Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Novembari 2016

Jehovap oqaasia pingaartingaarpiuk?

Jehovap oqaasia pingaartingaarpiuk?

‘Guutip oqaasia ilas­sigas­siuk inuit oqaasiat­tut ilas­sin­ngilarsi, kisian­ni pis­susiviatut, tas­sa Guutip oqaasiatut.’ – 1 TH 2:13.

ERINARSUUTIT: 37, 120

1-3. Im­maqa sooq Euodia Syntykilu naq­qin­neqar­pat, ajor­nar­torsiutil­lu taamaat­tut qanoq pin­ngitsoor­tin­neqarsin­naap­pat? (Al­laaserisap aal­laq­qaataani as­siliaq takuuk).

BIIBILI Guutip oqaaserim­magu pingaar­tingaar­par­put. Ajor­nar­torsiutinik pin­ngitsoor­titsinis­samut kuk­kunit­talu aaq­qin­nis­saan­nut Biibilimi siun­nersuuteqar­poq. Siun­nersuutit taak­ku qanoq isumaqarfigaavut? Kristumiut siul­liit nalaan­ni ar­nat tanitat marluk, Euodia Syntykilu, eq­qarsaatigik­kit. Biibilimi isumaqatigiin­ngin­nerat al­las­simagaluar­toq as­sor­tuun­neran­nut pis­sutaasoq eq­qaaneqan­ngilaq. Qanoq pisoqarsimasin­naasoq takorlooriar­tigu.

2 Im­maqa Euodiap qatan­ngutit neriar­toq­quai. Syntykili qaaq­qun­ngilaa. Kingusin­nerusuk­kut qatan­ngutit nereqatigiin­nermi nuan­nisarsimasut tusarlugu Syntyki narrujuum­mingaar­poq. Im­maqa ima eq­qarsar­poq: ‘Paasisin­naan­ngilara sooq Euodiap qaaq­qun­ngik­kaanga! Isumaqarlunga ikin­ngutigiin­ner­paal­luta.’ Syntyki misigivoq Euodiap nuan­narin­ngik­kaani im­mik­koor­tik­kaanilu. Taamaat­tumik Syntykip  qatan­ngutit neriar­torsimasut qaaq­quai, Euodiali qaaq­qunagu. Taman­na im­maqa al­laat ilagiin­niit­tut narrujuum­mis­sutigaat. Biibilimi al­las­simavoq Paulusip qatan­ngutit ar­nat taak­ku marluk naq­qil­lugil­lu eq­qis­seqatigeeq­qul­lugit kajumis­saarai. Im­maqa naalal­lugu iliuuseqaramik Jehovamut kif­far­tor­nermin­ni nuan­naaleq­qip­put. – Fil 4:2, 3.

3 Uagut­taaq up­peqater­pul­lu ilaan­nik­kut isumaqatigiin­ngis­suteqarsin­naasar­pugut. Siun­nersuutil­li Biibilimeersut malik­kutsigit ajor­nar­torsiutivut aaq­qis­sin­naas­savavut. Aap, al­laat pin­ngitsoor­tis­sin­naavavut. Biibilimilu al­las­simasunik maleruaanitsigut Jehovap oqaasia pingaar­tingaarlugu ersersit­tar­par­put. – Tus­s 27:11.

GUUTIP OQAASIA INUIL­LU MISIGIS­SUSAAT

4, 5. Misigis­sutsinik aqutsisin­naaneq pil­lugu Guutip oqaasiani qanoq siun­nersor­neqar­pugut?

4 Ilaan­nik­kut misigis­sutsinik aqutsisin­naanis­saq saper­narsin­naasar­poq. Kulturer­put, amit­ta qalipaataa isik­kor­pul­luun­niit pis­sutigalugu ajual­lan­nar­tumik oqarfigineqar­ner­put naaper­tuil­luan­ngitsumil­luun­niit pineqar­ner­put as­sut ajual­laatigaluguluun­niit kamalis­sutigisin­naavar­put. Ingam­mil­lu qatan­ngum­mit ajual­latsin­neqar­neq ajor­tumil­luun­niit pineqar­neq an­ner­narsin­naavoq. Guutip oqaasiani siun­nersuutit suut iluaqutigisin­naavavut?

5 Inuit misigis­sutsimin­nik aqutsisin­naajun­naar­nerat qanoq kinguneqarsin­naasoq Jehovap nalun­ngilaa. Narrujuum­mineq kaman­nerluun­niit pis­sutigalugu kingusin­nerusuk­kut peq­qis­simis­sutigisatsin­nik oqaaseqarsin­naasar­pugut. Jehovap Biibilimi kamajaatsuunis­samik ima ilitsersuup­paatigut: “Kamaam­mer­naveersaar­tar­niarit.” Siun­nersuum­mik tamatumin­nga maleruaanitsigut isumaqatigiin­ngis­sutit qanoq amerlatigisut pin­ngitsoor­tis­sin­naagivut eq­qarsaatigiuk. (Oqaluus­sisar­tup oqaasii 7:9; Us­satit 16:32 atuak­kit). Biibilimi aam­ma peq­quneqar­pugut al­lanik isumak­keerfigin­nit­tas­sasugut. Al­laat Jiisusi oqar­poq al­lat isumak­keerfigin­ngik­kutsigit Jehovap isumak­keerfiginavian­ngik­kaatigut. (Mat­t 6:14, 15) Kamajaatsuunis­saq al­lanil­lu isumak­keerfigin­nin­nis­samut piumas­suseqar­nis­saq sulis­sutigisariaqar­pigit?

6. Misigis­sutsitsin­nik aqutsisin­naan­ngin­ner­put qanoq kinguneqarsin­naava?

6 Misigis­sutsivut aqus­sin­naan­ngik­kutsigit as­sut kamaq­qajualersin­naavugut al­laal­lu al­lanik uumis­suilersin­naal­luta. Aam­ma ilagiin­niit­tut ilaat taamatut misigitilersin­naavavut. Al­laat kaman­ner­put uumis­suiner­pul­luun­niit al­lanut takutin­naveersaaraluarutsigu al­lat qanoq misiginersugut pif­fis­sap ingerlanerani paasis­savaat im­maqalu peqatigisarun­naarluta. (Us­s 26:24-26) Saam­maq­qul­luta al­lanil­lu isumak­keerfigin­neq­qul­luta utoq­qaaner­tat Biibili atorlugu ikius­savaatigut. (3 Mos 19:17, 18; Rom 3:11-18) Taamaalior­pata Jehovap oqaasiani ilitsersuutit malil­lugit iliuuseqas­savit?

JEHOVAP SIULERSOR­PAATIGUT

7, 8. (a) Jehovap in­nut­tani qanoq siulersor­tar­pai? (b) Biibilimi ilitsersuutit ilaat suup­pat, aam­ma sooq maleruar­tariaqar­pavut?

7 Jehovap peqatigiis­sor­tami ilaat nunarsuarmiit­tut siulersorlugil­lu ilin­niar­tit­tar­pai. Qanoq? Kristusi ‘ilagiin­nut niaqun­ngor­tip­paa’, Kristusil­lu inus­siaq aalajaal­lunilu  silatooq Guutip in­nut­taanik ilin­niar­titsisar­tutut siulersuisutul­lu toq­qar­paa. (Ef 5:23; Mat­t 24:45-47) Kristumiut siul­liit nalaan­ni siulersuisoqatigiit pisimanerat­tut inus­siap aalajaatsup taas­suma Biibili Guutip oqaaserim­magu pingaar­tingaar­paa. (1 Thes­salonikamiut 2:13 atuaruk). Biibilimi ilitsersuutit ilaat suup­pat?

8 Biibilimi peq­quneqar­pugut ataatsimeeqatigiit­tar­nis­samik. (Hebr 10:24, 25) Kajumis­saar­neqar­pugut ataasius­suseqarluta Biibilimi ajoqersuutinik up­perin­nin­nis­samik. (1 Kor 1:10) Aam­ma ‘Guutip naalagaaf­fianik ujaaseq­qaar­nis­samik’ kajumis­saar­neqar­pugut. (Mat­t 6:33) Aam­ma il­lumiit il­lumut, tamanut saq­qumisumik sumiif­fin­nilu inoqarfiusuni oqaluus­seq­quneqar­pugut. (Mat­t 28:19, 20; ApS 17:17; 20:20) Utoq­qaaner­tat peq­quneqar­put ilagiin­nik minguitsuutitseq­qul­lugit. (1 Kor 5:1-5, 13; 1 Tim 5:19-21) Aam­ma timitsin­nik minguitsuutitsinis­samik Jehoval­lu uumigisaanik eq­qarsaateqan­ngin­nis­samik ileq­qoqan­ngin­nis­samil­lu peq­quneqar­pugut. – 2 Kor 7:1.

‘Jiisusi ilumoorfigalugu inus­siap aalajaatsup ilitsersuutai malil­lugit iliuuseqar­tar­punga?’

9. Guutip oqaasianik paasin­nin­nis­samut Jiisusip kina ikiuisus­satut toq­qar­paa?

9 Inuit ilaat oqar­tar­put Biibilimut tun­ngasunik nas­suiaan­neqar­tariaqar­natik. 1919-imili Jiisusip inus­siaq aalajaal­lunilu silatooq Biibilimi ilin­niar­titsis­sutigineqar­tunik paasin­nin­nis­samut maleruaanis­samul­lu tun­ngatil­lugu Guutip in­nut­taanik ikiuisar­tus­satut toq­qar­paa. Biibilip naalan­neratigut ilagiit­tut minguitsuul­lutalu eq­qis­seqatigiit­tarlutalu ataasius­suseqar­tar­pugut. Im­minut ima aperigit: ‘Jiisusi ilumoorfigalugu inus­siap aalajaatsup ilitsersuutai malil­lugit iliuuseqar­tar­punga?’

JEHOVAP QAMUTAA SUK­KASUUMIK INGERLAVOQ

10. Jehovap peqatigiis­sor­taasa ilaat qilam­miit­tut Ezekielip qanoq al­laatigai?

10 Biibilimi paasivar­put Jehovap qilam­mi kif­fai aam­ma aaq­qis­suus­saasut. As­sersuutigalugu Ezekielip takorruuinik­kut takuaa Jehovap qamutini suk­kasuut sumul­luun­niit piumasaminut ingerlatit­tarai. (Ez 1:4-28) Qamutit Guutip peqatigiis­sor­taasa ilaan­nut qilam­miit­tunut, siulersuinera malil­lugu suk­kasuumik ingerlasunut, as­sersuutaap­put. Qamutil­lu Guutip peqatigiis­sor­taasa ilaat nunarsuarmiit­tut sun­ner­tar­pai. Ukiuni qulini kingul­ler­ni Guutip peqatigiis­sor­taani al­lan­nguuter­pas­suit eq­qarsaatigik­kit. Eq­qaamajuk Jehova al­lan­nguisitsisar­tuum­mat. Qanit­tuk­kut Kristusip in­ngilil­lu silarsuaq ajor­toq suujun­naarsip­pas­suk Jehovamik taas­sumalu atianik naalak­kersueriaasianil­luun­niit uparuaasoqar­tarun­naas­saaq!

Kajumissutsimik tamaviaarlutik sanaartoqataasartunut qujamasungaarpugut! (Immikkoortoq 11 takuuk)

11, 12. Ul­luni kingul­ler­ni Jehovap peqatigiis­sor­taasa naam­mas­sisaasa ilaat suup­pat?

11 Ul­luni kingul­ler­ni mak­kunani Jehovap peqatigiis­sor­taasa naam­mas­sisaat eq­qarsaatigik­kit. Sanaar­tor­neq. Qatan­ngutit hundredil­lit USA-mi Warwickimi Jehovap Nalunaajaasuisa qul­lersaqarfian­nik sanaar­tor­nermi tamaviaarlutik  suleqataap­put. Tuusintil­lit al­lat nunani tamalaani naalagaaf­filersaarfin­nik im­mik­koor­tor­taqarfin­nil­lu sanaar­tor­nermi kajumis­sutsimik suleqataasar­put. Taak­ku Nunarsuaq Tamak­kerlugu Pilersaarusior­nermut Sanaar­tor­nermul­lu Al­laf­feqarfim­mit siulersor­neqar­put. Tamaviaarlutik sanaar­toqataasar­tunut qujamasungaar­pugut. Jehovap kif­fani nunanit tamalaaneersut maniguut­tut ilumoorfigin­nit­tul­lu tamak­kunin­nga sanaar­tor­ner­nut sapin­ngisamin­nik aningaasanik tunis­suteqar­tut pil­luaq­qusar­pai. – Luk 21:1-4.

12 Ilin­niar­titaaneq. Jehovap in­nut­tani ilin­niar­tis­sal­lugit nuan­naraa. (Es 2:2, 3) Ilin­niarfiit as­sigiin­ngitsut mak­kuup­put: Pionerinut Ilin­niarfik, Kristumiunut Oqaluus­sisar­tunut Ilin­niarfik, Ilin­niarfik Gileadi, Betelimiilerlaanut Ilin­niarfik, Ilagiin­nik Nak­kutil­liisunut Nuliaan­nul­lu Ilin­niarfik, Ilagiin­ni Utoq­qaaner­tanut Ilin­niarfik, Naalagaaf­fim­mut Kif­far­tor­nermik Ilin­niarfik aam­ma Im­mik­koor­tor­taqarfiit Ataatsimiititaliaan­ni Ilaasor­tanut taak­kualu Nuliaan­nut Ilin­niarfik. Aam­ma nit­tar­tak­katsin­ni, jw.org-imi, Biibili Biibililersaarutil­lu oqaatsini  as­sigiin­ngitsuni hundredilin­ni atuar­neqarsin­naap­put. Nit­tar­tak­kami aam­ma meeq­qanut, ilaqutariin­nut nutaarsias­sanul­lu im­mik­koor­toqar­poq. Nit­tar­tagar­put oqaluus­sinermi ilaqutariit­tul­lu atuaq­qis­saar­nermi ator­tar­piuk?

JEHOVA ILUMOORFIGIUK PEQATIGIIS­SOR­TAALU TAPERSERSORLUGIT

13. Jehovap in­nut­taasa sunis­sar­tik akisus­saaf­figaat?

13 Jehovap peqatigiis­sor­taanut ilaasin­naaner­put Guutil­lu piumasaanik ilisiman­nin­ner­put im­mik­kut pisin­naatitaaf­fiup­put. Soorunami Guuti qanoq nuan­naar­tis­sin­naal­lugu nalun­ngin­natsigu naalan­nis­saq eq­qor­tulior­nis­sarlu akisus­saaf­figaavut. Inup­pas­suil­lu ajor­tulior­taraluar­tut Jehovap peq­qusineratut ‘ajor­toq uumigisariaqar­par­put’. (Tus­s 97:10) “Ajor­tumik ajun­ngin­neraasut ajun­ngitsumil­lu ajor­neraasut” as­sigilin­ngisaan­nas­savavut. (Es 5:20) Jehovamit iluarisaarusuk­kat­ta sutigut tamatigut minguitsoorusup­pugut. (1 Kor 6:9-11) Biibilimi Jehovap peq­qus­sutai tamarmik uagutsin­nut iluaqutaap­put. Taan­na asal­lugulu ilumoorfigerusuk­katsigu ilitsersuutai angerlarsimaf­fitsin­ni, ilagiin­ni, sulif­fitsin­ni, atuarfitsin­ni sumiluun­niil­lu malik­kusup­pavut. (Us­s 15:3) Al­latigut Guutimut ilumoorfigin­nin­nitsin­nik ersersitsisin­naaner­put eq­qarsaatigiuk.

Ataataasut anaanaasul­lu Jehovamik asan­nit­tut qitor­natik Jehovamut ikin­ngutaalis­sasut kis­saatigaat

14. Angajoq­qaat Jehova qanoq ilumoorfigisin­naavaat?

14 Meeq­qanik perorsaaneq. Biibilimi angajoq­qaat meeq­qanik perorsaanis­samik Jehovamit ilitsersor­neqar­put. Kristumiut silarsuarmi matumani eq­qarsar­taatsimit nalingin­naasumit sun­ner­tin­naveersaar­tariaqar­put. (Ef 2:2) As­sersuutigalugu sumiif­fiit ilaan­ni ataataasut ima eq­qarsar­tar­put: ‘Meeq­qanik perorsaaneq ar­nap akisus­saaf­figaa.’ Biibilimili ersaris­sumik ataataasut peq­quneqar­put qitor­natik Jehova pil­lugu ilin­niar­tit­tas­sagaat. (Ef 6:4) Ataataasut anaanaasul­lu Jehovamik asan­nit­tut qitor­namik Samuelitut, al­liar­tor­nermini Jehovamit najor­neqar­tutut, in­nis­saat kis­saatigaat. – 1 Sam 3:19.

15. Pingaarutilin­nik aalajangiiniar­nermi Jehova qanoq ilumoorfigisin­naavar­put?

15 Aalajangiisar­neq. Inuunermi pingaarutilin­nik aalajangiitin­nata Jehova ilumoorfigisin­naajumal­lugu qanoq isumaqar­nersoq paasiniaq­qaar­tariaqar­par­put. Jehovap oqaasia peqatigiis­sor­taalu atorluarsin­naavavut. As­sersuutigalugu nalitsin­ni angajoq­qaat ilaat nunamut al­lamut nuus­simasut suliin­narsin­naajumal­lutik aningaasarsiorsin­naajumal­lutil­lu naalungiaater­tik nunamin­ni ilaqut­tamin­nut aal­lar­tin­niarlugu aalajanger­tar­put. Soorunami aap­pariit taman­na nam­min­neq aalajangis­savaat, im­minul­li ima aperisariaqar­put: ‘Aalajangius­sar­put Jehovap qanoq isumaqarfigis­savaa?’ (Romamiut 14:12 atuaruk). Ilaqut­tavut sulif­fip­pul­lu pil­lugit pingaarutilin­nik aalajangiin­ngin­nitsin­ni Biibilimi qanoq al­las­simasoqar­toq paasiniaq­qaar­tarutsigu silatusaas­saagut.  ‘Al­loriar­tar­nitsin­nik aqutsisin­naatitaan­ngin­nat­ta’ Ataatatsin­nit ikior­neqar­nis­sar­put pisariaqar­tip­par­put. – Jer 10:23NW.

16. Anaanaasoq er­ninermi kingor­na qanoq aalajangigas­saqaler­pa, sunalu eq­qor­tulior­nis­saminut iluaqutigaa?

16 Aap­pariit nunamut al­lamut nooreerlutik meerar­taaramik meeraq aatak­kuminit isumagineqar­nias­sam­mat aal­lar­tin­niarlugu pilersaarutigaat. Tamatumali nalaani nuliaasup Jehovap Nalunaajaasuisa Biibilimik atuaq­qis­saaqatigisalerman­ni er­nerminik Jehova pil­lugu ilin­niar­titsinis­samik pisus­saaf­feqar­nini paasivaa. (Tus­s 127:3; Us­s 22:6) Ar­naq inuusut­toq Biibilimi peq­quneqar­nitsitut eq­qor­tulior­nis­samut ikioq­qul­luni kimigiiserluni Jehovamut qinuvoq. (Tus­s 62:8, 9) Aam­ma ar­naq Biibilimik atuaq­qis­saaqatigisar­tak­kani al­lal­lu ilagiin­niit­tut ajor­nar­torsiutini pil­lugu oqaloqatigai. Ilaqutai ikin­ngutaalu meeq­qap aatak­kuminut aal­lar­tin­neqar­nis­saa pil­lugu tatisigaluar­tut eq­qor­tumik ilior­niarluni aalajanger­poq. Nuliami qitor­namilu qatan­ngutinit ikior­neqangaar­nerat ajasoorutigalugu uia Biibilimik atuaq­qis­saar­taler­niarluni ilaqut­tanilu ilagalugit ataatsimiigiar­taler­niarluni aalajanger­poq. Qin­nutimi Jehovamit akineqar­nera paasil­lugu anaanaasoq nuan­naangaar­toq takorlooruk.

17. Biibilimik atuaq­qis­saaqateqar­nermi ilitsersuutit suut maleruar­tariaqar­pavut?

17 Ilitsersuutinik maleruaaneq. Guuti ilumoorfigigutsigu ilitsersuutit peqatigiis­sor­taaneersut maleruas­savavut. As­sersuutigalugu atuagaq Biibilimi sor­piaat ajoqersuutigineqar­pat? atorlugu atuaq­qis­saaqateqar­talerut­ta qanoq ilior­tariaqar­tugut eq­qarsaatigiuk. Paasitin­neqar­nikuuvugut atuaq­qis­saar­nerup kingor­na minutsialuit atorlugit atuaq­qis­saaqatigisar­put Jehovap peqatigiis­sor­tai pil­lugit ilin­niar­tit­tas­sagip­put. Filmi Naalagaaf­filersaarfim­mi susoqar­tar­pa? aam­ma qup­persagaq Ul­lumik­kut kik­kut Jehovap piumasaatut ilior­pat? atorsin­naavavut. Atuagaq Biibilimi ajoqersuutigineqar­tut naam­mas­sigutsigu atuagaq “Guutip asan­nin­neraniit­tuin­naritsi” atorlugu atuaq­qis­saaqatigisar­put, aam­ma kuisereersimagaluar­pat, ‘up­per­nermi aalajaan­neruleq­qul­lugu’ atuaq­qis­saaqatigisin­naavar­put. (Kol 2:7) Jehovap peqatigiis­sor­taanit ilitsersuutit taak­ku maleruar­pigit?

18, 19. Jehovamut qujamasun­nis­satsin­nut pis­sutaasut ilaat suup­pat?

18 Jehovamut qujamasun­nis­samut pis­sutis­sar­pas­suaqar­pugut! “Taas­sumanimi inuuvugut anersaar­torlutalu atal­lutalu.” (ApS 17:27, 28) Aam­ma oqaatsini, Biibili, uagutsin­nut tun­niup­paa. Kristumiut Thes­salonikamiut as­sigalugit tunis­sut taan­na taas­suma tusarlius­saanik imalik pingaar­tingaar­par­put. – 1 Th 2:13.

19 Biibili iluaqutigalugu Jehovamut qanil­ligat­ta taas­suma qanil­livaatigut. (Jaak 4:8) Ataatat­ta peqatigiis­sor­taminut qaaq­qusimam­matigut qujamasungaar­pugut! Tus­siaasior­tutut ima misigivugut: “Qutsavigisiuk Naalagaq ajun­ngitsuum­mat, un­neq­qaris­susia [ilumoorfigin­nil­luni asan­nin­nera, NW] atavoq naas­saan­ngitsumik.” (Tus­s 136:1) Tus­siaam­mi tamatumani tus­siaasior­tup oqaatsit ilumoorfigin­nil­luni asan­nin­nera “atavoq naas­saan­ngitsumik” versini tamani uteqat­taar­pai. Aap, Jehovap ilumoorfigigutsin­ni ilitsersuutil­lu peqatigiis­sor­taaneersut maleruarutsigit inuunermik naas­saan­ngitsumik tunis­sal­lutalu ilumoorfigiuas­savaatigut!