Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Oktobari 2017

Sallusuissut ‘panamik eqqissinissamiunngitsoq’ nassataqarpoq

Sallusuissut ‘panamik eqqissinissamiunngitsoq’ nassataqarpoq

“Isumaqas­san­ngilasi tikiut­tunga nunarsuarmi eq­qis­sisitsiar­torlunga; tikiutin­ngilanga eq­qis­sinis­samik nas­sarlunga, panamil­li.” – MATT 10:34.

ERINARSUUTIT: 43, 24

1, 2. (a) Eq­qis­sineq suna maan­na misigisin­naavar­put? (b) Sooq eq­qis­sineq tamak­kiisumik suli misigisin­naan­ngilar­put? (Al­laaserisap aal­laq­qaataani as­seq takuuk).

TAMATTA inuunitsin­ni eq­qis­sineq misigerusup­par­put, isumakuluuteqar­nis­sar­pul­lu pinaveersaarusup­par­put. Taamaat­tumik qujamasuutigeqaar­put ‘eq­qis­sinermik Guutimit pisumik’ tunineqar­tar­ner­put. Taan­na iluaqutigalugu eq­qis­sisimasin­naavugut eq­qarsaatinut misigis­sutsinul­lu eq­qis­siun­naar­nar­tunut il­lersuutigisin­naasatsin­nik. (Fil 4:6, 7) Aam­ma “Guuti eqqisseqatigaarput” taas­sumun­nga tun­niul­luin­nar­nikuugat­ta. Taamaat­tumik taas­sumun­nga at­taveqarluarsin­naavugut. – Rom 5:1.

2 Taamaak­kaluar­toq Guutimut suli pif­fis­san­ngorsiman­ngilaq nunarsuarmi eq­qis­sineqarluin­nalersitsinis­samut. Ul­luni kingul­ler­ni inuugat­ta isumakuluutigisatsin­nik ajor­nar­torsiuter­pas­suaqar­poq. Inuit nakuuserumatuut avatangiiseraavut. (2 Tim 3:1-4) Aam­ma Saatanimut ajoqersuutinul­lu eq­qun­ngitsunut taas­suma siuarsagaanut akiuut­tariaqar­pugut.  (2 Kor 10:4, 5) Isumakuluutiginer­paasarigunagar­pul­li tas­saavoq ilaqut­tat Jehovamut kif­far­tun­ngitsut akerlilersuinerat. Taak­kua ilaasa im­maqa up­perisar­put il­laruaatigisar­paat ilaqutariin­nil­luun­niit avis­saar­tuutsitsinerarluta. Al­laat im­maqa oqar­tar­put Jehovamut kif­far­torun­naan­ngik­kut­ta ilaqutariun­naarusul­luta. Taamaat­tumik ilaqut­tatsin­nit akerlilersor­neqar­neq qanoq isigis­savar­put? Aam­ma akerlilersor­neqar­nitsin­ni qanoq ilil­luta eq­qis­sisimajuarsin­naavugut?

ILAQUTTATSINNIT AKERLILERSORNEQARNERPUT QANOQ ISIGISSAVARPUT?

3, 4. (a) Jiisusip ajoqersuutai qanoq sun­niuteqar­tar­pat? (b) Ingam­mik pis­sutsini qanoq it­tuni Jiisusimik malin­nin­nis­saq unam­miniar­nar­tar­pa?

3 Jiisusip nalun­ngilaa ajoqersuutigisani inuit ilaasa akuerinavian­ngik­kaat. Aam­ma nalun­ngilaa ajoqersuk­kani sapiil­lisaar­tariaqarumaar­tut akerlilersor­neqarumaarmata. Akerlilersor­neqar­nerat taak­kua ilaqutaan­ni eq­qis­siun­naarutaasin­naavoq. Jiisusi ima oqar­poq: “Isumaqas­san­ngilasi tikiut­tunga nunarsuarmi eq­qis­sisitsiar­torlunga; tikiutin­ngilanga eq­qis­sinis­samik nas­sarlunga, panamil­li. Tikiup­punga akerleriilersin­niarlugit angut ataataalu, panik anaanaalu, ukuaq sakialu ar­naq; angutil­lu inoqutini akerarilis­savai.” – Matt 10:34-36.

4 Jiisusip suna pivaa ima oqarami: ‘Isumaqassanngilasi tikiut­tunga eq­qis­sisitsiar­torlunga’? Kis­saatigaa inuit im­minut ajoqersugan­ngor­nerup kingunerinik eq­qarsaatigin­nis­sasut. Soorunami Jiisusip ilaqutariin­nik avis­saar­tuutsitsinis­sani siuner­tarinagu inuit Guuti pil­lugu sal­lusuis­sum­mik ilin­niar­tis­sal­lugit siuner­taraa. (Joh 18:37) Ajoqersugaasali paasisariaqar­paat taas­sumin­nga malin­nin­nis­saq imaan­naajuaan­nan­ngitsuusoq, ingam­mik qanimut ikin­ngutigisat ilaqut­tal­luun­niit sal­lusuis­sum­mik akuerin­nin­ngik­kaangata.

5. Jiisusip malin­nit­tai sunik misigisaqarsimap­pat?

5 Jiisusi oqar­poq ilaqut­tanit akerlilersor­neqar­neq malin­nitsimi nap­pak­katut an­niar­titaaf­fit­tul­lusooq ‘ersuk­kumasariaqagaasa’ ilagis­sagaat. (Matt 10:38) Ajoqersuk­kat Jiisusimit iluarisaajumal­lutik ilaqut­tamin­nit il­laruaatigineqar­ner­tik al­laal­lu tunun­neqar­ner­tik naam­magit­tarlutik atorsimavaat. Iluanaarutaal­li an­naasaan­nit an­ner­tunerungaar­put. – Markusi 10:29, 30 atuakkit.

6. Ilaqut­tatsin­nit akerlilersor­neqarut­ta suna eq­qaamasariaqar­par­put?

6 Jehovamik pal­lorfigin­nin­ner­put pil­lugu ilaqut­tat­ta akerlilersoraluar­patigut asajuas­savavut. Eq­qaamasariaqar­par­pul­li Guutimik Kristusimil­lu asan­nin­ner­put kimil­luun­niit asan­nin­nitsin­nit sak­kor­tunerusariaqar­toq. (Matt 10:37) Aam­ma ilisimaarisariaqar­par­put Saatanip ilaqut­tatsin­nik asan­nin­ner­put ator­nerlus­sin­naagaa uagutsin­nik Jehovamut ilumoorfigin­nik­kun­naarsitsiniaanermini. Atugarineqar­tar­tunik imaan­naan­ngitsunik sam­misaqariar­ta qanorlu piner­tusaarsin­naanerluta paasiniarlugu.

AAPPAQ JEHOVAMUT KIFFARTUNNGITSOQ

7. Jehovamut kif­far­tor­tuun­ngitsunik aap­pal­lit atuk­katik qanoq isigisariaqar­paat?

7 Biibilimi mianersoq­qus­sutigineqar­poq aap­panit­tut tamarmik ‘ajor­nar­torsiorumaar­tut’. (1 Kor 7:28) Jehovamut kif­far­tun­ngitsumik aap­paqaruit aap­pariin­nersi  suli sukanganar­nerul­lunilu eq­qis­sisimanan­ngin­nerusin­naavoq. Pis­sutsil­li atuk­kavit Jehovap isigin­nit­taasiatut isiginis­saat pingaaruteqar­poq. Aap­par­pit Jehovamut kif­far­tor­tuun­ngin­nera pis­sutigiin­narlugu averuser­toqarsin­naananilu avit­toqarsin­naan­ngilaq. (1 Kor 7:12-16) Uiit Jehovamut kif­far­tor­tuun­ngik­kaluar­pal­luun­niit pal­lorfigin­nin­nermilu ilumoor­tumi siulersun­ngik­kaluar­patil­luun­niit ilaqutariin­ni niaquusutut ataq­qisariaqar­pat. Nuliat Jehovamut kif­far­tor­tuun­ngik­kaluar­pal­luun­niit asasariaqar­pat qajas­suul­lugulu isumas­sor­tariaqarlugu. – Ef 5:22, 23, 28, 29.

8. Aap­pat pal­lorfigin­nin­nin­nik kil­lilersuiniarsarip­pat im­minut qanoq aperisin­naavit?

8 Aap­pat pal­lorfigin­nin­nin­nik akor­nusersuiniar­pat qanoq pis­savit? Qatan­ngut ar­naq uiminit sapaatip-akun­nerata ingerlanerani taamaal­laat ul­luni aalajangersimasuni nalunaajaaq­qusaavoq. Il­lit tamatumun­nga as­singusumik atugaqaruit im­minut ima aperigit: ‘Aap­parma Jehovamik pal­lorfigin­nik­kun­naarluin­naq­quaanga? Taamaan­ngip­pat, aap­parma piumasaatut iliorsin­naavunga?’ Oqimaaqatigiis­saarisin­naaguit aap­pariin­nis­sin­ni ajor­nar­torsiutisi ikin­nerus­sap­put. – Fil 4:5NW.

9. Kristumiut meeq­qatik angajoq­qaamin­nik Nalunaajaasuun­ngitsumik ataq­qin­nin­nis­saan­nik qanoq ilin­niar­tis­sin­naavaat?

9 Jehovamut kif­far­tun­ngitsumik aap­paqaraan­ni meeq­qanik perorsaaniar­neq unam­miniar­narsin­naavoq. As­sersuutigalugu meeq­qatit peq­qus­sum­mik Biibilimiit­tumik matumin­nga malin­nin­nis­saan­nik ilin­niar­tit­tariaqar­patit: “Ataatat anaanal­lu ataq­qik­kit.” (Ef 6:1-3) Qanorli ilius­savit aap­pat najoq­qutas­sianik Biibilimiit­tunik maleruaan­ngip­pat? Aap­pan­nik ataq­qin­nin­nik­kut meeq­qan­nut maligas­siuil­luarsin­naavutit. Aap­par­pit pis­susii nuan­nersut eq­qarsaatigik­kit, aam­ma aap­pat oqalut­tuuguk iliuuserisai ajun­ngitsut qujamasuutigalugit. Aap­pat meeq­qatit tusaatil­lugit ajor­tumik eq­qar­tor­taqinagu. Meeq­qatil­li nas­suiaatik­kit inuit tamarmik im­mik­kut Jehovamut kif­far­tor­niar­nerlutik aalajanger­tus­saasut. Meeq­qatit angajoq­qaamin­nik Jehovamut kif­far­tun­ngitsumik ataq­qin­nin­nis­saan­nik  ilin­niar­tik­kuk­kit, taak­kua maligas­siuil­luar­nerat aap­par­pit Jehova pil­lugu ilin­niarusulis­sutigisin­naavaa.

Periarfissat tamaasa atorlugit meeqqatit Biibili pillugu ilinniartittakkit (Immikkoortoq 10 takuuk)

10. Angajoq­qaat kristumiut meeq­qatik Jehovamik asan­nin­nis­saan­nik qanoq ilin­niar­tis­sin­naavaat?

10 Aap­paasut Nalunaajaasuun­ngitsut ilaasa meeq­qatik nal­liut­tunik Guutimik nalusut ileq­quinit aal­laaveqar­tunik nal­lius­seqataatik­kusus­sin­naavaat ajoqersuutinil­luun­niit eq­qun­ngitsunik ilin­niar­tik­kusus­sin­naal­lugit. Aam­ma uiusut ilaat im­maqa meeq­qatik Biibili pil­lugu ilin­niar­tin­nis­saat nuliamin­nut kristumiuusumut iner­teq­qutigisin­naavaat. Pis­sutsini taama ik­kaluar­tuniluun­niit nuliaasoq meeq­qani sal­lusuis­sum­mik ilin­niar­tin­niarlugit sapin­ngisaminik ilius­saaq. (ApS 16:1; 2 Tim 3:14, 15) As­sersuutigalugu uiusup Jehovamut kif­far­tun­ngitsup nuliani meeq­qamin­nik Biibilimik atuaq­qis­saaqatigin­nit­tar­nis­saa taak­kunin­ngaluun­niit ataatsimiigiaqateqar­tar­nis­saa iner­teq­qutigisin­naavaa. Nuliaasup uimi aalajangius­saanik ataq­qin­niitigaluni meeq­qatik up­perisani pil­lugu periarfis­saqaraangat oqaloqatigisarsin­naavai. Taamaalil­lutik meeq­qat Jehovamik taas­sumalu eq­qor­toq eq­qun­ngitsorlu pil­lugit najoq­qutas­siaanik ilin­niarsin­naap­put. (ApS 4:19, 20) Naggataatigut meeq­qat nam­min­neq aalajanger­tariaqalis­sap­put Jehovamut kif­far­tor­niar­nerlutik. * – 5 Mos 30:19, 20.

ILAQUTTAT PALLORFIGINNINNERMIK ILUMOORTUMIK AKERLILERSUISUT

11. Ilaqut­tatsin­nut Nalunaajaasuun­ngitsunut at­taveqar­nitsin­ni suna ajor­nar­torsiutaalersin­naava?

11 Jehovap Nalunaajaasuinik atuaqateqar­taq­qaalerat­ta imaas­sin­naavoq ilaqut­tavut paasitis­siman­ngik­kivut. Up­per­ner­pul­li ineriar­tor­til­lugu paasiler­par­put Jehovamut kif­far­torusun­ner­put pil­lugu paasitit­tariaqarlugit. (Mark 8:38) Il­lit Guutimik ilumoorfigin­nin­nerit il­lit ilaqut­tavil­lu akun­nis­sin­ni im­maqa ajor­nar­torsiutaaler­poq. Jehovamut aalajaat­tuar­nerit ilutigalugu eq­qis­sinermik atajuar­titsiniarlutit iliuuserisin­naasavit ilaat sam­meriar­tigit.

Ilaqut­tavut qanoq misiginersut paasigutsigu sal­lusuis­sum­mik ilin­niar­til­luarsin­naanerus­savavut

12. Ilaqut­tat­ta akerlilersuineran­nut suut pis­sutaasin­naap­pat, qanorli paasitis­sin­naavavut misigis­susii soqutigigivut?

12 Ilaquttat Jehovamut kiffartunngitsoq qanoq misiginersoq paasiniarsariuk. Sal­lusuis­sum­mik Biibilimiit­tumik paasin­nis­simaner­put nuan­naarutigeqaar­put. Ilaqut­tat­tali sal­loqit­tar­neqarsimasorisin­naavaatigut up­perisarsioqatigiin­nul­luun­niit eq­qumiitsunut ilaalersimasorisin­naal­luta. Isumaqarsin­naap­put asajun­naarivut nal­liut­tunik nal­lius­seqatigineq ajoratsigit. Aam­ma al­laat toqugut­ta Guutimit pil­lar­neqar­nis­sar­put an­nilaangagisin­naavaat. Sooq isumaalugineraatigut paasiumal­lugu taak­ku qanoq misiginersut paasiniarsariaqar­par­put tusar­naaq­qis­saar­tariaqarlutigil­lu. (Uss 20:5) Apustilip  Paulusip “kik­kut tamaasa” paasiniarsarai nutaarsias­samik nuan­nersumik ilin­niar­tis­sin­naanias­sagamigit. Ilaqut­tatsin­nik paasin­nin­niarsariner­put taak­kua sal­lusuis­sum­mik qanoq ilin­niar­tis­sin­naaneran­nik paasin­nin­nis­samut iluaqutigisin­naavar­put. – 1 Kor 9:19-23.

13. Ilaqut­tavut Nalunaajaasuun­ngitsut qanoq oqaloqatigisas­savavut?

13 Saamallutit oqaluttarit. Biibilimi ima al­las­simavoq: “Tamatigut oqalut­tas­saasi inus­siar­nersumik.” (Kol 4:6) Taman­na ajor­narsin­naasar­poq. Jehova qin­nuigisin­naavar­put ilaqut­tatsin­nut saamasaar­nis­samut inus­siar­nisaar­nis­samul­lu anersaaminik il­ler­nar­tumik ikioq­qul­luta. Taak­kua up­perisaat eq­qun­ngitsut tamaasa pil­lugit oq­qateqatiginiar­tas­san­ngilavut. Oqaasiinit iliuusiinil­luun­niit an­nersin­neqarut­ta apustilit ilaarsin­naavavut. Paulusi ima al­lap­poq: “Oqalorujuf­figineqaraangat­ta pil­luaq­qusisar­pugut, qinugineqaraangat­ta naam­magit­tar­tar­pugut, ajor­tumik oqaluuserineqar­taraangat­ta inus­siar­nersumik akisar­pugut.” – 1 Kor 4:12, 13.

14. Pis­suseris­saar­neq sunik iluaqutis­sar­taqar­pa?

14 Pissuserissaartuarit. Sooq taman­na pingaaruteqar­pa? Saamasumik oqalut­tar­ner­put ilaqut­tatsin­nik eq­qis­seqateqar­nis­samut iluaqutigisin­naagaluarlutigu pis­suseris­saar­ner­put suli sun­niuteqar­nerusin­naavoq. (1 Petrusi 3:1, 2, 16 atuakkit). Il­lit inuunin­ni ilaqut­tan­nit takuneqarsin­naatiguk Jehovap Nalunaajaasui aap­pariil­luar­tar­tut, meeq­qamin­nik isumagin­nil­luar­tuusut, najoq­qutas­sianik Biibilimiit­tunik maleruaasut siuner­taqarluar­tumil­lu inuusut. Ilaqut­tavut sal­lusuis­sum­mik akuerin­nin­ngisaan­nas­sagaluar­pataluun­niit pis­suseris­saar­nit­ta Jehovamit iluarisaaneranik ilisiman­nin­ner­put nuan­naarutigisin­naavar­put.

15. Ilaqut­tavut oq­qateqatigiumanagit suut siumut eq­qarsaatigereersin­naavavut?

15 Siumut eqqarsareertarit. Pis­sutsit ilaqut­tatil­lu oq­qas­sutigilersin­naasasi siumut eq­qarsaatigeriik­kit. Taava qanoq ilior­niar­nerlutit aalajangerit. (Uss 12:16, 23) Qatan­ngut ar­naq Australiamiu taamaalior­poq. Taas­suma sakia sal­lusuis­sum­mik akerlilersuisuuvoq ilaan­nik­kul­lu kamat­tarluni. Taan­na sianerfigitin­nagu qatan­ngut ar­naq taan­na uinilu Jehovamut qinusar­put kamal­lutik akinaveersaar­nis­saanut ikioq­qul­lutik. Eq­qar­torsin­naasamin­nik nuan­nersunik eq­qarsaateqareer­tar­put. Sivisuumik, up­perisarsior­neq pil­lugu oq­qan­nin­nguut­tus­samik, oqaloqatigiumanagu qanoq sivisutigisumik oqaloqatigis­sanerlugu aalajanger­tar­put.

16. Ilaqut­tatil­lu isumaqatigiin­ngin­nis­sin­nut pisuusutut misiginerit qanoq qaangersin­naaviuk?

16 Soorunami ilaqut­tatil­lu Jehovamut kif­far­tor­tuun­ngitsut isumaqatigiin­ngis­suteqan­ngitsuuis­sin­naan­ngilasi. Taamaat­tumik isumaqatigiin­ngis­suteqaraangas­si im­maqa pisuusutut misigisarsin­naavutit ilaqut­tatit asagak­kit nuan­naar­tik­kusuk­kak­kil­lu. Eq­qaamajul­li Jehovamik ilumoorfigin­nin­nerit ilaqut­tan­nik asan­nin­ner­nit sak­kor­tunerusariaqar­toq. Ilaqut­tavit taman­na paasilerunik­ku Jehovamut kif­far­tor­nerup qanoq pingaaruteqar­tiginera imaas­sin­naavoq paasigaat. Al­lat sal­lusuis­sum­mik akuerin­neq­qul­lugit pin­ngitsaalineqarsin­naan­ngil­lat. Il­lil­li takutis­sin­naavatit Jehovap aq­qutigeq­qusaanik maleruaanerit qanoq iluaqutigisimanerlugu. Jehovap aam­ma taak­ku qanoq inuuniar­nerlutik nam­mineq aalajanger­nis­samut  periarfis­sip­pai, soorlu uagut taamatut periarfis­sik­kaatigut. – Es 48:17, 18.

ILAQUTAQ JEHOVAMIK TUNUSSIGAANGAT

17, 18. Ilaqut­tat Jehovamik tunus­sip­pat suut iluaqutigisin­naavigit?

17 Ilaqut­tap ilagiin­nut ilaajun­naarsitaanera im­minul­luun­niit ilagiin­nut ilaasor­taajun­naarsin­nera ar­tor­nar­torujus­suusin­naavoq. Ima naal­liun­nar­tigisin­naavoq panamik kapineqar­tutut misiginarluni. Naal­liun­nerit naam­magalugu qanoq atorsin­naaviuk?

18 Sammisassat anersaakkut ittut pingaarnerpaatittuakkit. Taamatut naal­liuk­kaangavit il­lit nam­mineq up­per­nerit nakus­satsit­tariaqar­tas­savat. Ul­lut tamaasa Biibili atuar­taruk, ataatsimiin­ner­nut piareersar­tarlutil­lu najuut­tarit, oqaluus­siuar­tarit Jehovalu qin­nuigiuk piner­tusaar­nis­san­nut nakus­satseq­qul­lutit. (Jud 20, 21) Tamak­kumi tamaasa iliuuserisaraluarlugit naal­liuk­kun­naan­ngik­kuit? Qasusuisaarit! Sam­misas­sat anersaak­kut it­tut pingaar­ner­paatit­tuak­kit. Pif­fis­sap ingerlanerani taman­na eq­qarsaatin­nik misigis­sutsin­nil­lu aqutsinis­samut iluaqutigis­savat. Tus­siaat 73-imik al­lat­tup taman­na misigaa. Taan­na kuk­kusumik isigin­nit­taaseqaler­poq ar­tor­nar­torsiungaalerlunilu, Jehovamil­li pal­lorfigin­nin­nini iluaqutigalugu pis­sutsinut eq­qor­tumik isigin­nit­taaseqaq­qiler­poq. (Tuss 73:16, 17) Aam­ma il­lit aalajaal­lutit Jehovamut kif­far­tor­nerit taamatut iluaqutigisin­naavat.

19. Jehovap in­nut­taminik perorsaatis­seeriaasianik ataq­qin­nin­nerit qanoq ersersis­sin­naaviuk?

19 Jehovap perorsaatissiineranik ataqqinnigit. Guutip nalun­ngilaa perorsaatis­siinini at­tugaasut tamarmik, aam­ma ilaajun­naarsin­neqar­tut, iluaqutigiumaaraat. Asasat­ta, perorsaatis­sin­neqar­nera naal­liun­nangaaraluar­toq, perorsaatis­sin­neqar­nini siunis­sami Jehovamut uter­nis­saminut iluaqutigisin­naavaa. (Hebræerit 12:11 atuaruk). Perorsaatis­sin­neqar­til­lugu Jehovap ilaajun­naarsitaasut ‘ilagisas­san­ngin­nis­saan­nik’ ilitsersuus­sutaa ataq­qisariaqar­par­put. (1 Kor 5:11-13) Taman­na imaan­naaneq ajor­poq. Oqarasuaatik­kul­li, sms-ik­kut, al­lak­katigut, e-mailik­kut inter­netik­kul­luun­niit at­taveqaatit al­lat aq­qutigalugit at­taviginis­saan­nut pis­sutis­sarsior­navian­ngilagut.

20. Suna neriuutigiuas­savar­put?

20 Neriuutaarutinngisaannarit! Asan­nin­neq “tamatigut neriut­tar­poq”, taamaat­tumik asasat­ta Jehovamut uter­nis­saat neriuutigiuar­par­put. (1 Kor 13:7) Takusin­naaguk­ku qanigisat al­lan­nguiar­tulersoq, qin­nus­sin­naavat Biibilimut nukis­samik aal­ler­tarsin­naaq­qul­lugu Jehoval­lu kajumis­saarutaanik matumin­nga ilas­sin­nil­luaq­qul­lugu: “Uan­nut uterit.” – Es 44:22.

21. Jiisusimik malin­nin­nerit pil­lugu ilaqut­tan­nit akerlilersor­neqaruit qanoq ilius­savit?

21 Jiisusi oqar­poq inun­nik al­lanik asan­nin­nitsin­nit an­nerusumik asas­sagitsin­ni. Aam­ma Jiisusip qularutigin­ngilaa ajoqersuk­kani ilaqut­tamin­nit akerlilersor­neqaraluarlutik im­minik ilumoorfigin­nit­tuar­nis­samut sapiis­suseqas­sasut. Taamaat­tumik Jiisusimik malin­nin­nerit pil­lugu ilaqut­tan­nit akerlilersor­neqaruit Jehova tatigiuk. Qin­nuigiuk iluatsil­luar­tumik piner­tusaarsin­naaq­qul­lutit ikioq­qul­lutit. (Es 41:10, 13) Jehovamit Jiisusimil­lu iluarisaanin­nik aalajaan­neril­lu pil­lugu taak­kunan­nga akis­sarsisin­neqarumaar­nin­nik ilisiman­nin­nerit nuan­naarutigiuk.

^ par. 10 Angajoq­qaat aap­paan­naa Jehovamut kif­far­tor­tuugaangat meeq­qanik perorsaaneq pil­lugu paasisaqar­nerorusuk­kuit takuuk “Atuar­tar­tut Apeq­qutaat”, Napasuliaq Alapernaarsuiffik oktobarip aal­laq­qaataat 2002-moor­toq, qupp. 30.