“Up­per­neq tas­saavoq ... takun­ngisamik qularuteqan­ngin­neq.” – HEBR 11:1.

ERINARSUUTIT: 120, 43

1. Up­per­neq qanoq isumaqarfigisariaqar­par­put?

INUIT ilaan­naat up­persuseqar­put. (2 Th 3:2) Jehoval­li pal­lorfigin­nitsini tamaasa up­persuseqalersip­pai. (Rom 12:3; Gal 5:22) Jehovap up­persuseqalersim­matigut qujamasungaar­pugut!

2, 3. (a) Up­per­ner­put qanoq iluaqutigisar­par­put? (b) Apeq­qutit suut sam­mis­savavut?

2 Jehovap er­nini asasani pil­liutigaa taas­sumun­nga up­per­toq kinaluun­niit ajor­timinik isumak­keerfigineqarsin­naanias­sam­mat. Taamaat­tumik kik­kut tamarmik Jehovamut ikin­ngutaaler­nis­samut naas­saan­ngitsumil­lu inuuneqaler­nis­samut periarfis­saqar­put. (Joh 6:44, 65; Rom 6:23) Jehovap ila asan­nis­susia! Ajor­tiliugaluar­tugut toqumil­lu pil­lar­neqar­tariaqaraluar­tugut Jehovap ajun­ngitsuliorsin­naasutut isigaatigut. (Tuss 103:10) Jiisusi taas­sumalu pil­liutaa pil­lugit nutaarsias­samik nuan­nersumik paasin­nin­niar­nitsin­ni ikiorsimavaatigut. Jiisusi up­perileratsigu malilerlugulu naas­saan­ngitsumik inuuneqaler­nis­saq qilanaariler­par­put. – 1 Johan­nesi 4:9, 10 atuak­kit.

3 Up­per­nerli pil­lugu al­lat suut ilin­niarsin­naavavut? Guutip  uagut pil­luta iliuusiinik siunis­samilu iliuuserisas­saanik ilisiman­nin­ner­put pis­sutigiin­narlugit up­persuseqarsin­naavugut? Qanoq ilior­tariaqarluta sam­meriar­tigu.

‘UUM­MATIK­KUT UP­PERIT’

4. Up­perumal­luta susariaqar­tugut nas­suiaruk.

4 Jehovamut Jiisusimul­lu up­perumal­luta uagut pil­luta iliuusaat ilisimaan­nar­nagit ilitsersuutaat malil­lugit inuunis­sar­put qaman­nga pisumik kis­saatigisariaqar­par­put. Inoqativul­lu taak­ku pil­lugit ilin­niar­neran­ni ikiorusungaar­pavut. Apustili Paulusi ima al­lap­poq: “[Qanin­nik] nas­suerutigiguk­ku Jiisusi Naalagaasoq, uum­matik­kul­lu up­peruit Guutip toqusunit makitik­kaa, taava an­naan­neqas­saatit. Uum­matik­kum­mi up­per­neq iluar­tuutitaas­sutis­saavoq, qanermil­lu nas­suer­neq an­naan­neqaatis­saal­luni.” – Rom 10:9, 10; 2 Kor 4:13.

5. Sooq up­per­neq pingaaruteqar­pa, up­perluarumal­lutalu susariaqar­pugut? As­sersuuteqarit.

5 Guutip silarsuas­saani nutaami naas­saan­ngitsumik inuuneq nuan­naarutigiumal­lugu up­per­tariaqar­ner­put up­perluar­tuar­tariaqar­ner­pul­lu ersarip­poq. Up­per­neq naasutut ip­poq. Naasoq peq­qis­suus­sap­pat al­liar­tus­sap­pal­lu imer­ter­tuar­tariaqar­par­put. Naam­mat­tumil­li imer­ter­neq ajorutsigu toquliulis­saaq. Taamatut­taaq up­per­nit­ta ‘peq­qis­suul­lunilu’ ‘al­liar­tor­tuar­nis­saa’ qulak­keer­tariaqar­par­put. – Tit 2:2; 2 Th 1:3; Luk 22:32; Hebr 3:12.

UP­PER­NERUP BIIBILIMI AL­LAATIGINEQAR­NERA

6. Hebræerit 11:1-imi up­per­neq marlutsigut qanoq al­laatigineqar­pa?

6 Hebræerit 11:1-imi up­per­neq nas­suiar­neqar­poq. (Atuaruk). (1) Up­per­neq tas­saavoq “neriugisamik tatigin­nil­luin­nar­neq”. Guutip siunis­samut neriorsuutai neriugisat­ta ilagaat. As­sersuutigalugu ajus­suseqarun­naar­nis­saa silarsuul­lu nutaap pilersin­neqar­nis­saa qularin­ngil­luin­nar­pavut. (2) Up­per­neq tas­saavoq “takun­ngisamik qularuteqan­ngin­neq”. Jehova Guuti, Jiisusi Kristusi, in­ngilit qilam­milu Naalagaaf­fik takusin­naan­ngik­kaluarlugit piviusuusut nalun­ngilar­put. (Hebr 11:3) Guutip neriorsuutai takusin­naan­ngisavut up­peril­luin­narlugit qanoq ersersis­sin­naavar­put? Taamaaliorsin­naavugut inooriaatsitsigut oqaloriaatsitsigul­lu.

7. Noap maligas­siaa up­per­nerup isumaanik paasin­nin­nis­samut qanoq iluaqutigaar­put? (Al­laaserisap aal­laq­qaataani as­siliaq takuuk).

7 Up­per­neq pil­lugu Noa qanoq ilin­niarfigisin­naavar­put? Apustili Paulusi ima al­lap­poq: “Noa ilimasaar­neqar­poq suli takus­saan­ngitsumik, Guutimil­lu mianerin­nit­tuugami umiarsualior­poq inoqutimi an­naf­fis­saan­nik.” (Hebr 11:7) Jehovap oqaasii up­perigamigit Noa umiarsuarmik angisoorujus­suarmik sanavoq. Saniliisa sooq umiarsualior­nersoq aperisimas­savaat. Noa Biibilimi ‘iluar­nermik nalunaariar­tor­titatut’ taaneqarmat nipangersimaan­nan­ngitsoq qularin­ngis­sin­naavar­put. (2 Petr 2:5) Guutip ulersuar­titsinermigut inun­nik ajor­tunik nungutitsinis­saa pil­lugu inuit mianersoq­quai. Qular­nan­ngitsumik Jehovap oqar­neratorluin­naq oqarfigai: “Aalajanger­punga inuit tamaasa nungutin­niarlugit, ajor­tulior­nerisigut nunarsuaq nakuuser­nermik ulik­kaarmat. ... Nunarsuarmi ulersuar­titsiumaar­punga anersaar­tor­nermik uumas­sutaasumik peqar­tut  qilaap ataaniit­tut tamaasa nungutil­lugit; nunarsuarmiit­tut tamarmik nungutitaas­sap­put.” Inuit aniguiumal­lutik qanoq ilior­tariaqar­neran­nik Noap nas­suiaas­simas­savai. Jehovami ima peq­qusivoq: “Umiarsuarmut ikis­saatit.” – 1 Mos 6:13, 17, 18.

8. Jaaku up­per­neq pil­lugu qanoq al­lap­pa?

8 Up­per­neq Jaakup aam­ma al­laatigaa. Apustilip Paulusip hebræerinut al­lan­nerata im­maqa kingunin­ngua up­per­neq pil­lugu Jaaku ima al­lap­poq: “Up­per­nerit sulianik ilaqan­ngitsoq uan­nut takutiguk, taava uanga up­per­nera suliak­kut ilin­nut takutis­savara.” (Jaak 2:18) Jaakup up­per­nerup up­per­nermil­lu ersersitsinerup as­sigiin­ngis­sutaat ersaris­sumik nas­suiar­paa. Anersaapiluit Guutip piunera up­peraat, Jehovali ilumoorlutik up­perinagu sak­kor­tuumik akerlilersor­paat. (Jaak 2:19, 20) Ilumoor­tumil­li up­per­tup ajun­ngitsulior­nermigut pis­suserin­nermigul­lu Guuti nuan­naar­tin­niar­tar­paa. Aaperaat taamaalior­poq. Jaaku ima al­lap­poq: “Ataatar­put Aaperaat er­nini Iisaaq pil­liutitut pil­liivim­mut sas­saak­kamiuk suliamigut iluar­tuutitaan­ngin­ner­pa? Takuat, up­per­nera suliaalu sun­neeqatigiip­put suliaatigum­miuna up­per­nera naam­matsit­toq.” Taava up­per­nermik ersersitsisariaqar­nerup pingaaruteqas­susia Jaakup ima erseq­qis­sar­paa: “Soorlumi timi anersaar­tun­ngitsoq toqungasoq, taamat­taaq up­per­neq sulianik ilaqan­ngitsoq toqungavoq.” – Jaak 2:21-23, 26.

9, 10. Er­nermut up­per­neq qanoq paasisariaqar­pa?

9 Ukiut 30-t sin­nerlugit qaangium­mata Johan­nesip iivangkiiliuni al­lak­kanilu pingasut al­lap­pai. Biibilimik al­lat­tut al­lat as­sigalugit Johan­nesip up­per­nerup isumaa paasivaa. Johan­nesip al­latamini grækerit oqaluutaat kalaal­lisut ilaan­nik­kut ‘up­per­nermik’ nutser­neqar­tar­toq arlaleriarluni ator­paa.

Jiisusip naalan­neratigut Er­nermut up­per­ner­put ersersit­tar­par­put

10 As­sersuutigalugu Johan­nesi ima nas­suiaavoq: “Er­nermut up­per­toq naas­saan­ngitsumik inuuneqar­poq; Er­nermut naalas­seriitsup inuuneq takus­san­ngilaa, Guutil­li kaman­nerata qulangersimajuas­savaa.” (Joh 3:36) Er­nermut up­per­ner­put ersersik­kumal­lugu Jiisusi naalat­tariaqar­par­put. Johan­nesip al­lagaanit erser­poq naas­saan­ngitsumik inuulerumal­luta Jiisusimut Ataataanul­lu up­per­tariaqar­ner­put Jiisusip eq­qaakulasaraa. – Joh 3:16; 6:29, 40; 11:25, 26; 14:1, 12.

11. Sal­lusuis­sum­mik ilisiman­nin­ner­put pil­lugu Jehovamut qujamasun­ner­put qanoq ersersis­sin­naavar­put?

11 Sal­lusuis­sut paasinias­sagatsigu nutaarsias­sarlu nuan­nersoq up­perinias­sagatsigu Jehovap anersaani il­ler­nar­toq ator­tarmagu qujamasungaar­pugut. (Lukasi 10:21 atuaruk). Er­nini, “up­per­nerup aq­qutis­siuus­sisua naam­mas­sisitsisualu”, aq­qutigalugu im­minut qanil­litis­simam­matigut Jehova qutsavigiuar­tariaqar­par­put. (Hebr 12:2) Aam­ma Jehovamut qinujuar­nik­kut oqaasianil­lu  atuaq­qis­saar­tar­nik­kut up­per­ner­put nakus­satsit­tuar­tariaqar­par­put. – Ef 6:18; 1 Petr 2:2.

Sapin­ngisamik inuit amerlaner­paat nutaarsias­samik nuan­nersumik oqaluus­sif­figineri­sigut up­per­nerit ersersiguk (Im­mik­koor­toq 12 takuuk)

12. Up­perut­ta qanoq ilius­saagut?

12 Jehovap neriorsuutaanik up­perin­nil­luin­nar­ner­put iliuutsitsigut ersersit­tuar­tariaqar­par­put. As­sersuutigalugu inuit Guutip naalagaaf­fia pil­lugu oqaluus­sif­figiuarlugil­lu Jiisusimut ajoqersugan­ngoq­qul­lugit ilin­niar­tit­tuar­tariaqar­pavut. Aam­ma ‘tamanut, pingaar­tumik up­peqatitsin­nut, ajun­ngitsulior­tuar­tariaqar­pugut’. (Gal 6:10) Jehovamul­lu ikin­ngutaanitsin­nut ajoqutaasumik iliuuseqarusun­ngin­nat­ta tamaviaarluta ‘inutoqaq, iliuusai ilan­ngul­lugit, iperar­niar­tariaqar­par­put’. – Kol 3:5, 8-10.

GUUTIMUT UP­PER­NEQ TUN­NGAVIGISAT­TA ILAGAAT

13. ‘Guutimut up­per­neq’ qanoq pingaaruteqar­tigaa, Biibilimilu qanoq al­laatigineqar­pa, aam­ma sooq?

13 Biibilimi ima al­las­simavoq: “[Up­persuseqar­nani] Guutimit iluarisaaneq ajor­naqaaq, Guutimum­mi pisup up­perisariaqar­paa taan­na tas­saareersoq ujarlersinilu akis­sarsisis­sagai.” (Hebr 11:6) Biibilimi aam­ma ersersin­neqar­poq kristumiun­ngorusut­tut ilumoor­tut ‘Guutimut up­per­neq’, ‘tun­ngaviusut’ ilaat, siul­ler­tut pigiliut­tariaqaraat. (Hebr 6:1) Jehovamul­li ikin­ngutaajuarumal­luta up­per­nerup saniatigut pis­suserineqar­tus­sat al­lat aam­ma pisariaqar­tip­pavut. – 2 Petrusi 1:5-7 atuak­kit; Jud 20, 21.

14, 15. Up­per­neq asan­nin­nermut sanil­liul­lugu qanoq pingaaruteqar­tigaa?

14 Biibilimik al­lat­tut up­per­neq pis­suserineqar­tus­sani in­nersuus­sutiginer­paavaat. Taamaam­mat isum­mersin­naavugut up­per­neq pis­suserineqar­tus­sani pingaar­ner­paasoq?

15 Paulusip up­per­neq asan­nin­nermut ima sanil­liup­paa: “[Up­persuseqaruma] tamak­kiisumik qaq­qat nuus­sin­naal­lugit al­laat, asan­nis­suseqar­nangali, taava suun­ngeq­qajaqaanga.” (1 Kor 13:2) Jiisusi oqar­poq Guutimik asan­nin­neq ‘inatsisini inas­sutit an­nersarigaat’. (Matt 22:35-40) Asan­nin­neq Guutip iluarisaanik nuan­nersor­pas­suar­nik pis­suseqaler­nis­samut iluaqutigisar­par­put. As­sersuutigalugu Biibilimi al­las­simavoq asan­nin­neq ‘tamatigut up­per­tar­toq’.  Taamaat­tumik asan­nin­neq Biibilimi Guutip oqaasiinik tamanik up­perin­nin­nis­samut iluaqutigis­savar­put. – 1 Kor 13:4, 7.

16, 17. Up­per­neq asan­nin­nerlu pil­lugit Biibilimi qanoq al­las­simasoqar­pa, taak­kunanilu sorleq pingaar­nerua, aam­ma sooq?

16 Up­per­neq asan­nin­nerlu pis­susium­mata pingaarutilerujus­suit Biibilimik al­lat­tut marluutil­lugit eq­qaakulasar­paat. Paulusip qatan­ngutini ima kajumis­saar­pai: ‘Up­per­neq asan­nin­nerlu saat­tuaasatut atiniarsigit.’ (1 Th 5:8) Jiisusi pil­lugu Petrusi ima al­lap­poq: “Taan­na takusiman­ngik­kaluarlugu asavarsi, isigin­ngik­kaluarlugu maan­na up­perfigisarsi.” (1 Petr 1:8) Jaakup qatan­ngutini tanitat ima aperai: “Guutip silarsuarmi piitsut qinersiman­ngin­ner­pai up­per­nik­kut pisuujusus­san­ngor­til­lugit kingor­nus­sisus­san­ngor­til­lugil­lu naalagaaf­fim­mik im­minik asan­nit­tunut neriorsuutigisaminik?” (Jaak 2:5) Johan­nesi al­lap­poq Guutip inas­sutaa tas­saasoq “er­nerata Jiisusi-Kristusip aq­qa up­peris­sagip­put asaqatigiis­sasugul­lu”. – 1 Joh 3:23.

17 Paulusili aam­ma al­lap­poq: “Tas­sa atajuas­sap­put up­per­neq, neriun­neq asan­nin­nerlu – taak­ku pingasut. Asan­nin­nerli taak­kua pingaar­nersaraat.” (1 Kor 13:13) Silarsuas­sami nutaami Guutip neriorsuutai eq­quup­pata up­perisariaqarun­naas­savavut. Biibilimi al­laatigineqar­tutut nuan­nersumik inuus­saagut. Guutili in­nut­taalu asajuar­tariaqas­savavut. Aap, taak­kunin­nga asan­nin­ner­put al­liar­tor­tuas­saaq.

UP­PERAT­TA JEHOVAP PIL­LUAQ­QUAATIGUT

18, 19. Nalitsin­ni Guutip in­nut­taasa up­per­nerat qanoq kinguneqar­pa, taman­nalu pil­lugu kina un­nersiutigineqar­tariaqar­pa?

18 Nalitsin­ni Jehovap in­nut­tai taas­suma anersaavanit inuunermin­ni siulersor­neqaramik asaqatigiil­lutil­lu Guutip naalagaaf­fianut up­per­tuup­put. (Gal 5:22, 23) Taman­na qanoq kinguneqar­pa? Nunarsuaq tamak­kerlugu qatan­ngutit angutit ar­nal­lu 8 mil­lioninit amerlanerusut ilagiin­ni eq­qis­seqatigiil­lutil­lu ataasioqatigiip­put. Up­per­nerup asan­nin­nerul­lu nal­ler­nis­saqan­ngin­nerat ersarip­poq.

19 Guutip ikiuineratiguin­naq taamatut ataasioqatigiit­toqarsin­naavoq. Taman­nalu pil­lugu Guuti un­nersiutigineqar­tariaqar­poq. (Es 55:13) “Up­per­nik­kut” taas­suman­nga an­naan­neqarsin­naagat­ta qujamasungaar­pugut. (Ef 2:8) Jehovap im­minut up­per­tut suli amerlanerujus­suit ikior­tuas­savai. Naggataatigul­lu nunarsuaq tamarmi inun­nik naam­mal­luin­nar­tunik, naaper­tuil­luar­tunik pil­luar­tunil­lu Jehovamik qaqugorsuarmut un­nersiutigin­nit­tus­sanik ulik­kaas­saaq.