Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Septembari 2016

Inuusuttuususi, uppernersi nakussatsissiuk

Inuusuttuususi, uppernersi nakussatsissiuk

“Up­per­neq tas­saavoq ... takun­ngisamik qularuteqan­ngin­neq.” – HEBR 11:1.

ERINARSUUTIT: 41, 69

1, 2. Jehovap kif­fai inuusut­tut qanoq eq­qarsar­tarsin­naap­pat, Biibilimilu qanoq siun­nersuuteqar­pa?

QATAN­NGUT ar­naq inuusut­toq tuluk atuaqatiminit ima oqarfigineqar­poq: “Guutip up­perinis­saanut silatual­laar­putit.” Qatan­ngut angut Tysklandimiu ima al­lap­poq: “Ilin­niar­titsisuma pin­ngor­titsineq pil­lugu Biibilimi al­las­simasut oqalut­tualiaan­naanerar­tar­paat. Ilin­niar­tul­lu pin­ngoriar­tuaar­nermik up­perin­nin­nerat taamaat­tus­saan­nar­tut isigaat.” Qatan­ngut ar­naq inuusut­toq Frankrigimiu ima oqar­poq: “Atuarfin­ni ilin­niar­titsisut­ta tupigisar­paat ilin­niar­tut ilaasa suli Biibili up­perim­mas­suk.”

2 Guutimit pin­ngor­tin­neqar­ner­put inup­pas­suar­nit up­perineqan­ngilaq. Inuusut­tuuguit Jehovamut kif­far­tor­toq imaluun­niit taan­na pil­lugu ilin­niaruit im­maqa ilaan­nik­kut taas­suma Pin­ngor­titsisuunera qanoq up­per­narsarsin­naanerlugu eq­qarsaatigisar­pat. Tusak­katsin­nik atuak­katsin­nil­luun­niit eq­qarsaatigin­neq­qis­saar­neq pil­lugu Biibilimi ima al­las­simavoq: ‘Eq­qarsarluar­nerup paaris­savaatit.’ (tastamantitoĸaĸ) Qanoq? Eq­qarsarluar­neq isum­manik eq­qun­ngitsunik itigar­titsinis­samut  Jehovamul­lu up­per­ner­pit nakus­satsin­nis­saanut iluaqutigis­savat. – Us­satit 2:10-12 atuak­kit.

3. Al­laaserisami suut sam­mis­savavut?

3 Jehova up­peril­luin­narumal­lugu ilisarisimal­luar­tariaqar­par­put. (1 Tim 2:4) Taamaat­tumik Biibili Biibililersaarutivul­lu atuaraangak­kit atuak­kan­nik eq­qarsaatigin­neq­qis­saar­tar­nis­san­nut pif­fis­saqar­nis­sat pingaaruteqar­torujus­suuvoq. Atuak­kavit isumaa paasiniar­taruk. (Mat­t 13:23) Taamatut atuaq­qis­saar­taruit Jehovap Pin­ngor­titsisuuneranik Biibilil­lu Guutimeersuuneranik up­per­narsaater­pas­suit ilisimalis­savatit. (Hebr 11:1) Qanoq atuaq­qis­saarsin­naal­luta sam­meriar­tigu.

UP­PER­NERIT QANOQ NAKUS­SATSIS­SIN­NAAGIT

4. Pin­ngoriar­tuaar­nermik up­perin­nit­tut pin­ngor­titsisoqar­neranil­lu up­perin­nit­tut suna as­sigiis­sutigaat, tamat­talu susariaqar­pugut?

4 Inuit ilaasa im­maqa oqarfigis­savaatsit: “Pin­ngoriar­tuaar­neq ilisimatuunit ilumoor­nerar­neqar­tarmat up­perivara. Sooq Guuti kimil­luun­niit takuneqarsiman­ngitsoq up­peraajuk?” Inup­pas­suit taamatut eq­qarsar­tar­put. Arlaan­nat­taluun­niit Guutimik pin­ngor­titsisoqar­neranil­luun­niit takun­nis­siman­ngin­nera ilumoor­poq. (Joh 1:18) Inuim­mi pin­ngoriar­tuaar­nermik up­perin­nit­tut? Taak­kua aam­ma takusin­naan­ngisatik up­peraat. Ilisimatuut inuil­luun­niit al­lat uumas­susil­lip al­lan­ngoriar­tuaar­nera takunikuun­ngilaat. As­sersuutigalugu paarmor­toq miluumasun­ngor­toq kimil­luun­niit takuneqar­nikuun­ngilaq. (Job 38:1, 4) Taamaat­tumik tamat­ta up­per­narsaatit misis­soq­qis­saariarlugit eq­qarsarsin­naas­suser­put atorlugu iner­niliisariaqar­pugut. Pin­ngor­titarsuarmut tun­ngatil­lugu apustili Paulusi ima al­lap­poq: ‘[Guutip] takus­saan­ngitsuunera, it­tuin­nar­tumik pis­saanera Guutius­susialu, silarsuup pin­ngor­titaaneraniil­li takus­saagaluar­put suliaasigul­lu ilisimaneqarlutik. Taamaat­tumik patsisiginiagas­saqan­ngil­lat.’ – Rom 1:20.

Upperisannik allanut nassuiaanis­sannut ujarliutit iluaqutigi­sinnaavatit (Immikkoortoq 5 takuuk)

5. Pin­ngor­titarsuaq pil­lugu paasisaqar­nerunis­samut suut iluaqutaasin­naap­pat?

5 Pin­ngor­titarsuaq qimerlooraangatsigu  eq­qarsaatigeq­qis­saaraangatsigulu suut tamarmik tupin­narluin­nar­tumik pin­ngor­titaanerat paasisar­par­put. “Up­per­nik­kut paasivar­put” takuneqarsin­naan­ngitsumik nuan­nersunil­lu pis­suseqarlunilu ilisimas­suseqangaar­tumik Pin­ngor­titsisoqar­toq. (Hebr 11:3) Ilisimatuut paasisimasaat pil­lugit atuar­nik­kut Guutip pin­ngor­titai pil­lugit paasisaqar­nerusin­naavugut. Paasis­sutis­sat taak­kua ilaat Napasuliaq Alaper­naarsuif­fik decembarip aal­laq­qaataat 2011-moor­tumi al­laaserisani pingaar­ner­ni atuar­neqarsin­naap­put. [1] Atuagas­siami Vågn op!-imi ilisimatuut al­lal­lu Guutimik up­perin­nilersimaneran­nik apersor­neqar­tut pil­lugit al­laaserisat saq­qum­mersin­neqal­lat­taasar­put. Al­laaserisanilu “Står der en designer bag?”-imik qulequtalin­ni uumasut pin­ngor­titamiit­tul­lu al­lat kiisalu ilisimatuut uumasut pisin­naasaan­nik ilaarsil­lutik sanaar­tor­tar­nerat pil­lugit paasis­sutis­sat sukumiisut atuar­neqarsin­naap­put.

6. Biibililersaarutit qanoq iluaqutigisin­naavigit?

6 USA-mi qatan­ngut angut 19-inik ukiulik pin­ngor­titarsuaq pil­lugu qup­persak­kat tulut­tuut marluk pil­lugit ima oqar­poq: “Taak­kua iluaqutigeqaak­ka. Qas­seriarlunga atuaq­qis­saar­nikuuner­pak­ka.” Qatan­ngut ar­naq Frankrigimiu ima al­lap­poq: “Al­laaserisat ‘Står der en designer bag?’ ajasoorutigeqaak­ka! Taak­kunani ersersin­neqar­poq ingeniørit pik­korin­ner­paat pin­ngor­titat tupin­narluin­nar­tut ilaarlugit sanasaraluarlutik taak­kunatut pitsaatigisunik sanasin­naan­ngitsut.” Sydafrikami angajoq­qaat 15-inik ukiulim­mik panil­lit ima oqar­put: “Panit­ta Vågn op!-imi al­laaserisat ‘Interview’-it siul­liul­lugit atuar­tar­pai.” Biibililersaarutit taak­ku iluaqutigalugit aam­ma il­lit pin­ngor­titsisoqar­nera up­per­narsisin­naavat. Aam­ma ajoqersuutit eq­qun­ngitsut ingerlaan­naq itigar­tis­sin­naavatit. Up­per­nik­kut nakus­satsik­kuit or­pit­tut sorlaqarluar­tutut anorersuaraluar­tumi napisin­naan­ngitsutut ilis­saatit. – Jer 17:5-8.

BIIBILIMIK UP­PERIN­NIN­NERIT

7. Sooq Guutip ajun­ngitsumik ajor­tumil­lu im­mik­koor­titsisin­naaler­nis­sat kis­saatigaa?

7 Ima aperineq naleq­qup­pa: ‘Sooq Biibilimi al­las­simasut up­peraak­ka?’ Soorunami! Sal­lusuis­sut up­per­narsinias­sagak­ku Jehovap ‘ajun­ngitsumik ajor­tumil­lu im­mik­koor­titsisin­naaler­nis­sat’ kis­saatigaa. Al­lat as­siginiaan­narlugit up­per­nis­sat kis­saatigin­ngilaa. Taamaat­tumik eq­qorluar­tumik ilisimasaqalerumal­lutit eq­qarsarsin­naas­sutsit atoruk. Ilisimasatil­lu taak­ku ilumoor­tumik up­per­nin­nut tun­ngaviulis­sap­put. (Hebræerit 5:14; 1 Timotheusi 2:4 atuak­kit). Ilaatigut sam­misat aalajangersimasut ilisimal­lualerusutavit atuaq­qis­saar­nerisigut Biibili ilisimal­lualersin­naavat.

8, 9. (a) Qatan­ngutit ilaasa suut pil­lugit atuaq­qis­saar­neq nuan­naraat? (b) Ilaasa atuak­kamin­nik eq­qarsaatigin­neq­qis­saar­ner­tik qanoq iluaqutigaat?

8 Qatan­ngutit ilaasa Biibilimi siulit­tuutit pil­lugit atuaq­qis­saar­neq nuan­narisar­paat. Al­lat oqalut­tuat Biibilimeersut oqalut­tuarisaanermik ilisimatuut, misis­sueq­qis­saar­tar­tut itsar­nisarsiuul­lu paasisaan­nut naleq­qiutis­sal­lugit nuan­narisar­paat. Mosesimik al­lak­kat siul­liit 3:15 as­sersuutigisin­naavar­put. Jehova Adamip Eval­lu naalas­seriil­lutik naalak­kersueriaatsiminut pikitsitsinerisa kingunin­ngua pingaarutilerujus­suarmik siulit­tuivoq. Siulit­tuut taan­na siulit­tuuter­pas­suar­ni siul­ler­paaq iluaqutigalugu paasivar­put Guutip naalagaaf­fiata Jehovap kisimi oqar­tus­saanerata  eq­qor­tuunera qanoq up­per­narsas­sagaa naal­liuutil­lu qanoq atuuk­kun­naarsis­sagai. Al­las­simaf­fik taan­na qanoq misis­soq­qis­saarsin­naaviuk? Al­las­simaf­fiit siulit­tuutip tamatuma qanoq eq­quun­nis­saanik sukumiinerusumik ersersitsisut al­lat­torsin­naavatit. Taamaalioreeruit al­las­simaf­fiit taak­ku qanga al­lan­neqar­nerat naaper­torlugu tul­leriin­nilersorsin­naavatit. Taamaalioruit paasis­savat Biibilimik al­lat­tut pif­fis­sani as­sigiin­ngitsuni inuugaluarlutik siulit­tuum­mik tamatumin­nga paasinarsisitsisumik al­lataqar­tut. Taman­na Jehovap anersaavanit il­ler­nar­tumit siulersor­neqar­neran­nik up­perin­nin­nerulis­sutigisin­naavat. – 2 Petr 1:21.

9 Qatan­ngutip angutip Tysklandimiup Biibilip atuagar­taasa ataasiak­kaat tamarmik Naalagaaf­fik pil­lugu al­las­simasoqar­nerat eq­qarsaatigeq­qis­saar­paa. Ima oqar­poq: “Taamaap­porlu al­laat angutinit 40-t mis­saan­niit­tunit al­lan­neqaraluarluni. Taak­ku pif­fis­sani as­sigiin­ngitsuni inuup­put im­min­nul­lu ilisarisimanatik.” Qatan­ngutip ar­nap Australiamiup Napasuliaq Alaper­naarsuif­fik decembarip 15-iat 2013-imoor­tumi al­laaserisaq atuaq­qis­saaramiuk paasivaa poorski Mosesimik al­lak­kat siul­liit 3:15-imut aam­ma Mis­siarsimut at­tuumas­suteqar­toq. Ima al­lap­poq: “Atuaq­qis­saar­nin­ni paasivara Jehova as­seqan­ngil­luin­nar­tuusoq. Aaq­qis­suus­sap Israelik­kun­nit malin­neqar­tus­sap pilersin­neqarsimanera Jiisusimul­lu eq­quun­nera ajasoorutigeqaara. Poorskisior­neq pil­lugu siulit­tuut im­mik­kuul­laris­soq eq­qarsaatigeq­qis­saarumal­lugu atuar­nin­ni unikaal­lat­tariaqar­punga!” Sooq taamatut misigiva? Atuak­kani eq­qarsaatigeq­qis­saaramigit paasil­lugil­lu. Taman­na up­per­nik­kut nakus­satsis­sutigalugulu Jehovamut qanin­nerulis­sutigaa. – Mat­t 13:23.

10. Sooq Biibilimik al­laqataasut un­neq­qarin­nerat Biibilimik up­perin­nin­nerulis­sutigaar­put?

10 Aam­ma angutit Biibilimik al­laqataasut un­neq­qarin­nerat eq­qarsaatigiuk. Ilumoor­tumik al­lat­tuaan­nar­put taamaalior­nis­sar­til­lu nangaas­sutigisar­nagu. Taamani atuak­kior­tut amerlaner­tigut nunar­tik siulersuisutil­lu pil­lugit ajun­ngitsuin­nar­nik al­lat­tar­put. Jehoval­li pruf­fiitiisa ajun­ngitsuin­naat al­laatiginagit inuiaqatigiit Israelik­kut taak­kualu kun­ngiisa kuk­kus­sutaat al­laatigisar­paat. (2 Nal 16:9, 10; 24:18-22) Al­laat nam­min­neq kuk­kus­sutitik Guutil­lu kif­faasa al­lat kuk­kus­sutaat al­laatigisar­paat. (2 Sam 12:1-14; Mark 14:50) Qatan­ngut angut inuusut­toq Tuluit Nunaan­neersoq ima oqar­poq: “Un­neq­qaris­suseq taamaat­toq qaqutigoor­tuuvoq. Taman­na Biibilip Jehovameersuuneranik up­perin­nin­nerulis­sutigaar­put.”

11. Inuusut­tut najoq­qutas­sianik Biibilimeersunik qanoq pingaar­tsitsinerulersin­naap­pat?

11 Inuunermi najoq­qutas­sianik Biibilimeersunik maleruaanerup iluaqutaanera inup­pas­suit paasisimavaat. Taman­na pis­sutigalugu Biibilip Guutimeersuunera qulariun­naar­tar­paat. (Tus­siaat 19:8-12 atuak­kit). Qatan­ngut ar­naq inuusut­toq Japanimiu ima al­lap­poq: “Ilaqutariit­tut Biibilimi ajoqersuutinik maleruaagat­ta piviusumik pil­luar­pugut. Eq­qis­sineq, ataasioqatigiin­neq asaqatigiin­nerlu misigisar­pavut.” Inup­pas­suit Biibili iluaqutigalugu paasisimavaat up­perisamik ilaat ilumuun­ngitsuusut. (Tus­s 115:3-8) Aam­ma Jehova, Guuti Ajugaqan­ngitsoq nuan­nersumik siunis­saqar­titsisoq, tatigineruler­tar­paat. Oqar­toqarsin­naavoq Guuteqan­ngin­neraasut pin­ngor­titarsuaq guutigiler­taraat. Al­lat oqar­tar­put inuit  siunis­samik pitsaanerulersitsisin­naasut, angusaal­li qiviarutsigit paasis­savar­put silarsuarmi ajor­nar­torsiutinik aaq­qiisin­naan­ngitsut. – Tus­s 146:3, 4.

AL­LANUT QANOQ TUN­NGAVILERSUISIN­NAASUTIT

12, 13. Pin­ngor­titarsuaq Biibililuun­niit pil­lugu al­lat qanoq oqaloqatigisin­naavavut?

12 Pin­ngor­titarsuaq Biibililuun­niit pil­lugu oqaloqatigisavit sunar­piaq up­perineraat paasiniaq­qaarsin­naavat. Eq­qaamas­savat pin­ngoriar­tuaar­nermik up­perisal­lit ilaasa Guutip piunera up­perim­mas­suk. Oqar­tar­put pin­ngoriar­tuaar­neq atorlugu uumas­susil­lit tamaasa pin­ngor­tik­kai. Al­lat pin­ngoriar­tuaar­neq atuarfin­ni ilin­niar­titsis­sutigineqar­tarmat ilumoor­nerar­tar­paat. Aam­ma al­lat up­perisarsioqatigiit pakatsis­sutigigamik­kit Guuti up­periun­naar­tar­paat. Taamaat­tumik oqaloqatigisat qanoq up­perisaqar­nersoq aam­ma sooq taamatut up­perisaqar­nersoq apereq­qaaruk. Taava tusar­naaq­qis­saarit. Taamaalioruit ilin­nut im­maqa tusar­naarusun­nerulis­saaq. – Tit 3:2.

13 Pin­ngor­titsisoqar­neranik up­perin­nin­nerit pis­sutigalugu sianiin­nerar­neqaruit qanoq akis­savit? Taamatut oqar­toq inuunerup qanoq aal­lar­tif­feqar­neranik ataq­qin­nil­lutit nas­suiaaq­qujuk. Oqarsin­naavutit inuuneq pin­ngoriar­tuaarsimap­pat uumas­suseqar­toq siul­ler­paaq im­misut it­tunik pin­ngor­titsisin­naasariaqar­toq. Kemii pil­lugu profes­sori oqar­poq uumas­susilik: (1) il­lersuutis­saminik ameqar­tariaqar­toq, (2) nukim­mik katersisin­naasariaqarlunilu atuisin­naasariaqar­toq, (3) ilusiminik al­liar­tor­nerminil­lu aqutsinis­samut paasis­sutis­sanik pisariaqar­titsisoq aam­ma (4) paasis­sutis­sanik taak­kunin­nga ingerlatitseq­qiisin­naasariaqar­toq. Ima nangip­poq: “Uumas­susil­lit ataasiin­narmik cel­lel­lit tupin­naan­nar­tumik katitigaanerat ajasoor­naqaaq.”

14. Pin­ngor­titsineq pil­lugu oqaloqateqar­nin­ni tun­ngavilersuut paasiuminar­toq suna eq­qaasin­naaviuk?

14 Pin­ngor­titsineq pil­lugu oqaloqateqaruit apustilip Paulusip tun­ngavilersuutaa paasiuminar­toq una eq­qaasin­naavat: “Il­luliat tamarmik im­mik­kut sanasoqar­tar­put, tamanil­li sanasoq tas­saavoq Guuti.” (Hebr 3:4) Soorunami il­lu ilusilersor­neqarlunilu sananeqar­tar­poq. Taamaat­tumik uumas­susil­lit, il­lulior­nermit pisariunerujus­suit, ilusilersor­neqarlutil­lu pin­ngor­tin­neqarsimas­sap­put. Aam­ma Biibililersaarutivut atorsin­naavatit. Qatan­ngutip ar­nap inuusut­tup angut inuusut­toq Guutip piuneranik up­perin­nin­ngitsoq oqaloqatigigamiuk qup­persak­kanik marlun­nik tunivaa. Sapaatip-akun­nera qaangiut­toq angut oqar­poq: “Maan­na Guuti up­peraara.” Angut inuusut­toq Biibilimik atuaq­qis­saar­taler­poq kingusin­nerusuk­kul­lu kuisil­luni.

15, 16. Biibilip Guutimeersuunerata nas­suian­ngin­nerani susariaqar­pugut, sunalu eq­qaamajuar­tariaqar­par­put?

15 Biibilimut tun­ngatil­lugu qular­toq qanoq tun­ngavilersuif­figisin­naaviuk? Eq­qaaneqareersutut qanoq up­perisaqar­nersoq apereq­qaarsin­naavat. Aam­ma suut soqutiginerai paasiniaruk. (Us­s 18:13) Ilisimatusar­neq soqutigip­pagu Biibilimi al­las­simasut ilisimatusar­nermut naaper­tuut­tuaan­nar­neran­nik ersersitsisut takutik­kit. Oqalut­tuarisaaneq soqutigip­pagu pisimasoq atuak­kani oqalut­tuarisaanermut tun­ngasuni al­laatigineqar­toq eq­qaariarlugu tamatuma ukior­pas­suit sioq­qul­lugit Biibilimi siulit­tuutigineqar­nera takutis­sin­naavat. Inuit ilaasa inuunermin­nik  pitsan­nguisin­naasunik, soorlu qaq­qami oqaluutsimi siun­nersuutinik, Biibilimit takutitsivigiguk­kit im­maqa tusar­naarusun­nerus­savaatsit.

16 Eq­qaamas­savat al­lal­lu oq­qan­nis­sar­put kis­saatigin­ngin­natsigu. Uagutsin­nik oqaloqateqar­ner­tik Biibilimil­lu ilik­kagaqar­ner­tik nuan­naarutigis­sagaat kis­saatigaar­put. Ataq­qin­nit­tumik apereriarlutit akis­sutaanut tusar­naarit. Pingaar­tumik ilin­nit utoq­qaanerusoq up­perisan­nik oqalut­tuutileruk­ku inus­siar­nersuus­saatit. Al­lat ataq­qin­nit­tumik piguk­kit ataq­qin­nit­tumik pineqar­nis­sat ilimanar­nerus­saaq. Al­laat inuusut­tuugaluarlutit up­perisan­nik eq­qarsaatigin­neq­qis­saarsimanerit pil­lugu tupigusus­sap­put. Soorunami ilin­nik as­sor­tuinis­samik il­laruaatigin­nin­nis­samil­luun­niit siuner­talik akisariaqan­ngilat. – Us­s 26:4.

BIIBILIMI SAL­LUSUIS­SUTIT PAASINIAK­KIT

17, 18. (a) Biibilimik up­perin­nin­neruler­nis­samut suut iluaqutigisin­naavigit? (b) Al­laaserisami tul­liut­tumi apeq­qut suna sam­mis­savar­put?

17 Biibilimi ajoqersuutit pingaar­nerit ilisimagaluarlugit up­persuseqar­nerunis­sar­put pisariaqar­tis­sin­naavar­put. Sal­lusuis­sutit itinerusut erlin­nar­tuutitut ujar­tariaqarsin­naavavut. (Us­s 2:3-6) Ilaatigut Biibilip tamaat atuar­neratigut up­persuseqar­nerulersin­naavutit. Ukiup ataatsip ingerlanerani atuarsin­naavat. Taman­na ilagiin­nik nak­kutil­liisup inuusut­tuul­luni Jehovamut qanin­neruler­nis­saminut iluaqutigaa. Ima oqar­poq: “Biibilip tamaat atuar­nera Guutip oqaasiatut pingaar­tin­nis­saanut iluaqutigaara. Oqalut­tuat Biibilimeersut meeraal­lunga ilik­kak­kak­ka paasil­luar­neruler­pak­ka.” Aam­ma il­lit oqaatsin­ni ujarliutit atuak­kan­nik paasin­nin­nis­samut iluaqutigisin­naasatit ator­tak­kit. As­sersuutigalugu INTER­NETIK­KUT ATUAGAATEQARFIK Watchtower aam­ma Jehovap Nalunaajaasuisa ujarliutaat atorsin­naavatit.

18 Angajoq­qaajususi, ilis­si al­lanit Jehova pil­lugu qitor­nas­sin­nik ilin­niar­titsil­luar­nerusin­naavusi. Taamaat­tumik Jehovamut up­per­nermin­nik ineriar­tor­titseq­qul­lugit qanoq ikiorsin­naavigit? Al­laaserisami tul­liut­tumi taman­na sam­mis­savar­put.

^ [1] (im­mik­koor­toq 5) Biibililersaarutit al­lat iluaqutigineqarsin­naasut: Filmi Det fantastiske skaberværk vidner om Gud, qup­persak­kat Er livet en Skabers værk? aam­ma Fem gode spørgsmål om livets oprindelse kiisalu atuagaq Findes der en Skaber som interes­serer sig for os?