Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Marsi 2016

Inuusuttuusutit – Kuisinnissamut qanoq piareersarsinnaavit?

Inuusuttuusutit – Kuisinnissamut qanoq piareersarsinnaavit?

“Guuti, piumasat malil­lugu ilior­nis­saq tas­sa kajungerisara.” – TUS­S 40:9.

ERINARSUUTIT: 51, 48

1, 2. (a) Nas­suiaruk sooq kuisin­neq al­loriar­nerusoq pimoorus­sas­saq. (b) Inuup kuisitsin­nani suna qulak­keer­tariaqar­paa, aam­ma sooq?

INUUSUT­TUUIT kuisik­kusut­toq? Taamaap­pat im­mik­kut pisin­naatitaaf­fik an­ner­paaq ataq­qinaatigilis­savat. Al­laaserisap matuma siuliani eq­qaaneqar­tutut kuisin­niarluni aalajanger­neq pimoorus­sas­saavoq. Kuisin­nik­kut al­lanut takutis­savat Jehovamut tun­niul­luin­narsimal­lutit, tas­sa taan­na naas­saan­ngitsumut kif­far­torfiginiarlugu taas­sumalu piumasaatut ilior­nis­saq inuunin­ni pingaar­ner­paajus­sasoq neriorsuisimasutit. Guutimut taamatut neriorsuineq pimoorus­sas­saam­mat kuisin­nis­samut piareersimalersimas­saatit aatsaat inersimal­lualeruit, kuisin­nis­sat nam­mineq kis­saatigiguk­ku Guutimul­lu tun­niul­luin­nar­nerup isumaa paasisimaguk­ku.

2 Im­maqali kuisin­nis­samut piareersimanak misigivutit. Im­maqaluun­niit piareersimasutut misigisutit angajoq­qaatit isumaqar­put kristumiutut inuunermi misilit­tagaqar­neruler­nis­san­nut  utaq­qis­sasutit. Qanoq ilius­savit? Nikal­lor­nak anersaak­kut siumukarit ungasis­sorsuun­ngitsumi kuisin­nis­samut piareersimasin­naan­ngoq­qul­lutit. Taman­na eq­qarsaatigalugu (1) nakimaatsumik up­perisan­nut, (2) iliuutsin­nut aam­ma (3) qujamasun­nin­nut tun­ngatil­lugu anguniagaqarsin­naavutit.

NAKIMAATSUMIK UP­PERISAT

3, 4. Inuusut­tut Timotheusi qanoq ilin­niarfigisin­naavaat?

3 Apeq­qutit uku qanoq akis­sanerlugit eq­qarsaatigiuk: Sooq Guutip piunera up­perivara? Sooq qularutigin­ngilara Biibili Guutimin­ngaan­neersuusoq? Sooq Guutip najoq­qutas­siai malil­lugit inuuneq silarsuarmi inooriaaserineqar­tumik ilaarsinermit pitsaanerusorivara? Apeq­qutit tamak­ku iluaqutigalugit Paulusip siun­nersuutaa una maleruarsin­naavat: ‘Sianigilersiuk [Qulakkeersiuk, NW] sunaasoq Guutip piumasaa: ajun­ngitsoq, iluarinar­toq, naam­mal­luin­nar­toq.’ (Rom 12:2) Sooq taamaalius­sagavit?

Timotheusip qula­ruti­gin­ngilaa ilin­niar­sima­sani sal­lusuis­sutaa­soq eq­qar­sar­luar­iar­luni ilin­niak­kani isum­mer­fi­giga­migit

4 Timotheusimik oqalut­tuaq iluaqutigisin­naavat. Timotheusi Al­lak­kanik ilisimasaqarluar­poq anaanaminit aanaminil­lu tamak­kunan­nga ilin­niar­tin­neqarami. Paulusil­li Timotheusi ima al­laf­figaa: “Ilin­niarsimasatit nakimaatsumillu upperilersimasatit aalajangiun­niak­kit!” (2 Tim 3:14, 15) Uani oqaatsip ‘nakimaatsumik’ ilan­ngun­neqarsimaneranit erser­poq pineqar­toq tas­saasoq ilin­niarsimasap ilumoor­tuuneranik qulan­ngivil­luni up­perin­nin­neq. Tas­sa Timotheusip up­peril­luin­naler­tariaqar­paa sal­lusuis­sut Al­lak­kani paasineqarsin­naasoq. Eq­qarsarluariarluni isum­mer­poq ilin­niak­kani up­perisin­naal­lugit, imaan­ngitsoq anaanami aanamilu taamaalioq­quman­ni.

5, 6. Sooq inuunin­ni piaar­ner­paamik tun­ngavilersuisin­naanerup ilin­niar­nis­saa pingaaruteqar­pa?

5 Il­lim­mi? Im­maqa sal­lusuis­sut sivisuumik nalun­ngis­simavat. Taamaap­pat up­perisan­nut tunngavigisatit eq­qarsaatigil­luar­nerusak­kit. Taamaalior­taruit up­per­nik­kut nakus­satsis­saatit aam­ma tatineqar­nerit, silarsuarmi eq­qarsar­taaseq nam­minerluun­niit misigis­sutsitit pis­sutigalugit kuk­kusumik aalajangiinis­saraluit pin­ngitsoor­tis­sin­naavat.

6 Inuusut­tuutil­lutit tun­ngavilersuisin­naaneq ilik­karuk­ku peqativit apeq­qutigisar­tagaat imaat­tut akisin­naas­savatit: ‘Sooq Guuteqar­nera qularin­ngiliuk? Guutip asagunisigut sooq ajor­toqar­nera akueraa? Guutip piujuaan­narsimanera qanoq ilumoorsin­naagami?’ Piareersimaguit apeq­qutit taamaat­tut qulalis­sutiginagit Biibilimik atuaq­qis­saar­nerunis­san­nut kajumis­sis­sutigis­savatit.

7-9. Up­perisavit ilumoor­nerat qanoq qulak­keersin­naaviuk?

7 Peq­qis­saar­tumik nam­mineq atuaq­qis­saar­nerit apeq­qutigineqar­tar­tut akinis­saan­nut, qularun­naar­nis­san­nut up­per­nik­kul­lu nakus­satsin­nis­san­nut iluaqutaas­saaq. (ApS 17:11) Taamaalior­nis­san­nut iluaqutigisin­naasan­nik atuagas­siaateqar­pugut. Amerlasuut atuagas­siaativut  Pin­ngor­titsisitsin­nut taas­sumalu pin­ngor­titaanut tun­ngasunik nas­suiaatital­lit iluaqutigisimavaat. (As­sersuutigalugu qup­persagaq Fem gode spørgsmål om livets oprindelse aam­ma atuagaq Findes der en Skaber som interes­serer sig for os?) Aam­ma inuusut­tor­pas­suit atuagaq Biibilimi sorpiaat ajoqersuutigineqarpat? tun­ngavigalugu atuaq­qis­saarutis­sat (Studieguider) jw.org-imiit­tut nuan­naralugil­lu iluaqutigisimavaat. BIBELENS LÆRE toorlugu “studieguider” nanisin­naavatit. Biibilimut tun­ngasunik up­per­nik­kut nakus­satsis­sin­naaq­qul­lutit al­lataap­put.

8 Biibilimik atuaq­qis­saar­tar­tuugavit Biibilimi ajoqersuutigineqar­tut tun­ngaviusut pil­lugit apeq­qutit ilaat akisin­naariis­sagunar­patit. Akis­sutitil­li tun­ngavilersorsin­naavigit? Nam­mineq atuaq­qis­saar­nin­ni up­per­nik­kut nakus­satsis­sutigisin­naasan­nik Biibililersaarutitsin­nik misis­sueq­qis­saarsin­naavutit. Soorlu al­las­simaf­fiit as­sigiin­ngitsut eq­qarsaatigeq­qis­saarsin­naavatit up­perisan­nul­lu tun­ngaviusut al­lat­torlugit. Taman­na up­perisavit al­lanut nas­suiar­nis­saanut iluaqutigis­savat.

9 Up­per­nik­kut nakus­satsin­neq kuisin­nis­samut piareersaatigis­savat. Qatan­ngut ar­naq inuusut­toq ima oqar­poq: “Kuisitsin­nanga Biibili atuaq­qis­saar­para paasil­lugulu taman­na tas­saasoq up­perisarsior­neq ilumoor­toq. Ul­lul­lu tamarluin­naasa tamatumin­nga up­perin­nin­nera sak­kor­tusisar­poq.”

ILIUUTSITIT

10. Sooq kristumiup kuisimasup iliuusii up­per­neranut naaper­tuutis­sasut naatsorsuutigis­sal­lugu ingasaas­sinerun­ngila?

10 Biibilimi al­las­simavoq ‘up­per­neq im­mini, tas­sa sulianik ilaqar­nani, toqungasoq’. (Jaak 2:17) Qulan­ngil­luin­naruit taman­na  iliuutsik­kut ersersis­savat. Biibilimi al­las­simaneratut ‘il­ler­nar­tuul­lutit Guutimil­lu mianerin­nil­lutit inuus­saatit’. – 2 Petrusi 3:11 atuaruk.

11. ‘Il­ler­nar­tuul­luni inuuneq’ qanoq paasisariaqar­nersoq nas­suiaruk.

11 ‘Il­ler­nar­tuul­luni inuus­sagaan­ni’ ileq­qoris­saar­nermut tun­ngatil­lugu minguitsuusariaqar­poq. As­sersuutigalugu qaam­matit arfinil­lit kingul­liit eq­qarsaatigik­kit. Eq­qun­ngitsulior­nis­samut us­ser­nar­torsioraangavit suna eq­qor­tuunersoq sunalu eq­qun­ngitsuunersoq eq­qarsaatigeq­qis­saar­tar­piuk? (Hebr 5:14) Us­ser­nar­torsiorlutit tatineqarlutil­luun­niit nak­kaan­narfigin­ngisan­nik eq­qaamasaqar­pit? Atuarfim­mi al­lanut maligas­saal­luar­pit? Jehovamut aalajaat­tuar­pit, atuaqatin­nil­luun­niit uumisaar­neqan­ngin­nias­sagavit taak­kunatut pis­susilersor­niarsarivit? (1 Petr 4:3, 4) Soorunami kinaluun­niit naam­mal­luin­nar­tuun­ngilaq. Al­laat ukior­pas­suar­ni Jehovamut kif­far­torsimasut ilaan­nik­kut it­tuulersin­naap­put al­lanul­lu oqaluus­sinis­sar­tik saper­nar­tilerlugu. Guutimul­li tun­niul­luin­narsimasup Jehovamik Nalunaajaasuunini tul­luusimaarutigisar­paa taman­nalu minguitsumik inooriaaseqar­nik­kut ersersit­tarlugu.

12. Ilaatigut qanoq ersersis­sin­naaviuk ‘Guutimik mianerin­nil­lutit inuul­lutit’, taman­nalu qanoq isumaqarfigis­saviuk?

12 Qanoq ersersis­sin­naaviuk ‘Guutimik mianerin­nil­lutit inuul­lutit’? Ilaatigut ataatsimiin­ner­nut oqaluus­sinermul­lu ilagiit aaq­qis­sugaan­nut peqataasar­nik­kut. Iliuuserineqar­tus­sanul­li aam­ma ilaap­put al­lanit takuneqar­neq ajor­tut, soorlu il­lit nam­mineq Jehovamut qinusar­nerit nam­minerlu atuaq­qis­saar­tar­nerit. Jehovamut tun­niul­luin­narsimasup tamak­ku ar­tor­nar­tutut isigineq ajor­pai. Kun­ngitut Daavitut ima oqar­tutut misigis­saaq: “Guuti, piumasat malil­lugu ilior­nis­saq tas­sa kajungerisara; inatsisitit uanga ilun­ni ip­put.” – Tus­s 40:9.

13, 14. ‘Guutimik mianerin­nil­lutit inuunis­samut’ suna iluaqutigisin­naaviuk, inuusut­tul­lu ilaasa taman­na qanoq iluaqutigisimavaat?

13 ‘Guutimik mianerin­nil­lutit inuuniar­nin­ni’ apeq­qutit, soorlu uku, iluaqutigisin­naavatit: ‘Qinunin­ni qanoq erseq­qis­saal­luar­tigisar­pit, qin­nutitil­lu Jehovamik asan­nin­nerit pil­lugu qanoq ersersitsip­pat? Nam­mineq atuaq­qis­saar­nin­nut suut ilan­ngut­tar­pigit? Angajoq­qaatit oqaluus­seqataan­ngik­kaluaraangataluun­niit oqaluus­seqataasar­pit?’ [1] Apeq­qutinut taak­kunun­nga akis­sutitit al­lak­kit. Taamaalior­neq nam­mineq qin­nutin­nut, atuaq­qis­saar­tar­nin­nut oqaluus­sinin­nul­lu tun­ngatil­lugu siumukarsin­naaq­qul­lutit anguniagaqar­nis­samut iluaqutigis­savat.

14 Apeq­qutinut taama it­tunut akis­sutinik al­lat­tuineq inuusut­tut kuisin­nis­samik eq­qarsaateqar­tut iluaqutigingaarsimavaat. Qatan­ngut inuusut­toq Tildamik atilik oqar­poq taamaalior­neq anguniagaqaler­nis­saminut iluaqutigalugu. Anguniak­kani ataasiak­kaarlugit anguai ukiul­lu ataatsip mis­saa qaangiut­toq kuisin­nis­saminut piareerluni. Qatan­ngut inuusut­toq Patrickimik atilik as­singusumik iliuuseqar­poq, ima oqar­poq: “Suut anguniagarinerlugit nalun­ngereer­para, al­lat­torak­kil­li tamaviaar­nerul­lunga anguniar­pak­ka.”

Jehova kiffar­tor­figiuas­saviuk angajoq­qaatit taamaa­liorun­naara­luar­pataluunniit? (Immik­koortoq 15 takuuk)

15. Sooq tun­niul­luin­nar­neq nam­mineq aalajangigas­saasoq nas­suiaruk.

15 Al­lat­tuif­fis­sami apeq­qutit pingaarutil­lit ilaat imaap­poq: “Jehova kif­far­torfigis­saviuk angajoq­qaatit ikin­ngutitil­lu taamaaliorun­naaraluar­pataluun­niit?” Jehovamut tun­niul­luin­naruit kuisik­kuil­lu il­lit nam­mineq Jehovamut at­taveqalis­saatit. Tas­sa  angajoq­qaavit al­lal­luun­niit qanoq ilior­neri il­lit Jehova pil­lugu iliuuserisan­nut aalajangiisuus­san­ngil­lat. ‘Il­ler­nar­tuul­lutit Guutimil­lu mianerin­nil­lutit inuunik­kut’ ersersis­savat sal­lusuis­sut up­peril­luin­narlugu Guutil­lu najoq­qutas­siai maleruarusuk­kitit, kuisin­nis­samul­lu siumukar­tutit.

QUJAMASUNNERIT

16, 17. (a) Kristumiun­ngor­nis­samut suna kajumis­sis­sutaas­sava? (b) Uter­titsis­sum­mik qujamasuutigin­nin­neq qanoq as­sersuusiorluni nas­suiar­neqarsin­naava?

16 Ilaan­ni angutip Mosesip inatsisaanik ilisiman­nil­luar­tup Jiisusi ima aperaa: “Inas­sut suna inatsisini an­nerua?” Jiisusip ima akivaa: “Naalagaq Guutit asas­savat uum­matik­kut iluun­ngarlutit tar­nik­kul­lu iluun­ngarlutit isumak­kul­lu iluun­ngarlutit.” (Mat­t 22:35-37) Tamatumani Jiisusip erseq­qis­sar­paa kristumiup iliuusiinut, ilaatigut kuisin­nis­samut, Jehovamik asan­nin­neq kajumis­sis­sutaasus­saasoq. Jehova asaneruler­niarlugu iliuuserineqarsin­naasut pingaar­nerit ilagaat uter­titsis­sum­mik, Guutip inun­nut tunis­sutaanik an­ner­paamik, eq­qarsaatigin­neq­qis­saar­neq. (2 Korinthimiut 5:14, 15; 1 Johannesi 4:9, 19 atuakkit). Uter­titsis­sut eq­qarsaatigeq­qis­saaruk­ku tunis­sut naleqangaar­toq  taman­na qujamasuutigalugu ersersik­kusulis­savat.

17 Uter­titsis­sum­mik qujamasuutigin­nin­nerit ima nas­suiar­neqarsin­naavoq: Takorlooruk imaani ipil­lutit toqulersutit an­naan­neqar­tutit. Al­lar­teriarlutit angerlaan­nas­savit ilin­nil­lu an­naas­sisup il­lit pil­lutit iliuusia puiorlugu? Naagga! Inuunin­nik an­naas­sisumut qujamasut­tuas­saatit! Taamatul­li uter­titsis­sut pil­lugu Jehovamut Jiisusimul­lu qujamasungaar­tariaqar­pugut. Inuunitsin­nik akiitsugaqarfigaavut! Taak­kuami ajor­timit toqumil­lu an­naap­paatigut. Uagutsin­nik asan­nit­tuum­mata nunami paratiisiusumi naas­saan­ngitsumik inuunis­saq maan­na neriuutigaar­put!

18, 19. (a) Sooq Jehovamit pigineqar­nis­sat merseris­san­ngiliuk? (b) Jehovamut kif­far­tor­neq qanoq inuunin­nik nuan­ner­nerulersitsiva?

18 Il­lit pil­lutit Jehovap iliuusii qujamasuutigaagit? Taamaap­pat tun­niul­luin­nar­neq kuisin­nerlu ilin­nut eq­qor­tulior­nerus­sap­put. Tun­niul­luin­nar­nerit Guutip piumasaatut naas­saan­ngitsumik iliorumal­lutit neriorsuineruvoq. Taamatut neriorsuinis­saq merseris­saviuk? Naagga! Jehovap pitsaaner­paamik kis­saap­paatit, piumasamisul­lu ilior­tut akis­sarsisis­savai. (Hebr 11:6) Guutimut tun­niul­luin­narlutil­lu kuisik­kuit inuunerit ajor­neruler­nani ajun­ngin­nerulis­saaq! Qatan­ngut angut 24-nik ukiulik suli inuusut­tuaran­ngor­nani kuisit­toq ima oqar­poq: “Kuisik­kama utoq­qaanerusimagaluaruma im­maqa paasin­nin­nerusimasin­naagaluar­punga, Jehovamul­li tun­niul­luin­nar­niarlunga aalajanger­nera silarsuarmi anguniagaqan­ngin­nis­samut iluaqutigaara.”

Saatanip nam­mi­nis­sar­sior­tuu­gami so­qu­ti­gin­ngilaa­tit

19 Jehovap pitsaaner­paamik kis­saap­paatit. Saatanil­li soqutigin­ngilaatit nam­minis­sarsior­tuugami. Saatanip silarsuaa tapersersoruk­ku ajun­ngitsumik ataavar­tumik pis­saqas­san­ngilatit. Saatanip nam­mineq pigin­ngisaminik qanoq tunisin­naagamitit? Nutaarsias­samik nuan­nersumik tusarlius­sas­saqan­ngilaq neriuutis­saqaranilu. Pilersis­sin­naasatuaraa siunis­saq nuan­niitsoq, nam­minermi taamatut siunis­saqar­poq! – Saq­q 20:10.

20. Inuusut­toq tun­niul­luin­nar­nis­samut kuisin­nis­samul­lu siumukarsin­naaq­qul­luni qanoq iliorsin­naava? (Aam­ma ungalusaq “Siumukar­niar­nin­ni iluaqutis­satit” takuuk).

20 Jehovamut tun­niul­luin­nar­nerit aalajangigas­savit pingaar­ner­paar­taraat. Taamaalior­nis­san­nut piareersimavit? Piareersimaguit taama neriorsuinis­sat mersereqinagu. Misigiguil­li piareersimanak al­laaserisami matumani siun­nersuutit atorlugit siumukar­tuarit. Paulusip qatan­ngutit Filip­pimiut kajumis­saar­pai ‘or­nigar­tik toraarlugu’ siumukar­tuaq­qul­lugit. (Fil 3:16) Kajumis­saarut taman­na maleruaruk­ku erininarsin­ngitsoq Jehovamut tun­niul­luin­narusulis­saatit kuisik­kusulerlutil­lu.

^ [1] (im­mik­koor­toq 13) Inuusut­tut ilaasa Unge spørger – Svar der duer atuak­kami 2-mi qup­per­ner­ni 308-mi 309-milu al­lat­tuif­fis­sat iluaqutigisimavaat.