Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Maaji 2016

Isumaqatigiinngissutit asanninneq tunngavigalugu aaqqittarsigit

Isumaqatigiinngissutit asanninneq tunngavigalugu aaqqittarsigit

‘Eq­qis­seqatigiigitsi.’ – MARK 9:50.

ERINARSUUTIT: 39, 35

1, 2. Mosesimik al­lak­kani siul­ler­ni ajor­nar­torsiutit suut al­laatigineqar­pat, aam­ma sooq soqutiginar­pat?

ISUMAQATIGIIN­NGIN­NERIT Biibilimi al­laatigineqar­tut eq­qarsaatiginikuuigit? Biibilimi kapitalini siul­ler­ni al­laatigineqar­tutut Kainip Abeli toqup­paa (1 Mos 4:3-8); Lemekip angut inuusut­toq toqup­paa ikilermani (1 Mos 4:23); Aaperaap nersutaataanik paarsisut Lotil­lu nersutaataanik paarsisut oq­qatiler­put (1 Mos 13:5-7); Hagarip Sara nikagiler­paa, Saral­lu Aaperaat kamaap­paa (1 Mos 16:3-6); Ismaeli kik­kun­nut tamanut akeq­qersimaar­poq, kik­kul­lu tamarmik taas­sumun­nga akeraap­put. – 1 Mos 16:12.

2 Sooq ajor­nar­torsiutit isumaqatigiin­ngis­sutil­lu tamak­ku Biibilimi eq­qaaneqar­pat? Inuit naam­mal­luin­nan­ngitsut taak­ku ilin­niarfigisin­naagatsigit. Uagut­taaq naam­mal­luin­nan­ngitsuuvugut, taak­kualu ajor­nar­torsiutigisimasaan­nut as­singusunik ajor­nar­torsiuteqaraangat­ta Biibilimi maligas­siuil­luar­tut ilaar­tarsin­naavavut maligas­siuinerlut­tul­lu ilaar­naveersaarlugit. (Rom 15:4) Taman­na al­lanik eq­qis­seqateqar­tar­nis­satsin­nut iluaqutigisin­naavar­put.

3. Al­laaserisami matumani suut sam­mis­savavut?

 3 Al­laaserisami matumani sooq isumaqatigiin­ngis­sutinik aaq­qiisariaqar­nersugut aam­ma qanoq ilil­luta taamaalior­tarsin­naanersugut paasis­savar­put. Aam­mat­taaq najoq­qutas­siat Biibilimiit­tut ajor­nar­torsiutinik aaq­qiinis­samut aam­ma Jehovamut al­lanul­lu at­taveqarluar­tuar­nis­samut iluaqutigisin­naasavut sam­mis­savavut.

SOOQ ISUMAQATIGIINNGISSUTINIK AAQQIISARIAQARTUGUT

4. Isigin­nit­taaseq qanoq it­toq silarsuarmut siaruaap­pa, qanorlu kinguneqar­pa?

Saatani pis­sutaaner­paavoq inuit avis­saar­tuun­neran­nut taamalu aaq­qiagiin­ngis­suteqar­tigineran­nut. Sooq taama oqar­toqarsin­naava? Saatanip Edenimi inuit tamarmik Guutimit aalajangiif­figineqar­natik suut ajun­ngitsuuneran­nik suul­lu ajor­tuuneran­nik aalajangiisin­naanerarlugil­lu aalajangiisariaqarsorai. (1 Mos 3:1-5) Ul­lumik­kul­li silarsuarmi pis­sutsit eq­qarsaatigigutsigit takusin­naavar­put isigin­nit­taaseq taman­na ajor­tuin­nar­nik kinguneqar­tar­toq. Inup­pas­suit misigip­put suut ajun­ngitsuuneran­nik suul­lu ajor­tuuneran­nik nam­min­neq aalajangiisin­naatitaal­lutik. Makitap­put, nam­minis­sarsior­tuup­put unam­mil­lerumatuujul­lutil­lu, aam­ma soqutigin­ngilaat aalajangik­katik al­lanut aliasuutaas­sagaluar­pata. Taamatut isigin­nit­taaseqar­toqar­nerata kingunerisaanik aaq­qiagiin­ngitsoqar­tar­poq. Biibilimi ima eq­qaasin­neqar­pugut: “Kamajasup isumaqatigiin­ngin­neq pilersit­tar­paa, angut puf­fajasoq akulikitsumik unioq­qutitsisar­poq.” – Us­s 29:22.

5. Jiisusip ajoqersuk­kani qanoq siun­nersor­pai?

5 Jiisusip qaq­qami oqaluutsimini ajoqersuk­kani ilin­niar­tip­pai eq­qis­seqatigiin­niar­tas­sasut isumaqatigiin­ngin­naveersaar­tas­sasul­lu, taman­na ajoqutigisus­saar­pasik­kaluarunik­kuluun­niit. As­sersuutigalugu peq­quai inus­siar­nersooq­qul­lugit, eq­qis­seqateqar­taq­qul­lugit, kaman­nermin­nik qaangiiniar­taq­qul­lugit, isumaqatigiin­ngis­sutinik aaq­qiipal­lat­taq­qul­lugit akeq­qamin­nil­lu asan­neq­qul­lugit. – Mat­t 5:5, 9, 22, 25, 44.

6, 7. (a) Sooq isumaqatigiin­ngis­sutit aaq­qipal­lan­nis­saat pingaaruteqar­pa? (b) Jehovap in­nut­tai tamarmik im­mik­kut im­minut qanoq aperisariaqar­pat?

6 Ul­lumik­kut Jehova pal­lorfigisar­par­put qinul­lutalu oqaluus­sil­lutalu ataatsimiigiar­taraangat­ta. Qatan­ngutivut eq­qis­seqatigin­ngik­kutsigit Jehovap pal­lorfigin­nin­ner­put akuerinavian­ngilaa. (Mark 11:25) Jehovamut ikin­ngutaajumagut­ta al­lat kuk­kugaangata isumak­keerfigisariaqar­pavut. – Lukasi 11:4; Efesosimiut 4:32 atuakkit.

7 Jehovap kif­fani tamaasa piumaf­figai isumak­keerfigin­neriaan­naasooq­qul­lugit al­lanul­lu eq­qis­sinar­tumik at­taveqaq­qul­lugit. Im­minut ima aperisin­naavugut: ‘Qatan­ngutin­nik isumak­keerfigin­neriaan­naasar­punga? Ilaginis­saat nuan­naraara?’ Paasiguk­ku isumak­keerfigin­nis­sin­naaneq sulis­sutiginerusariaqarlugu, Jehovamut qinugit pik­korif­figinerunis­saanut ikioq­qul­lutit. Ataatat­ta qilam­miusup maniguul­luni qin­nutit taama it­tut tusarlugil­lu akiumaar­pai. – 1 Joh 5:14, 15.

AJUALLATSINNEQARNERIT PUIUINNARSINNAAVIUK?

8, 9. Ajual­latsin­neqarut­ta qanoq ilius­saagut?

8 Tamat­ta naam­mal­luin­nan­ngitsuugat­ta ilimagiin­narsin­naavar­put ajual­laatigisatsin­nik oqaaseqar­toqarluniluun­niit ilior­toqar­tar­nis­saa. (Oqal 7:20; Mat­t 18:7) Taamatut pisoqarsimatil­lugu susas­savit? Pisimasoq  man­na pingaarutilim­mik ilin­niarfigisin­naavar­put: Katerisimaar­toqar­til­lugu qatan­ngutip ar­nap qatan­ngutit angutit marluk ilas­sivai. Qatan­ngutil­li angutit aap­paata ar­nap im­minik ilas­sin­neriaasia ajual­laatigaa. Qatan­ngutit angutit marluk taak­ku kisimiitsil­lutik ajual­lat­tup ar­naq taan­na naam­magit­taal­liutigiler­paa. Qatan­ngutil­li angutip aap­paata ajual­lat­toq eq­qaasip­paa qatan­ngut ar­naq taan­na imaan­naan­ngitsorsior­taraluaqaluni ukiuni 40-ni ilumoorfigin­nil­luni Jehovamut kif­far­torsimasoq. Taas­suma qularin­ngil­luin­nar­paa ar­naq ajual­latsitsiniaan­ngitsoq. Qatan­ngut ajual­lat­toq qanoq piva? Ima oqar­poq: “Ilumoor­putit.” Taava aalajanger­poq pisimasoq puiuin­nar­niarlugu.

9 Pisimasoq taman­na sumik ilin­niarfigaar­put? Ajual­latsin­neqaraangat­ta qanoq eq­qarsar­tar­niar­nerluta aalajangersin­naavugut. Inuk asan­nit­toq isumak­keerfigin­nik­kumasar­poq. (Ussatit 10:12; 1 Petrusi 4:8 atuakkit). ‘Unioq­qutitsisimasut asat­tuuk­kaangatsigit’ Jehovap taman­na nuan­naarutigingaar­tar­paa. (Us­s 19:11; Oqal 7:9) Taamaat­tumik tul­lis­saanik il­lit ajual­laatigisan­nik oqaaseqar­toqarluniluun­niit iliuuseqar­toqar­pat im­minut ima aperigit: ‘Malugin­ngitsuusaarsin­naavara? Ilumut eq­qarsaatigiin­navit­tariaqar­para?’

10. (a) Qatan­ngut ar­naq isor­nar­torsior­neqarami aal­laq­qaam­mut qanoq misigiva? (b) Ajoqersuut Biibilimeersoq suna qatan­ngutip ar­nap eq­qis­sisimanis­saminut iluaqutigaa?

10 Uagutsin­nik ajor­tumik eq­qar­tuisut oqaasii tusaan­ngitsuusaaruminaas­sin­naap­put. Qatan­ngum­mut ar­namut Lucymik taasin­naasatsin­nut pisimasut eq­qarsaatigeriak­kit. Ilagiin­niit­tut ilaat taas­suma kif­far­toriaasia pif­fis­samil­lu atueriaasia pil­lugit nuan­nin­ngitsumik oqaaseqarsimap­put. Lucyp taman­na an­nereqaa, qatan­ngutil­lu angutit inersimal­luar­tut saaf­figai siun­nersoq­qul­luni. Qanoq kinguneqar­pa? Oqalut­tuar­poq qatan­ngutit angutit Biibili atorlugu al­lat isumaan­nik ajor­tunik eq­qarsaatigin­nip­pal­laan­ngin­nis­samut Jehovamil­lu eq­qarsaatigin­nin­neruler­nis­samut ikioraan­ni. Mat­thæusip iivangkiiliuani kapitali 6-imi al­las­simasut qiim­maal­laatigai. (Matthæusi 6:1-4 atuakkit). Versit taak­ku atuaramigit eq­qaavaa Jehovamik nuan­naar­titsinis­saq pingaar­ner­paajusoq. Taava aalajanger­poq oqaatsit nuan­nin­ngitsut puiuin­nar­niarlugit. Maan­na kif­far­toriaatsiminik eq­qar­tuinerlut­toqaraluaraangal­luun­niit nuan­naar­tar­poq nalun­ngin­namiuk Jehova nuan­naar­tin­niarlugu sapin­ngisani tamaat iliuuseqarluni.

AJUALLATSINNEQARNERIT PUIUINNARSINNAANNGIKKAANGAKKU

11, 12. (a) Kristumiu qanoq ilius­sava isumaqaruni qatan­ngun­ni ‘pil­luni un­nerluus­sutis­saqar­toq’? (b) Aaperaap isumaqatigiin­ngis­sum­mik iliuuseqarfigin­neriaasia sumik ilin­niarfigisin­naavar­put? (Al­laaserisap aal­laq­qaataani as­siliaq takuuk).

11 “Tamat­ta amerlasuunik kuk­kus­suteqar­tar­pugut.” (Jaak 3:2) Takorlooruk il­lit oqaatsitit iliuutsitil­luun­niit qatan­nguter­pit ajual­las­sutigisimagai paasigit. Qanoq ilius­savit? Jiisusi oqar­poq “tunis­sutis­sat pil­liivim­mukaak­kuk­ku tas­sanilu eq­qaalerlugu qatan­ngutit il­lit pil­lutit un­nerluus­sutis­saqar­toq, taava tunis­sutis­sat pil­liivim­mut qimal­lugu qatan­ngutit saam­maak­kiar­toq­qaaral­laak [eq­qis­seqatigiar­toq­qaaral­laak, NW], taavalu aatsaat kingor­na tunis­sutis­sat pil­liutigiar­torlugu.” (Mat­t 5:23, 24) Taamaat­tumik qatan­ngutit oqaloqatigiuk. Oqaloqatigiguk­kulu taas­suma eqqisseqatiginissaa anguniagariuk. Qatan­ngutit pisuutin­niar­nagu kuk­kusimanerit nas­suerutigis­savat. Qatan­ngutitsin­nik  eq­qis­seqateqar­tar­nis­sar­put pingaar­ner­paavoq.

12 Biibilimi ersersin­neqar­poq Guutip kif­fai isumaqatigiin­ngis­suteqar­toqar­til­lugu qanoq ilil­lutik eq­qis­seqatigiis­sin­naasut. Ilaatigut oqalut­tuarineqarsin­naap­put Aaperaat jor­ngualu Loti. Taak­ku nersutaater­pas­suaqar­put, nersutaataan­nil­lu paarsisut isumaqatigiin­ngiler­put nuna najugar­tik nunaq­qatigiif­figis­sal­lugu an­nikigigamik­ku. Aaperaap eq­qis­seqatigiin­nis­sar­tik kis­saatigigamiuk Loti nunamik naggorin­nermik toq­qaasip­paa. (1 Mos 13:1, 2, 5-9) Aaperaat uagutsin­nut maligas­saal­luangaarami! Tuk­kor­nini ataavar­tumik an­naasaqaatigaa? Naamerluin­naq. Tamatuma kingunitsian­ngua Jehovap Aaperaat neriorsor­paa an­naasaanit an­nerungaar­tumik pil­luaq­qujumaarlugu. (1 Mos 13:14-17) Taman­na sumik ilin­niarfigaar­put? Arlaan­nik an­naasaqaatigis­sagaluarutsiguluun­niit asan­nin­neq tun­ngavigalugu isumaqatigiin­ngis­sutitsin­nik aaq­qiisarut­ta Jehovap pil­luaq­qujumaar­paatigut. [1]

13. Nak­kutil­liisoq inus­siar­nin­ngitsumik oqaluun­neqarami qanoq piva, taas­sumalu maligas­siaa sumik ilin­niarfigisin­naavar­put?

13 Ul­lumik­kut inuusup maligas­siaa man­na eq­qarsaatigeriaruk: Ataatsimeersuar­nermi nak­kutil­liisut ilaata qatan­ngut angut sianerfigaa aperalugu ikiuutaasin­naanersoq. Qatan­ngutip angutip taas­suma nuan­niitsunik oqaaseqal­latsiariarluni oqarasuaat ilivaa sior­natigut nak­kutil­liisuusimasoq suli kamaak­kamiuk. Nak­kutil­liisun­ngoq­qam­mersup ajual­lan­ngik­kaluarluni pisimasoq puiorsin­naan­ngilaa. Nalunaaqut­tap-akun­nera ataaseq qaangium­mat qatan­ngut angut taan­na sianerfigeq­qip­paa naapik­kumal­lugu. Sapaatip-akun­nerani tul­liut­tumi naalagaaf­filersaarfim­mi naapip­put Jehovamul­lu qinoriarlutik nalunaaqut­tap-akun­nerani ataatsimi oqaloqatigiil­lutik. Qatan­ngutip angutip nak­kutil­liisuusimasumut tun­ngatil­lugu qanoq pisoqarsimanersoq nas­suiar­paa. Nak­kutil­liisun­ngoq­qam­mersoq tusar­naar­poq al­las­simaf­fin­nil­lu iluaqutaasus­sanik eq­qar­tuil­luni. Tamatuma kinguneranik qatan­ngutit angutit taak­ku eq­qis­seqatigiip­put ataatsimeersuar­nermilu suleqatigiil­lutik. Qatan­ngut angut taan­na as­sut qujamasup­poq nak­kutil­liisup inus­siar­nerluni saamal­lunilu oqaloqatigim­mani.

UTOQQAANERTAT AKULIUTITISSAVIGIT?

14, 15. (a) Pis­sutsini qanoq it­tuni Mat­thæusip iivangkiiliua 18:15-17 maleruar­neqas­sap­pat? (b) Iliuusis­sat pingasut suut Jiisusip eq­qaavai, taak­kualu ator­neran­ni suna anguniagaasariaqar­pa?

14 Amerlaner­tigut kristumiut marluk isumaqatigiin­ngis­sutitik nam­min­neq akun­nermin­ni aaq­qis­sin­naal­lugil­lu aaq­qit­tariaqar­paat. Taamaat­torli Matthæusip iivangkiiliua 18:15-17 naaper­torlugit ilaan­nik­kut al­lanit ikior­neqar­tariaqarsin­naap­put. (Atuakkit). ‘Ajor­tulior­neq’ Jiisusip matumani eq­qaasani kristumiut akor­nan­ni isumaqatigiin­ngis­sum­mut pingaaruteqar­pal­laan­ngitsumut tun­ngatin­ngilaa. Taman­na qanoq ilil­luta nalun­ngilar­put? Jiisusi oqar­poq ajor­tulior­toq qatan­ngum­minit, ilisiman­nit­tunit ilagiin­nilu akisus­saasunit oqaloqatigineqareeraluarluni peq­qis­simin­ngip­pat “Guutimik nalusutut ilan­ngaaserisutul­lu” pineqar­tariaqar­toq. Ul­lumik­kut taman­na ilaajun­naarsitsinermik taaneqar­tar­poq. ‘Ajor­tulior­nermut’ ilaap­put peq­quserlun­neq ingutsinerluun­niit, oqaaserli matumani al­lasior­nermut, anguteqam­mik ar­naqam­mil­luun­niit atoqateqar­nermut, tunus­sinermut guutipilus­sior­nermul­luun­niit tunngatinneqanngilaq. ‘Ajor­tulior­nerit’  eq­qaaneqar­tut kingul­liit utoq­qaaner­tanit akuliuf­figineqar­tariaqar­tar­put.

Uppeqat eqqisseqati­giumagaanni arlaleriar­luni oqaloqati­gisaria­qarsin­naavoq (Immikkoortoq 15 takuuk)

15 Jiisusip taamatut siun­nersuinerminut siuner­taraa paasitis­sal­luta qatan­ngut asan­nin­neq tun­ngavigalugu qanoq ikius­sagip­put. (Mat­t 18:12-14) Siun­nersuut taman­na qanoq malis­sin­naavar­put? (1) Qatan­nguter­put eq­qis­seqatiginiar­tariaqar­par­put al­lat akuliutsin­nagit. Im­maqa arlaleriarluta oqaloqatigisariaqarsin­naavar­put. Eq­qis­seqatigiit­toqan­ngip­pal­li qanoq ilius­saagut? (2) Pis­sutsinik ilisiman­nit­toq imaluun­niit ajor­tumik ilior­toqarsimaneranik paasin­nis­sin­naasoq najuutsil­lugu qatan­ngut taan­na oqaloqatigisariaqar­par­put. Ajor­nar­torsiut aaq­qin­neqar­pat “qatan­ngutit uter­tis­simas­savat”. Qatan­ngutil­li arlaleriarlutit oqaloqatigereeraluarlugu eq­qis­seqatigisin­naasiman­ngik­kuk­ku aatsaat (3) ajor­nar­torsiut utoq­qaaner­tanut nalunaarutigis­savat.

16. Qanoq erser­pa Jiisusip iliuusis­satut siun­nersuutaanik malin­nin­neq asan­nit­tulior­nerul­lunilu atoriaan­naasoq?

16 Pisut amerlaner­paar­taan­ni iliuusis­sat pingasut taak­kua tamarmik ator­nis­saat pisariaqar­neq ajor­poq. Taman­na tup­pal­ler­nar­poq. Sooq? Amerlaner­tigut ajor­tulior­toq kuk­kus­sutiminik nas­suerutigin­nit­tarlunilu aaq­qiisarmat ilaajun­naarsitsinis­saq pisariaqar­neq ajor­poq. Taava ajual­latsin­neqar­tup qatan­ngutini isumak­keerfigis­savaa eq­qis­seqatigiumal­lugu. Jiisusip siun­nersuutaanit erseq­qip­poq utoq­qaaner­tanut saaf­figin­niaar­pal­laar­tariaqan­ngitsugut. Pisimasoq ingerlateq­qis­savar­put aatsaat iliuusis­sat marluk siul­liit iliuuserereerutsigit ilumul­lu ajor­tumik ilior­toqarsimaneranut takus­sutis­saqar­pat.

17. Eq­qis­seqatigiin­neq ‘ujarutsigu’ qanoq pil­luaq­quneqarumaar­pugut?

17 Naam­mal­luin­nan­ngitsuutil­luta al­lanik ajual­latsitsiuas­saagut. Ajoqersugaq Jaaku ima al­lap­poq: “Oqalun­nermigut kuk­kus­suteqar­tan­ngitsoq naam­mal­luin­nar­tuuvoq timiminil­lu tamarmiusumik naalatsitsisin­naasuul­luni.” (Jaak 3:2) Ajor­nar­torsiutinik aaq­qiiumal­luta ‘eq­qis­sineq ujarlugulu piniarlugulu’ sapin­ngisar­put tamaat iliuuseqar­tariaqar­pugut. (Tus­s 34:15) Al­lat eq­qis­seqatiginiar­tuarutsigit qatan­ngutivut ikin­ngutigil­luas­savavut, taman­nalu ataasius­suseqaatigiuas­savar­put. (Tus­s 133:1-3) Pingaar­ner­paamil­lu Jehova, ‘Guuti eq­qis­sisitsisoq’, qanimut ikin­ngutigis­savar­put. (Rom 15:33) Pil­luaq­qus­sutit tamak­ku tamaasa misigis­savavut isumaqatigiin­ngis­sutit asan­nin­neq tun­ngavigalugu aaq­qit­tarutsigit.

^ [1] (im­mik­koor­toq 12) Eq­qis­seqateqar­niarlutik iliuuseqar­tut al­lat: Jaaku Esauimik (1 Mos 27:41-45; 33:1-11); Josefi qatan­ngutiminik (1 Mos 45:1-15); kiisalu Gideoni Efraimik­kun­nik eq­qis­seqateqar­poq (Eqq 8:1-3). Im­maqa maligas­sanik Biibilimiit­tunik al­lanik eq­qaasaqarsin­naavutit.