­siaat 86:15) As­sersuutigalugu Israelik­kut peq­quai il­loqarfim­mik tiguaan­ngin­nermin­ni ‘sorsun­ner­taqan­ngitsumik tun­niutiin­nar­nis­samik’ nalunaaruteqar­tas­sasut, taamaalil­lutik il­loqarfim­mi najugaqar­tut pis­susimin­nik al­lan­ngor­titsinis­samin­nut sorsun­nermil­lu pin­ngitsoor­titsinis­samin­nut periarfis­sin­neqar­tar­put. (5 Mosesi 20:10-13) Guutip taamaalil­luni ersersit­tar­paa ‘piumasarinagu iluan­ngitsoq toqus­sasoq, kisian­nili piumasaralugu ileq­qorisani ajor­tut tunul­lugit im­minut saas­sasoq inuugin­naq­qul­luni’. – Ezekieli 33:11, 14-16. *

Sam­meriik­katsitut paasivar­put Guutip itsaq naqisiman­neriaatsit ajus­sutsil­lu as­sigiin­ngitsut unitsin­niarlugit sorsun­neq akuerisaraa. Guutil­li kisimi qaqugukkut sorsut­toqas­sasoq aam­ma kikkut sorsugias­sanersut aalajanger­tar­paa. Guuti, al­laat toqutsiumatuutut, sorsuk­kusup­pa? Naamerluin­naq. Nakuuser­neq uumigaa. (Tus­siaat 11:5) Guutip er­nini, Jiisusi Kristusi, ukiuni 100-ni siul­ler­ni kif­far­tulermat sorsun­neq pil­lugu isigin­nit­taatsini al­lan­ngor­tip­paa?

^ par. 7 As­sersuutigalugu Israelik­kut Guutimit sorsugiaq­quneqan­ngik­kaluarlutik Amalekik­kun­nut Kana’anik­kun­nul­lu sorsugiaramik ajorsar­titaap­put. (4 Mosesi 14:41-45) Ukior­pas­suit tamatuma kingor­na kun­ngi Josija aalajaatsoq isumaal­liorluni Guutimit akuerisaaq­qaar­nani sorsugiarami toquvoq. – 2 Nalunaarsuutit 35:20-24.

^ par. 8 Israelik­kut Kana’anik­kun­nut sorsugian­ngin­nermin­ni tun­niutiin­naq­qus­sum­mik nalunaaruteqan­ngil­lat. Sooq? Kana’anik­kut ukiuni 400-ni ajor­tulior­tarun­naar­nis­samut periarfis­sin­neqarsimagamik. Kana’anik­kut, eqimat­tatut isigalugit, Israelik­kun­nit saas­sun­neqaramik ajorluin­nar­tuup­put. (1 Mosesi 15:13-16) Taamaat­tumik nungutin­neqarluin­nas­sap­put. Kana’anik­kul­li ataasiak­kaat pis­susimin­nik al­lan­ngor­titsisut asat­tuun­neqar­put. – Josva 6:25; 9:3-27.