Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Novembari 2017

Nuannaarluta erinarsorta!

Nuannaarluta erinarsorta!

“Iluaqaaq Guuter­put erinalim­mik un­nersiutigalugu.” – TUSS 147:1.

ERINARSUUTIT: 9, 138

1. Erinarsor­neq sumut iluaqutigisar­par­put?

TAAL­LIOR­TOQ tusaamasaq ima oqarsimavoq: “Oqaatsit eq­qarsalersitsisar­put. Nipilersuk­kat misigis­sutsinik at­tuisar­put. Erinarsuutil­li eq­qarsaatinik misigis­susin­ngor­titsisar­put.” Erinarsuutaativut Ataatatsin­nik qilam­miusumik Jehovamik nersorin­nis­sutaal­lutil­lu asan­nin­nermik ersersitsis­sutaap­put. Taas­sumun­nga qanin­nerusutut misigilersitsisar­put. Taamaat­tumik paasiuminar­poq sooq erinarsor­neq pal­lorfigin­nin­nermi minguitsumi pingaaruteqar­toq, kisimiil­luta erinarsoraluarut­ta qatan­ngutivul­luun­niit erinarsoqatigigaluarutsigit.

2, 3. (a) Inuit ilaat ilagiin­nik nipituumik erinarsoqateqar­nis­saq pil­lugu qanoq misigisin­naap­pat? (b) Al­laaserisami matumani apeq­qutit suut sam­mis­savavut?

2 Il­lil­li ilagiin­nik nipituumik erinarsoqateqar­nis­sat pil­lugu qanoq misigisar­pit? It­toorisar­piuk? Kulturit ilaan­ni angutit al­lanik erinarsoqateqar­nis­sar­tik it­toorisar­paat. Taamatut isigin­nit­taaseqar­neq ilagiin­niit­tunut tamanut ajor­tumik sun­niuteqarsin­naavoq, ingam­mik utoq­qaaner­tat nangaal­lutik erinarsor­tar­pata erinarsor­toqar­nerataluun­niit nalaani al­lanik ulap­puteqar­tar­pata. – Tuss 30:13.

3 Erinarsor­neq Jehovamik pal­lorfigin­nin­nitsin­nut ilaavoq.  Taamaat­tumik ataatsimiin­nermi erinarsor­toqar­nerani anil­lak­kumanaviar­natalu erinarsoqataan­ngitsoorusun­ngil­luin­nar­pugut. Tamat­ta im­minut ima aperisariaqar­pugut: ‘Ataatsimiin­ner­ni erinarsor­neq qanoq igaara? Al­lanik erinarsoqateqar­nis­sara nangaanar­tik­kuk­ku qanoq iliorsin­naavunga? Qanorlu ilil­lunga misigis­suseqarlunga erinarsorsin­naavunga?’

ERINARSORNEQ PALLORFIGINNINNERMI ILUMOORTUMI PINGAARUTEQARLUINNARTOQ

4, 5. Itsaq Israelimi naalaf­fim­mi erinarsor­nermik qanoq aaq­qis­suus­sisoqarsimava?

4 Oqalut­tuarisaanerup ingerlanerani Jehovamik pal­lorfigin­nit­tut nipilersor­neq taas­sumin­nga un­nersiutigin­nin­nermin­ni ator­tar­paat. Soqutiginar­poq Israelik­kut Jehovamut aalajaatsil­lutik erinarsor­neq pal­lorfigin­nin­nermin­ni pingaar­tik­kaat. As­sersuutigalugu Daavi naalaf­fim­mi kif­far­tor­tus­sanik aaq­qis­suus­sigami Levik­kuusunik 4.000-nik nipilersorlutik Jehovamik un­nersiutigin­nit­tar­tus­san­ngor­titsivoq. Taak­kua ilaat 288-it Jehovamik erinarsorluni un­nersiutigin­nin­nermi ‘sungiusarsimasuup­put pik­koris­suin­naviit’. – 1 Nal 23:5; 25:7, Testamentitoqaq.

5 Nipilersor­neq erinarsor­nerlu naalaf­fim­mik atoq­qaar­titsinermut ilaap­put­taaq pingaarutil­lit. Biibilimi ima al­las­simavoq: “Qarlor­tar­tut tus­siar­tul­lu ap­pip­put – tamarmik ataatsik­korluin­naq – Naalagaq nersorlugu un­nersiutigalugulu. Qarlor­tarlutik, sianaar­titsil­lutik nipilersuutil­lu al­lat atorlugit Naalagaq un­nersiutigaat ... Naalak­kap naalan­nas­susiata naalaf­fik ulik­kaarmagu.” Takorlooriaruk pisimasoq taman­na Israelik­kut up­persusian­nut qanoq nakus­satsis­sutaatigisimas­sasoq! – 2 Nal 5:13, 14; 7:6.

6. Nehemia Jerusalemimi naalagaatitaanermini nipilersor­nermut erinarsor­nermul­lu tun­ngatil­lugu sunik aaq­qis­suus­siva?

6 Aam­ma Nehemia, Israelik­kut Jerusalemip qarmarsuinik sanaq­qiineran­nik aaq­qis­suus­sisoq, Levik­kut erinarsorlutil­lu nipilersor­tar­nis­saan­nik aaq­qis­suivoq. Taak­kua tusar­naar­titsinerat qarmarsuar­nik nap­paanersiuinermik suli nuan­ner­nerulersitsivoq. Nehemia ‘qujanium­mik tus­siaqatigiit­tus­sar­pas­suar­nik marluiusunik’ toq­qaasimavoq. Erinarsoqatigiit il­loqarfiup qarmarsuisa qaavisigut pisul­lutik naapik­kiar­tuaar­put qarmarsuul­lu naalaf­fiup eq­qaanut qanin­ner­taani naapil­lutik. Erinarsor­nerat ima nipitutigaaq inun­nit ungasis­sumiit­tunit tusaaneqarsin­naal­lutik. (Neh 12:27, 28, 31, 38, 40, 43) Qularutigin­ngil­luin­narsin­naavar­put Jehovap pal­lorfigin­nitsimi im­minik nersuil­lutik kajumingaarlutik erinarsor­neran­nik tusar­naar­nini nuan­naarutigisimas­sagaa.

7. Jiisusip qanoq ersersip­paa erinarsor­neq kristumiut pal­lorfigin­nin­neran­ni pingaaruteqarluin­nar­tuus­sasoq?

7 Jiisusip nalaani nipilersor­neq pal­lorfigin­nin­nermut ilumoor­tumut suli ilaavoq pingaaruteqarluin­nar­toq. Eq­qarsaatigeriaruk un­num­mi inuit oqalut­tuarisaaneran­ni pingaaruteqar­ner­paami qanoq pisoqar­nersoq. Naalak­kap un­nuk­korsior­titsineranik pilersitsereerluni Jiisusip ajoqersuk­kani Jehovamik un­nersiutigin­nis­sutinik erinarsoqatigai. – Matthæusi 26:30 atuaruk.

8. Kristumiut siul­liit erinarsorluni Guutimik un­nersiutigin­nin­nermut tun­ngatil­lugu qanoq maligas­siuip­pat?

8 Kristumiut siul­liit erinarsorluni Guutimik un­nersiutigin­nin­nermut tun­ngatil­lugu maligas­siuil­luar­put. Israelik­kut Jehovamik pal­lorfigin­nik­kumal­lutik naalaf­fim­mukar­tar­put, kristumiul­li taak­ku angerlarsimaf­fin­ni naapeqatigiit­tar­put. Angerlarsimaf­fiit  taak­ku naalaf­fit­tul­li kusanar­tigalutil­lu alutor­nar­tigin­ngik­kaluar­tut qatan­ngutit qaman­nga pisumik erinarsor­tar­put. Apustilip Paulusip qatan­ngutini kristumiut ima oqarfigai: “Ilisimas­suseq tamaat atorlugu im­mis­sin­nut ajoqersoqatigiit­taritsi oqaaq­qis­saaqatigiil­lusilu tus­siutit un­nersiutigin­nis­sutil­lu tus­siutaasal­lu atorlugit Guuti qujaniarfigalugu uum­matis­sin­ni.” (Kol 3:16) Erinarsuutaativut ‘qujaniarluni’ erinarsor­neqar­tariaqar­put. ‘Pif­fis­saq eq­qorlugu nerisas­satsin­nut inus­siap aalajaal­lunilu silatuup’ tun­niut­tagaanut ilaap­put. – Matt 24:45, NW.

QANOQ ILILLUTIT NANGAANAK ERINARSORSINNAAVIT?

9. (a) Sooq ilaasa ataatsimiin­ner­ni ataatsimeersuar­ner­nilu nipituumik nuan­naarlutik erinarsor­nis­sar­tik nangaanar­tis­sin­naavaat? (b) Qanoq Jehovamik un­nersiutigin­nit­tas­saagut, kik­kul­lu siut­tuusariaqar­pat? (Al­laaserisap aal­laq­qaataani as­seq takuuk).

9 Nangaal­luni erinarsor­nermut suut pis­sutaasin­naap­pat? Erinarsor­neq im­maqa ilis­si ilaqut­tas­sin­ni kulturis­sin­niluun­niit nalingin­naan­ngilaq. Im­maqaluun­niit erinarsor­tar­tut radiok­kut TV-kkul­luun­niit tusar­naar­tar­patit, il­lil­lu erinarsor­nerit taak­kua erinarsoriaasiinut naleq­qiuk­kaangak­ku kan­ngusul­lutil­luun­niit pakatsisar­putit. Tamat­tali Jehovamik erinarsorluta un­nersiutigin­nin­nis­samik akisus­saaf­feqar­pugut. Taamaat­tumik erinarsuutitit qul­laq­qatit­tak­kit, niaq­qut mas­sitsit­taruk kajumil­lutil­lu erinarsor­tarlutit! (Ezra 3:11; Tussiaat 147:1 atuaruk). Ul­lumik­kut naalagaaf­filersaarfiit ilar­pas­suini isigin­naarum­mi erinarsuutit­ta taal­laat ingerlaar­tin­neqar­tar­put, taman­nalu erinarsorluar­nerunis­samut iluaqutigisin­naavar­put. Aam­ma soqutiginar­poq erinarsuutit Naalagaaf­filersaarutit maan­na utoq­qaaner­tanut Naalagaaf­fim­mut Kif­far­tor­nermut Ilin­niarfim­mi erinarsor­neqar­tarmata. Taman­na utoq­qaaner­tat ilagiit ataatsimiin­nerini erinarsor­nermi siut­tuunis­saasa pingaaruteqas­susianik erseq­qis­saataavoq.

10. Nipituumik erinarsor­naveersaar­tarut­ta suna eq­qaamasariaqar­par­put?

 10 Ilar­pas­suavut nipituumik erinarsor­naveersaar­tar­put isumaqaramik nipitual­laas­sal­lutik imaluun­niit im­minut erinalugigamik. Man­nali eq­qarsaatigeriaruk: Oqaluk­kaangat­ta “tamat­ta amerlasuunik kuk­kus­suteqar­tar­pugut”, taman­nali piin­narlugu oqalun­naveersaar­neq ajor­pugut. (Jaak 3:2) Taava sooq nipivut naam­mal­luin­nan­ngitsut pis­sutigiin­narlugit erinarsorluta Jehovamik un­nersiutigin­nin­naveersaas­saagut?

11, 12. Erinarsor­nitsin­nik qanoq pitsan­ngorsaasin­naavugut?

11 Im­maqa erinarsorusun­neq ajor­pugut qanoq erinarsor­nis­sar­put nalugatsigu. Erinarsor­nitsin­nil­li pitsan­ngorsaanis­samut ajor­nan­ngitsunik iliuusis­saqar­poq. *

12 Nipituumik erinarsorluar­nerusin­naavutit iluamik anersaartornermik ilin­niar­nik­kut. Soorlu in­naal­lagiaq qul­lermik ikitsisar­toq, taamatut­taaq il­lit anersaar­tor­nerit oqaluk­kaangavit erinarsoraangavil­luun­niit nipin­nik nipeqarlualersitsisar­poq. Oqalut­tar­nit­tul­li nipitutigisumik nipitunerusumil­luun­niit erinarsor­tas­saatit. (Siun­nersuutit uaniit­tut takuk­kit: Den Teokratiske Skole – til gavn for kristne forkyndere, qupp. 181-184, qulequtaaraq “Lær den rigtige åndedrætsteknik”). Biibilimimi Jehovamik pal­lorfigin­nit­tut kajumis­saar­neqar­tar­put erinarsorlutik un­nersiutigin­nik­kaangamik ‘qiim­mat­tarlutik ap­pit­taq­qul­lugit’. – Tuss 33:1-3.

13. Erinarsor­nermut tun­ngatil­lugu im­minut qanoq tatiginerulersin­naanersugut nas­suiaruk.

13 Ilaqutariit­tut atuaq­qis­saaqatigiin­nermi imaluun­niit nam­mineq atuaq­qis­saar­nin­ni mak­ku misilik­kit: Erinarsuutitsin­ni nuan­nariner­paasan­nik toq­qaagit. Taal­lai nipituumik aalajangersimar­palul­lutit atuak­kit. Taava taamatul­li nipitutigalutit titar­nermi ataatsimi oqaatsit tamaasa ilummut anersaariarlutit nipituumik atuak­kit. Tamatuma kingor­na titar­neq taan­na taamatul­li nipitutigalutit erinarsoruk. (Es 24:14) Erin­nat nipit­toriar­tus­saaq, taman­na it­tooreqinagu. Pis­susis­samisuugin­nar­pormi.

14. (a) Qanitsin­nik am­manerutitsiner­put erinarsor­nitsin­nut qanoq iluaqutaasin­naava? (Takuuk ungalusaq “ Qanoq erinarsorluar­nerusalersin­naasutit”). (b) Erin­namik pitsaanerulersitsinis­samut siun­nersuutit suut iluaqutigaagit?

14 Erinarsorluarsin­naajumal­lutit qanit am­matil­luar­tariaqar­pat. Taamaat­tumik erinarsoraangavit qanit am­manerutit­taruk,  oqaluk­kaangavit pisar­nin­nit am­manerutil­lugu. Qanorli ilius­savit misigiguit il­lit erin­nat nipitual­laan­ngitsoq imaluun­niit qataap­pal­laarlutit? Ungalusaq “Særlige problemer og hvordan de overvindes” iluaqutaal­luarsin­naasunik siun­nersuutitaqar­poq, taan­nalu atuak­kami Den Teokratiske Skole – til gavn for kristne forkyndere-mi qupp. 184-imiip­poq.

QAMANNGA PISUMIK ERINARSORLUTIT UNNERSIUTIGINNITTARIT

15. (a) 2016-imi ukiumoor­tumik ataatsimiin­nermi suna nalunaarutigineqar­pa? (b) Ilaatigut suut pis­sutigalugit erinarsuutit nutar­ter­neqar­pat?

15 2016-imi ukiumoor­tumik ataatsimiin­nermut peqataasut tamarmik nuan­naaqaat qatan­ngutip Stephen Lettip Siulersuisoqatigiin­neersup nalunaarutigim­magu nutaanik erinarsuutitaar­tugut ima qulequtalim­mik: “Sing Out Joyfully” to Jehovah. * Qatan­ngutip Lettip nas­suiaaneratut erinarsuutitaar­nitsin­nut pis­sutaasut ilaat tas­saavoq Biibilimik nutsik­kap New World Translation of the Holy Scriptures-ip nutar­ter­neqar­nikuunera. Taal­lat al­lan­ngor­tin­neqarsimap­put oqariar­taatsit nutsik­kami New World Translation-imi ator­neqarun­naarsimasut peer­niarlugit. Aam­ma erinarsuutit oqaluus­sinermut uter­titsis­sum­mul­lu tun­ngasut nutaat ilaq­qin­neqarsimap­put.  Taak­kunun­ngalu ilagitil­lugit, erinarsor­neq pal­lorfigin­nin­nitsin­ni pingaaruteqarluin­narmat, Siulersuisoqatigiit erinarsuutinik pitsaal­luin­nar­tumik nin­ngusuumil­lu ungalulin­nik saq­qum­mersitserusup­put. Taamaat­tumik erinarsuutit ungaluat Biibilimik nutsik­kamut New World Translation-imut as­singup­put.

16, 17. Erinarsuutini nutaani sunik al­lanik al­lan­nguuteqar­pa?

16 Erinarsuutit atoruminarsar­niarlugit erinarsuutit iluaniit­tut sam­misanut as­sigiin­ngitsunut im­mik­koor­titaar­neqar­put. As­sersuutigalugu erinarsuutit aq­qaneq-marluk siul­liit Jehovamut tun­ngap­put, tul­liut­tut arfineq-pingasut Jiisusimut uter­titsis­sum­mul­lu tun­ngal­lutik, ilaal­lu ilan­ngul­lugit. Erinarsuutit qup­per­nerini siul­ler­ni sam­misat tamarmik al­lat­torsimap­put. Taman­na ilaatigut iluaqutigineqarsin­naavoq qatan­ngutip angutip tamanut oqalugiaam­mut erinarsuutis­sanik toq­qaaniar­nerani.

17 Kik­kut tamarmik qaman­nga pisumik erinarsor­nis­samut iluaqutis­saan­nik taal­lat ilaat al­lan­ngor­tin­neqarsimap­put, erinarsuutit sumut tun­nganersut erseq­qis­sar­niarlugu. Aam­ma naleq­qus­simavoq erinarsuut ima qulequtalik: “Uum­matit paariuk”, peq­qus­sutaajun­naarsil­lugu al­lan­ngor­tis­sal­lugu. Sooq? Sior­natigut inuup erinarsuutip taal­lai erinarsoraangamigit al­lat qanoq ilius­sanersut erinarsuutigisar­paa. Soqutigin­nilerlaanut, soqutigin­nit­tunut, inuusut­tunut qatan­ngutinul­lu ar­nanut ataatsimiigiar­tunut ataatsimeersuariar­tunul­luun­niit taman­na akun­nat­tuunganarsin­naavoq. Taamaat­tumik qulequtaq taal­lal­lu al­lan­ngor­tin­neqar­put.

Ilaqutariittut atuaqqissaaqatigiinnissinni erinarsuutit sungiusartarsigit (Immikkoortoq 18 takuuk)

18. Sooq erinarsuutit nutaat ilin­niar­tariaqar­pavut? (Qup­per­nerup ataani ilan­ngus­saq takuuk).

18 Erinarsuutini nutaani erinarsuutit ilar­pas­sui qin­nutitut ip­put. Jehovap il­lit misigis­sutsitit pil­lugit oqalut­tuun­nis­saanut iluaqutigisin­naavatit. Erinarsuutit al­lat “asaqatigiin­nermut ajun­ngitsulior­nermul­lu” kajumis­saaqatigiin­nis­samut iluaqutigisin­naavavut. (Hebr 10:24) Erinarsuutit erinaat, ingerlar­ngi taal­laal­lu ilik­karluarusup­pavut. Ilaatigut ilin­niar­niarsin­naavavut qatan­ngutit erinarsuutinik erinarsor­neran­nik im­mius­sanik tusar­naar­tar­nitsigut. Im­mius­sat taak­ku jw.org-imi aaneqarsin­naap­put. Erinarsuutit erinarsor­nis­saat angerlarsimaf­fin­ni sungiusar­taruk­ku im­minut tatigalutit misigis­suseqarlutil­lu erinarsor­nis­saat ilik­karsin­naavat. *

19. Ilagiin­niit­tut tamarmik Jehovamik qanoq pal­lorfigin­nis­sin­naap­pat?

19 Eq­qaamajuk erinarsor­neq pal­lorfigin­nin­nitsin­nut ilaam­mat pingaaruteqarluin­nar­toq. Sun­niuteqarluar­tumik Jehova takutis­sin­naavar­put asal­lutigu uagul­lu pil­luta iliuuserisimasai tamaasa qujamasuutigalutigit. (Esaja 12:5 atuaruk). Kajumil­lutit erinarsoraangavit al­lat­taaq taamaalior­nis­saan­nut kajumis­saas­savatit. Ilagiin­niit­tut tamarmik, inuusut­tut utoq­qaal­lu sal­lusuis­sum­miilerlaal­lu, taamatut Jehovamik pal­lorfigin­nis­sin­naap­put. Taamaat­tumik qaman­nga pisumik erinarsor­nis­sat nangaas­sutigeqinagu. Tus­siaasior­tup kajumis­saarutaa man­na malil­lugu iliuuseqarit: ‘Jehova erinarsorfigiuk!’ Aap, nuan­naarlutit erinarsor­tarit! – Tuss 96:1.

^ par. 11 Nipin­nik pitsan­ngorsaanis­samut siun­nersuutit amerlanerusut takujumal­lugit JW Broadcastingimi aal­lakaatitas­siaq decembari 2014-imoor­toq takuuk (Tooruk FRA VORES STUDIE).

^ par. 15 Erinarsuutit nutaat taak­ku ataasiak­kaarlugit arlalik­kuutaarlugil­luun­niit pif­fis­sap ingerlanerani kalaal­lisut saq­qum­mersin­neqar­tarumaar­put erinarsuutini ima qulequtalin­ni: Nuannaarluta Jehova erinarsorfigisigu.

^ par. 18 Ataatsimeersuar­nitsin­ni ul­laat ualil­lu tamaasa oqalugiaatit aal­lar­tin­ngin­neran­ni minutsini qulini nipilersuk­kanik tusar­naar­titsisoqar­tas­saaq. Tusar­naar­titsinerit taak­ku erinarsor­nis­samik nuan­narin­niler­nis­samut iluaqutigis­savavut oqalugiaatinil­lu tusar­naar­nis­samut piareersaatigis­sal­lugit. Taamaat­tumik tamat­ta is­siavitsin­nut ingereer­tariaqar­pugut nipilersuk­kal­lu aal­lar­tin­nis­saan­nut piareersimal­luta.