Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik – Atuaqqissaarutissaq  |  Juuli 2017

‘Qiasut qiaqatigisigit’

‘Qiasut qiaqatigisigit’

“Tup­pal­lersaqatigiigitsi ineriar­tor­teqatigiigitsilu.” – 1 TH 5:11.

ERINARSUUTIT: 121, 28

1, 2. Sooq aliasut­tut qanoq tup­pal­lersar­neqar­nis­saat sam­misariaqar­par­put? (Al­laaserisap aal­laq­qaataani as­seq takuuk).

“ER­NIT­TA toqunera ukiumi ataasingajam­mi anigugas­saar­pasin­ngitsumik ar­torsangaarluta aliasuutigaar­put,” Susi oqar­poq. Kristumiu al­la oqar­poq nuliani tas­san­ngaan­naq toqum­mat “timik­kut an­niar­nini oqaaser­tas­saqar­tin­nagu”. Ajoraluar­tumik inup­pas­suit taak­kunatut an­niaateqar­tar­put. Ul­lumik­kut ilagiin­ni kristumiuni qatan­nguter­pas­suit angutit ar­nal­lu isumaqarsimagaluar­put Harmagedonip tungaanut asasatik inooqatigiuas­sal­lugit. Im­maqa il­lit asasamik toquk­kut an­naasaqarsimavutit, im­maqaluun­niit aliasut­tunik nalun­ngisaqar­putit. Taamaap­pat ima eq­qarsarsimas­saatit: ‘Aliasut­toq qanoq tup­pal­lersaatis­sarsisin­naava?’

2 Oqar­toqar­tar­poq ul­lut ingerlanerata ikit tamaasa mamitit­tarai. Taamaat­tuaan­nar­pali? Uil­lar­neq ima oqar­poq: “Eq­qor­nerusoraara oqaraan­ni ul­lut ingerlaneran­ni suliarisar­tak­kat ikinik mamititsisar­tut.” Timik­kut iki ingerlaan­naq mamin­neq ajor­poq mamitsin­niarlugulu  iliuuseqarfigineqar­tariaqarluni. Taamatul­li aliasut­toq misigis­sutsik­kut an­niaateqarun­naas­saguni pif­fis­saqar­tin­neqarlunilu isumas­sor­neqar­tariaqar­poq. Taamatut misigisut qanor­piaq ikior­neqarsin­naap­pat?

JEHOVA ‘GUUTIUVOQ TUPPALLERSAAJUARTOQ’

3, 4. Sooq up­perisin­naavar­put Jehovap aliasun­ner­put paasisin­naagaa?

3 Ataatar­put Jehova nal­lit­tuisoq pisariaqar­titatsin­nik tup­pal­lersaasiginer­paavar­put. (2 Korinthimiut 1:3, 4 atuakkit). Misigin­neqataaner­paajuvoq, in­nut­tanilu ima neriorsor­pai: “Uanga tup­pal­lersaasigaas­singa.” – Es 51:12; Tuss 119:50, 52, 76.

Jehovap ul­loq angutit aalajaatsut makitif­fis­saat qilanaaringaar­paa

4 Aam­ma Ataatat­ta asan­nit­tup asasami ilaat, soorlu kif­fani Aaperaat, Iisaaq, Jaaku, Mosesi kun­ngilu Daavi, toquk­kut an­naavai. (4 Mos 12:6-8; Matt 22:31, 32; ApS 13:22) Jehovap ‘as­sami piliaat kipitsavigigamiuk’ ul­loq angutit taak­kua aalajaatsut makitif­fis­saat qilanaaringaar­paa. (Job 14:14, 15, NW) Taamanik­kus­samut taak­kua pil­luarlutil­lu peq­qil­luin­nas­sap­put. Jehovap aam­ma er­nituani toquk­kut an­naavaa. Biibilimi al­las­simavoq Jiisusi tas­saasoq Guutip asasaa. (Matt 3:17) Jehovap er­nermi naal­liungaarluni toquneranik isigin­nit­tuunini qanoq aliasuutigitigineraa takorloorsin­naan­ngilar­put. – Joh 5:20; 10:17.

5, 6. Jehovap qanoq tup­pal­lersar­tar­paatigut?

5 Jehovap ikius­sagaatigut up­peril­luin­narsin­naavar­put. Taamaat­tumik kisin­nata erloqis­sutivut aliasuutivul­lu qinunik­kut taas­sumun­nga oqaatigiuar­tariaqar­pavut. Jehovap misigis­sutsivut paasigai pisariaqar­titatsin­nil­lu tup­pal­lersar­taraatigut nalunagu tup­pal­ler­naqaaq! Qanorli tup­pal­lersar­tar­paatigut?

6 Ilaatigut ‘anersaap il­ler­nar­tup tup­pal­lersaaneratigut’ Jehovap ikior­tar­paatigut. (ApS 9:31, NW) Jiisusi neriorsuivoq Ataatat­ta tup­pal­lersaq­qul­lutik qinusut tamaasa anersaaminik il­ler­nar­tumik as­seqan­ngitsumik tuniumaarai. (Luk 11:13) Susi eq­qaaneqareersoq ima oqar­poq: “Qas­seeriarujus­suarluta aqul­laagin­narluta Jehova kimigiiserfigisar­par­put tup­pal­lersaq­qul­luta. Tamatigorluin­narlu eq­qis­sinerup Guutimit pisup uum­mater­put eq­qarsaativul­lu ser­nigisar­pai.” – Filippimiut 4:6, 7 atuakkit.

JIISUSIP MISIGISSUTSIVUT PAASISARPAI

7, 8. Sooq up­perisin­naavar­put Jiisusip tup­pal­lersas­sagaatigut?

7 Jiisusi nunamiik­kal­larami oqaluk­kaangami iliuuseqaraangamilu Ataatami pis­susii nuan­nersut ilaaq­qis­saar­tar­pai. (Joh 5:19) Jehovap Jiisusi aal­lar­tip­paa “aliasut­tut tamaasa” ‘aserorsimasumil­lu uum­matil­lit’ tup­pal­lersaq­qul­lugit. (Es 61:1, 2; Luk 4:17-21) Inuit  nalun­ngilaat naal­liun­ner­tik Jiisusip paasil­lugulu ikiorusuk­kaatik. – Hebr 2:17.

8 Jiisusip inuusut­tuul­luni qanimut ikin­ngutigisaasa ilaqutaasalu ilaat toqusimas­sap­put. As­sersuutigalugu ataatas­siaa Josefi Jiisusi suli inuusut­tuusoq toqusimagunar­poq. * Takorlooruk inuusut­tup isumas­suiumatuup nam­mineq aliasun­nini aam­ma anaanami qatan­ngutimilu aliasun­nerat naam­magalugu ator­niarsarigaa.

9. Lazarusi toqum­mat Jiisusip misigin­neqatigin­nin­nini qanoq ersersip­paa?

9 Jiisusip kif­far­tor­nermini ersersit­tar­paa inuit paasil­luarlugil­lu misigin­neqatigigini. As­sersuutigalugu qanimut ikin­ngutini Lazarusi toqum­mat Mariap Mar­thal­lu aliasungaar­nerat nam­mineq misigaa. Misigin­neqatigingaaramigit qiavoq nalun­ngik­kaluarlugu Lazarusi toqusunit makitit­tus­saal­lugu. – Joh 11:33-36.

10. Ul­lumik­kut qanoq misiginersugut Jiisusip paasigaa qanoq nalun­ngilar­put?

10 Jiisusip itsaq tup­pal­lersaasar­nera ul­lumik­kut qanoq iluaqutigisin­naavar­put? Jiisusi al­lan­ngorsiman­ngitsoq Biibilimi ima erseq­qis­sar­neqar­poq: “Jiisusi-Kristusi ip­pas­sarlu ul­lumilu naas­saan­ngitsumil­lu taan­naavoq.” (Hebr 13:8) Naas­saan­ngitsumik inuunis­samik periarfis­sim­matigut ‘inuunerup naalagaaneratut’ taaneqar­poq. Aam­ma Jiisusi nam­mineq aliasuuteqarsimavoq, ‘naal­liutsitaagamilu us­ser­neqar­tut ikiorsin­naavai’. (ApS 3:15; Hebr 2:10, 18) Taamaat­tumik up­perisin­naavar­put al­lat naal­liuutaan­nit Jiisusi suli at­tor­tit­tar­toq. Aliasut­tunik paasin­nit­tuuvoq, ‘pif­fis­sarlu eq­qorlugu’ tup­pal­lersarsin­naavai. – Hebræerit 4:15, 16 atuakkit.

‘ALLAKKAT TUPPALLERSAATIGAAVUT’

11. Al­las­simaf­fiit sorliit tup­pal­lersaatigingaar­pigit?

11 Jiisusip Lazarusip toquneranik aliasuutigin­nin­neranik oqalut­tuaq tup­pal­ler­naqaaq, Guutil­lu oqaasiani tup­pal­ler­nar­tunik al­lar­pas­suar­nik al­las­simaf­feqar­poq. Taman­na tupaal­laatigin­ngilar­put, “sior­natigum­mi al­lagaasut tamarmik al­las­simap­put uatsin­nut ilin­niutis­saal­lutik, nikal­lujuil­luta Al­lak­kal­lu tunis­sutaat tup­pal­lersaatigalugit neriuuter­put aalajangius­sin­naaq­qul­lugu”. (Rom 15:4) Il­lit aliasuuteqaruit al­las­simaf­fiit ilaatigut uku eq­qis­sial­laatigalugit tup­pal­lersaatigisin­naavatit:

  • “Naalak­kap qanip­pai sequmis­simasumik uum­matil­lit, an­naat­tar­pai aseror­tersimasumik anersaal­lit.” – Tuss 34:19, 20.

  • “Eq­qarsaatima eq­qis­siviil­lior­tileraangan­nga tup­pal­lersaaner­pit nuan­naalersit­tar­paanga.” – Tuss 94:19.

  • “Naalak­kat­ta Jiisusi-Kristusip Guutil­lu Ataatat­ta uatsin­nik asan­nit­tup saam­maan­nerminil­lu  tup­pal­lersaatis­samik soraajuitsumik neriun­nermil­lu ajun­ngitsumik uatsin­nut tun­nius­sisup uum­matisi tup­pal­lersarligit nakus­satsil­lusilu.” – 2 Th 2:16, 17. *

ILAGIIT TUPPALLERSAASIGINGAARPAVUT

12. Al­lat qanoq tup­pal­lersarsin­naavavut?

12 Aliasut­tut aam­ma ilagiin­ni kristumiuni tup­pal­lersaatis­sarsisin­naap­put. (1 Thessalonikamiut 5:11 atuaruk). ‘Nikal­lungasut’ qanoq nakus­satsil­lugil­lu tup­pal­lersarsin­naavigit? (Uss 17:22) Eq­qaamajuk ‘nipangersimaf­fis­saqar­toq oqaluf­fis­saqarlunilu’. (Oqal 3:7) Dalene uil­lar­nerusoq nas­suiaavoq aliasut­tut eq­qarsaatimin­nik misigis­sutsimin­nil­lu oqaatigin­nin­nis­samin­nik pisariaqar­titsisut. Taamaat­tumik iliuuserisin­naasat pingaar­ner­paaq tas­saavoq tusar­naarluaq­qis­saar­neq. Junia im­minoorsimasumik qatan­ngutilik ima oqar­poq: “Aliasut­tut paasil­luan­ngik­kaluarlugit pingaar­ner­paavoq taak­kua misigis­susiinik paasin­nin­nis­san­nik kissaateqarnerit.”

13. Aliasun­neq pil­lugu suna eq­qaamasariaqar­par­put?

13 Eq­qaamasariaqar­par­put misigis­sutsivut aliasun­ner­pul­lu as­sigiim­mik ersersit­tan­ngik­kip­put. Ilaan­nik­kut qanor­piaq misiginerluta nas­suiarsin­naaneq ajor­par­put. Guutip oqaasiani ima al­las­simavoq: “Uum­matip narrutsaatigisani nam­mineq ilisimasar­paa, nuan­naar­nerani al­lat akuliun­neq ajor­put.” (Uss 14:10) Aam­ma al­lat qanoq misiginerlutik oqalut­tuaraluaraangata sunar­piaq oqaatiginiar­neraat paasiuminar­tuaan­nan­ngilaq.

Amerlaner­tigut iliuuserisin­naasat tup­pal­ler­nar­ner­paaq tas­saasar­poq ‘qiasunik qiaqateqar­neq’

14. Aliasut­tut tup­pal­lersar­niarlugit qanoq oqarsin­naavugut?

14 Aliasut­tut qanoq oqarfigis­sanerlugit nalunarsin­naavoq. Biibilimili al­las­simavoq ‘ilisimasup oqaa katsorsaataasar­toq’. (Uss 12:18) Amerlasuut paasisimavaat qup­persagaq Asasamik toqusoqaraangat iluaqutigalugu qanoq tup­pal­lersaasin­naal­lutik. Amerlaner­tigul­li iliuuserisin­naasat tup­pal­ler­nar­ner­paaq tas­saasar­poq ‘qiasunik qiaqateqar­neq’. (Rom 12:15) Gaby uil­lar­neq oqar­poq ilaan­nik­kut misigis­sutsiminik ersersitseriaaserisin­naasatuarisarlugu qianeq. Imalu nangip­poq: “Taamaat­tumik ikin­ngutit qiaqatigigaangan­nga tup­pal­ler­tar­punga. Pif­fis­sami tamatumani aliasun­nin­ni kisimiip­pal­laar­nanga misigisar­punga.”

15. Aliasut­toq or­nil­lugu tup­pal­lersaanis­saq saper­nar­tik­kutsigu qanoq tup­pal­lersaasin­naavugut? (Ungalusaq “ Oqaatsit eq­qis­sial­lan­narlutil­lu tup­pal­ler­nar­tut” takuuk).

15 Or­nigul­lutit tup­pal­ler­nar­tumik oqaasis­saaleqis­sangaguit e-mailik­kut, sms-ik­kut al­lak­katigul­luun­niit al­laf­figisin­naavat.  Al­las­simaf­fik tup­pal­ler­nar­toq is­suarsin­naavat, inuup toqusup pis­susia puiunaatsitat al­laatigisin­naavat pisimasorluun­niit nuan­nersoq pingaar­titat eq­qaasin­naavat. Junia ima oqar­poq: “Qiim­maal­laatigisan­nik al­laf­figitin­neq kristumioqatinil­luun­niit qaaq­quneqar­neq iluaqutaangaar­poq. Taamaalioraangamik asaneqar­tutut isumas­sor­neqar­tutul­lu misigitit­tar­paan­nga.”

16. Tup­pal­lersaariaaseq suna sun­niuteqarluar­tar­pa?

16 Qin­nutivut qatan­ngutit­ta aliasut­tut tup­pal­lersaatigisin­naavaat. Qin­nus­sin­naavavut qinoqatigalugil­luun­niit. Qialis­sagaluaruil­luun­niit qaman­nga pisumik qinunerit tup­pal­ler­nangaarsin­naavoq. Dalene ima eq­qaamasaqar­poq: “Ilaan­nik­kut qatan­ngutit ar­nat tup­pal­lersar­niarlunga pulaaraangan­nga qin­nuigisar­pak­ka qinoqatigeq­qul­lunga. Aal­laq­qaam­mut oqaasis­saaleqisar­put, tamatigul­li oqaaseqatigiit arlaqan­ngitsun­nguit oqaatigereerlugit nip­paaris­sil­lutik kil­litsin­nar­ner­paamik qinusar­put. Up­perluar­tuunerat, asan­nin­nerat isumas­suineral­lu up­per­nik­kut nakus­satsin­nangaar­tar­put.”

TUPPALLERSAAJUARIT

17-19. Sooq tup­pal­lersaajuas­saagut?

17 Aliasut­toq qanor­piaq sivisutigisumik aliasus­sanersoq ilisimaneqarsin­naan­ngilaq. Asasamik an­naasaqar­toqaraangat ikin­nguter­pas­suit ilaqutar­pas­suil­lu aal­laq­qaam­mut tup­pal­lersaajuar­tar­put. Tup­pal­lersaasar­tunul­li ul­luin­nan­ngoraangat aliasut­tut suli  tup­pal­lersar­neqar­nis­sar­tik pisariaqar­tit­tar­paat. Taamaat­tumik ikiueriaan­naasarit. “Ikin­ngutaasup asan­nis­sutsi tamatigut takutit­tar­paa, qatan­ngutaasorlu er­niusimavoq an­nikil­lior­nermi ikior­tis­saal­luni.” (Uss 17:17) Aliasut­tut toquk­kut an­naasaqar­nermik naam­magalugu atuler­nis­saata tungaanut tup­pal­lersar­neqar­tariaqar­put. – 1 Thessalonikamiut 3:7 atuaruk.

18 Eq­qaamajuk an­naasaqarsimasoq qaquguk­kul­luun­niit sapileriaan­naasin­naasoq. Ilaatigut pis­sutigisin­naavaa ul­loq nal­lius­sif­fiusar­toq, nipilersuut, as­seq, sam­misar­tagaq al­laal­luun­niit naamasaq, nipi ukiul­luun­niit qanoq ilinera aalajangersimasoq. Uil­lar­nerup nuleer­nerul­luun­niit kisimiil­luni iliuuseqaq­qaaler­nini, soorlu ataatsimeersuar­nermut eq­qaaniaanermul­luun­niit peqataaq­qaaler­nini, an­niaatigingaarsin­naavaa. Qatan­ngut angut ima oqalut­tuar­poq: “Nuliama toqunerata kingor­na ul­loq katif­fip­put nal­liuteq­qaalermat ar­torsangaar­nis­sara ilimagaara, oqitsuin­naasiman­ngilarlumi. Kisimiin­ngin­nias­sagamali qatan­ngutit ikit­tun­nguit ikin­ngutiginer­paasan­nik najor­teqar­nis­sara pilersaarusiorsimavaat.”

19 Eq­qaamajuk aliasut­tut pif­fis­sami aalajangersimasuin­naan­ngitsumi qiim­mas­sar­neqar­tariaqar­nerat. Junia ima nas­suiaavoq: “Aalajangersimasumik pis­sutis­saqan­ngik­kaluarluni ikior­neqar­neq najor­teqar­nerlu iluaqutaaner­paasin­naap­put. Alak­kaatipal­lalaar­tut pingaar­tin­narlutil­lu tup­pal­ler­nangaar­tar­put.” Ilumoor­poq aliasuk­kun­naavitsis­sin­naanagil­lu kiserliorun­naavitsis­sin­naan­ngik­kivut, arlaatigul­li ikior­nerisigut tup­pal­lersarsin­naavavut. (1 Joh 3:18) Gaby ima oqar­poq: “Jehova qujamasuf­figeqaara utoq­qaaner­tat asan­nit­tut ar­torsar­nin­ni tamani an­ner­toq­qusersuiuar­tut pil­lugit. Jehovamit pak­kusimaneqavit­tutut misigitit­tar­paan­nga.”

20. Sooq Jehovap neriorsuutai tup­pal­ler­nangaar­pat?

20 Jehovap, Guutip tup­pal­lersaajuar­tup, toqusut makititaaf­fis­saan­ni aliasuk­kun­naarsitsivin­nis­saa nalunagu tup­pal­ler­naqaaq. (Joh 5:28, 29) Guuti neriorsuivoq ‘toqu nungutin­neqas­sasoq piujun­naarsivil­lugu’. Jehoval­lu “isit tamaasa qul­lingiarumaar­pai”. (Es 25:8) Taava nunamiit­tut tamarmik ‘qiasut qiaqatigiun­naarlugit nuan­naar­tut nuan­naaqatigis­savaat’. – Rom 12:15.

^ par. 8 Biibilimi erser­poq Jiisusi aq­qaneq-marlun­nik ukioqar­toq Josefi suli inuusoq. Jiisusili tupin­nar­tulioq­qaarmat, imeq viin­nin­ngor­tim­magu, tamatumaluun­niit kingor­na Josefi eq­qaaneqan­ngilaq. Imaas­sin­naavoq tamatuma nalaani Josefi toqoreersimasoq. Aam­ma Jiisusip nap­pak­kami an­niar­titaaf­fim­mi nivingal­luni apustili Johan­nesi anaanaminik isumagin­neq­qul­lugu qin­nuigaa, Josefi suli inuusimagaluar­pat taamaaliorsimas­san­ngik­kaluar­poq. – Joh 19:26, 27.