“Is­siavis­saarsuarmi is­siasoq Savaararlu naalan­nar­titaalit ataq­qineqarlutil­lu un­nersiutigineqarlutil­lu pis­saaneqarlutil­lu naas­saan­ngil­luin­nar­tumik.” – SAQ­Q 5:13.

ERINARSUUTIT: 9108

1. Sooq inuit ilaat ataq­qineqar­tus­saap­pat, al­laaserisamilu matumani suna sam­mis­savar­put?

INUIT qanoq ataq­qisar­pavut? Ataq­qin­nil­luta im­mik­kut it­tumik pinerisigut. Ataq­qinaataasumik iliorsimasut imaluun­niit pingaarutilim­mik sulias­sal­lit atorfil­lil­luun­niit ataq­qisar­pavut. Al­laaserisami matumani kik­kut aam­ma sooq ataq­qisariaqar­nerlutigit sam­mis­savar­put.

2, 3. (a) Sooq Jehova ingam­mik ataq­qineqar­tariaqar­pa? (Al­laaserisap aal­laq­qaataani as­siliaq takuuk). (b) Savaaraq Saq­qum­mersitat 5:13-imi eq­qaaneqar­toq kinaava, aam­ma sooq ataq­qisariaqar­par­put?

2 Saq­qum­mersitat 5:13-imi eq­qaaneqar­poq “Is­siavis­saarsuarmi is­siasoq Savaararlu” ataq­qineqar­tariaqar­tut. “Is­siavis­saarsuarmi is­siasoq” tas­saavoq Jehova. Saq­qum­mersitat kapitali 4-mi Jehova, “naas­saan­ngil­luin­nar­tumik it­toq”, sooq ataq­qisariaqar­nerip­put pin­ngor­titat qilam­miit­tut eq­qaavaat. (Saq­q 4:9, 10) Ima oqar­put: “Il­lit, Jehova Guuter­put, suut tamaasa pin­ngor­tik­kak­kit suul­lu tamarmik il­lit piumasak­kut piulerlutil­lu pin­ngor­titaam­mata  naalan­narsisin­neqar­nerit, ataq­qinarsisin­neqar­nerit pis­saaneqar­neril­lu pis­susis­samisoor­put.” – Saq­q 4:11NW.

3 ‘Savaaraq’ Saq­qum­mersitat 5:13-imi eq­qaaneqar­toq tas­saavoq Jiisusi Kristusi. Taman­na qanoq nalun­ngilar­put? Jiisusi nunarsuarmiik­kal­larami ‘Guutip savaaraanik silarsuup ajor­taanik nam­mat­tumik’ taaneqar­poq. (Joh 1:29) Kun­ngimi kina al­la in­nut­tani pil­lugit uter­titsis­sutitut kajumil­luni toqusimava? Taman­na pis­sutaal­luni ataq­qineqar­tariaqar­poq. Jiisusi ataq­qineqar­nis­saminut naleq­qup­poq ‘kun­nginut kun­ngiul­lunilu naalak­kanut naalagaagami’. (1 Tim 6:14-16) Im­maqa pin­ngor­titatut qilam­miit­tutut ima erinarsor­tutut misigivutit: “Savaaraq, taan­na toqutaasoq, qin­ngaq­qun­nan­ngilaq pis­sal­lugit pis­saaneq pisuus­sutil­lu ilisimas­suserlu nakuus­suserlu ataq­qinaal­lu un­nersiutigin­nis­sul­lu naalan­naal­lu.” – Saq­q 5:12.

4. Sooq Jehovamik Jiisusimil­lu ataq­qin­nin­nis­sar­put silatusaar­nerua?

4 Johan­nesi 5:22, 23-milu Jehovap Kristusi inun­nut tamanut eq­qar­tuus­sisus­san­ngor­tik­kaa eq­qaaneqar­poq. Taman­na Jiisusimik ataq­qin­nin­nis­satsin­nut pis­sutaasuni pingaar­ner­paasut ilagaat. Taamaalioraangat­talu Jehova aam­ma ataq­qisar­par­put. Jiisusi Ataataalu ataq­qigutsigit naas­saan­ngitsumik inuusin­naavugut. – Tussiaat 2:11, 12 atuakkit.

5. Sooq inuit tamarmik ataq­qineqar­tariaqar­pat?

5 Inuit “Guuti as­silil­lugu” pin­ngor­titaap­put. (1 Mos 1:27) Taman­na isumaqar­poq inuit amerlanerit Guutip pis­susiisa as­singinik ersersitsisin­naasut. As­sersuutigalugu inuit asan­nis­sin­naap­put, inus­siar­nersin­naap­put misigin­neqatigin­nis­sin­naal­lutil­lu. Inuit aam­ma nalun­ngeqatigin­nis­susiler­neqarlutik pin­ngor­tin­neqar­put, tas­sa nalilersin­naavaat suut eq­qor­tuunersut eq­qun­ngitsuunersul­lu, ilumoor­nersut ilumuun­ngin­nersul­lu, naleq­qun­nersut naleq­qutin­ngin­nersul­lu im­mik­koor­tis­sin­naal­lugit. (Rom 2:14, 15) Inuit amerlanersaasa ipiitsut kusanar­tul­lu nuan­naraat al­lanil­lu eq­qis­seqateqarusut­tarlutik. Taman­na tupaal­lan­nan­ngilaq, Jehovami torer­nermut eq­qis­sinermul­lu Guutiuvoq. Jehovamik arlalitsigut ilaarsisin­naan­ngor­til­lugit inuit pin­ngor­titaanerat erser­poq. Taman­na pis­sutigalugu taak­ku uagutsin­nit ataq­qineqar­tariaqar­put. – Tus­s 8:6.

EQQORTUMIK ATAQQINNIGIT

6, 7. Al­lanik ataq­qin­nin­nermut tun­ngatil­lugu Jehovap Nalunaajaasui inup­pas­suar­nit qanoq al­laanerup­pat?

6 Inuit ataq­qineqar­tariaqar­tut nalun­ngilar­put, qanorli ataq­qineqar­tigis­sasut taman­nalu qanoq takutin­neqarsin­naanersoq nalileruminaas­sin­naavoq. Inuim­mi naam­mal­luin­nan­ngitsut amerlaner­paar­taat Saatanip silarsuaani isigin­nit­taatsinit sun­ner­neqangaarsimap­put. Inup­pas­suit angutinik ar­nanil­lu ingasattumik nuan­naar­torisaqar­tar­put. Jehovap siuner­tarisaatut ataq­qinagit inun­nik ataq­qin­nip­pal­laarlutik guutitut pisar­paat. Soorlu politik­kik­kut up­perisarsior­nik­kul­lu siut­tut, timersor­tar­tut, filmiliaritit­tar­tut al­lal­lu tusaamasat atisalersoriaasiat pis­susilersoriaasial­lu ilaar­niar­tar­paat.

7 Kristumiut ilumoor­tut taamatut inun­nik ataq­qin­nip­pal­laar­nerup eq­qun­ngitsuunera nalun­ngilaat. Inun­ni inuusimasuni  tamani Jiisusip kisimi naam­mal­luin­nar­tumik ilaagas­satsin­nik maligas­sip­paatigut. (1 Petr 2:21) Eq­qaamasariaqar­par­put tamat­ta ‘ajor­tuliorluta Guutimit naalan­nas­suseq pigiun­naarsimal­lutigu’. (Rom 3:23) Inuk kinaluun­niit pal­lorfigineqar­tus­san­ngilaq. Inuit ataq­qival­laarutsigit taman­na Jehovap nuan­narinavian­ngilaa.

8, 9. (a) Jehovap Nalunaajaasui naalak­kersuisunut qanoq isigin­nit­taaseqar­pat? (b) Qaquguk­kut naalak­kersuisut naalan­neq ajor­pavut?

8 Inuit ilaat atorfitsik pil­lugu uagutsin­nit ataq­qineqar­tariaqar­put. As­sersuutigalugu naalak­kersuisut il­lit pil­lutit iliuuserisar­tagaat eq­qarsaatigik­kit. Il­loqarfiit toq­qis­sisimanar­tuunis­saat in­nut­tamil­lu pisariaqar­titaat isumagisar­paat. Taman­na tamanit iluaqutigineqarluar­tar­poq. Apustili Paulusi al­lap­poq naalak­kersuisut ‘qul­lersaasutut’ isigisariaqarivut. Aam­ma taak­kua inatsisaasa maleruar­nis­saan­nik peq­qusil­luni ima al­lap­poq: “Ilis­sin­nit pisas­saqar­tut tamaasa pisas­saan­nik tunisigit: akileraarutinik pisus­saq akileraarutinik ... ataq­qineqar­tus­sarlu ataq­qin­nin­nermik.” – Rom 13:1, 7.

9 Jehovamik Nalunaajaasuugat­ta naalak­kersuisut sapin­ngisatsin­nik ataq­qiniar­tar­pavut. Soorunami nunat tamarmik as­sigiin­ngitsunik ileq­qoqar­tar­put, taamaam­mat naalak­kersuisut sumiif­fim­mi al­lami piumasarisaat al­laanerusin­naap­put. Sulili naalak­kersuisut suliamik isumagin­nin­neran­ni suleqatik­kuminar­tuusar­pugut. Jehoval­li piumasaanik unioq­qutitsisumik piumaf­figineqarut­ta taamaalior­navian­ngilagut. Taamatut pisoqaraangat inuit pin­nagit Jehova naalal­lugulu ataq­qinerusar­par­put. – 1 Petrusi 2:13-17 atuakkit.

10. Itsaq Jehovap kif­fai uagutsin­nut qanoq maligas­siuip­pat?

10 Itsaq Jehovap kif­fai naalak­kersuisunut ataq­qin­nit­tut ilin­niarfigisin­naavavut. Josefi Marialu maligas­siuil­luar­put. Romamiut naalagaaf­fis­suarmin­ni in­nut­taasut qas­siunersut paaserusum­mas­suk Josefi Marialu Betlehemimut al­latsik­kiar­tor­put, naak Mariap er­ninis­saa qanil­ligaluar­toq. (Luk 2:1-5) Apustili Paulusi inun­nik naalak­kersuisunik ataq­qin­nik­kami aam­ma maligas­siuivoq. Un­nerluutigineqarami kun­ngip Herodesip Agrip­pap, aam­ma Festusip Romamiut nunasiaan­ni Judæami naalak­kersuisup, saavan­ni sas­sarluni ataq­qin­nil­luni im­minut il­lersor­poq. – ApS 25:1-12; 26:1-3.

11, 12. (a) Up­perisarsior­nik­kut siut­tut sooq im­mik­kut ataq­qin­nin­nermik ersersitsivigineq ajor­pavut? (b) Østrigimi Nalunaajaasup politik­keri ataq­qigamiuk susoqar­pa?

11 Taavami up­perisarsior­nik­kut siut­tut? Im­mik­kut it­tumik ataq­qis­savavut? Ilumoor­poq inun­nik al­lanik ataq­qin­nin­nitsitul­li ataq­qis­sagivut. Im­mik­kul­li it­tumik ataq­qis­sagutsigit eq­qor­tulior­nerunavian­ngilaq, taamatut pineqar­nis­sar­tik naatsorsuutigigaluar­pas­sul­luun­niit. Sooq? Up­perisarsior­nermi eq­qun­ngitsumi Guuti pil­lugu ilumoor­toq taas­sumalu oqaasia Biibili pil­lugit sal­lusuis­sut ilin­niar­titsis­sutigineqan­ngim­mata. Jiisusip up­perisarsior­nermi eq­qun­ngitsumi siut­tut ilumoor­tuusaar­tutut ingerlas­sinerlut­tutul­lu taavai. (Mat­t 23:23, 24) Nunamili naalak­kersuisut atorfil­lit im­mik­kut ataq­qinis­saat kuk­kunerun­ngilaq. Ataq­qin­nit­tuugat­tami ilaasa ikior­tar­paatigut.

12 Naalak­kersuisuni atorfil­lit ikiuisimasut ilaat tas­saavoq Østrigimi politik­keri dr. Heinrich Gleis­sner. Sorsun­nersuarmi  kingul­lermi taan­na nazistinit par­naarus­saavoq. Qimut­tuitsor­til­luni tigusanut inis­siarsuarmukaan­neqar­nermini Leopold Engleitner, Nalunaajaasoq aal­lus­sil­luar­toq Østrigimeersoq, naapip­paa. Qatan­ngutip Engleitnerip ataq­qin­nil­luni dr. Gleis­sner up­perisaminik oqalut­tuup­paa, taan­nalu tusar­naaq­qis­saar­poq. Sorsun­nersuaqarun­naarmat Gleis­snerip atorfini atorluarlugu arlaleriarluni Østrigimi Nalunaajaasut ikior­tar­pai. Kristumiut naalak­kersuisunut ataq­qin­nin­nerisigut al­lanik ajun­ngitsunik pisoqar­tar­nerinik im­maqa eq­qaasaqarsin­naavutit.

ALLANIK ATAQQINNITTUUGIT

13. Ingam­mik kik­kut ataq­qis­savavut, aam­ma sooq?

13 Qatan­ngutivut tamaasa ataq­qisus­saavavut. Ingam­mik ataq­qineqar­tus­sat tas­saap­put qatan­ngutit angutit siulersuisut, soorlu utoq­qaaner­tat, ilagiin­nik nak­kutil­liisut, Im­mik­koor­tor­taqarfiup Ataatsimiititaliaanut ilaasor­tat Siulersuisoqatigiin­nul­lu ilaasor­tat. (1 Timotheusi 5:17 atuaruk). Tamarmik Guutip in­nut­taasa pisariaqar­titaan­nik isumagin­nit­tar­put Biibilimilu inun­nik tunis­sutaasutut al­laatigineqarlutik. (Ef 4:8) Taamaam­mat inuiaas­susiat, ilin­niagaqar­nerat, inuiaqatigiin­ni inis­sisimaf­fiat aningaasaqar­nik­kul­lu atugaqar­nerat apeq­qutaatin­nagit ataq­qin­nin­nermik ersersitsivigineqar­nis­saat pis­susis­samisoor­poq. Kristumiut siul­liit uagutsin­nut maligas­siuil­luar­put. Angutit siulersuisut ataq­qivaat, soorlu aam­ma uagut ataq­qin­nit­tugut. Angutit taak­ku peqatigigaangatsigit in­ngilitut isigineq ajor­pavut. Ilungersorlutil­li sulinerat maniguun­neral­lu pil­lugit ataq­qisar­pavut. – 2 Korinthimiut 1:24; Saqqummersitat 19:10 atuakkit.

14, 15. Kristumiut utoq­qaaner­tat up­perisarsior­nik­kut siut­tunit qanoq al­laanerup­pat?

 14 Utoq­qaaner­tat taak­ku paarsisutut maniguut­tutut ip­put. Tusaamasatut pineqarusun­neq ajoramik Jiisusip nalaani nalitsin­nilu up­perisarsior­nik­kut siut­tut ilar­pas­suinit al­laanerul­luin­nar­put. Ilumoor­tuusaar­tut pil­lugit Jiisusi ima oqar­poq: “Nal­liut­torsior­ner­ni akimanerit inigisar­tagaan­niik­kumal­laaraat synagoginilu is­siavin­ni sal­ler­niik­kumasarlutik; niueriar­tor­tarfin­nilu ilas­sior­tik­kumal­laaraat.” – Mat­t 23:6, 7.

Utoq­qaaner­tat Jiisusi naalal­lugulu maniguuk­kaangamik qatan­ngutinit asaneqarlutil­lu ataq­qineqar­tar­put

15 Kristumiut utoq­qaaner­tat Jiisusip oqaasii uku malip­paat: “Rabbimik taagor­tis­san­ngilasi; ataasermi ajoqersuisoraarsi, ilis­silu tamas­si qatan­ngutigiip­pusi. Nunamiit­toq kinaluun­niit ataatas­sin­nik taas­san­ngilarsi; ataasermi ataatagaarsi, taan­na qilam­miit­toq. Ilitsersuisumil­luun­niit [siulersuisunik, NW] taagor­tis­san­ngilasi, ataasermi ilitsersuisoraarsi [Siulersuisoraarsi, NW], Kristusi. An­ner­tarsi kif­faris­savarsi. Im­minut akitsisin­niar­toq nikanarsisitaas­saaq, im­minul­lu nikanar­tit­toq akitsisitaas­saaq.” (Mat­t 23:8-12) Nunarsuaq tamak­kerlugu ilagiin­ni utoq­qaaner­tat maniguul­lutil­lu Jiisusip oqaasii maleruaramik­kit qatan­ngutimin­nit asaneqarlutil­lu ataq­qineqar­tar­put.

Utoqqaanertat maniguullutik kiffartoraangamik qatanngutiminnit asaneqarlutillu ataqqineqartarput (Immikkoortut 13-15 takukkit)

16. Sooq ataq­qin­nit­tuuniarluta ilungersor­tuar­tariaqar­pugut?

16 Im­maqa al­lanut ataq­qin­nin­nermi oqimaaqatigiis­saarinerup ilin­niar­nis­saa sivisusin­naavoq. Kristumiunut siul­ler­nut aam­ma taamaap­poq. (ApS 10:22-26; 3 Joh 9, 10) Ilungersor­nis­samul­li pis­sutis­saqarluar­poq. Jehovap piumasaatut al­lanik ataq­qin­nik­kut­ta tamanut iluaqutaas­saaq.

ALLANIK ATAQQINNINNERUP ILUAQUTISSARTAI

17. Atorfilin­nut ataq­qin­nin­neq qanoq iluaqutaasar­pa?

17 Inuiaqatigiin­ni atorfil­lit ataq­qigaangatsigit oqaluus­sisin­naatitaaner­put il­lersorusun­nerusar­paat. Oqaluus­siner­put pil­lugu al­laat ajun­ngitsumik isigin­nit­taaseqalersin­naap­put. Ukiut arlal­lit matuma sior­na Tysklandimi taama pisoqar­poq Birgitip pioneriusup panim­mi atuarfim­mi naggataar­nersior­nerani najuum­mat. Ilin­niar­titsisut Birgit oqalut­tuup­paat Nalunaajaasut meeraat ukiut ingerlanerini atuar­titaris­sal­lugit nuan­narineqarsimasut. Misigip­put Nalunaajaasut meeraasa atuarfik pitsaanerulersis­simagaat. Birgitip taak­ku ima oqalut­tuup­pai: “Meeq­qavut Guutip pis­suseris­saar­nermut maleruagas­siai pil­lugit, ilaatigut ilin­niar­titsisunik ataq­qin­nin­nis­samik, ilin­niar­tin­neqar­tar­put.” Ilin­niar­titsisut ilaat oqar­poq meeq­qat tamarmik Nalunaajaasutut ik­kaluar­pata atuar­titsineq ajor­nan­ngin­niararsuus­sagaluar­toq. Nalunaajaasut meeraat nuan­naringaaramik­kit sapaatip-akun­neri arlal­lit qaangiut­tut ilin­niar­titsisut ilaat ataaseq ataatsimeersuaqataavoq.

18, 19. Utoq­qaaner­tat ataq­qigaangatsigit suna eq­qaamasas­savar­put?

 18 Ilagiin­ni utoq­qaaner­tat qanoq ataq­qis­sanerlutigit paasiniar­nerani Guutip oqaasianit najoq­qutas­siat iluaqutigisin­naavavut. (Hebræerit 13:7, 17 atuakkit). Ilungersor­nerat pil­lugu nersualaar­tariaqar­pavut. Siulersuinerat malik­kaangatsigu utoq­qaaner­tat nuan­naarlutik kif­far­torsin­naap­put. Biibilimi aam­ma eq­qaaneqar­poq taak­kua up­per­nerat as­siginiar­tariaqarip­put. Taman­nali isumaqan­ngilaq utoq­qaaner­tat atisalersoriaasiat, oqalut­tariaasiat ilin­niar­titseriaasial­lu ilaaq­qis­saar­niarsaris­sagivut. Taamaaliorut­tami al­lat isum­mis­sap­put Kristusi pin­nagu angutit malik­kivut. Utoq­qaaner­tat uagutsitul­li naam­mal­luin­nan­ngitsuunerat eq­qaamasariaqar­par­put.

19 Utoq­qaaner­tat tusaamasatut pin­nagit ataq­qigaangatsigit ikior­tar­pavut. Qanoq? Taak­kua makitalin­ngin­nis­saan­nut al­laniil­lu ajun­ngin­nerusutut eq­qor­tulior­tuaan­nar­tutul­lu misigilin­ngin­nis­saan­nut ikius­savavut.

20. Al­lanik ataq­qin­nin­neq qanoq iluaqutigisar­par­put?

20 Al­lanik ataq­qin­nik­kut­ta nam­minis­sarsiulin­ngin­nis­satsin­nut al­lanil­lu im­mik­kut maluginiar­neqar­til­luta makitalin­ngin­nis­satsin­nut iluaqutigis­savar­put. Aam­ma arlaat ataq­qisar­put pakatsis­sutigisatsin­nik iliuuseqas­sagaluar­pat anersaak­kut naak­kiutin­ngin­nis­satsin­nut il­lersuutigisin­naavar­put. Jehoval­lu peqatigiis­sor­taani ataasioqatigiigin­nar­nis­samut iluaqutigisar­par­put. Inuk kinaluun­niit, up­per­toq up­per­tuun­ngitsorlun­niit, Jehovap peqatigiis­sor­taani ingasap­pal­laar­tumik ataq­qineqar­neq ajor­poq.

21. Al­lanik ataq­qin­nin­nerup iluaqutis­sar­taasa pingaar­ner­paar­taat suua?

21 Al­lanik ataq­qin­nin­nerup iluaqutis­sar­taasa pingaar­nersaat tas­saavoq Guutimik nuan­naalersitsineq. Taas­suma piumasaatut ilior­nitsigut aalajaat­tuas­saagut. Taava Saatanimut, kimil­luun­niit aalajaas­sin­naan­ngin­neraasumut, Jehova akisin­naalis­saaq. (Us­s 27:11) Silarsuarmi inuit amerlanersaasa qanoq al­lanik eq­qor­tumik ataq­qin­nin­nis­sar­tik naluaat. Al­lanik qanoq eq­qor­tumik ataq­qin­nis­satsin­nik Jehovap ilin­niar­tis­simam­matigut qujamasungaar­pugut!