Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Maaji 2016

Jehovap pilersitai tamakkiisumik iluaqutigikkit

Jehovap pilersitai tamakkiisumik iluaqutigikkit

“Uanga tas­sa Naalagaq, Guutit, iluaqutaasunik ilin­nik ajoqersuisoq.” – ES 48:17.

ERINARSUUTIT: 20, 37

1, 2. (a) Jehovap Nalunaajaasuisa Biibili qanoq isumaqarfigaat? (b) Biibilip ilaa sorleq nuan­nariner­paaviuk?

JEHOVAP NALUNAAJAASUISUT Biibili nuan­naraar­put. Tamatuman­nga tup­pal­lersaatis­sarsisar­pugut, neriuuteqaler­tar­pugut tutsuiginar­tumil­lu ilin­niar­tin­neqar­tarluta. (Rom 15:4) Tas­saan­ngilaq inuit isum­matik pil­lugit atuak­kiaat, tas­saavorli ‘Guutip oqaasia’. – 1 Th 2:13.

2 Tamat­ta Biibilip im­mik­koor­tuisa ilaan­nik nuan­narisaqar­ner­paasaqarajup­pugut. Ilaasa iivangkiiliut nuan­narisar­paat Jehovap pis­susii nuan­nersut Jiisusip ersersit­tarmagit. (Joh 14:9) Al­lat Biibilimi al­lak­kat siulit­tuutaasut, soorlu Saq­qum­mersitat, ‘qanit­tuk­kut piumaar­tus­sanik’ ersersitsisut, atuarumanerusar­paat. (Saq­q 1:1) Al­lat Tus­siaatit atuaraangamik­kit tup­pal­lersaatis­sarsisar­put, al­lal­lu Us­satit atuarlugit siun­nersuutit iluaqutaasut nuan­narisar­paat. Erseq­qip­poq Biibili kik­kun­nut tamanut atuagaasoq.

3, 4. (a) Biibililersaarutaativut qanoq isumaqarfigaagit? (b) Biibililersaarutit eqimat­tanut aalajangersimasunut al­lataasut suut pisar­pavut?

3 Biibili nuan­narigatsigu aam­ma atuagas­siaativut Guutip oqaasianik tun­ngaveqar­tut nuan­naraavut. Atuak­kat, qup­persak­kat,  atuagas­siat Biibililersaarutil­lu al­lat pisar­tak­kavut tamaasa Jehovap pilersitarai. Tamak­ku iluaqutigalugit Jehovamut qanit­tuarsin­naal­lutalu up­perluar­tuujuarsin­naavugut. – Tit 2:2.

4 Biibililersaarutit­ta ilar­pas­sui Jehovap Nalunaajaasuinut tamanut al­lataap­put. Atuagas­sial­li ilaat eqimat­tanut aalajangersimasunut, soorlu inuusut­tunut angajoq­qaanul­luun­niit, al­lataap­put. Biibililersaarutit isigin­naagas­sial­lu nit­tar­tak­katsin­niit­tut amerlanersaat Nalunaajaasuun­ngitsunut im­mik­kut suliaap­put. Biibililersaarutit taama as­sigiin­ngitsiginerinit erser­poq Jehovap inun­nut tamanut naam­mat­torsuarmik ilin­niar­titsiumal­luni neriorsuutini eq­qor­tik­kaa. – Es 25:6.

5. Jehovap suna pingaar­tik­kaa up­peril­luin­narsin­naavar­put?

5 Amerlanersavut Biibilimik atuagas­siaatitsin­nil­lu tamanik atuar­nis­samut pif­fis­saqar­nerorusup­put. Tas­sa atuagas­siaatit­ta as­sigiim­mik atuaq­qis­saar­nis­saan­nut pif­fis­saqar­neq ajor­pugut. Pif­fis­sar­put silatusaarluta atorlugu Biibilimik Biibililersaarutinil­lu atuar­tarut­ta atuaq­qis­saar­tarut­talu up­peril­luin­narsin­naavar­put taman­na Jehovap iluaris­sagaa. (Ef 5:15, 16) Navianar­toqar­porli pinaveersaagas­satsin­nik. Taman­na misis­soriar­tigu.

6. Jehovap pilersitai qanoq iluaqutigin­ngitsoorsin­naavavut?

6 Mianersun­ngik­kut­ta isumaqalersin­naavugut Biibilip ilaa atuagas­siaatit­taluun­niit ilaat aalajangersimasut uagutsin­nut tun­ngan­ngitsut. As­sersuutigalugu Biibilip ilaa uagutsin­nut naleq­qutin­ngip­pasip­pat? Atuagas­sial­luun­niit uagutsin­noq­qis­saaq al­lataan­ngip­pata? Paasis­sutis­sat taamaat­tut atuapal­laan­nar­tar­pavut atuan­ngiivil­lugil­luun­niit? Taamaap­pat paasis­sutis­sat naleqangaar­tut iluaqutigisin­naasavut pin­ngitsoorsin­naavavut. Navianar­toq taman­na qanoq pinaveersaarsin­naavar­put? Paasis­sutis­sat tamak­kua tamarmik Jehovameersuunerat eq­qaamasariaqar­par­put. Biibilimi ima al­las­simavoq: “Uanga tas­sa Naalagaq, Guutit, iluaqutaasunik ilin­nik ajoqersuisoq.” (Es 48:17) Al­laaserisami matumani Jehovap pilersitaanik tamanik iluaqutigin­neq­qul­luta siun­nersuutit pingasut sam­mis­savavut.

SIUNNERSUUTIT BIIBILIMIK ATUARNERMI ILUAQUTISSAT

7. Sooq isum­mereer­nata Biibilimik atuar­tariaqar­pugut?

7 Ilikkagaqarusussuseqarlutit atuartarit. Ilumoor­poq Biibilip ilaa inum­mut eqimat­tanul­luun­niit aalajangersimasunut al­lataasut. Biibilimili al­las­simavoq ‘Al­lak­kat Guutimit anersaarfigineqar­tut tamarmik iluaqutaasut’. (2 Tim 3:16) Taamaat­tumik Biibilimik atuaraangat­ta isum­mereersimasas­san­ngilagut. Qatan­ngutip angutip oqalut­tuaq ataasiin­naq arlalin­nik ilik­kagaqarfigisin­naal­lugu eq­qaamaniar­tar­paa. Taman­na ilin­niutis­sanik malun­nar­pal­laan­ngitsunik paasin­nin­nis­saminut iluaqutigisar­paa. Taamaat­tumik Biibilimik atuan­ngin­nitsin­ni ilik­kagaqarusus­suseqarusul­luta ilin­niutis­sal­lu Jehovap ilin­niar­titsis­sutigerusutaata paasinis­saanut ilisimas­suseqarumal­luta taas­sumun­nga qinusariaqar­pugut. – Ezra 7:10; Jaaku 1:5 atuaruk.

Biibilimik atuartar­nerup iluaqutis­sartai tamaasa pissarsif­figisar­pigit? (Immikkoortoq 7 takuuk)

8, 9. (a) Biibilimik atuaraangat­ta im­minut qanoq aperisarsin­naavugut? (b) Kristumiunut utoq­qaaner­tanut piumasaqaatinit Jehova pil­lugu qanoq paasisaqar­pugut?

8 Aperisarit. Biibilimik atuaraangavit unikaal­lal­lutit im­minut ima aperisarit: ‘Taman­na Jehova pil­lugu sumik ilik­kagaqarfigaara? Paasisara taman­na uanga inuunin­ni qanoq atorsin­naavara? Al­lanik ikiuinin­ni qanoq atorsin­naavara?’ Apeq­qutit  taak­ku tun­ngavigalugit eq­qarsaatigin­neq­qis­saaraangat­ta Biibilimik atuar­ner­put pis­sarsif­figinerusar­par­put. As­sersuuteqariar­ta. Kristumiunut utoq­qaaner­tanut piumasaqaatit Biibilimi al­laatigineqar­put. (1 Timotheusi 3:2-7 atuakkit). Utoq­qaaner­taan­ngik­kut­tali eq­qarsarsin­naavugut paasis­sutis­sat tamak­ku iluaqutigisin­naanatigit. Apeq­qutit eq­qaaneqareersut pingasut atorlugit piumasaqaatit tamat­ta qanoq iluaqutigisin­naagivut sam­meriar­tigu.

9 “Tamanna Jehova pillugu sumik ilikkagaqarfigaara?” Jehovap utoq­qaaner­tanut piumasaqaatit uagutsin­nut al­latsip­pai. Angutit ilagiin­nik paaq­qutarin­nit­tuusut qutsis­sunik najoq­qutaqar­tip­pai. Taman­na ilagiit Jehovamut erlin­nangaar­tuuneran­nik ersersitsivoq. Biibilimi al­las­simavoq ilagiit “nam­mineq er­nermi aavanik” pis­sarsiarigai. (ApS 20:28, NW) Tas­sa Jehovap utoq­qaaner­tat maligas­saal­luar­nis­saat piumasaraa, ilagiin­niit­tunil­lu pin­nin­neran­nut akisus­saatil­lugit. Taak­kunan­nga paarineqar­ner­put toq­qis­sisimanaris­sagip­put kis­saatigaa. (Es 32:1, 2) Piumasaqaatit taak­ku atuaraangatsigit Jehovap uagutsin­nik qanoq soqutigin­nitsiginera paasisar­par­put.

Jehovap piumasaraa tamat­ta im­mik­kut ingasaas­sinian­ngitsuul­lutalu naliliisin­naas­suseqarluas­sasugut

10, 11. (a) Utoq­qaaner­tanut piumasaqaatit atuar­til­lugit paasis­sutis­sat taak­ku nam­mineq qanoq atorsin­naavavut? (b) Paasis­sutis­sat taak­ku al­lanik ikiuinermi qanoq atorsin­naavavut?

10 “Paasisara tamanna uanga inuuninni qanoq atorsinnaavara?” Utoq­qaaner­taareeruit  piumasaqaatit atuaq­qit­tak­kit maleruar­neruniarsaralugil­lu. ‘Nak­kutil­liisun­ngor­nis­saq sulis­sutigiguk­ku’ piumasaqaatit taak­ku sapin­ngisan­nik eq­qor­tin­niarsarik­kit. (1 Tim 3:1, NW) Kristumiul­li tamarmik piumasaqaatit taak­ku ilin­niarfigisin­naavaat. As­sersuutigalugu Jehovap piumasaraa tamat­ta im­mik­kut ingasaas­sinian­ngitsuul­lutalu naliliisin­naas­suseqarluas­sasugut. (Fil 4:5, NW; 1 Petr 4:7) Utoq­qaaner­tat ‘savaatinut maligas­saagaangata’ ilin­niarfigisin­naavavut “up­persuseqar­nerisigul­lu as­siginiarlugit”. – 1 Petr 5:3; Hebr 13:7.

11 “Paasisara tamanna allanik ikiuininni qanoq atorsinnaavara?” Biibilimik atuaq­qis­saaqatigisar­tak­kavut soqutigin­nit­tul­lu al­lat utoq­qaaner­tanut piumasaqaatit atorlugit utoq­qaaner­tat palasinit al­laaneruneran­nik paasitis­sin­naavavut. Aam­ma utoq­qaaner­tat ilagiitsin­ni ilungersorlutik sulineran­nik eq­qaaman­nin­nis­samut taamaalil­lutalu ataq­qinis­saan­nut iluaqutigis­savar­put. (1 Th 5:12) Ataq­qinerujar­tor­til­lugit suliamin­nik nuan­narin­nin­nerujar­tus­sap­put. – Hebr 13:17.

12, 13. (a) Paasis­sutis­sarsiorfigisin­naasavut atorlugit qanoq misis­suisin­naavugut? (b) Ilin­niutis­sat malun­nar­pal­laan­ngitsut qanoq paasinarsisin­neqarsin­naaneran­nik as­sersuuteqarit.

12 Misissueqqissaartarit. Biibilimik atuaq­qis­saaraangat­ta uku akis­sutis­sarsiorsin­naavavut:

  • Biibilip ilaa taan­na kiap al­lap­paa?

  • Sumi qangalu al­lan­neqar­pa?

  • Al­lan­neqarmat pisimasut pingaarutil­lit suut pip­pat?

Paasis­sutis­sat taamaat­tut iluaqutigalugit ilin­niutis­sat malun­nar­pal­laan­ngitsut paasisin­naavavut.

13 As­sersuutigalugu Biibilimi ima al­las­simavoq: “Nunap suul­luun­niit inuisa ilumuun­ngitsuliorlutik ajor­tuliorfigip­pan­nga as­saga qul­las­savara pil­las­sal­lugil­lu. Nerisas­saataat isumal­luutigisarigalui isumal­luutaajun­naarsis­savak­ka; kaan­nermik nal­liutitsivigalugit inuit nersutaatil­lu nungutis­savak­ka. Angutit uku pingasut – Noa Danielilu Jobilu – nunami tas­sani inuugaluarunik, taak­ku pingasut kisimik iluarsutsimik­kut inuuner­tik an­naas­sin­naas­sagaluar­paat, oqar­poq Guuti Naalagaq.” (Ez 14:13, 14) Misis­sueq­qis­saarut­ta paasis­savar­put Ezekielip oqaatsit taak­ku Kr.in.si. ukiumi 612-imi al­lak­kai. Ukiut hundredil­lit tamatuma sior­na Noa Jobilu toqusimap­put, Jehoval­li taak­kua aalajaan­nerat suli eq­qaamavaa. Danielili suli inuuvoq, Jehovap Noatut Jobitul­lu aalajaatsiginerarmani ilimanar­poq 20-t mis­saan­nik ukioqarsimas­sasoq. Suna paasivar­put? Jehovap kif­fami tamarmik, aam­ma inuusut­tut, aalajaan­nerat takul­lugulu pingaar­tip­paa. – Tus­s 148:12-14.

BIIBILILERSAARUTIT ASSIGIINNGITSUT ILUAQUTIGIKKIT

14. Inuusut­tunut saq­qum­mersitat inuusut­tut qanoq iluaqutigisar­paat, al­lal­lu aam­ma qanoq iluaqutigisin­naavaat? (Al­laaserisap aal­laq­qaataani as­seq takuuk).

14 Inuusuttunut allaaserisat atuakkallu. Paasivar­put Biibili tamaat iluaqutigisin­naal­lugu.  Taamatul­li Biibililersaarutaativut tamaasa iluaqutigisin­naavavut. Ikit­tunik as­sersuuteqariar­ta. Ukiuni kingul­liunerusuni Jehovap inuusut­tunut paasis­sutis­sar­pas­suit pilersip­pai. [1] Paasis­sutis­sat tamak­kua atuarfim­mi tatineqar­nerit peruler­nermilu unam­miniar­nar­tut naam­magalugit ator­nis­saan­nut iluaqutigaat. Al­laaserisal­li atuak­kal­lu tamak­kua atuar­neri tamat­ta qanoq iluaqutigisin­naavavut? Tamak­ku atuaraangatsigit inuusut­tut ajor­nar­torsiutaat pil­lugit paasisaqar­tarat­ta ikiorluar­nerusin­naalerlugil­lu qiim­mas­sarluar­nerusin­naaler­tar­pavut.

Kristumiut inersimasut inuusut­tunut paasis­sutis­sanik atuar­nis­samin­nut pingaakujup­pal­laas­san­ngil­lat

15. Sooq kristumiut inersimasut paasis­sutis­sat inuusut­tunut al­lataasut soqutigis­savaat?

15 Kristumiut inersimasut inuusut­tunut paasis­sutis­sanik atuar­nis­samin­nut pingaakujup­pal­laas­san­ngil­lat. Ajor­nar­torsiutit ilar­pas­sui al­laaserisani tamak­kunani sam­mineqar­tut kristumiunut tamanut tun­ngap­put. As­sersuutigalugu tamat­ta up­perisar­put il­lersor­tariaqar­par­put, misigis­sutsivut aqut­tariaqar­pavut, ilagisar­tak­kanik tatineqar­neq akior­tariaqar­par­put, sun­niutipiloqar­tunil­lu peqateqar­naveersaarlutalu aliik­kutaqar­naveersaar­tariaqar­pugut. Taamaat­tumik atuak­kat al­laaserisal­lu tamak­ku inuusut­tunut al­lataagaluar­tut paasis­sutis­sat Biibilimin­ngaan­neer­put kristumiunul­lu tamanut iluaqutaasin­naal­lutik.

16. Atuagas­siaativut inuusut­tut aam­ma qanoq iluaqutigaat?

16 Atuak­kat al­laaserisal­lu inuusut­tunut al­lataasut inuusut­tut Jehovamik ikin­nguteqar­nermin­nik nakus­satsitsinis­samin­nut aam­ma iluaqutigisin­naavaat. (Oqaluussisartup oqaasii 12:1, 13 atuakkit). Inersimasut­taarli aam­ma iluaqutigisin­naavaat. As­sersuutigalugu Vågn op!-imi apriili 2009-moor­tumi inuusut­tut Biibilimik atuar­tar­ner­tik qanoq nuan­narinerulersin­naaneraat pil­lugu al­laaserisaqar­poq. ( “Unge spørger . . . Hvordan kan jeg gøre det spændende at læse i Bibelen”) Tamatumani iluaqutaasunik siun­nersuutitaqarlunilu ungalusaqar­poq qior­neqarsin­naasumik atuaq­qis­saar­nermilu ator­neqarsin­naasumik. Inersimasut taman­na iluaqutigaat? Nuliaal­lunilu anaanaasoq oqar­poq Biibilimik atuar­tar­nini aalajangiusimajuminaatsit­tuarsimal­lugu. Al­laaserisamili siun­nersuutit ator­pai maan­nalu Biibilimik atuar­nis­sani qilanaarisarlugu. Oqar­poq Biibilip atuagar­taasa im­min­nut qanoq ataqatigiil­luar­nerat takusin­naaleramiuk nuan­naarutigalugu imalu nangil­luni: “Biibilimik atuar­tar­nera aatsaat taama pis­sanganar­tigaaq.”

17, 18. Biibililersaarutit tamanoor­tut qanoq iluaqutigisin­naavavut? As­sersuuteqarit.

17 Atuagassiat tamanoortut. 2008-miil­li Napasuliaq Alapernaarsuiffik atuaq­qis­saarutis­saq iluaqutigaar­put. Taman­na pingaar­ner­tut Jehovap Nalunaajaasuinut al­lataavoq, aam­mali atuagas­siaateqar­pugut tamanoor­tunik. Tamak­ku qanoq iluaqutigisin­naavavut? As­sersuuteqariar­ta. Naalagaaf­filersaarfim­mut qaaq­qusat tak­kum­mat nuan­naar­putit. Oqalugiar­toqar­til­lugu qaaq­qusat eq­qarsaatigaat.  Taas­suma tusak­kani qanoq isumaqarfiginerai paasis­sutis­sal­lu inuunerminik qanoq al­lan­nguis­sutigisin­naanerai eq­qarsaatigaat. Tamatuma kingunerisaanik kil­litsip­putit eq­qar­tor­neqar­torlu qujamasuutiginerulerlugu.

18 Taamatul­li Biibililersaarutit tamanoor­tut atuaraangak­kit pisoqarsin­naavoq. As­sersuutigalugu Napasuliaq Alapernaarsuiffik tamanoor­toq al­laaserisal­lu jw.org-imiit­tut Biibili nas­suiarlugu oqaatsit paasiuminar­tut atorlugit al­lataap­put. Tamak­ku atuaraangatsigit paasin­nil­luar­nerusarlutalu sal­lusuis­sutit Biibilimeersut nalun­ngeriik­kavut nuan­narineruler­tar­pavut. Aam­ma oqaluus­sinermi up­perisat­ta al­latut nas­suiar­nis­saa ilik­kar­tar­par­put. Taamatul­lu atuagas­siaq Vågn op! Pin­ngor­titsisoqar­neranik up­perin­nin­neruler­nis­samut iluaqutigaar­put. Aam­ma up­perisat­ta qanoq il­lersorsin­naanera ilik­kar­tar­par­put. – 1 Petrusi 3:15, 16 atuaruk.

19. Jehovap pilersitai pil­lugit taas­sumun­nga qujamasul­luta qanoq ersersis­sin­naavar­put?

19 Erseq­qip­poq Jehovap siun­nersuutit ilin­niar­titsineril­lu naam­mat­torsuit iluaqutigisavut pilersis­simagai. (Mat­t 5:6) Paasis­sutis­sat Jehovap pilersitai tamaasa atuar­tarlugil­lu iluaqutigiuar­tigit. Taamaalior­ner­put iluaqutigis­savar­put Jehoval­lu pilersitai tamaasa qujamasuutigalugit taas­sumun­nga ersersis­sal­lutigu. – Es 48:17.

^ [1] (im­mik­koor­toq 14) Ilaatigut ukunani: Unge spørger - Svar der duer, atuagaq 1 aam­ma 2 aam­malu al­laaserisat “Unge spørger” inter­netik­kuin­naq saq­qum­mer­tar­tut.