“Il­lit, Jehova Guuter­put, suut tamaasa pin­ngor­tik­kak­kit ... naalan­narsisin­neqar­nerit, ataq­qinarsisin­neqar­nerit pis­saaneqar­neril­lu pis­susis­samisoor­put.” – SAQQ 4:11NW.

ERINARSUUTIT: 2, 49

1, 2. Tamat­ta suna up­peril­luin­nar­tariaqar­par­put? (Al­laaserisap aal­laq­qaataani as­siliaq takuuk).

AL­LAASERISAP matuma siuliani sam­mivar­put Diaavulup Jehova inun­nut naalak­kersuisus­saan­ngin­neraraa. Oqar­poq Jehova naalak­kersuinerlut­tuusoq inuil­lu nam­mineerunik pil­luar­nerus­sasut. Ilumoor­pa? Inuit naalagaqaratik nam­mineer­tut naas­saan­ngitsumil­lu inuusut takorlooruk. Guutimit naalak­kersor­neqar­nermin­nit pil­luar­nerus­sap­pat? Illit Guuti naalagarinagu naas­saangitsumik inuuguit pil­luas­sagaluar­pit?

2 Kialuun­niit apeq­qutinut tamak­kunun­nga il­lit akis­sus­sin­naan­ngilaatit. Tamat­ta im­mik­kut taak­ku eq­qarsaatigeq­qis­saar­tariaqar­pavut. Taamaaliorut­ta erseq­qis­sis­saaq Jehovap naalak­kersueriaasia pitsaaner­paajusoq uum­matik­kul­lu iluun­ngarluni tapersersor­neqar­tus­saasoq. Taman­na up­perisin­naavar­put Biibili tun­ngavigigatsigu. Jehovap qilam­mi nunamilu kisimi naalak­kersuisus­saanera pil­lugu Biibilimi al­las­simasoq misis­soriar­tigu.

 JEHOVAP NAALAKKERSUINERA EQQORTUUVOQ

3. Sooq Jehova kisimi naalak­kersuisus­saava?

3 Jehova Guutiugami ajugaqanngitsoq Pinngortitsisuullunilu taas­suma qilam­mi nunamilu kisimi oqar­tus­saanera eq­qor­tuuvoq. (1 Nal 29:11; ApS 4:24) Takorruugaq Saq­qum­mersitat 4:11-mi al­las­simasoq naaper­torlugu Kristusip naalak­kersueqatai 144.000-t qilam­mi ima oqar­put: “Il­lit, Jehova Guuter­put, suut tamaasa pin­ngor­tik­kak­kit suul­lu tamarmik il­lit piumasak­kut piulerlutil­lu pin­ngor­titaam­mata naalan­narsisin­neqar­nerit, ataq­qinarsisin­neqar­nerit pis­saaneqar­neril­lu pis­susis­samisoor­put.” (NW) Jehova sunik tamanik pin­ngor­titsisuugami qilam­miit­tunut nunamiit­tunul­lu tamanut kisimi naalak­kersuisus­saavoq.

4. Sooq piumasatsitut iliorsin­naaner­put Guutimut pikitsitsisin­naatitaanerun­ngila?

4 Saatani pin­ngor­titaqan­ngilaq. Taamaat­tumik qilam­mi nunamilu naalak­kersuisus­saan­ngilaq. Saatani aap­pariil­lu siul­liit Jehovap kisimi oqar­tus­saaneranut pikitsitsigamik makitasaar­put. (Uss 16:25) Nam­mineq piumasamit­tut iliorsin­naatitaagamik Jehovap naalak­kersuineranik ajattuisinnaatitaappat? Naamik. Piumasamit­tut iliorsin­naatitaagamik imaan­ngilaq Pin­ngor­titsisimin­nut, Jehovamut, pikitsitsisin­naatitaasut. Ul­luin­nar­nili inuunermin­nut tun­ngasutigut nam­min­neq aalajangiisin­naatitaap­put. Erseq­qip­poq Guutimut pikitsitsinermik­kut piumasamit­tut iliorsin­naatitaaner­tik atornerlukkaat. Inuit Jehovap naalak­kersuinera siulersuineralu pisariaqar­tip­paat.

5. Sooq Guutip aalajangiineri naaper­tuil­luar­tuujuaan­nar­pat?

5 Jehovap naalak­kersuisus­saaneranut pis­sutaasoq al­la eq­qarsaatigeriar­tigu. Oqar­tus­saanera tamatigut naapertuilluartuuvoq. Ima oqar­poq: “Uangami, Naalagaq, tas­saavunga nunarsuarmi un­neq­qaris­suusoq, iluar­tuusoq naaper­tuil­luar­tuusorlu.” (Jer 9:23) Jehova eq­qor­tumik aalajangiinis­saminut inuit inatsisaat pisariaqar­tin­ngilai. Suup eq­qor­tuuneranik najoq­qutas­siisuuvoq. Naaper­tuil­luaq­qis­saar­tuunini tun­ngavigalugu inuit inatsisiliuup­pai. Tus­siaasior­toq Jehovamut ima oqar­poq: “Naaper­tuil­luar­neq iluar­nerlu is­siavis­saarsuar­pit tun­ngavigai.” Tas­sa Jehovap inatsisai, najoq­qutas­siai aalajangiinerilu tamarmik eq­qor­tuul­lutil­lu naaper­tuil­luar­tuup­put. (Tuss 89:15; 119:128) Jehovap naalak­kersuinera Saatanip naaper­tuil­luan­ngitsuunerar­paa. Saatanil­li silarsuaq naaper­tuil­luarfiulersis­sin­naan­ngilaa.

6. Jehovap naalak­kersuisus­saaneranut ilaatigut suna pis­sutaava?

6 Jehovap naalak­kersuisus­saaneranut pis­sutaasoq suli al­la tas­saavoq taas­suma pin­ngor­titarsuarmik isumas­suinis­saminut ilisimassuseqarnera. Taman­na erser­poq Er­nerata nakorsat katsorsarsin­naan­ngisaan­nik nap­paateqar­tunik ajorun­naarsitsisin­naaneranit. (Matt 4:23, 24; Mark 5:25-29) Uagut tupin­nar­tuliatut isigisavut Jehovamut tupin­nar­tuliaan­ngil­lat. Inuup timaa pin­ngor­titarigamiuk qanoq ajorun­naarsis­sin­naal­lugu nalun­ngilaa. Aam­ma toqungasut uum­mar­teq­qis­sin­naavai ajunaar­nersuaqar­titsinaveersaarsin­naal­lunilu.

7. Jehova Saatanip silarsuaaniit­tunit tamanit qanoq ilisimas­suseqar­nerua?

 7 Silarsuarmi Saatanimit sun­ner­neqarfiusumi nunani akerleriis­sutaasut aaq­qiis­sutis­sarsior­neqar­tuaraluar­tut iluatsit­toqan­ngilaq. Jehova kisimi silarsuarmi eq­qis­sisitsinis­samut ilisimas­suseqar­poq. (Es 2:3, 4; 54:13) Apustilip Paulusip al­lan­neratut ima misigivugut: “Ilami Guutip pisuus­susiata ilisimas­susiatalu siuneqas­susiatalu itis­susiat! Ilami eq­qar­tuus­sinerisa paasiniar­neq ajor­nas­susii aq­qutaasalu siunersis­saan­ngis­susii!” – Rom 11:33.

JEHOVAP NAALAKKERSUINERA PITSAANERPAAVOQ

8. Jehovap naalak­kersueriaasia qanoq isumaqarfigaajuk?

8 Paaseriik­katsitut Biibilimi erseq­qil­luin­nar­poq Jehovap naalak­kersuinera eq­qor­tuusoq. Aam­ma erser­poq sooq naalak­kersuil­laq­qin­ner­paajusoq. Ilaatigut asannittumik naalakkersuigami. Jehova tas­saasoq “nal­lit­tuisoq saam­maasorlu, kamajaatsoq ilumoor­nermik sal­lusuis­sum­mil­lu peqangaar­toq” eq­qarsaatigigaangatsigu taas­sumun­nga qanil­lisar­pugut. (2 Mos 34:6) Guutip ataq­qin­nit­tumik pisar­paatigut. Uagut im­minut isumaginitsin­nit isumagil­luar­neruaatigut. Diaavulu oqar­poq Jehovap kif­fani ajun­ngitsunik erliguuk­kai, taman­nali sal­luliaavoq. Naas­saan­ngitsumik inuunis­samik neriuuteqaq­qul­luta Guutip al­laat er­ni asasani tun­niup­paa. – Tussiaat 84:12; Romamiut 8:32 atuakkit.

Jehovap im­minut isumaginitsin­nit isumagil­luar­neruaatigut

9. Guutip inut­tut ataasiak­kaatut soqutigigaatigut qanoq nalun­ngilar­put?

9 Jehovap in­nut­tani eqimat­tatut asavai. Aam­mami inuit ataasiakkaat tamaasa soqutigingaarpai. Itsaq pisimasut eq­qarsaatigik­kit. Ukiut 300-t sin­nerlugit Jehovap in­nut­tani eq­qar­tuus­sisunik siulersuisoqar­tip­pai akeraan­nul­lu ajugaatit­tarlugit. Taamaaliuutigaluni Jehovap aam­ma inuit ataasiak­kaat eq­qumaf­figisar­pai. Taak­kua ilagaat ar­naq Ruthimik atilik. Israelik­kuun­ngilaq, Jehovamil­lu pal­lorfigin­nit­tun­ngor­niarluni sor­pas­suit qimat­tariaqar­pai. Uimik er­nermil­lu pil­luaq­quneqar­poq. Aam­mat­taaq Ruthip er­nerata Mis­siarsi kinguaas­sarisus­saavaa. Aam­ma Ruthip oqalut­tuas­sar­taa Jehovap al­latsip­paa Biibilimut ilaalersil­lugu, atuak­kal­lu tamatuma Ruthi ateqaatigaa. Ruthi uum­maq­qik­kuni tamak­kulu tusarunigit qanoq misigis­sasoq takorloorsin­naaviuk? – Ruth 4:13; Matt 1:5, 16.

10. Sooq oqarsin­naavugut Jehova peq­qar­niitsumik naalak­kersuin­ngitsoq?

10 Jehova peq­qar­niitsumik naalak­kersuin­ngilaq. Akerlianil­li taas­sumun­nga naalat­tut kif­faan­ngis­suseqar­tutut misigalutil­lu nuannaarput. (2 Kor 3:17) Daavip Jehova ima al­laatigaa: “Ataq­qinangaas­suseq alutor­nas­suserlu sioraaniip­put, pis­saaneq nuan­naar­nerlu najugaani ip­put.” (1 Nal 16:7, 27) Tus­siaasior­toq Etani ima al­lap­poq: “Pil­luar­put inuiaat ilin­nik nersorin­nil­laq­qis­sut, Naalagaq, inuup­put kiin­navit qaamasuani,  aq­qit qiim­mat­taatigit­tuin­nar­paat iluarsutsik­kul­lu qutsis­sisin­neqarlutik.” – Tuss 89:16, 17.

11. Jehovap kisimi oqar­tus­saanerata pitsaaner­paajunera qanoq up­perinerulersin­naavar­put?

11 Jehovap ajun­ngis­susersua eq­qarsaatigeq­qis­saar­nerujar­tor­til­lugu up­perinerulis­savar­put pitsaaner­paamik naalak­kersuisuusoq. Tus­siaasior­tutut Guutimut ima oqar­tutut misigis­saagut: “Il­lit silarliutin­ni ul­loq ataaseq ajun­ngin­neruvoq tuusintinit uanga nam­mineq qinersimasan­nit.” (Tus­s 84:11) Jehovap ilusilerlutalu pin­ngor­titarigamisigut nalun­ngil­luin­nar­paa suna pil­lualis­sutigis­sagip­put. Tuk­korluni pisariaqar­titavut sin­nerujus­suarlugit tunivaatigut. Jehovap iliuusereq­qusaa sunaluun­niit uagutsin­nut iluaqutaasar­poq. Jehova naalak­kumal­lugu pil­liuteqas­sagaluarut­taluun­niit nuan­naar­ner­paajus­saagut. – Esaja 48:17 atuaruk.

12. Sooq Jehovap kisimi oqar­tus­saanera tapersersor­par­put?

12 Biibilimit paasivar­put Kristusip ukiuni tuusintini naalak­kersuinerata kingor­na Jehovap kisimi oqar­tus­saaneranut pikitsitsisoqas­sasoq. (Saqq 20:7, 8) Sooq taamaalius­sap­pat? Taamanik­kus­samut Diaavulup inuit nam­minis­sarsior­tin­niarsaris­savai. Taamaalior­tuaan­nar­porlu. Im­maqa isumaqar­tin­niarsaris­savai Jehovamut naalan­natik naas­saan­ngitsumik inuusin­naasut. Soorunami taamaat­toqarsin­naan­ngilaq. Im­minut ima aperisariaqar­pugut: ‘Sal­lu taamaat­toq us­ser­nar­torsiorfigis­savar­put?’ Jehova ilumut asagutsigu up­peril­luin­narutsigulu ajun­ngitsuusoq aam­ma qilam­mi nunamilu naalak­kersuisus­saasoq taava sal­lu taamaat­toq akueriuman­ngil­luin­nas­savar­put. Jehova Kisimi Oqar­tus­saasoq asan­nil­luni naalak­kersuisoq kisiat naalak­kersuisorerusup­par­put.

ILUMOORFIGINNILLUTIT GUUTIP KISIMI OQARTUSSAANERA TAPERSERSORUK

13. Guuti ilaaraangatsigu kisimi oqar­tus­saanera qanoq tapersersor­tar­par­put?

13 Paaseriik­katsitut Jehovap naalak­kersuinera eq­qor­tuuvoq naalak­kersueriaasialu pitsaaner­paal­luni. Kisimi oqar­tus­saanerata tapersersor­neqar­nera pis­susis­samisoor­poq. Jehova ilumoorfigigaangatsigu ilaaraangatsigulu tapersersor­tar­par­put. Jehovap kis­saatigisaatut sapin­ngisamik iliuuseqarut­ta ersersis­savar­put asal­lugulu naalak­kersueriaasia tapersersorlutigu. – Efesosimiut 5:1, 2 atuakkit.

14. Utoq­qaaner­tat ilaqutariin­nilu it­tuusut Jehova qanoq ilaarsin­naavaat?

14 Biibilimit paasivar­put Jehovap pis­saanini asan­nit­tumik ator­taraa. Ilaqutariin­ni it­tuusut utoq­qaaner­tal­lu Jehovap kisimi oqar­tus­saaneranik nuan­narin­nit­tut taan­na ilaaramik­ku peq­qar­niitsuunatil­lu naalagarsior­titsineq ajor­put. Apustili Paulusi Guuti er­neralu ilaar­niarlugit ilungersor­poq. (1 Kor 11:1) Al­lanik peq­qusiileqititsineq ajor­poq eq­qor­tulior­titsiniarlunilu pin­ngitsaaliiniar­tar­nani. Aap, eq­qor­tulioq­qul­lugit inus­siar­nerluni kajumissisitsisarpoq. (Rom 12:1; Ef 4:1; Fiil 8-10) * Paulusip taamaalior­nermigut Jehova ilaar­paa. Al­lat asan­nit­tumik  pigaangatsigit Jehovap kisimi oqar­tus­saanera tapersersor­tar­par­put.

15. Jehovap oqar­tus­saas­susiligaasa ataq­qinerisigut taas­suma naalak­kersuinera qanoq tapersersor­par­put?

15 Jehovap naalak­kersuinera aam­ma tapersersor­tar­par­put taas­suma oqar­tus­saas­susiligaasa ataq­qinerisigut suleqatiginerisigul­lu. Taak­kua aalajangiinerat paasil­luan­ngik­kaluarlugu isumaqatigin­ngik­kaluarluguluun­niit taak­ku tapersersor­tar­pavut. Taman­na silarsuarmi periaaserineqar­tumit al­laanerul­luin­naraluar­poq, Jehovali naalak­kersuisorigatsigu taamatut tapersersuivugut. (Ef 5:22, 23; 6:1-3; Hebr 13:17) Taamaaliorut­talu pil­luarsin­naavugut Guutim­mi pitsaaner­paamik kis­saap­paatigut.

16. Aalajangiinivut Guutip kisimi oqar­tus­saaneranik tapersersuinitsin­nik qanoq ersersitsisin­naap­pat?

16 Aam­ma aalajangiisar­nitsin­nit erser­poq Guutip kisimi oqar­tus­saaneranik tapersersuinersugut. Jehova inuunitsin­ni sunut tamanut im­mik­kut peq­qus­suteqan­ngilaq, ilisimatip­paatigul­li qanoq eq­qarsar­taaseqar­nerluni. Taman­na qanoq ilior­niarluta aalajangiinis­satsin­nut iluaqutigaar­put. As­sersuutigalugu Jehova kristumiut qanoq it­tunik atisaqas­sanersut peq­qus­suter­pas­sualior­nani nas­suiaavoq ‘perroor­niutaan­ngitsunik’ taas­sumin­ngalu Nalunaajaasunut naleq­qut­tunik atisaqas­sasugut. (1 Tim 2:9, 10) Aalajangiinivut al­lanut qanoq sun­niuteqas­sasut eq­qarsaatigis­sagip­put kis­saatigaa.  (1 Kor 10:31-33) Jehovap eq­qarsar­taasianut naaper­tuut­tumik aalajangiigaangat­ta taan­na asal­lugu ersersit­tar­par­put naalak­kersueriaasialu tapersersorlutigu.

Aalajangiisar­ninni aap­pan­nullu ilumoor­figinni­nninni erser­siguk Guutip kisimi oqar­tussaa­nera taper­sersor­lugu (Im­mikkoor­tut 16-18 takukkit)

17, 18. Aap­pariit Jehovap kisimi oqar­tus­saanera qanoq tapersersorsin­naavaat?

17 Aap­pariit kristumiut Jehovap kisimi oqar­tus­saaneranik tapersersueriaaserisin­naasaasa ilaat eq­qarsaatigiuk. Aap­pariit im­maqa misigip­put takorluuk­kamit­tut ingerlanatik. Aam­ma ajor­nar­torsiorujus­suarsin­naap­put. Taamaap­pat Jehovap itsaq inuian­nik Israelik­kun­nik qanoq pin­nit­tar­neranik eq­qarsaatigin­nin­neq iluaqutigisin­naavaat. Jehova in­nut­taminut uiusutul­lusooq im­minut al­laatigaaq. (Es 54:5; 62:4) Inuiaat taak­ku Jehova arlaleriarujus­suarlutik pakatsisit­tar­paat. Aap­pariin­nerlior­tutut ip­put. Jehoval­li Israelik­kut im­miniipal­laan­nan­ngilai. Isumak­keerfigeqat­taar­pai taak­kunun­ngalu neriorsuutini eq­quutitit­tuarlugit. – Tussiaat 106:43-45 atuakkit.

18 Aap­pariit kristumiut Jehovamik asan­nit­tut taan­na ilaar­niar­tar­paat. Aap­pariin­nerlioraluaraangamik Biibilimut naaper­tuutin­ngitsumik avis­sutis­sarsior­neq ajor­put. Nalun­ngilaat Jehovap katin­nermi neriorsueqatigiin­neq pimoorus­sas­satut isigigaa piumasarigaalu uisoq nuliaasorlu aap­pariit­tuas­sasut. Biibili naaper­torlugu kinguaas­siuutitigut as­suar­nar­tulior­neq avis­sutis­satuaavoq aap­paneq­qin­nis­samul­lu periarfis­saqar­titsisoq. (Matt 19:5, 6, 9) Kristumiut sapin­ngisamin­nik aap­pariin­ner­tik ingerlal­luar­tin­niarunik­ku Jehovap kisimi oqar­tus­saanera tapersersus­savaat.

19. Kuk­kus­suteqaraangat­ta susas­saagut?

19 Tamat­ta naam­mal­luin­nan­ngitsuuvugut ilaan­nik­kul­lu Jehova pakatsisit­tarlutigu. Taman­na Jehovap nalun­ngilaa, taamaat­tumil­lu Kristusi uter­titsis­sutitut pil­liutigaa. Kuk­kus­suteqaraangat­ta isumak­keerfigeq­qul­luta Jehova qin­nuigisariaqar­par­put. (1 Joh 2:1, 2) Kuk­kus­suter­put ajus­sutigiin­nar­nagu ilin­niarfiginiar­tariaqar­par­put. Jehova uagutsin­nik isumak­keerfigin­nit­tar­toq ingerlal­luaq­qileq­qul­lutalu kif­far­torfigiuaq­qul­lunilu ikiuisar­toq qanimut at­taveqarfigiuarumavar­put. – Tuss 103:3.

20. Sooq Jehovap kisimi oqar­tus­saanera maan­na tapersersus­savar­put?

20 Silarsuar­taas­sami kik­kut tamarmik Jehova naalak­kersuisoris­savaat aq­qutigeq­qusaalu naaper­tuil­luar­tut ilin­niarlugit. (Es 11:9) Taas­sumali eq­qarsar­taasia qanorlu ilior­nis­sar­put kis­saatigigaa pil­lugit maan­nangaaq ilik­kagaqangaarsin­naavugut. Qanit­tuk­kut Guutip naalak­kersuinerata eq­qor­tuunera apeq­quser­neqaq­qin­ngisaan­nas­saaq. Taamaat­tumik Jehovap naalan­neratigut, aalajaal­luta kif­far­torfigineratigut aam­ma sutigut tamatigut ilaar­neratigut kisimi oqar­tus­saanera maan­na sapin­ngisatsin­nik tapersersor­tigu.

^ par. 14 Oqaaseq grækerisooq Biibilimi kalaal­lisuumi ‘oqaaq­qis­saarinermik’ nutser­neqar­tar­toq ‘kajumis­saarinermik’, ‘qiim­mas­saanermik’ imaluun­niit ‘qin­nuigin­nin­nermik’ isumaqar­poq.