Imarisai

Imai

Jehovap Nalunaajaasui

Oqaatsit toqqakkit Kalaallisut

Nalunngiliuk?

Nalunngiliuk?

Sooq Jiisusip uppernarsaalluni neriorsuineq assuaraa?

MOSESIP inatsisai naaper­torlugit juutit up­per­narsaanerat ilaan­nik­kut akuerineqar­tar­poq, soorlu imatut: “Guuti naq­qis­sigalugu up­per­narsaavunga”, imaluun­niit “Jehovap aq­qa naq­qis­sigalugu up­per­narsaavunga”. Jiisusil­li nalaani up­per­narsaal­luni neriorsuineq ima nalingin­naatigaaq al­laat juutit oqaatsimik ilumoor­nerat erseq­qis­sar­niarlugit akulikitsumik up­per­narsaasarlutik. Jiisusil­li taamaalior­tar­nerat marloriarluni as­suaraa. Ima oqar­poq: “Anger­nersi imaas­saaq: Aap, naaggaar­nersilu: Naagga.” – Matt 5:33-37; 23:16-22.

Qinerlerfis­siaq Theological Dictionary of the New Testament naaper­torlugu Talmudimi al­las­simasoqar­poq juutit up­per­narsaasar­nerata nalingin­naaneranik ersersitsisumik. Talmudimimi sukumiisumik nas­suiar­neqar­poq up­per­narsaal­luni neriorsuutit suut eq­qor­tin­neqar­tariaqar­tut suul­lu unioq­qutin­neqarsin­naasut.

Jiisusip saniatigut aam­ma al­lat ileq­qoq eq­qun­ngitsoq taman­na as­suaraat. As­sersuutigalugu juutit oqalut­tuarisaaneran­nik ilisimatuup Flavius Josefusip im­mik­kut up­perisarsior­tut juutius­susermik aal­laavil­lit al­laatigai. Taak­ku isumaqar­put up­per­narsaaneq sal­lunermit ajor­nerusoq. Isumaqar­put inuk al­lanit tatigineqarumal­luni up­per­narsaasariaqaruni sal­lutuujusimas­sasoq. Aam­ma juutit al­lagaat Biibilip al­lagar­taanut ilaatitaan­ngitsut ilaan­ni Sirakip al­lagaani ima al­las­simavoq: “Angut akulikitsumik up­per­narsaasar­toq tatigisas­saan­ngil­luin­nar­poq.” Pingaaruteqan­ngitsut pil­lugit up­per­narsaaneq Jiisusip as­suaraa. Tamatigut ilumoor­tumik oqalut­tarut­ta oqaatsivut erseq­qis­sar­neruniarlugit up­per­narsaaqat­taar­tariaqan­ngilagut.