Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Oktobari 2016

Neriugisamik upperinninnerit nakussatsiguk

Neriugisamik upperinninnerit nakussatsiguk

“Up­per­neq tas­saavoq neriugisamik tatigin­nil­luin­nar­neq.” – HEBR 11:1.

ERINARSUUTIT: 54, 55

1, 2. (a) Neriugisavut inuit neriugisaan­nit qanoq al­laanerus­suteqar­pat? (b) Al­laaserisami matumani suut sam­mis­savavut?

JEHOVAP nuan­nersunik neriuutis­sip­paatigut! Atini il­ler­narsisin­niarlugu piumasanilu qilam­mi nunamilu piviusun­ngor­tin­niarlugu neriorsuivoq. (Matt 6:9, 10) Taak­kua neriuutigisat­ta pingaar­nersaraat. Jehovap aam­ma qilam­mi nunamiluun­niit inuunermik naas­saan­ngitsumik akis­sarsisin­niarluta neriorsor­paatigut. Taman­na qilanaareqaar­put! (Joh 10:16; 2 Petr 3:13) Aam­ma ul­luni kingul­ler­ni mak­kunani Jehovamit siulersor­neqar­tuar­nis­sar­put tapersersor­neqar­tuar­nis­sar­pul­lu neriuutigaar­put.

2 Biibili naaper­torlugu “up­per­neq tas­saavoq neriugisamik tatigin­nil­luin­nar­neq”. Tas­sa up­per­tut Jehovap neriorsuutiminik piviusun­ngor­titsiumaar­nera qularin­ngil­luin­nar­paat. (Hebr 11:1) Nalitsin­nili inup­pas­suit qular­nar­tunik neriuuteqar­tarlutil­lu kis­saateqar­tar­put. As­sersuutigalugu inuit ilaasa eq­quiniaatitsinermi pin­nan­nis­sar­tik neriuutigisar­paat, pin­nan­nis­sar­til­li qulak­keersin­naan­ngilaat.  Al­laaserisami matumani Guutip neriorsuutaanik up­perin­nin­ner­put qanoq nakus­satsis­sin­naagip­put up­perluar­ner­pul­lu maan­nangaaq qanoq iluaqutigisin­naagip­put sam­mis­savavut.

3. Sooq Guutip neriorsuutaasa eq­quun­nis­saat up­peraar­put?

3 Inun­nguuseralugu up­persuseqar­neq ajorat­ta up­persuseqalerumal­luta Guutip anersaavanit il­ler­nar­tumit uum­matitsigut siulersor­tit­tariaqar­pugut. (Gal 5:22) Anersaaq il­ler­nar­toq Jehovap ilisarisimal­lualer­nis­saanut iluaqutigisin­naavar­put. Jehova Ajugaqan­ngitsuul­lunilu ilisimas­suseqangaar­toq nalun­ngik­kutsigu neriorsuutiminik tamanik eq­quutititsisin­naanera qularin­ngil­luin­narsin­naavar­put. Jehova neriorsuutini eq­quutereersutut isigalugit ima oqar­poq: “Pisus­sat pereer­put.” (Saq­qum­mersitat 21:3-6 atuak­kit). Jehova ‘Guutiugami un­neq­qaris­soq’ neriorsuinermisut ilior­tuaan­nar­toq nalun­ngilar­put. Taamaat­tumik siunis­saq pil­lugu oqaasii tamaasa up­peraavut. – 5 Mos 7:9.

ITSAQ GUUTIP KIF­FAI UP­PERLUAR­TUT

4. Itsaq Guutip kif­faasa suna up­peraat?

4 Hebræerit kapitali 11-mi angutit ar­nal­lu 16-it Jehovap neriorsuutaanik up­perin­nil­luin­nar­tut eq­qaaneqar­put. Aam­ma al­lar­pas­suit “up­per­tuuner­tik” pis­sutigalugu Jehovamit iluarisaasut eq­qaaneqar­put. (Hebr 11:39) Taak­kua tamarmik ‘kinguaas­saq’ Jehovap neriorsuutigisaa utaq­qivaat. Nalun­ngilaat ‘kinguaas­sap’ Guutip akerai tamaasa suujun­naarsis­sal­lugil­lu nunarsuaq paratiisin­ngor­teq­qis­sagaa. (1 Mos 3:15) Guutip kif­faasa taak­kua aam­ma Jehovamit makitin­neqarumaar­ner­tik up­peril­luin­nar­paat. Jiisusip, ‘kinguaas­sap’, im­minut pil­liutiginera sioq­qul­lugu inuugamik qilaliar­nis­saq neriuutigin­ngilaat. (Gal 3:16) Nunarsuarmili paratiisimi nuan­nersumi naas­saan­ngitsumik inuunis­sar­tik neriuutigaat. – Tuss 37:11; Es 26:19; Hos 13:14.

5, 6. Aaperaap ilaqutaasalu suna qilanaaraat, qanorlu up­perluar­tuar­pat? (Al­laaserisap aal­laq­qaataani as­siliaq takuuk).

5 Jehovap kif­fai aalajaatsut taak­ku pil­lugit Hebræerit 11:13-mi ima al­las­simavoq: “Taaneqar­tut tamak­ku tamarmik up­persuseqar­ner­tik pigalugu toqup­put neriorsuutit suli eq­quutin­ngitsut. Eq­quun­nis­saat kisiat ungasianit takusin­naasimavaat ilas­sisimal­lugulu.” Neriuuter­tik qilanaarigamik­ku silarsuas­sami nutaami inuul­lutik takorloor­tar­paat. Aaperaat taak­kua ilagaat. Jiisusi oqar­poq Aaperaat pif­fis­saq taman­na ‘takus­sagamiuk nuan­naaqisoq’. (Joh 8:56) Aam­ma Sarap, Iisaap, Jaakup al­lar­pas­suil­lu Naalagaaf­fiup, ‘Guutimit sananeqarlunilu pin­ngor­tin­neqar­tup’, nunarsuarmi tamarmi naalak­kersuiler­nis­saa qilanaaraat. – Hebr 11:8-11.

6 Aaperaat ilaqutaalu qanoq up­perluar­tuar­pat? Jehova pil­lugu ilin­niar­tuaramik. Guutip ilaan­nik­kut takorluuisin­nerisigut, sin­nat­tor­tin­nerisigut in­ngilil­luun­niit aq­qutigalugit oqaluut­tar­pai. Im­maqa aam­ma utoq­qaat aalajaatsut al­lagatoq­qal­luun­niit ilin­niarfigisar­paat. Aaperaap ilaqutaasalu Guutip neriorsuutai eq­qarsaatigeq­qis­saas­sal­lugit nuan­narisar­paat. Taamaat­tumik Jehovap neriorsuutiminik piviusun­ngor­titsinis­saa qularin­ngilaat. Taman­nalu pis­sutigalugu  erloqinar­torsioraluarlutik malersugaagaluarlutil­lu Guutimin­nut ilumoorfigin­nit­tuar­put.

7. Up­perlualer­nias­sagat­ta Jehovap sunik tunivaatigut, qanorlu ilior­tariaqar­pugut?

7 Up­perluar­tuar­nis­samut suut iluaqutigisin­naavavut? Jehovap siunis­samut neriorsuutiminik ilin­niar­tin­niarluta Biibili uagutsin­nut tun­niup­paa. Tas­sani qanoq pil­lualer­toqarsin­naasoq ersersin­neqar­poq. Taamaat­tumik ul­lut tamaasa Biibilimik atuar­tar­neq atuak­katsin­nil­lu maleruaaneq iluaqutigisar­pavut. (Tuss 1:1-3; Apustilit Suliaat 17:11 atuaruk). Jehovap aam­ma inus­siaq aalajaal­lunilu silatooq aq­qutigalugu ‘nerisas­sanik pif­fis­saq eq­qorlugu tunisar­paatigut’. (Matt 24:45) Itsaq Guutip in­nut­taasa pisimanerat­tut Guutip neriorsuutai pil­lugit akulikitsumik atuar­tariaqarlutalu eq­qarsaatigin­neq­qis­saar­tariaqar­pugut. Taman­na Guutip ilumoorfiginis­saanut Naalagaaf­fiul­lu nunarsuaq tamak­kerlugu naalak­kersuiler­nis­saata qilanaariuar­nis­saanut iluaqutigis­savar­put.

Jehova qin­nutitsin­nik akisigaangat up­perineruler­tar­par­put

8. Qinuneq up­per­nik­kut qanoq nakus­satsis­sutigisin­naavar­put?

8 Itsaq Jehovap in­nut­taasa up­perluar­tuar­nis­samut aam­ma suna iluaqutigaat? Jehovamut ikioq­qul­lutik qin­nutitik akineqaraangata up­perluar­neruler­tar­put. (Neh 1:4, 11; Tuss 34:5, 16, 18; Dan 9:19-21) Taamatut­taaq Jehovap qin­nutivut akigaangagit pif­fis­sarlu eq­qorlugu pisariaqar­titar­piatsin­nik tunigaangatigut up­per­nik­kut nakus­satsit­tar­pugut. (1 Johan­nesi 5:14, 15 atuak­kit). Aam­ma up­perluar­nerulerumal­luta Jehova anersaamik il­ler­nar­tumik tuneq­qul­luta qin­nuigiuar­tariaqar­par­put. – Luk 11:9, 13.

9. Suut pil­lugit qinusariaqar­pugut?

9 Jehovamut qinugaangat­ta pisariaqar­titavut kisiisa qin­nutigisas­san­ngilavut. Nuan­nersor­pas­suar­nik iliuuseqar­nikuum­mat ul­lut tamaasa qutsavigisariaqarlugulu un­nersiutigisariaqar­par­put. (Tuss 40:6) Jehovap in­nut­taasa aam­ma qatan­ngutitik nunani al­laniit­tut qin­nut­tar­paat. As­sersuutigalugu ‘par­naarus­saasut eq­qaamasarlugil­lu’ ‘siulersor­tivut’ qin­nut­tar­pavut. Jehova qin­nutitsin­nik akisigaangat up­perinerulerlugulu qanin­neruler­tar­par­put. – Hebr 13:3, 7.

ILUMOORFIGIN­NIT­TUAR­PUT

10. Guutip kif­faasa sapiis­suseqar­nis­samut ilumoorfigin­nin­nis­samul­lu suut iluaqutigaat?

10 Hebræerit kapitali 11-mi apustili Paulusi ima al­lap­poq: “Ar­nat toqusor­tatik makititaanik­kut uter­tip­paat, al­lat an­niar­titaal­lutik toqutaap­put akiliun­neqarluni iperar­neqar­nis­saq piumanagu toqusunit makititaanis­saq ajun­ngin­nerusoq piumal­lugu.” (Hebr 11:35) Amerlasuut Guutip makititsinis­samik neriorsuutaa up­peril­luin­naramik­ku misilin­neqar­nermin­ni piner­tusaarlutil­lu Guutimut ilumoorfigin­nit­tuar­put. Nalun­ngilaat Jehovap nunarsuarmi naas­saan­ngitsumik inuunis­samut  makitik­kumaaraatik. Naboti Zakarialu Guutimut naalak­kumaner­tik pis­sutigalugu ujaq­qanik mil­loor­neqarlutik toqutaap­put. (1 Kng 21:3, 15; 2 Nal 24:20, 21) Danieli løvit perler­tut inaan­nut ikin­ngutaalu aatsitsivim­mut aamaan­naasumut igin­neqar­put. Jehovamut ilumoorun­naar­nis­samin­ngar­nit toqorusun­nerup­put. Angutit taak­kua erloqinar­torsior­nermin­ni Jehovamit anersaamik il­ler­nar­tumik tunineqarumaar­ner­tik up­peril­luin­nar­paat. – Dan 3:16-18, 20, 28; 6:14, 17, 22-24; Hebr 11:33, 34.

Guutip kif­fai makititsinis­samik neriorsuut up­peril­luin­naramik­ku ilumoorfigin­nit­tuar­put

11. Pruf­fiitit ilaat up­per­ner­tik pis­sutigalugu qanoq misilin­neqar­pat?

11 Pruf­fiitit amerlasuut, soorlu Mika Jeremialu, mitaatigineqarlutil­lu par­naarus­saap­put. Al­lat, soorlu Elia, “inoqajuitsuni qaq­qanilu angalaar­tuar­tariaqar­put qaarusun­nilu qun­ner­nilu najugaqarlutik”. Tamarmik ‘neriugisar­tik tatigil­luin­naramik­ku’ misilin­neqar­nermin­ni piner­tusaarlutil­lu Guutimut ilumoorfigin­nip­put. – Hebr 11:1, 36-38; 1 Kng 18:13; 22:24-27; Jer 20:1, 2; 28:10, 11; 32:2.

12. Kina maligas­saal­luar­ner­paava, misilin­neqar­nermilu piner­tusaar­nis­samut suna iluaqutigaa?

12 Jiisusi Kristusi sak­kor­tuner­paamik misilin­neqaraluarluni Jehovamik ilumoorfigin­nit­tuar­poq. Piner­tusaar­nis­saminut suna iluaqutigaa? Paulusi ima al­lap­poq: “Taas­suma nuan­naar­nis­saq siunerminiit­toq pil­lugu san­ningasulik [nap­pagaq an­niar­titaaf­fik, NW] naam­magalugu ator­paa kan­ngunarsaataanera soqutiginagu, maan­nalu Guutip is­siavis­saarsuata taler­piata tungaani is­sial­luni.” (Hebr 12:2) Paulusip kristumiut Jiisusip maligas­siaanik eq­qarsaatigin­neq­qis­saaq­qul­lugit kajumis­saar­pai. (Hebræerit 12:3 atuaruk). Jiisusip pisimaneratut kristumior­pas­suit siul­liit, soorlu Antipasi, Jehovamut ilumoorfigin­nik­kamik toqutaap­put. (Saqq 2:13) Tanitat taak­ku ‘makititaanis­samit ajun­ngin­nerusumit’, itsaq angutit up­perluar­tut neriugisaan­nit, suli pitsaanerusumik qilam­mut makititaas­sap­put. (Hebr 11:35) Jiisusip 1914-imi kun­ngin­ngor­nerata kingor­na tanitat aalajaatsut tamarmik sinip­paar­tut Jiisusi inuian­nut naalak­kersueqatigiumal­lugu anersaatut toqujuitsutut qilam­mi makititaap­put. – Saq­q 20:4.

NALITSIN­NI GUUTIP KIF­FAI UP­PERLUAR­TUT

13, 14. Rudolf Graichen qanoq misilin­neqar­pa, Guutil­lu ilumoorfiginis­saanut suna iluaqutigaa?

13 Guutip kif­fai mil­lionil­lit Jiisusi ilaarlugu Guutip neriorsuutaanik eq­qarsaatigin­neq­qis­saar­tarlutil­lu misilin­neqar­nermin­ni ilumoorfigin­nil­lutik piner­tusaar­tar­put. Rudolf Graichen, 1925-mi Tysklandimi inuusoq, eq­qarsaatigiuk. Meeraal­luni angajoq­qaavisa as­sit Biibilimik tun­ngavil­lit angerlarsimaf­fim­min­ni as­siliaatigaat. Ima oqalut­tuar­poq: “As­silis­sat ilaan­ni amaroq savaararlu,  milakulaaq savaasaararlu, nersuteeraq løvitsiarlu eq­qis­seqatigiil­lutik nukap­piaran­nguamit paarineqar­tut takuneqarsin­naap­put.” (Es 11:6-9) Taman­na Rudolfip nunarsuarmi paratiisis­samik eq­qarsaatigin­nin­nis­samut up­per­nerminil­lu nakus­satsitsinis­samut iluaqutigaa. Taman­na pis­sutigalugu ukior­pas­suar­ni Nazistit iser­tor­tumik politiivinit tamatumalu kingor­na Tysklandimi Kangil­lermi iser­tor­tumik politiinit Stasi-nit sak­kor­tuumik malersor­neqaraluarluni Jehovamut ilumoorfigin­nip­poq.

14 Rudolf misilin­neqar­ner­ni al­lani amerlasuuni aam­ma piner­tusaar­poq. Ar­naa Ravensbrückimi tigusanut inis­siarsuarmi tyfusimik nap­paateqarluni toquvoq. Angutaa Jehovamik Nalunaajaasuujun­naar­nini nalunaarutigalugu atsior­poq. Rudolfili up­per­nik­kut nukit­tujuar­poq. Par­naarus­sivim­mit iperagaanermi kingor­na ilagiin­nik nak­kutil­liisutut kif­far­tor­poq. Taava Ilin­niarfim­mi Gileadimi ilin­niareerluni Chilemut aal­lar­tin­neqarami ilagiin­nik nak­kutil­liisutut kif­far­toq­qiler­poq. Tas­sani qatan­ngut  ar­naq ajoqersuiar­tor­titaq, Patsy, katip­paa. Ajoraluar­tumil­li ukioq ataaseq qaangium­mat paniat inoorlaaq toquvoq. Tamatuma kingor­na Patsy 43-in­nar­nik ukioqarluni aam­ma toquvoq. Rudolf misilin­neqangaaraluarluni Jehovamut kif­far­tor­tuar­poq. Al­laat utoq­qaligaluarluni peq­qiil­liuleraluarlunilu pioneritut utoq­qaaner­tatul­lu kif­far­tor­poq. Misigisalik­kersaarutaa Napasuliaq Alaper­naarsuif­fik aggustip aal­laq­qaataat 1997-imoor­tumi qup­p. 19-24 atuar­neqarsin­naavoq.

15. Nalitsin­ni qatan­ngutit sak­kor­tuumik malersor­neqaraluarlutik nuan­naarlutik Jehovamut kif­far­tor­tut ilaan­nik eq­qaasaqarit.

15 Nalitsin­ni qatan­nguter­pas­suavut sak­kor­tuumik malersor­neqaraluarlutik nuan­naarlutik Jehovamut kif­far­tor­put. Eritreami, Singaporemi Koreamilu Kujal­lermi ‘panalersorusun­ngitsut’ hundredil­lit par­naarus­saaq­qap­put. (Matt 26:52) As­sersuutigalugu Isaac, Negede aam­ma Paulos Eritreami ukiut 20-t sin­nerlugit par­naarus­saaq­qap­put! Peq­qar­niitsumik pineqar­tar­put. Ukior­pas­suar­nilu katin­nis­samut angajoq­qaamin­nil­luun­niit isumas­suinis­samut periarfis­saqarsiman­ngil­lat. Jehovamul­li ilumoorfigin­nit­tuarlutil­lu up­perluar­tuar­put. Al­laat par­naarus­sivim­mi paarsisunit ataq­qineqalersimap­put. Qatan­ngutit taak­kua as­singat nit­tar­tak­kami jw.org-imi takuneqarsin­naavoq. Naal­liuk­kaluarlutik qungujulap­put.

Ilagiis­sin­ni qatan­ngutit qanoq up­per­nik­kut nukit­tu­juar­pat? (Im­mik­koor­tut 15 aam­ma 16 takuk­kit)

16. Up­perluar­neq qanoq iluaqutigisin­naaviuk?

16 Jehovap in­nut­tai amerlanerit qatan­ngutitsitut eq­qaaneqareersutut par­naarus­saaq­qanatil­lu peq­qar­niitsumik pineqar­neq ajor­put. Amerlasuul­li piitsuuneq, pin­ngor­titami ajunaar­nersuit naalagaaf­fiul­lu inuisa im­min­nut sorsuun­nerat pis­sutigalugit naal­liup­put. Al­lat Aaperaat, Iisaaq, Jaaku Mosesilu ilaarlugit tusaamasatut pisuutul­luun­niit inuujun­naarlutik Jehovamut kif­far­tor­nermik aal­lus­silersimap­put. Qatan­ngutit nuan­naarlutik Jehovamut kif­far­tor­nis­samut suut iluaqutigaat? Taas­sumin­nga asan­nin­ner­tik neriorsuutaanil­lu up­perin­nil­luin­nar­ner­tik. Nalun­ngilaat silarsuas­sami nutaami naaper­tuil­luarfiusumi Guutip kif­fani aalajaatsut inuunermik naas­saan­ngitsumik akis­sarsisis­sagai. – Tus­siaat 37:5, 7, 9, 29 atuak­kit.

17. Up­per­nerit qanoq nakus­satsik­kusup­piuk, al­laaserisal­lu tul­liani suna sam­mis­savar­put?

17 Al­laaserisami matumani ‘up­per­nerup neriugisamik tatigin­nil­luin­nar­nerunerata’ isumaa sam­mivar­put. Taamatut up­persuseqarumal­luta Jehovamut qinusariaqarlutalu neriorsuutai eq­qarsaatigeq­qis­saar­tariaqar­pavut. Taamaaliorut­ta qanorluun­niit misilin­neqaraluarluta piner­tusaarsin­naas­saagut. Al­laaserisap tul­liani up­per­neq aam­ma qanoq isumaqar­toq sam­mis­savar­put.