Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Nr. 1 2016

 SAMMISAQ PINGAARNEQ

Guutip sorsunneq qanoq isiginnittaaseqarfigaa?

Guutip sorsunneq qanoq isiginnittaaseqarfigaa?

Apeq­qut taman­na qanoq akis­saviuk? Inup­pas­suit isumaqar­put Guutip sorsun­nerit akuersaarai. Oqar­tar­put itsaq pal­lorfigin­nitsimi ilaat sorsoq­qugai; Biibilimilu taman­na up­per­narsar­neqar­poq. Al­lal­li maluginiar­tar­paat Guutip er­nerata, Jiisusip, ajoqersuk­kani akeq­qanik asan­nin­nis­samik ajoqersorai. (Mat­thæusi 5:43, 44) Taamaat­tumik isum­mer­tar­put Guutip sorsun­ner­nik isigin­nit­taasia al­lan­ngorsimasoq ul­lumik­kul­lu sorsun­nerit iluarin­ngik­kai.

Il­lit qanoq isumaqar­pit? Guutip akuersaar­pai? Akuersaar­pagit ul­lumik­kut akersuut­tut kik­kut tapersersor­pai? Apeq­qutinut taak­kunun­nga akis­sutis­sarsinerit sorsun­neq pil­lugu isum­man­nut sun­niuteqarsin­naavoq. As­sersuutigalugu paasiguk­ku Guutip sorsun­nerit akueriin­nar­nagit aam­ma sorsut­tuni il­lersuk­katit tapersersorai ilimanar­poq isum­mersimanerit nalerisimaarutigis­sagit il­lersuk­katil­lu ajugaajumaar­tut qularinagu. Paarlat­tuanil­li paasiguk­ku sorsut­tuni il­luatungiliut­tut Guutip tapersersorai qanoq misigis­savit? Isum­mersimanerit nalilersoq­qis­sagunar­pat.

Matumanili al­la pingaaruteqar­neruvoq. Guutip sorsun­neq pil­lugu qanoq isigin­nit­taaseqar­neranik paasin­nin­nerit Guuti pil­lugu isigin­nit­taatsin­nut sun­niuteqas­sagunar­poq. Mil­lionilip­pas­suit pisimanerat­tut inuit sorsun­nerat il­lit sun­ner­tis­sutigingaarsimaguk­ku qular­nan­ngitsumik apeq­qutit uku akis­sutaat paaserusus­sagunar­patit: Guuti, al­lat isumaat naaper­torlugu, sorsun­nermut tun­ngatil­lugu naal­liuutinik akuerin­nit­tutut kajumis­saarisar­tutul­luun­niit sorsoq­qusisar­pa? Imaluun­niit naqisimaneqar­tut atugaan­nik isigin­naagin­nar­tuul­lunilu soqutigin­nin­ngitsuusaar­pa?

Akis­sutip Biibilimeersup isum­manit taamaat­tunit al­laanerul­luin­nar­nera tusarlugu tupaal­laatigis­sagunar­pat. Tamatumalu saniatigut Guutip sorsun­neq pil­lugu isigin­nit­taasia itsarli al­lan­ngorsiman­ngilaq. Itsaq Jiisusil­lu nunarsuarmiin­nerata nalaani Guutip sorsun­ner­nik isigin­nit­taasia pil­lugu Biibilimi al­las­simasut sam­meriar­tigit. Taman­na Guutip sorsun­neq pil­lugu ul­lumik­kut isigin­nit­taasianik sorsut­tuar­toqas­saneranil­lu paasin­nin­nis­samut iluaqutigis­savar­put.